തടസങ്ങളൊന്നും കാണുന്നില്ല : Deepika.com Tax News

Services & Questions

തടസങ്ങളൊന്നും കാണുന്നില്ല

3-2-1989ൽ ഹൈസ്കൂളിൽ ജോലിയിൽ പ്രവേശിച്ചു. 30-6-2000ൽ അവിടെനിന്നും മറ്റൊരു ഹൈസ്കൂളിൽ 1-7-2000 മുതൽ 10-12-2013 വരെ പ്യൂണ്‍ പോസ്റ്റിൽ ജോലി ചെയ്തതിനുശേഷം മറ്റൊരു ഗേൾസ് ഹൈസ്കൂളിൽ എന്നെ ക്ലർക്ക് പോസ്റ്റിലേക്ക് പ്രമോഷൻ ലഭിച്ചു. 11-12-2013 മുതൽ 31-12-2014 വരെ അവിടെ ക്ലർക്കായി ജോലി ചെയ്തുവരുന്നു. മറ്റൊരാൾ ലീവ് എടുത്ത് പിരിഞ്ഞുപോയ ഒഴിവിലാണ് എനിക്ക് നിയമനം ലഭിച്ചത്. 1-1-15 മുതൽ മറ്റൊരു എച്ച്എസിലേക്ക് ക്ലർക്ക് പോസ്റ്റിൽ എനിക്ക് നിയമനം ലഭിച്ചു. അതിനുശേഷം കോട്ടയം ഡിഇഒ ഓഫീസിൽനിന്നും 11-12-2013 മുതൽ 31-12-2014 വരെയുള്ള എന്‍റെ നിയമനം രണ്ട് തവണ നിരസിച്ചു. കോട്ടയം ഡിഡി ഓഫീസിൽ എന്‍റെ നിയമനം സബ്മിറ്റ് ചെയ്തെങ്കിലും അവിടെ നിന്നും നിയമനം നിരസിച്ചു. ഇപ്പോൾ ഡിപിഐ ഓഫീസിലേക്ക് അയച്ചിരിക്കുകയാണ്. എനിക്ക് പുതിയ ശന്പളം എടുക്കുന്നതിന് സാധിക്കുന്നില്ല. 1-1-2015 മുതലുള്ള നിയമനം അംഗീകരിച്ചിട്ടുണ്ട്. ഞാൻ ഇപ്പോൾ ലോവർ സ്കെയിൽ ആണ് വാങ്ങിക്കുന്നത്. ഇനി എന്താണ് ചെയ്യേണ്ടത്?
ജോസഫ് കെ.റ്റി, കോട്ടയം

11-12-2013 മുതൽ 31-12-2014 വരെയുള്ള കാലയളവിലെ ക്ലർക്ക് പോസ്റ്റിലേക്കുള്ള നിയമനം അംഗീകരിക്കേണ്ടതാണ്. 1-1-2015 മുതലുള്ള നിയമനം ഡിഇഒ അംഗീകരിച്ചതിനാൽ അന്നു മുതലുള്ള ക്ലർക്കിന്‍റെ ശന്പളം Pre-revised Scale-ൽ (9940-16,580) വാങ്ങുന്നതിന് തടസമില്ല. ഡിപിഐയിൽനിന്ന് വ്യക്തമായ മറുപടി ലഭിക്കുന്ന മുറയ്ക്ക് ശന്പളപരിഷ്കരണം നടപ്പാക്കുവാൻ സാധിക്കും. ഇപ്പോൾ ഉണ്ടായിട്ടുള്ള തടസങ്ങൾ ഒന്നുംതന്നെ പെൻഷനെ ബാധിക്കുന്നതല്ല. താങ്കളുടെ നിയമനത്തിന് മറ്റു തടസങ്ങളൊന്നും തന്നെ കാണുന്നില്ല.