പാർട്ട്ടൈം പെൻഷൻ ലഭിക്കാൻ പത്തുവർഷത്തെ സർവീസ് വേണം : Deepika.com Tax News

Services & Questions

പാർട്ട്ടൈം പെൻഷൻ ലഭിക്കാൻ പത്തുവർഷത്തെ സർവീസ് വേണം

എയ്ഡഡ് സിംഗിൾ മാനേജ്മെന്‍റ് സ്കൂളിൽ പാർട്ട്ടൈം അധ്യാപികയായി ജോലിചെയ്തു. ആദ്യത്തെ നിയമനത്തിനുശേഷം മറ്റൊരു അധ്യാപികയെ എന്‍റെ പോസ്റ്റിൽ നിയമനം നടത്തുകയും ഞാൻ സർവീസിന് പുറത്താകുകയും ചെയ്തു. എനിക്ക് 51 എ ക്ലെയിം ഉള്ളപ്പോൾ തന്നെയാണ് മാനേജ്മെന്‍റിന് താത്പര്യമുള്ള മറ്റൊരാളെ നിയമിച്ചത്. ഞാൻ കോടതിയിൽ റിട്ട് ഫയൽ ചെയ്തതിന്‍റെ ഫലമായി എന്നെ വീണ്ടും ആ സ്കൂളിൽ പാർട്ട്ടൈം ഹിന്ദി അധ്യാപികയായി നിയമിച്ചു. എട്ടു വർഷത്തെ സർവീസിനുശേഷം വിരമിച്ചു. എനിക്ക് യാതൊരുവിധ പെൻഷൻ ആനുകൂല്യങ്ങളും ലഭിച്ചില്ല. എനിക്ക് എക്സ്ഗ്രേഷ്യ പെൻഷൻ എങ്കിലും ലഭിക്കേണ്ടതല്ലേ?
റോസമ്മ തോമസ്, തിരുവല്ല

താങ്കൾ പാർട്ട്ടൈം ഹിന്ദി അധ്യാപിക ആയാണ് ജോലിചെയ്തത്. പാർട്ട്ടൈം പെൻഷൻ ലഭിക്കണമെങ്കിൽ കുറഞ്ഞത് പത്തുവർഷം സർവീസ് എങ്കിലും ആവശ്യമാണ്. ഒന്പ തു വർഷത്തിലധികം സർവീസുണ്ടായിരുന്നുവെങ്കിൽ പാർട്ട്ടൈം പെൻഷന് അപേക്ഷിക്കാമായിരുന്നു. പത്തു വർഷത്തിൽ താഴെ സർവീസുള്ള ഫുൾടൈം സർവീസുള്ളവർക്കേ എക്സ്ഗ്രേഷ്യ പെൻഷൻ അനുവദിക്കാൻ സാധിക്കുകയുള്ളൂ.

സർവീസിലുണ്ടായിരുന്ന സാന്പത്തിക ബുദ്ധിമുട്ടനുഭവിക്കുന്നവർക്ക് സർക്കാരിന്‍റെ പ്രത്യേക ഉത്തരവുണ്ടെങ്കിലേ പെൻഷൻ അനുവദിക്കാൻ സാധിക്കുകയുള്ളൂ, അതിനാൽ മനുഷ്യാവകാശ കമ്മീഷൻ, സർവീസ് ട്രൈബ്യൂണൽ എന്നിവയുമായി ബന്ധപ്പെടാൻ ശ്രമിക്കുക.