സാന്പത്തിക നഷ്‌‌ടം വരില്ല : Deepika.com Tax News

Services & Questions

സാന്പത്തിക നഷ്‌‌ടം വരില്ല

റവന്യൂ വകുപ്പിൽ എട്ടു വർഷമായി ജോലിചെയ്യുന്നു. ചില സാങ്കേതിക കാരണങ്ങളാൽ വകുപ്പുതല പരീക്ഷ പാസാകാൻ താമസിച്ചതിനാൽ എന്‍റെ പ്രൊബേഷൻ ഡിക്ലയർ ചെയ്യുന്നതിൽ താമസം നേരിട്ടു. അതിനാൽ എന്‍റെ ജൂണിയറായ ഏതാനും ജീവനക്കാർക്ക് സീനിയർ ക്ലർക്കായി പ്രമോഷൻ ലഭിച്ചു. 2017 ജനുവരിയിൽ എട്ടുവർഷം പൂർത്തിയായ എനിക്ക് ഒന്നാമത്തെ ഹയർഗ്രേഡിന് അർഹതയായിട്ടുണ്ട്. എന്നാൽ ഉടൻ തന്നെ സീനിയർ ക്ലർക്കായി പ്രമോഷൻ ലഭിക്കാൻ സാധ്യതയുള്ളതായി അറിയാൻ കഴിഞ്ഞു. ഇപ്പോൾ ഹയർ ഗ്രേഡ് വാങ്ങിയാൽ പ്രമോഷൻ ലഭിക്കുന്പോൾ എനിക്ക് എന്തെങ്കിലും നഷ്ടം ഉണ്ടാകുമോ?
സുബി ജോസഫ്, തൊടുപുഴ

പ്രമോഷൻ ലഭിക്കാൻ താമസം നേരിടുന്പോഴാണ് ഹയർഗ്രേഡ് വാങ്ങുന്നത്. എട്ടു വർഷത്തിനുള്ളിൽ ഒന്നാമത്തെ പ്രമോഷൻ ലഭിക്കുന്നില്ലെങ്കിൽ ഒന്നാമത്തെ സമയബന്ധിത ഹയർഗ്രേഡ് വാങ്ങാം. ടെസ്റ്റ് യോഗ്യതയുള്ളവരുടെ ഒന്നാമത്തെ ഹയർഗ്രേഡിന്‍റെ ശന്പള സ്കെയിലും സീനിയർ ക്ലർക്കിന്‍റെ ശന്പള സ്കെയിലും ഒന്നുതന്നെ ആയതുകൊണ്ട് മറ്റു നഷ്ടങ്ങൾ ഒന്നും തന്നെ ഉണ്ടാകുന്നില്ല. ഹയർഗ്രേഡ് വാങ്ങിയാലും പ്രമോഷൻ ലഭിക്കും. അപ്പോൾ രണ്ടിന്‍റേയും ശന്പള സ്കെയിൽ ഒന്നുതന്നെ ആയതുകൊണ്ട് ഫിക്സേഷനോ മറ്റ് സാന്പത്തിക ആനുകൂല്യങ്ങളോ ഇല്ല എന്നു മാത്രമേയുള്ളൂ. ഇൻക്രിമെന്‍റ് തീയതിക്ക് മാറ്റം സംഭവിക്കില്ല.