ഇൻക്രിമെന്‍റിനും അർധവേതനാവധിക്കും ഡയസ്നോൺ കാലം പരിഗണിക്കും : Deepika.com Tax News

Services & Questions

ഇൻക്രിമെന്‍റിനും അർധവേതനാവധിക്കും ഡയസ്നോൺ കാലം പരിഗണിക്കും

എൽഡി ക്ലർക്കായി വാണിജ്യനികുതി വകുപ്പിൽ ജോലിചെയ്യുന്നു. 2017 മേയ് 29ന് എട്ടു വർഷം പൂർത്തിയായി. നിലവിലുള്ള ശന്പളപരിഷ്കരണ പ്രകാരം ഗ്രേഡ് നൽകുന്നതിന് ഓപ്ഷൻ ഇല്ലാത്തതിനാൽ 2017 മേയ് 30 മുതൽ ഗ്രേഡ് അനുവദിക്കണമെന്ന് ആവശ്യപ്പെട്ടുള്ള അപേക്ഷ ഞാൻ ഓഫീസ് മേധാവിക്ക് സമർപ്പിച്ചു.

എന്നാൽ എനിക്ക് അഞ്ചു ഡയസ്നോണ്‍ സർവീസ് ബുക്കിൽ രേഖപ്പെടുത്തിയിട്ടുള്ളതിനാൽ ജൂണ്‍ നാലാം തീയതി വച്ചുമാത്രമേ ഗ്രേഡിന് അർഹതയുള്ളൂ എന്നാണ് ഓഫീസിൽനിന്ന് അറിയിച്ചത്. എന്നാൽ ഡയസ്നോൺ കാലം ഇൻക്രിമെന്‍റിന് പരിഗണിച്ചതിനാൽ എനിക്ക് മേയ് 30 വച്ച് ഹയർഗ്രേഡ് അനുവദിച്ചു തരേണ്ടതല്ലേ?
കെ. ബാബുലാൽ, കൊല്ലം

താങ്കൾക്ക് എട്ടു വർഷം പൂർത്തിയായ മുറക്ക് 30-5-2017വച്ച് സമയബന്ധിത ഹയർഗ്രേഡ് നൽകേണ്ടതാണ്. ഡയസ്നോണായി കണക്കാക്കുന്ന പണിമുടക്ക് കാലം ഇൻക്രിമെന്‍റിന് യോഗ്യതാകാലമായി പരിഗണിക്കുമെന്ന് ധനകാര്യവകുപ്പിന്‍റെ 19-6-2002ലെ 45/02-ാം നന്പർ സർക്കുലറിൽ വ്യക്തമാക്കിയിട്ടുണ്ട്. ഡയസ്നോണ്‍, അർധവേതന അവധിക്കും ഇൻക്രിമെന്‍റിനും യോഗ്യകാലമാണെന്നുള്ള ഭേദഗതി ചട്ടം 14 എ ആയി കെഎസ്ആർ ഭാഗം 10-01-02 പ്രാബല്യത്തിൽ ഉൾപ്പെത്തി. ധനകാര്യവകുപ്പിന്‍റെ 11-05-2005ലെ GO(P) 212/05 ഓർഡറിൽ ഇത് വ്യക്തമാക്കിയിട്ടുണ്ട്. അതിനാൽ താങ്കൾ ഈ ഉത്തരവിന്‍റെ നന്പർ സഹിതം ഓഫീസ് മേധാവിക്ക് വീണ്ടും അപേക്ഷ സമർപ്പിക്കുക.