സർവീസ് ബുക്ക് നോക്കി പരിശോധിക്കണം : Deepika.com Tax News

Services & Questions

സർവീസ് ബുക്ക് നോക്കി പരിശോധിക്കണം

31- /5- /2006ൽ സർവേ സൂപ്രണ്ടായി വിരമി ച്ചു. സീനിയോറിറ്റി സംബന്ധിച്ച തർക്കങ്ങൾ മൂലം പല പ്രമോഷനും നടക്കാതെ വന്നിരുന്നു. എന്നാൽ അടുത്ത കാലത്ത് തർക്കങ്ങൾ എല്ലാം പരിഹരിച്ച് പ്രമോഷനുകൾ മുൻകാല പ്രാബല്യത്തോടെ ഉത്തരവിറക്കിയിട്ടുണ്ട്. ഞാൻ 1- /10-/ 2003ൽ ഹെഡ് സർവയറുടെ ഗ്രേഡ് വാങ്ങിയ ആളാണ്. എന്നാൽ ഇപ്പോൾ മുൻകാല പ്രാബല്യത്തോടെ 15-/5-/2001 തീയതി വച്ച് ഹെഡ് സർവയറായി പ്രമോഷൻ ഉത്തരവിറക്കിയിട്ടുണ്ട്. ഇത് വിരമിച്ചവർക്കും ബാധകമാണെന്ന് ഉത്തരവിൽ പറയുന്നുണ്ട്. ഞാൻ 1-10-2003ലാണ് ഗ്രേഡ് വാങ്ങിയത്. ഈ പ്രമോഷൻകൊണ്ട് എനിക്ക് എന്തെങ്കിലും ആനുകൂല്യം പെൻഷനിൽ ലഭിക്കാനിടയുണ്ടോ?

കെ.എം. സദാശിവൻ, തൊടുപുഴ

ഉത്തരവിന്‍റെ വിശദാംശങ്ങൾ അറിയാതെ കൃത്യമായി പറയാൻ കഴിയില്ല. എന്നാൽ താങ്കൾക്ക് ഹയർഗ്രേഡ് കിട്ടുന്ന തീയതിക്ക് ഏകദേശം രണ്ടു വർഷം മുന്പായിട്ടാണ് മുൻകാല പ്രാബല്യത്തോടെ ഹെഡ് സർവയർ ആയി പ്രമോഷൻ വന്നിരിക്കുന്നത്. അതിനാൽ പ്രമോഷൻ മൂലം കുറഞ്ഞത് രണ്ട് ഇൻക്രിമെന്‍റിന്‍റെ എങ്കിലും പ്രയോജനം ലഭിക്കാനിടയുണ്ടല്ലോ. അതിന്‍റെ തുടർച്ചയായിട്ടാണ് ബാക്കിയുള്ള ഇൻക്രിമെന്‍റ്, 1- /7- /2004ലെ ശന്പള പരിഷ്കരണം എന്നിവ ഉണ്ടായിട്ടുള്ളത്. അതിനാൽ ഓപ്ഷൻ നൽകേണ്ടതുണ്ടെങ്കിൽ അതിൻപ്രകാരം ശന്പളം ക്രമീകരിക്കുക. ശന്പള കുടിശിക കിട്ടുകയില്ലെങ്കിലും പെൻഷൻ, ഗ്രാറ്റിവിറ്റി എന്നിവയിൽ വ്യത്യാസം വന്നേക്കും. സർവീസ് ബുക്ക് വച്ച് പരിശോധിക്കുക.