വകുപ്പ് മാറിയതിനാൽ ആനുകൂല്യത്തിന് അർഹതയില്ല : Deepika.com Tax News

Services & Questions

വകുപ്പ് മാറിയതിനാൽ ആനുകൂല്യത്തിന് അർഹതയില്ല

പോലീസ് വകുപ്പിൽ 01-12-2000ത്തിൽ പ്രവേശിക്കുകയും ഒന്നാം തീയതി മുതൽ ട്രെയിനിംഗ് തുടങ്ങുകയും ഏകദേശം നാലു വർഷക്കാലം അതേ വകുപ്പിൽ ജോലി നോക്കുകയും ചെയ്തു.

പിന്നീട് ആ വകുപ്പിൽനിന്ന് വിടുതൽ ചെയ്ത് സെയിൽ ടാക്സ് വകുപ്പിൽ എൽഡി ക്ലർക്കായി ജോലി നോക്കുന്നു. എനിക്ക് ശന്പളം സംരക്ഷിച്ചുകിട്ടി. എന്നാൽ എന്‍റെ പോസ്റ്റിന് പോലീസിലെ ട്രെയിനിംഗ് പീരിയഡ് സർവീസ് പീരിയഡായി പരിഗണിക്കുവാൻ എന്തെങ്കിലും ഉത്തരവുകൾ ഉണ്ടോ? ഒരേ ശന്പള സ്കെയിൽ ആയതുകാരണം എനിക്ക് ഗ്രേഡിന് അർഹതയുണ്ടോ? വകുപ്പുതല പരീ ക്ഷകളൊന്നും പാസായിട്ടില്ല.
കെ.ആർ. രാജ്മോഹൻ,
ഇടപ്പള്ളി

28-8-2011ലെ ഗവ.ഉ(എം എസ്) 185/2011 പ്രകാരം പോലീസ് ട്രെയിനിംഗ് പീരിയഡ് ഇൻക്രിമെന്‍റിനും മറ്റു സർവീസ് ആനുകൂല്യങ്ങൾക്കും പരിഗണിച്ചുകൊണ്ട് ഉത്തരവിറക്കുകയുണ്ടായി. എന്നാൽ താങ്കൾ ഡിപ്പാർട്ട്മെന്‍റ് മാറിയതുകൊണ്ട് ഈ ആനുകൂല്യത്തിന് അർഹതയില്ല. അതുപോലെ പോലീസ് വകുപ്പിലെയും ഇപ്പോൾ ജോലി ചെയ്തുകൊണ്ടിരിക്കുന്ന വകുപ്പിലെയും തസ്തികകൾ വ്യത്യസ്തമായതിനാൽ, ഒരേ ശന്പള സ്കെയിലിലാണെങ്കിൽപോലും സമയ ബന്ധിത ഹയർ ഗ്രേഡിന് അർഹതയില്ല. മുന്പ് ഒരേ സ്കെയിലിലുള്ള വ്യത്യസ്ത വകുപ്പിലെ തസ്തികൾക്ക് ഹയർ ഗ്രേഡ് അനുവദിച്ചിരുന്നു.