സർക്കാർ ജീവനക്കാരുടെ ആരോഗ്യ ഇൻഷ്വറൻസ്‌: നടപടികൾ ആരംഭിച്ചു : Deepika.com Tax News

Services & Questions

സർക്കാർ ജീവനക്കാരുടെ ആരോഗ്യ ഇൻഷ്വറൻസ്‌: നടപടികൾ ആരംഭിച്ചു

സംസ്ഥാന സർക്കാർ ജീവനക്കാർക്കും പെൻഷൻകാർക്കും ആരോഗ്യ ഇൻഷ്വറൻസ് പദ്ധതി (MEDISEP) നടപ്പിലാക്കുന്നതിനുള്ള നടപടികൾ സർക്കാർ ആരംഭിച്ചു. (സ.ഉ.(അച്ചടി)നം.54/17/ധന. തീയതി 24/03/ 2018).

ആദ്യഘട്ടത്തിൽ തദ്ദേശ സ്വയംഭരണ സ്ഥാപനങ്ങളിലെയും സർക്കാരിൽനിന്ന് ഗ്രാന്‍റ്-ഇൻ-എയ്ഡ് സ്വീകരിച്ചു വരുന്ന സർവകലാശാലകളിലെ ജീവനക്കാരെയും പെൻഷൻകാരെയും കൂടി പദ്ധതിയിൽ ഉൾപ്പെടുത്തും. പദ്ധതിയുടെ ഗുണഭോക്താക്കളെ സംബന്ധിച്ചുള്ള വിവരശേഖരണമാണ് ഇപ്പോൾ ആരംഭിച്ചത്. ഇതനുസരിച്ച് തദ്ദേശ സ്വയം ഭരണ സ്ഥാപനങ്ങളിലെയും സർവകലാശാലകളിലെയും ജീവനക്കാരിൽനിന്നും പെൻഷൻകാരിൽനിന്നുമുള്ള വിവരങ്ങൾ ശേഖരിച്ച് ധനകാര്യ വകുപ്പ് തയാറാക്കുന്ന ഡാറ്റാ ബേസിലേക്ക് ആവശ്യപ്പെടുന്ന മുറയ്ക്ക് ലഭ്യമാക്കുന്നതിന് തദ്ദേശ സ്വയം ഭരണ സ്ഥാപനങ്ങളിലെയും സർവകലാശാലകളിലെയും ബന്ധപ്പെട്ട മേധാവികൾക്ക് ധനകാര്യവകുപ്പ് നിർദേശം നൽകി.

കൂടുതൽ വിശദാംശങ്ങൾ www. medi sep.kerala.gov.in എന്ന വെബ്സൈറ്റിൽ ലഭിക്കും. ഇതുമായി ബന്ധപ്പെട്ട സംശയനിവാരണത്തിനായി 0471 230 5851 എന്ന നന്പറിൽ ബന്ധപ്പെടാം.

ആരോഗ്യ ഇൻഷ്വറൻസ് പദ്ധതിയിൽ ഉൾപ്പെടുത്തിയവർ

ജീവനക്കാർക്കു പുറമേ
1. ഭർത്താവ്/ഭാര്യ
2. മകൻ/ മകൾ (25 വയസ് പൂർത്തിയാകുന്നതുവരെയോ
അല്ലെങ്കിൽ വിവാഹം കഴിക്കുകയോ
അല്ലെങ്കിൽ ജോലി ലഭിക്കും വരെയോ)
3.ജീവനക്കാരെ മാത്രം ആശ്രയിച്ചു കഴിയുന്ന
മാതാവ്, പിതാവ്
4.ശാരീരിക/മാനസിക വൈകല്യമുള്ള കുട്ടികൾ.
(ഇവർക്ക് പ്രായപരിധി ബാധകമല്ല)