മെഡിക്കൽ റീ ഇംബേഴ്സ്മെന്‍റ് ക്ലെയിം പാസാക്കി കിട്ടും : Deepika.com Tax News

Services & Questions

മെഡിക്കൽ റീ ഇംബേഴ്സ്മെന്‍റ് ക്ലെയിം പാസാക്കി കിട്ടും

ഗവ. സ്കൂളിൽ എച്ച്എസ് എ ആണ്. എന്‍റെ ഭർത്താവിന് ഹൃദയസംബന്ധമായ അസുഖം വന്നപ്പോൾ സ്വകാര്യ ആശുപത്രിയിലാണ് ചികിത്സിച്ചത്. ആദ്യം ഗവ. ആശുപത്രിയിൽ പ്രവേശിപ്പിച്ചശേഷമാണ് സ്വകാര്യ ആശുപത്രിയിലേക്ക് മാറ്റിയത്. ഇതിന്‍റെ ചികിത്സയ്ക്കായി ഏകദേശം 70,000രൂപയോളം വേണ്ടിവന്നു. ഭർത്താവിന് ജോലി ഇല്ല. ഈ തുക മെഡിക്കൽ റീ ഇംബേഴ്സ് ചെയ്യുവാൻ സാധിക്കുമോ? ചികിത്സ സംബന്ധിച്ച എല്ലാ ബില്ലുകളും മെഡിക്കൽ റിപ്പോർട്ടും സഹിതമാണ് സ്കൂളിൽ നൽകിയത്. എന്നാൽ സ്വകാര്യ ആശുപത്രിയിലായതുകൊണ്ട് പ്രസ്തുത തുക പാസാകുമോയെന്ന് സ്കൂൾ അധികൃതർ സംശയം പ്രകടിപ്പിച്ചു. എന്തെങ്കിലും തടസമുണ്ടോ?
കെ.ആർ. ലതാദേവി, ചങ്ങനാശേരി

ചികിത്സ നടത്തിയത് ഗവ. ആശുപത്രിയിലോ തെരഞ്ഞെടുക്കപ്പെട്ട സ്വകാര്യ ആശുപത്രിയിലോ ആയിരുന്നുവെങ്കിൽ പെട്ടെന്നുതന്നെ ബിൽ മാറ്റി കിട്ടുവാനുള്ള സൗകര്യം ഉണ്ടായിരുന്നു. എന്നാൽ സ്വകാര്യ ആശുപത്രിയിലാണെങ്കിലും പ്രത്യേക ഉത്തരവോടെ മെഡിക്കൽ റീ ഇംബേഴ്സ്മെന്‍റ് ക്ലെയിം പാസാക്കി കിട്ടും. അപ്പന്‌ഡിക്സ് 2 പ്രകാരമുള്ള റഫറൻസ് ഇതോടൊപ്പം ഉൾപ്പെടുത്തേണ്ടതാണ്. ഇതു സഹിതം മെഡിക്കൽ റീഇംബേഴ്സ്മെന്‍റ് ക്ലെയിമിനുള്ള അപേക്ഷ ഗവ. ഉത്തരവിനുവേണ്ടി സമർപ്പിക്കുക.