ഊബറിന്‍റെ ആകാശവാഹനം പറക്കും 2023ൽ

Friday, May 11, 2018 8:52 AM IST

പറക്കും ടാക്സി സർവീസ് ആരംഭിക്കുമെന്നു പ്രഖ്യാപിച്ച് ഓണ്‍ലൈൻ ടാക്സി കന്പനിയായ ഉൗബർ. പദ്ധതിയുടെ വിശദാംശങ്ങളും ടാക്സിയുടെ ഏകദേശ മാതൃകയും അവതരിപ്പിച്ച ഉൗബർ വാഹനം 2023ൽ യാഥാർഥ്യമാക്കുമെന്നും അറിയിച്ചു.1000 മുതൽ 2000 അടി ഉയരത്തിൽ പറക്കാൻ ശേഷിയുള്ള ചെറു ഹെലികോപ്റ്ററുകളാണ് ഇതിനായി നിർമിക്കുന്നത്.

ഡ്രോണുകളുടെയും ഹെലികോപ്റ്ററുകളുടെയും പ്രവർത്തനമാതൃക അടിസ്ഥാനമാക്കിയാണ് ഇതിന്‍റെ നിർമാണം. ഈ ചെറു ഹെലികോപ്റ്ററുകൾക്ക് പറന്നുയരാനും ഇറങ്ങാനുമായി കെട്ടിടങ്ങളുടെ മുകളിൽ ലാൻഡിംഗ് സൈറ്റുകളും നിർമിക്കും. നഗരങ്ങളെ ബന്ധിപ്പിച്ചാകും പറക്കും ടാക്സി സർവീസുകൾ തുടങ്ങുകയെന്നും ഉൗബർ അധികൃതർ പറഞ്ഞു.

ഉൗബറിന്‍റെ എയർ ടാക്സി ആദ്യമായി പ്രവർത്തനമാരംഭിക്കുന്ന നഗരമേതെന്നു കണ്ടെത്താനുള്ള ശ്രമവും ആരംഭിച്ചിട്ടുണ്ട്. സൗദിയിലാകും ഉൗബർ എയർ ടാക്സി ആദ്യമായി ചിറകടിക്കുകയെന്നായിരുന്നു റിപ്പോർട്ടുകൾ. എന്നാൽ, ഇക്കാര്യം ഉൗബർ അധികൃതർ സ്ഥിരീകരിച്ചിട്ടില്ല.

സൗദി സർക്കാർ ഊബർ ടാക്സി സർവീസ് ആരംഭിക്കുന്നതിന് സന്നദ്ധത അറിയിച്ചിട്ടുണ്ട്.
ഉൗബറിനു പുറമേ എയ്റോ മൊബൈൽ, ലിലിയം, എയർബസ് തുടങ്ങിയ കന്പനികളും എയർടാക്സി സർവീസ് ആരംഭിക്കുന്നതിനുള്ള പരിശ്രമത്തിലാണ്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.