ലോ​ക​ത്തി​ലെ ഏ​റ്റ​വും മി​ക​ച്ച സാ​ന്‍​ഡ്‌വിച്ചു​ക​ളി​ല്‍ വ​ടാപാ​വ് ഇ​ടം​പി​ടി​ക്കു​മ്പോ​ള്‍
Tuesday, March 12, 2024 2:10 PM IST
ജീ​വി​ത​ത്തിന്‍റെ ഏ​തെ​ങ്കി​ലും ഒ​രുഘ​ട്ട​ത്തി​ല്‍ എ​ങ്കി​ലും പ​ല​രും ബ​ദ്ധ​പ്പാ​ടു​ക​ള്‍ നേ​രി​ട്ടു​ണ്ടാ​കും. ചി​ല​പ്പോ​ള്‍ ഒ​രു ജോ​ലി ക​ണ്ടെ​ത്താ​നു​ള്ള അ​ല​ച്ചി​ല്‍ ആ​കാം. അ​തു​മ​ല്ലെ​ങ്കി​ല്‍ സി​നി​മ പോ​ലെ മോ​ഹി​ച്ച എ​ന്തെ​ങ്കി​ലും ഒ​ന്നി​നെ നേ​ടാ​നു​ള്ള തി​ര​ച്ചി​ല്‍ ആ​കാം.

ആ ​സ​മ​യ​ങ്ങ​ളി​ല്‍ ബ​ന്ധു​ക്ക​ളൊ സു​ഹൃ​ത്തു​ക്ക​ളൊ കൈ​ത്താ​ങ്ങ് ആ​ക​ണ​മെ​ന്ന് നി​ര്‍​ബ​ന്ധ​മി​ല്ല. ഉ​ണ്ടെ​ങ്കി​ല്‍ ഭാ​ഗ്യം എ​ന്ന് ക​രു​താം. ഈ ​കാ​ല​യ​ള​വി​ല്‍ മും​ബൈ​യി​ലും മ​റ്റും ഉ​ള്ള ചെ​റു​പ്പ​ക്കാ​ര്‍ ഏ​റ്റ​വും ആ​ശ്ര​യി​ക്കു​ന്ന ഒ​രു ഭ​ക്ഷ​ണ​മാ​ണ് വ​ടാ​പാ​വ്.

ത​ങ്ങ​ളു​ടെ ക​രി​യ​റി​ല്‍ അ​ഭി​വൃ​ദ്ധി​പ്പെ​ടാ​ന്‍ ആ​ളു​ക​ള്‍ രാ​പ്പ​ക​ലി​ല്ലാ​തെ ഓ​ടു​ന്ന സ​മ​യ​ത്ത് അ​വ​ര്‍ ഏ​റ്റ​വും ആ​ശ്ര​യി​ക്കു​ന്ന ഒ​രു പ്രാ​ത​ലാ​ണ് ഈ ​വ​ടാ​പാ​വ്. മും​ബൈ സ​ന്ദ​ര്‍​ശി​ച്ചി​ട്ടു​ള്ള​വ​ര്‍​ക്ക് അ​റി​യാം ഈ ​ന​ഗ​ര​ത്തി​ന്‍റെ മു​ക്കി​ലും മൂ​ല​യി​ലും വ​ട​പാ​വ് വി​ല്‍​ക്കു​ന്ന വ​ഴി​യോ​ര ക​ച്ച​വ​ട​ക്കാ​രെ ന​മു​ക്ക് കാ​ണാ​ന്‍ ക​ഴി​യും.

മ​ഹാ​രാ​ഷ്ട്ര​യി​ല്‍ മാ​ത്ര​മ​ല്ല, രാ​ജ്യ​ത്തു​ട​നീ​ള​മു​ള്ള മ​റ്റ് സം​സ്ഥാ​ന​ങ്ങ​ളി​ലും ഈ ​ഭ​ക്ഷ​ണം ഇ​പ്പോ​ള്‍ വ​ള​രെ പ്ര​ചാ​ര​ത്തി​ലു​ണ്ട്. ഇ​ന്ത്യ​ന്‍ ക്രി​ക്ക​റ്റ് ടീം ​നാ​യ​ക​ന്‍ രോ​ഹി​ത് ശ​ര്‍​മ മു​ത​ല്‍ സൂ​പ്പ​ര്‍ സ്റ്റാ​ര്‍ ര​ണ്‍​ബീ​ര്‍ ക​പൂ​ര്‍​വ വരെ ​ഈ ആ​ഹാ​ര​ത്തോ​ടു​ള്ള ത​ങ്ങ​ളു​ടെ ഇ​ഷ്ടം തു​റ​ന്നു​പ​റ​ഞ്ഞി​ട്ടു​ണ്ട്.

ബോ​ളി​വു​ഡി​ലെ ബാ​ദ്ഷാ ഷാ​രൂ​ഖ് ഖാ​ന്‍ ഒ​രി​ക്ക​ല്‍ ഒ​രു അ​ഭി​മു​ഖ​ത്തി​ല്‍ വെ​ളി​പ്പെ​ടു​ത്തി​യ​ത് വി​ശ​പ്പ​ക​റ്റാ​ന്‍ വേ​ണ്ടി പോ​രാ​ടു​ന്ന ജീ​വി​ത​സാ​ഹ​ച​ര്യം ഉ​ണ്ടാ​യി​രു​ന്ന കാ​ല​ത്ത് താ​ന്‍ സ്ഥി​ര​മാ​യി വ​ടാ​പാ​വ് ക​ഴി​ക്കാ​റു​ണ്ടാ​യി​രു​ന്നു എ​ന്നാ​ണ്.

ഇ​പ്പോ​ഴി​താ "ലോ​ക​ത്തി​ലെ ഏ​റ്റ​വും മി​ക​ച്ച സാ​ന്‍​ഡ്‌വിച്ചു​​ക​ള്‍' എ​ന്ന പ​ട്ടി​ക​യി​ല്‍ ഇ​ടം നേ​ടി​യ ഈ ​ഇ​ന്ത്യ​ന്‍ വി​ഭ​വം നി​ല​വി​ല്‍ ആ​ഗോ​ള അം​ഗീ​കാ​രം നേ​ടി​യി​രി​ക്കു​ന്നു. പാ​ച​ക വൈ​ദ​ഗ്ധ്യ​ത്തി​ന് അം​ഗീ​കാ​ര​മു​ള്ള ആ​ഗോ​ള യാ​ത്രാ ഗൈ​ഡാ​യ ടേ​സ്റ്റ് അ​റ്റ്‌​ല​സ് ഈ​യി​ടെ "ലോ​ക​ത്തി​ലെ 50 മി​ക​ച്ച സാ​ന്‍​ഡ്‌വിച്ചു​ക​ളു​ടെ' ഒ​രു ലി​സ്റ്റ് പു​റ​ത്തി​റ​ക്കി​യി​രു​ന്നു.

ഇ​തി​ലാ​ണ് ന​മ്മു​ടെ വ​ടാ​പാ​വ് 4.3 റേ​റ്റിം​ഗോ​ടെ 19-ാം സ്ഥാ​നം നേ​ടി​യ​ത്. വി​യ​റ്റ്‌​നാ​മീ​സ് സാ​ന്‍​ഡ്‌വിച്ച് ബാ​ന്‍ മി​യും ട​ര്‍​ക്കി​ഷ് ടോം​ബി​ക് ഡോ​ണ​റും സം​യു​ക്ത​മാ​യി 4.6 റേ​റ്റിം​ഗോ​ടെ ഒ​ന്നാം സ്ഥാ​നം ക​ര​സ്ഥ​മാ​ക്കി. ലെ​ബ​നീ​സ് വി​ഭ​വ​മാ​യ ഷ​വ​ര്‍​മ, മോ​ണ്‍​ട്രി​യ​ല്‍ സ്‌​മോ​ക്ക്ഡ് മീ​റ്റ്, ലോ​ബ്സ്റ്റ​ര്‍ റോ​ള്‍​സ് എ​ന്നി​വ​യാ​ണ് ആ​ദ്യ പ​ത്തി​ല്‍ ഇ​ടം​പി​ടി​ച്ച മ​റ്റ് ശ്ര​ദ്ധേ​യ​മാ​യ ഇ​ന​ങ്ങ​ള്‍.

ടേ​സ്റ്റ് അ​റ്റ്ല​സി​ന്‍റെ അ​ഭി​പ്രാ​യ​ത്തി​ല്‍, 1960-1970 ക​ളി​ൽ ദാ​ദ​ര്‍ റെ​യി​ല്‍​വേ സ്റ്റേ​ഷ​ന് സ​മീ​പം ക​ട ന​ട​ത്തി​യി​രു​ന്ന അ​ശോ​ക് വൈ​ദ്യ എ​ന്ന തെ​രു​വ് ക​ച്ച​വ​ട​ക്കാ​ര​നാ​ണ് വ​ടാ​പാ​വ് ആ​ദ്യ​മാ​യി അ​വ​ത​രി​പ്പി​ച്ച​ത്.

പ​ട്ടി​ണി കി​ട​ക്കു​ന്ന തൊ​ഴി​ലാ​ളി​ക​ളു​ടെ ദൈ​നം​ദി​ന ആ​വ​ശ്യം പ​രി​ഗ​ണി​ച്ചാ​ണ് അ​ദ്ദേ​ഹം ഈ ​താ​ങ്ങാ​നാ​വു​ന്ന വി​ഭ​വ​ത്തെ​ക്കു​റി​ച്ച് ചി​ന്തി​ച്ച​ത​ത്രെ. എ​ത്ര​യെ​ത്ര പേ​രു​ടെ വി​ശ​പ്പ​ക​റ്റി​യി​രി​ക്കു​ന്നു ആ ​ഒ​രൊ​റ്റ ചി​ന്ത.

എ​ന്താ​യാ​ലും വ​ലി​യ അം​ഗീ​ക​രാ​മൊ​ക്കെ ല​ഭി​ച്ചി​ട്ടും ന​മ്മു​ടെ വ​ടാ​പാ​വ് തെ​രു​വി​ല്‍ ത​ന്നെ​യു​ണ്ടു; വി​ശ​ക്കു​ന്ന വ​യ​റി​നെ​യും കാ​ത്ത്...
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.