ക​ണ്ണാ​ടി​യു​ടെ മു​മ്പി​ൽ നി​ന്നു​കൊ​ണ്ട്, സ്വ​ന്തം ശ​രീ​ര​ത്തി​ൽ വ​രു​ന്ന മാ​റ്റ​ങ്ങ​ൾ കൗ​മാ​ര​ക്കാ​രി​യാ​യ ഒ​രു പെ​ൺ​കു​ട്ടി അ​ഭി​മാ​ന​ത്തോ​ടെ​യും താ​ര​ത​മ്യ​ഭാ​വം ക​ല​ർ​ന്ന മു​ഖ​ത്തോ​ടെ​യും ആ​സ്വ​ദി​ക്കു​ന്ന​ത് സി​നി​മ​ക​ളി​ൽ പ​ല​യാ​വ​ർ​ത്തി ക​ണ്ടി​ട്ടു​ള്ള രം​ഗ​മാ​ണ്.

എ​ന്നാ​ൽ, ക​പ​ട സ​ദാ​ചാ​ര​ത്തി​ന്‍റെ മേ​ല​ങ്കി അ​ണി​ഞ്ഞി​രു​ന്ന മ​ല​യാ​ള സി​നി​മ​യ്ക്ക് 1980-ക​ളു​ടെ തു​ട​ക്ക​ത്തി​ൽ അ​തി​ശ​ക്ത​മാ​യ രീ​തി​യി​ൽ അ​ത്ത​ര​മൊ​രു രം​ഗം സ​മ്മാ​നി​ച്ച കെ.​ജി. ജോ​ർ​ജ് ബ​ഹ​ള​ങ്ങ​ളേ​തു​മി​ല്ലാ​തെ ഒ​രു വി​പ്ല​വം ര​ചി​ക്കു​ക​യാ​യി​രു​ന്നു.

ശ്രീ​വി​ദ്യ​യും സൂ​ര്യ​യും സു​ഹാ​സി​നി​യും അ​ട​ക്ക​മു​ള്ള​വ​ർ ത​ക​ർ​ത്താ​ടി​യ "ആ​ദാ​മി​ന്‍റെ വാ​രി​യെ​ല്ല്', മ​രം​ചു​റ്റി​യും സി​ഐ​ഡി മു​ഖം​മൂ​ടി അ​ണി​ഞ്ഞും പെ​ൺ​ക​ഥാ​പാ​ത്ര​ങ്ങ​ൾ ഓ​ടി​ന​ട​ന്ന ഒ​രു സി​നി​മാ ദ​ശ​ക​ത്തി​ൽ നി​ന്നു​ള്ള മോ​ച​ന​ത്തി​ന്‍റെ നാ​ന്ദി കു​റി​ക്കു​ക​യാ​യി​രു​ന്നു.

പെ​ൺ​മ​ന​സി​നെ ത​നി​ക്ക് അ​ടു​ത്ത​റി​യാ​മെ​ന്ന് കെ.​ജി. ജോ​ർ​ജ് ഒ​രി​ക്ക​ലും അ​വ​കാ​ശ​പ്പെ​ട്ടി​ട്ടി​ല്ല. എ​ന്നാ​ൽ തി​ര​ശീ​ല​യി​ൽ പ​ക​ർ​ത്തി​യ ക​ഥാ​പാ​ത്ര​ങ്ങ​ളി​ലൂ​ടെ അ​ദ്ദേ​ഹം അ​ത് തെ​ളി​യി​ച്ചു​കാ​ട്ടി.

മൂ​ന്ന് വ്യ​ത്യ​സ്ത ജീ​വി​ത​സാ​ഹ​ച​ര്യ​ങ്ങ​ളി​ൽ ജീ​വി​ക്കു​ന്ന സ്ത്രീ​ക​ളു​ടെ മാ​ന​സി​ക​വ്യ​ഥ​ക​ളും "ഉ​ത്ത​ര​വാ​ദി​ത്വ​ങ്ങ​ളും' വ​ര​ച്ചു​കാ​ട്ടി​യ ജോ​ർ​ജ്, വാ​രി​യെ​ല്ല് ഒ​ടി​ഞ്ഞാ​ൽ ഒ​രു മ​നു​ഷ്യ​ശ​രീ​ര​ത്തി​ൽ സം​ഭ​വി​ക്കു​ന്ന മാ​റ്റ​ങ്ങ​ൾ​ക്ക് സ​മാ​ന​മാ​ണ് സ്ത്രീ​ക​ൾ എ​ടു​ക്കു​ന്ന ചി​ല തീ​രു​മാ​ന​ങ്ങ​ളെ​ന്ന് സ്ക്രീ​നി​ൽ കാ​ട്ടി. ചി​ത്ര​ത്തി​ന്‍റെ ടെ​യി​ൽ എ​ൻ​ഡി​ൽ, സ്ത്രീ​ക​ളു​ടെ വ്യ​ഥ വി​റ്റു​കാ​ശാ​ക്കു​ന്ന സം​വി​ധായ​ക​നാ​ണ് താ​നെ​ന്ന് ഷൂ​ട്ടിം​ഗ് ദൃ​ശ്യ​ങ്ങ​ൾ കാ​ട്ടി​യു​ള്ള "ഫോ​ർ​ത്ത് വോ​ൾ ബ്രേ​ക്കിം​ഗി'​ലൂ​ടെ അ​ദ്ദേ​ഹം പ​രി​ഹ​സി​ച്ചു.

മ​മ്മൂ​ട്ടി എ​ന്ന ന​ട​ന്‍റെ താ​ര​മൂ​ല്യം ഉ​യ​ർ​ത്തിയ ചി​ത്ര​ങ്ങ​ളി​ലെ ആ​ദ്യ പ​ടി​യാ​യ "യ​വ​നി​ക'​യി​ൽ, ജേ​ക്ക​ബ് ഈ​രാ​ളി എ​ന്ന പോ​ലീ​സ് ക​ഥാ​പാ​ത്ര​ത്തി​ന് വി​ജ​യ​ശ്രീ അ​വ​ത​രി​പ്പി​ച്ച ഭാ​ര്യാ​ക​ഥാ​പാ​ത്രം കു​റ്റാ​ന്വേ​ഷ​ണ ഉ​പ​ദേ​ശ​ങ്ങ​ൾ കൊ​ടു​ക്കു​ന്ന ഒ​രു രം​ഗ​മു​ണ്ട്. വി​ജ​യി​ക്കു​ന്ന പു​രു​ഷ​ന്മാ​ർ​ക്ക് പി​ന്നി​ൽ എ​പ്പോ​ഴും ക​ഴി​വു​ള്ള ഒ​രു സ്ത്രീ ​ഉ​ണ്ടാ​കു​മെ​ന്ന പ​തി​വ് വാ​ച​ക​ത്തി​ന് അ​പ്പു​റം, അ​തി​സ​ങ്കീ​ർ​ണ​മാ​യ മേ​ഖ​ക​ളി​ൽ പോ​ലും സ്ത്രീ​ക​ൾ​ക്ക് ത​ങ്ങ​ളു​ടേ​താ​യി രീ​തി​യി​ൽ ക​ഴി​വ് തെ​ളി​യി​ക്കാ​നാ​കു​മെ​ന്ന് ജോ​ർ​ജ് പ​റ​യാ​തെ പ​റ​യു​ക​യാ​യി​രു​ന്നു ഇ​തി​ലൂ​ടെ.

ആ​ക്ഷേ​പ​ഹാ​സ്യ ചി​ത്ര​ങ്ങ​ളു​ടെ പ​ഠ​ന​ഗ്ര​ന്ഥം എ​ന്ന വി​ശേ​ഷ​ണ​മു​ള്ള "പ​ഞ്ച​വ​ടി​പ്പാ​ല'​ത്തി​ൽ, ശൃംഗാ​രം ക​ല​ർ​ന്ന ഒ​രൊറ്റ നോ​ട്ടം കൊ​ണ്ട് ഉ​ട്ടോ​പ്യ​ൻ പ​ഞ്ചാ​യ​ത്തി​ലെ രാ​ഷ്ട്രീ​യ തീ​രു​മാ​ന​ങ്ങ​ളടക്കം മാ​റ്റി​മ​റി​ക്കാ​ൻ സാ​ധി​ക്കു​മെ​ന്ന് സു​കു​മാ​രി അ​വ​ത​രി​പ്പി​ച്ച "റാ​ഹേ​ൽ' പ്രേ​ക്ഷ​ക​ർ​ക്ക് കാ​ട്ടി​ത്ത​ന്നു.

ഈ ​രം​ഗം സ്ത്രീ​വി​രു​ദ്ധ​മാ​ണെ​ന്ന് ആ​രെ​ങ്കി​ലും ആ​ക്ഷേ​പം ഉ​ന്ന​യി​ച്ചാ​ൽ, ക​ഥാ​ത​ന്തു​വി​ൽ റാ​ഹേ​ലി​ന് ന​ൽ​കി​യി​രി​ക്കു​ന്ന സ്വാ​ത​ന്ത്ര്യ​വും അ​ധി​കാ​ര​സ്ഥാ​ന​ത്തു​ള്ള ഔ​ന്ന​ത്യ​വും തി​രി​കെ ചൂ​ണ്ടി​ക്കാ​ട്ടാം. സ്വ​ന്തം ജ​യ​ത്തി​നാ​യി സ​ത്യ, ധ​ർ​മ, നീ​തി പാ​ത​ക​ൾ മു​റു​കെ​പ്പി​ടി​ക്കു​ന്ന "ഭാ​വ​ശു​ദ്ധി​യു​ള്ള ഭാ​ര​ത​സ്ത്രീ' എ​ന്ന ച​ട്ട​ക്കൂ​ടി​ന് അ​പ്പു​റ​മാ​ണ് ഈ ​ക​ഥാ​പാ​ത്രം.

വി​ജ​യ​ത്തി​ലേ​ക്കു​ള്ള പാ​ത​യി​ൽ, മാ​ന്യ​ത​യു​ടെ മൂ​ടു​പ​ട​ങ്ങ​ൾ പൊ​ട്ടി​ച്ചെ​റി​ഞ്ഞ് അ​ഭി​മാ​ന​ത്തോ​ടെ മു​ന്നേ​റാം എ​ന്ന് ചി​ന്തി​ക്കു​ന്ന "മു​കു​ന്ദ​ൻ ഉ​ണ്ണി അ​സോ​സി​യേ​റ്റ​സി'​ലെ ആ​ർ​ഷ ബൈ​ജു​വി​ന്‍റെ ക​ഥാ​പാ​ത്ര​ത്തി​ന്‍റെ വെ​ള്ളി​ത്തി​ര​യി​ലെ ത​ല​തൊ​ട്ട​മ്മ ആ​യി റാ​ഹേ​ലി​നെ പ്ര​തി​ഷ്ഠി​ക്കാം.

ത​ണു​പ്പ​നാ​യ പ​ഞ്ചാ​യ​ത്ത് പ്ര​സി​ഡ​ന്‍റ് ദു​ശാ​സ​ന കു​റു​പ്പി​ന്‍റെ ക​ണ്ണു​വെ​ട്ടി​ച്ച് "സ്വാ​മി അ​വ​റാ​ച്ചാ​യ'​ന്‍റെ യോ​ഗാ പ​രി​ശീ​ല​ന​കേ​ന്ദ്ര​ത്തി​ൽ ഒ​ളി​ച്ചു​പോ​കു​ന്ന ശ്രീ​വി​ദ്യ​യു​ടെ ക​ഥാ​പാ​ത്ര​വും സ്ത്രീ​ക​ളു​ടെ സ്വാ​ത​ന്ത്ര്യം വി​ളി​ച്ചോ​തു​ന്ന ക​ഥാ​പാ​ത്ര​മാ​ണ്.

ദാ​മ്പ​ത്യ​ബ​ന്ധ​ത്തി​ന്‍റെ കെ​ട്ടു​പൊ​ട്ടി​ച്ച് വീ​ടു​വി​ട്ടി​റ​ങ്ങു​ന്ന സ്ത്രീ​യാ​ണ് "മ​റ്റൊ​രാ​ൾ' എ​ന്ന ചി​ത്ര​ത്തി​ന്‍റെ കേ​ന്ദ്ര​ബി​ന്ദു. തെ​റ്റാ​യൊ​രു തീ​രു​മാ​ന​മാ​ണ് താ​ൻ എ​ടു​ത്ത​തെ​ന്ന് തി​രി​ച്ച​റി​യു​ന്ന നാ​യി​ക വീ​ട്ടി​ലേ​ക്ക് മ​ട​ങ്ങു​ന്നു​ണ്ടെ​ങ്കി​ലും മ​റ്റൊ​രാ​ളെ സ്നേ​ഹി​ച്ച ഭാ​ര്യ​യെ​പ്പ​റ്റി സ​മൂ​ഹം അ​ടി​ച്ചേ​ൽ​പ്പി​ച്ച വി​ശു​ദ്ധി​ബോ​ധം ഭ​ർ​ത്താ​വി​ന്‍റെ മ​ന​സി​നെ കാ​ർ​ന്നു​തി​ന്നു​ന്നു.

എ​ല്ലാം പൊ​ടു​ന്ന​നേ അ​വ​സാ​നി​പ്പി​ച്ച് അ​യാ​ൾ വി​ട​വാ​ങ്ങു​മ്പോ​ൾ, മ​റ്റൊ​രാ​ൾ​ക്കൊ​പ്പം പോ​യ നാ​യി​ക സ്ത്ബ​ധ​യാ​യി നി​ന്ന​ശേ​ഷം മ​റ്റൊ​രു വ്യ​ക്തി​യാ​യി രൂ​പാ​ന്ത​രം പ്രാ​പി​ക്കു​ന്ന ഭ്ര​മ​ക്കാ​ഴ്ച ജോ​ർ​ജ് കാ​ട്ടി​ത്ത​ന്നു.

ക​ണ്ടി​ട്ടു​ള്ള കാ​ഴ്ച​ക​ളു​ടെ പ​രി​മി​തി, ലോ​ക​പ​രി​ച​യ​ത്തി​ന്‍റെ ക​ണ്ണ​ട വ​യ്ക്കു​മ്പോ​ൾ ഒ​രു യു​വ​തി​യു​ടെ ആ​ഗ്ര​ഹ​ങ്ങ​ളി​ൽ വ​രു​ത്തു​ന്ന മാ​റ്റ​ങ്ങ​ളാ​ണ് "മേ​ള'​യി​ൽ നി​റ​യു​ന്ന​ത്. ദ​മ്പ​തി​ക​ളു​ടെ ഇ​ട​യി​ൽ "മ​റ്റൊ​രാ​ളു'​ടെ സാ​ന്നി​ധ്യം ഉണ്ടാകു​മ്പോ​ൾ സ​ർ​ക്ക​സ് ത​മ്പി​ൽ ഉ​യ​രു​ന്ന കു​റ്റ​പ്പെ​ടു​ത്ത​ലു​ക​ൾ കാ​ട്ടി​ത്ത​രു​ന്ന​ത് വ​ഴി, കൂ​ടാ​ര​ത്തി​ലെ​യും കൊ​ട്ടാ​ര​ത്തി​ലെ​യും അ​പ​മാ​നി​ക്ക​ൽ പ്ര​ക്രി​യ ഒ​രേ രീ​തി​യി​ലാ​ണെ​ന്ന് ആ​സ്വാ​ദ​ക​ൻ മ​ന​സി​ലാ​ക്കു​ന്നു.

മ​ല​യാ​ള സി​നി​മ​യു​ടെ മ​റ​വി​യി​ലേ​ക്ക് പു​റ​ന്ത​ള്ള​പ്പെ​ട്ട മി​ക​ച്ചൊ​രു ത്രി​ല്ല​ർ ചി​ത്ര​മാ​ണ് "ഈ ​ക​ണ്ണി കൂ​ടി'. ഒ​രു സ്ത്രീ​യു​ടെ മ​ര​ണ​വു​മാ​യി ബ​ന്ധ​പ്പെ​ട്ട ന​ട​ക്കു​ന്ന പോ​ലീ​സ് അ​ന്വേ​ഷ​ണ​ത്തി​ൽ ആ​രം​ഭി​ക്കു​ന്ന ചി​ത്രം, സ്ത്രീ​ക​ളു​ടെ ജീ​വി​തം അ​ന്നും ഇ​ന്നും നി​യ​ന്ത്രി​ക്കു​ന്ന​ത് പു​രു​ഷ​ന്മാ​രു​ടെ ന​യ​ങ്ങ​ളാ​ണ് എ​ന്ന് കാ​ട്ടി​ത്ത​ന്നു. ലൈം​ഗി​ക​ത്തൊ​ഴി​ൽ ചെ​യ്ത് ജീ​വി​ക്കു​ന്ന സ്ത്രീ​യോ​ട് ഒ​രു സു​ഹൃ​ത്ത് ക​ണ​ക്കെ മാ​ന്യ​മാ​യി പെ​രു​മാ​റു​ന്ന പു​രു​ഷ ക​ഥാ​പാ​ത്ര​ത്തെ​യും ഈ ​ചി​ത്ര​ത്തി​ലൂ​ടെ ജോ​ർ​ജ് കാ​ട്ടി​ത്ത​ന്നു.

മ​ല​യാ​ള​ത്തി​ലെ ഏ​റ്റ​വും മി​ക​ച്ച സം​വി​ധാ​യ​ക​രു​ടെ പ​ട്ടി​ക​യി​ൽ കെ.​ജി. ജോ​ർ​ജും ഉ​ണ്ടാ​കു​മെ​ന്ന​ത് ഉ​റ​പ്പാ​ണ്. എ​ന്നാ​ൽ, പെ​ൺ​മ​ന​സി​നെ അ​ങ്ങ​യേ​റ്റം ബ​ഹു​മാ​ന​ത്തോ​ടെ, സെ​ൻ​സി​റ്റീ​വ് ആ​യി അ​വ​ത​രി​പ്പി​ച്ച സം​വി​ധാ​യ​ക​ർ ആ​രൊ​ക്കെ എ​ന്ന ചോ​ദ്യ​ത്തി​ന് ഉ​ത്ത​രം കെ.​ജി. ജോ​ർ​ജ് എ​ന്ന് മാ​ത്ര​മാ​യി​രി​ക്കും.