മിഥുൻ മാനുവൽ തോമസ് തിരക്കഥ ഒരുക്കുന്ന പുതിയ ചിത്രം പ്രഖ്യാപിച്ചു. 'ഫീനിക്സ്' എന്ന് പേരിട്ടിരിക്കുന്ന ചിത്രത്തിന്‍റെ ടൈറ്റിൽ ലുക്ക് പോസറ്റർ പുറത്തിറക്കി. വിഷ്ണു ഭരതൻ ആണ് ചിത്രം സംവിധാനം ചെ‌യ്യുന്നത്.
ചിത്രത്തിന്‍റെ ഷൂട്ടിംഗ് ഇന്ന് മാഹിയിൽ ആരംഭിച്ചു. മാഹിയിലെ പുരാതനമായ കല്ലാട്ട് തറവാട്ടിലാണ് ചിത്രീകരണം തുടങ്ങിയത്. നിർമാതാവ് റിനീഷ് കെ.എൻ. സ്വിച്ചോൺ കർമ്മം നിർവ്വഹിച്ചു. മിഥുൻ മാനുവൽ തോമസ് ഫസ്റ്റ് ക്ലാപ്പും നൽകിയതോടെയാണ് ചിത്രീകരണത്തിനു തുടക്കമായത്.
അനൂപ് മേനോൻ, അജു വർഗീസ്, ചന്തുനാഥ് എന്നിവരാണ് പ്രധാന വേഷത്തിൽ എത്തുന്നത്. ഫ്രണ്ട് റോ പ്രൊഡക്ഷൻസിന്‍റെ ബാനറിൽ റിനീഷ് കെ.എൻ. നിർമ്മിക്കുന്ന ചിത്രം ഒരു ഹൊറർ ത്രില്ലറായാണ് ഒരുക്കുന്നത്.
ഛായാഗ്രഹണം നിർവഹിക്കുന്നത് ആൽബിയും സംഗീത സംവിധാനം നിർവഹിക്കുന്നത് സാം സി. എസുമാണ്. പ്രൊഡക്ഷൻ ഡിസൈനർ -ഷാജി നടുവിൽ, എഡിറ്റർ -നിതീഷ് കെ.ടി.ആർ, കഥ -വിഷ്ണു ഭരതൻ, ബിഗിൽ ബാലകൃഷ്ണൻ.
എക്സിക്യൂട്ടീവ് പ്രൊഡ്യൂസർ -ഷിനോജ് ഓടാണ്ടിയിൽ, പ്രൊഡക്ഷൻ കൺട്രോളർ -കിഷോർ പുറക്കാട്ടിരി, ഗാനരചന -വിനായക് ശശികുമാർ, മേക്കപ്പ് -റോണെക്സ് സേവ്യർ, കൊസ്റ്റ്യൂം -ഡിനോ ഡേവിസ്, ചീഫ് അസോസിയേറ്റ് -രാഹുൽ ആർ ശർമ്മ, പിആർഒ -മഞ്ജു ഗോപിനാഥ്, വാഴൂർ ജോസ്, സ്റ്റിൽസ് -റിച്ചാർഡ് ആന്‍റണി, മാർക്കറ്റിംഗ് -ഒബ്സ്ക്യുറ, പരസ്യകല -യെല്ലോടൂത്ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.