പുതുമുഖങ്ങൾക്ക് ഏറെ പ്രാധാന്യം നൽകി ക്രൈം ത്രില്ലറായി ഒരുക്കുന്ന ചിത്രമാണ് കുരുക്ക്. നവാഗതനായ അഭിജിത്ത് നൂറാണി തിരക്കഥ രചിച്ച് സംവിധാനം ചെയ്യുന്ന ഈ ചിത്രത്തിന്റെ ചിത്രികരണം തിരുവനന്തപുരത്ത് പുരോഗമിക്കുകയാണ്.
തലസ്ഥാനനഗരിയെ നടുക്കിയ ഒരു ഇരട്ടക്കൊലപാതകത്തിന്‍റെ കുരുക്കഴിക്കുവാൻ ശ്രമിക്കുന്ന സമർത്ഥനായ ഒരു പൊലീസ് ഉദ്യോഗസ്ഥന്‍റെ കഥയാണ് ചിത്രത്തിന്റെ പ്രമേയം.
സെക്കന്‍റ് ഷോ എന്ന ചിത്രത്തിലൂടെ ശ്രദ്ധേയനായ അനിൽ ആന്‍റോയാണ് ഈ ചിത്രത്തിലെ കേന്ദ്ര കഥാപാത്രമായ സിഐ സാജൻ എന്ന കഥാപാത്രത്തെ അവതരിപ്പിക്കുന്നത്.
മഹേഷ് , ബാലാജി ശർമ്മ, ബിന്ദു കെ.എസ്, യമുന, രാജ് കുമാർ, പ്രീതാ പ്രദീപ്, മീര നായർ, അസീം ഇബ്രാഹിം, ശ്രീജിത്ത് ശ്രീകണ്ഠൻ, സുബിൻ ടാർസൻ, അജയഘോഷ്, സന്ദീപ് സച്ചു, ഡോ.അനീഷ് എന്നിവരും ഈ ചിത്രത്തിലെ പ്രധാന താരങ്ങളാണ്.
ഛായാഗ്രഹണം - റെജിൻസ് സാന്‍റോ. സംഗീതം- യു.എസ്. ദീക്ഷ്, സുരേഷ് പെരിനാട്. ചീഫ് അസോസിയേറ്റ് ഡയറക്ടർ - സുഹാസ് അശോകൻ. കലാസംവിധാനം - രതീഷ് വലിയകുളങ്ങര. കോസ്റ്റ്യും ഡിസൈൻ - രാംദാസ്. മേക്കപ്പ് - ജിജു കൊടുങ്ങല്ലൂർ. സംഘട്ടനം- ബ്യൂസ്‌ലി രാജേഷ്. ഗാനങ്ങൾ - രാജേഷ് നീണ്ടകര, ഷാനി ഭുവൻ.
കോ- റൈറ്റർ ആൻഡ് ക്രിയേറ്റീവ് ഡയറക്ടർ - പി.ജിംഷാർ. പ്രൊജക്റ്റ് ഡിസൈനർ - അഖിൽ അനിരുദ്ധ്. ഫിനാൻസ് മാനേജർ - അഷയ് ജെ. ഫിനാൻസ് കൺട്രോളർ - സന്തോഷ് ബാലരാമപുരം. പ്രൊഡക്ഷൻ എക്സിക്കുട്ടീവ് - കുര്യൻ ജോസഫ്. പ്രൊഡക്ഷൻ കൺടോളർ - മുരുകൻ. പിആർഒ- വാഴൂർ ജോസ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.