Cinema
"ഒ​രു കോ​ട്ട​യം​കാ​ര​ൻ പ​യ്യൻ, ഒ​രു അ​മേ​രി​ക്ക​ൻ പെ​ൺ​കു​ട്ടി​, അ​വ​രു​ടെ യാ​ത്ര​ക​ൾ..!'
Thursday, August 20, 2020 6:51 PM IST
കോ​വി​ഡ് ഭീ​തി​യി​ൽ ജ​നം യാ​ത്ര​ക​ൾ​ക്കു മ​ടി​ക്കു​ന്ന വ​ർ​ത്ത​മാ​ന​കാ​ല​ത്ത് യാ​ത്ര​ക​ളി​ലൂ​ടെ ക​ഥ പ​റ​യു​ന്ന ഒ​രു സി​നി​മ വ​രു​ന്നു... ജി​യോ ബേ​ബി സം​വി​ധാ​നം ചെ​യ്ത ഫ​ണ്‍ ട്രാ​വ​ൽ റൊ​മാ​ന്‍റി​ക് എ​ന്‍റ​ർ​ടെ​യ്ന​ർ "കി​ലോ​മീ​റ്റേ​ഴ്സ് ആ​ൻ​ഡ് കി​ലോ​മീ​റ്റേ​ഴ്സ്’. മ​ല​യാ​ള സി​നി​മാ​ച​രി​ത്ര​ത്തി​ലാ​ദ്യ​മാ​യി മി​നി സ്ക്രീ​നി​ലാ​ണ് സി​നി​മ​യു​ടെ റി​ലീ​സ്...​ ഓ​ണ​ത്തി​ന് ഏ​ഷ്യാ​നെ​റ്റി​ൽ.

കേ​ര​ളം മു​ത​ൽ കാ​ഷ്മീ​ർ വ​രെ ബു​ള്ള​റ്റി​ൽ ക​റ​ങ്ങാ​ൻ തീ​രു​മാ​നി​ക്കു​ന്ന ഒ​രു കോ​ട്ട​യം​കാ​ര​ൻ പ​യ്യ​ന്‍റെ​യും ഒ​ര​മേ​രി​ക്ക​ൻ പെ​ൺ​കു​ട്ടി​യു​ടെ​യും ക​ഥ. ടോ​വി​നോ തോ​മ​സും അ​മേ​രി​ക്ക​ൻ ന​ടി ഇ​ന്ത്യ ജാ​ർ​വി​സു​മാ​ണ് പ്ര​ധാ​ന വേ​ഷ​ങ്ങ​ളി​ൽ.

“വ​ർ​ഷ​ങ്ങ​ളാ​യി ചെ​യ്യ​ണ​മെ​ന്ന് ആ​ഗ്ര​ഹി​ച്ച് ഏ​റെ ന​ട​ന്മാ​രു​ടെ​യും പ്രൊ​ഡ്യൂ​സ​ർ​മാ​രു​ടെ​യും പു​റ​കേ​പോ​യ സി​നി​മ​യാ​ണ് ഇ​പ്പോ​ൾ ടോ​വി​നോ​യി​ലൂ​ടെ സം​ഭ​വി​ച്ച​ത്. എ​ന്‍റെ ആ​ദ്യ​ചി​ത്ര​മാ​യി ചെ​യ്യാ​നി​രു​ന്ന വ​ലി​യ പ്രോ​ജ​ക്ടാണി​ത്. ഇ​ന്ത്യ​യൊ​ട്ടാ​കെ സ​ഞ്ച​രി​ച്ചു ഷൂ​ട്ട് ചെ​യ്ത സി​നി​മ​യാ​ണി​ത്.”
ചി​ത്ര​ത്തി​ന്‍റെ ര​ച​ന​യും സം​വി​ധാ​ന​വും നി​ർ​വ​ഹി​ച്ച ജി​യോ ബേ​ബി സം​സാ​രി​ക്കു​ന്നു.



ടോ​വി​നോ​യി​ലേ​ക്ക് എ​ത്തി​യ​ത്...

ആ​ദ്യ​മാ​യി ഒ​രു സി​നി​മ ചെ​യ്യാ​ൻ ശ്ര​മി​ച്ച​പ്പോ​ൾ എ​നി​ക്ക് ഒ​രാ​ർ​ട്ടി​സ്റ്റി​ന്‍റെ ഡേ​റ്റ് കി​ട്ടാ​നും സി​നി​മ​യു​ടെ കാ​ര്യ​ങ്ങ​ളെ​ല്ലാം അ​നു​കൂ​ല​മാ​യി വ​രാ​നും പ്രാ​യോ​ഗി​ക ബു​ദ്ധി​മു​ട്ടു​ക​ൾ ഏ​റെ​യാ​യി​രു​ന്നു. അ​തി​നാ​ൽ ഈ ​പ്രോ​ജ​ക്ട് മാ​റ്റി​വ​യ്ക്കു​ക​യും താ​ര​ത​മ്യേ​ന ബ​ജ​റ്റ് കു​റ​ഞ്ഞ​തും താ​ര​ങ്ങ​ളി​ല്ലാ​ത്ത​തു​മാ​യ ര​ണ്ടു പെ​ണ്‍​കു​ട്ടി​ക​ൾ, കു​ഞ്ഞു​ദൈ​വം എ​ന്നീ സി​നി​മ​ക​ളി​ലേ​ക്കു ക​ട​ക്കു​ക​യും ചെ​യ്തു.

ഞാ​ൻ മ​ല​യാ​ള​ത്തി​ലെ ഒ​ട്ടു​മി​ക്ക യു​വ​താ​ര​ങ്ങ​ളോ​ടും ഈ ​സി​നി​മ​യു​ടെ ക​ഥ പ​റ​ഞ്ഞി​ട്ടു​ണ്ട്. പ​ല​പ​ല കാ​ര​ണ​ങ്ങ​ളാ​ൽ ഈ ​സി​നി​മ ന​ട​ന്നി​ല്ല. ര​ണ്ടു പെ​ണ്‍​കു​ട്ടി​ക​ളി​ൽ ഗ​സ്റ്റ് അ​പ്പി​യ​റ​ൻ​സാ​യി​രു​ന്നു ടോ​വി​നോ. ആ ​സി​നി​മ​യി​ൽ അ​ഭി​ന​യി​ക്കാ​ൻ അ​ദ്ദേ​ഹം കാ​ണി​ച്ച മ​നോ​ഭാ​വം നോ​ക്കി​യ​പ്പോ​ൾ ഞാ​നു​മാ​യി ഏ​ക​ദേ​ശം സെ​റ്റാ​കു​ന്ന ആ​ളാ​ണെ​ന്നു തോ​ന്നി.

എ​നി​ക്കു വേ​ണ്ട​ത് ഈ ​ക​ഥാ​പാ​ത്രം ചെ​യ്യാ​ൻ പ​റ്റി​യ ഒ​രു ന​ട​നെ ആ​യി​രു​ന്നു. അ​യാ​ളി​ലെ ന​ട​ന് ഇ​തു ചെ​യ്യാ​ൻ പ​റ്റും എ​ന്ന് എ​നി​ക്കു ബോ​ധ്യ​മു​ണ്ടാ​യി​രു​ന്നു. അ​ങ്ങ​നെ ഷൂ​ട്ടി​ന്‍റെ സ​മ​യ​ത്ത് ടോ​വി​യോ​ട് ഈ ​സി​നി​മ​യു​ടെ ക​ഥ പ​റ​ഞ്ഞു. ഈ ​സി​നി​മ ചെ​യ്യാ​മെ​ന്നു വ​ള​രെ ആ​വേ​ശ​ത്തോ​ടെ ടോ​വി സ​മ്മ​തി​ച്ചു.



2015 ൽ ​ടോ​വി​നോ ഈ ​ക​ഥ കേ​ട്ട​പ്പോ​ൾ അ​ദ്ദേ​ഹം താ​ര​മാ​യി​ട്ടി​ല്ല. എ​ന്‍റെ പേ​രു പ​റ​ഞ്ഞാ​ലോ ടോ​വി​നോ​യു​ടെ പേ​രു പ​റ​ഞ്ഞാ​ലോ ഒ​രു പ്രൊ​ഡ്യൂ​സ​റും റെ​ഡി​യാ​വാ​ത്ത സ​മ​യ​മാ​യി​രു​ന്നു അ​ത്. പി​ന്നീ​ടു ടോ​വി​നോ​യ്ക്കു സ്റ്റാ​ർ​ഡ​മൊ​ക്കെ​യാ​യ "ഗോ​ദ’​യ്ക്കു ശേ​ഷം ഈ ​സി​നി​മ ചെ​യ്യാ​ൻ നോ​ക്കി. അ​പ്പോ​ഴും പ​ല പ്ര​ശ്ന​ങ്ങ​ളും വ​ന്നു. പ​ല പ്രൊ​ഡ്യൂ​സേ​ഴ്സും പി​ന്മാ​റി.

ഈ ​സി​നി​മ​യി​ലു​ള്ള കോ​ണ്‍​ഫി​ഡ​ൻ​സ് കാ​ര​ണം ടോ​വി​നോ നി​ർ​മാ​ണ സ​ന്ന​ദ്ധ​ത അ​റി​യി​ച്ചു. സ​പ്പോ​ർ​ട്ടാ​യി ടോ​വി​നോ​യു​ടെ സു​ഹൃ​ത്തു​ക്ക​ളാ​യ റം​ഷി അ​ഹ​മ്മ​ദ്, ഇ​തി​ന്‍റെ കാ​മ​റാ​മാ​ൻ സി​നു സി​ദ്ധാ​ർ​ഥ് എ​ന്നി​വ​രും വ​ന്നു. അ​വ​സാ​ന ഘ​ട്ട​ത്തി​ലാ​ണ് ആ​ന്‍റോ ജോ​സ​ഫ് ഈ ​സി​നി​മ​യി​ലേ​ക്കു വ​ന്ന​ത്. ഞാ​ൻ ഇ​തു​വ​രെ ചെ​യ്ത​തി​ൽ ഏ​റ്റ​വും ചെ​ല​വു കൂ​ടി​യ സി​നി​മ​യാ​ണി​ത്.



പ്രി​യ​ദ​ർ​ശ​ന്‍റെ സി​നി​മ​യു​മാ​യി ബ​ന്ധ​മി​ല്ല

വ​ലി​യ ഒ​രു യാ​ത്ര​യെ​ക്കു​റി​ച്ചാ​ണു സി​നി​മ. പ്രി​യ​ദ​ർ​ശ​ന്‍റെ "മ​ഴ പെ​യ്യു​ന്നു മ​ദ്ദ​ളം കൊ​ട്ടു​ന്നു’ എ​ന്ന സി​നി​മ​യി​ലെ സം​ഭാ​ഷ​ണ​ത്തി​ലൂ​ടെ എ​ല്ലാ​വ​ർ​ക്കും അ​റി​യാ​വു​ന്ന​താ​ണ് "​കി​ലോ​മീ​റ്റേ​ഴ്സ് ആ​ൻ​ഡ് കി​ലോ​മീ​റ്റേ​ഴ്സ്’ എ​ന്ന വാ​ച​കം.​ആ സി​നി​മ​യു​മാ​യോ അ​തി​ലെ സാ​ഹ​ച​ര്യ​ങ്ങ​ളു​മാ​യോ ഈ ​സി​നി​മ​യ്ക്ക് ഒ​രു ബ​ന്ധ​വു​മി​ല്ല. മ​ല​യാ​ളി​ക​ളെ യാ​ത്ര​യു​മാ​യി ഏ​റെ അ​ടു​പ്പി​ക്കാ​ൻ പ​റ്റി​യ ഒ​രു ടൈ​റ്റി​ൽ അ​താ​ണെ​ന്നു തോ​ന്നി.

ഒ​രു അ​മേ​രി​ക്ക​ൻ പെ​ണ്‍​കു​ട്ടി ഇ​ന്ത്യ കാ​ണാ​ൻ വ​രു​ന്നു. നാ​ട്ടി​ൻ​പു​റ​ത്തു​കാ​ര​ൻ ജോ​സ് മോ​ൻ എ​ന്ന പ​യ്യ​നൊ​പ്പം ബു​ള്ള​റ്റി​ൽ ക​റ​ങ്ങാ​ൻ തീ​രു​മാ​നി​ക്കു​ന്നു. ആ ​യാ​ത്ര​യി​ലു​ണ്ടാ​കു​ന്ന സം​ഭ​വ​ങ്ങ​ളാ​ണു സി​നി​മ. കേ​ര​ള​ത്തി​ൽ നി​ന്നു തു​ട​ങ്ങി ത​മി​ഴ്നാ​ട്, ക​ർ​ണാ​ട​ക, ഗോ​വ, പൂ​നെ, ഗു​ജ​റാ​ത്തി​ലെ ബ​റോ​ഡ, ദാ​മ​ൻ ദിയുവി​ലെ ഡ്യൂ, ​രാ​ജ​സ്ഥാ​ൻ, ഹി​മാ​ച​ൽ, കാ​ഷ്മീ​ർ... എ​ന്നി​വി​ട​ങ്ങ​ളി​ലൂ​ടെ സി​നി​മ​യു​ടെ 85 ശ​ത​മാ​ന​വും യാ​ത്ര​യാ​ണ്.



ഇ​ന്ത്യ ജാ​ർ​വി​സി​നെ ക​ണ്ടെ​ത്തി​യ​ത്...

അ​മേ​രി​ക്ക​ൻ പെ​ണ്‍​കു​ട്ടി ഇ​ന്ത്യ ജാ​ർ​വി​സാ​ണ് നാ​യി​ക. അ​വ​ളു​ടെ അ​മ്മ ഗ​ർ​ഭി​ണി​യാ​യി​രു​ന്ന​പ്പോ​ൾ ഇ​ന്ത്യ​യെ​ക്കു​റി​ച്ചു​ള്ള ഏ​തോ പു​സ്ത​കം വാ​യി​ച്ചി​രു​ന്നു. അ​ങ്ങ​നെ​യാ​ണ് അ​വ​ൾ​ക്ക് ഇ​ന്ത്യ​യെ​ന്നു പേ​രി​ട്ട​ത്. മ​ല​യാ​ള​മെ​ന്ന ചെ​റി​യ ഇ​ൻ​ഡ​സ്ട്രി​യി​ൽ അ​ഭി​ന​യി​ക്കാ​ൻ അ​മേ​രി​ക്ക​യി​ൽ നി​ന്ന് പൊ​തു​വേ ആ​രും താ​ത്പ​ര്യ​പ്പെ​ടാ​റി​ല്ല.

എ​ന്‍റെ സു​ഹൃ​ത്തും കു​ഞ്ഞു​ദൈ​വ​ത്തി​ന്‍റെ മ്യൂ​സി​ക് ഡ​യ​റ​ക്ട​റു​മാ​യ മാ​ത്യു പു​ളി​ക്ക​ലി​ന്‍റെ ചി​ല അ​മേ​രി​ക്ക​ൻ ബ​ന്ധ​ങ്ങ​ളി​ലൂ​ടെ അ​വി​ട​ത്തെ ചി​ല ആ​ക്ടി​വി​സ്റ്റു​ക​ളു​മാ​യി ബ​ന്ധ​പ്പെ​ട്ടാ​ണ് ഇ​ന്ത്യ ജാ​ർ​വി​സി​ലേ​ക്ക് എ​ത്തി​യ​ത്.



യാ​ത്ര​യി​ൽ ഇ​ല്ലാ​താ​കു​ന്ന ദൂ​ര​ങ്ങ​ൾ

ന​മു​ക്കു വേ​ണ്ട​പ്പെ​ട്ട ഒ​രാ​ളെ​ക്കാ​ണാ​ൻ ഒ​രു സ്ഥ​ല​ത്തു നി​ന്ന് അ​ക​ലെ​യു​ള്ള മ​റ്റൊ​രു സ്ഥ​ല​ത്തേ​ക്ക് എ​ത്തു​ന്പോ​ൾ ന​മ്മ​ൾ താ​ണ്ടി​യ ദൂ​ര​ങ്ങ​ളൊ​ക്കെ ഇ​ല്ലാ​താ​വു​ക​യാ​ണ്. അ​താ​ണു സി​നി​മ പ​റ​യു​ന്ന​ത്. ശു​ദ്ധ​മാ​യ എ​ന്‍റ​ർ​ടെ​യ്ന​റു​ണ്ടാ​ക്കാ​നാ​ണു ശ്ര​മം. ഒ​പ്പം ചി​ല സോ​ഷ്യ​ൽ ഇ​ഷ്യൂ​സ് പ​റ​ഞ്ഞു​പോ​കു​ന്നു​മു​ണ്ട്.

ജോ​ജു ജോ​ർ​ജ്, സി​ദ്ധാ​ർ​ഥ് ശി​വ, സു​ധീ​ഷ്, മാ​ല പാ​ർ​വ​തി തു​ട​ങ്ങി​യ​വ​രാ​ണു മ​റ്റു വേ​ഷ​ങ്ങ​ളി​ൽ. പാ​ട്ടു​ക​ൾ​ക്കു പ്രാ​ധാ​ന്യ​മു​ള്ള സി​നി​മ​യാ​ണ്. അ​ഞ്ചു പാ​ട്ടു​ക​ളു​ണ്ട്. സൂ​ര​ജ് എ​സ്. കു​റു​പ്പാ​ണ് പാ​ട്ടു​ക​ൾ ചെ​യ്ത​ത്. ബാ​ക്ക് ഗ്രൗ​ണ്ട് സ്കോ​ർ ചെ​യ്ത​തു സു​ഷി​ൻ ശ്യാം.



​തു​ട​ക്കം ടെ​ലി​വി​ഷ​നി​ൽ...

2010 ൽ ​സി​ദ്ധാ​ർ​ഥ് ശി​വ​യാ​ണ് മ​റി​മാ​യ​ത്തി​ന്‍റെ എ​ഴു​ത്തി​ലേ​ക്കു കൊ​ണ്ടു​വ​ന്ന​ത്. മ​ഴ​വി​ൽ മ​നോ​ര​മ​യി​ൽ മ​റി​മാ​യം, മീ​ഡി​യ​വ​ണി​ൽ എം80 ​മൂ​സ, ഫ്ള​വേ​ഴ്സി​ൽ ഉ​പ്പും മു​ള​കും...​ടെ​ലി​വി​ഷ​ൻ ​എ​ഴു​ത്ത് സ​ജീ​വ​മാ​യി. 2014 ലാ​ണു സി​നി​മ​യി​ലെ​ത്തി​യ​ത്. ക​വി​യൂ​ർ ശി​വ​പ്ര​സാ​ദ് സാ​ർ, പ്ര​ഭു രാ​ധാ​കൃ​ഷ്ണ​ൻ, ഗി​രീ​ഷ് മ​നോ, സു​രേ​ഷ് അ​ച്ചൂ​സ് എ​ന്നി​വ​ർ​ക്കൊ​പ്പം അ​സി​സ്റ്റ​ന്‍റാ​യി വ​ർ​ക്ക് ചെ​യ്തി​രു​ന്നു.

ഇ​ന്ന​ത്തെ രീ​തി​യി​ലു​ള്ള സി​നി​മ നി​ർ​മി​ക്കാ​നു​ള്ള പ​ണം കൈ​യി​ൽ ഇ​ല്ലാ​യി​രു​ന്നു. എ​ങ്ങ​നെ ചെ​ല​വു കു​റ​ച്ചു സി​നി​മ നി​ർ​മി​ക്കാ​മെ​ന്നു ചി​ന്തി​ച്ചു. അ​തി​നു പ​റ്റി​യ ഒ​രു ക​ഥ ഉ​ണ്ടാ​യ​പ്പോ​ൾ സു​ഹൃ​ത്തു​ക്ക​ളെ കൂ​ടെ​ക്കൂ​ട്ടി. അ​വി​ടെ നി​ന്നാ​ണ് "രണ്ടു പെ​ണ്‍​കു​ട്ടി​ക​ളു​'ടെ തു​ട​ക്കം.



സീ​റോ ബ​ജ​റ്റ് സി​നി​മ എ​ന്ന രീ​തി​യി​ലാ​യി​രു​ന്നു നി​ർ​മാ​ണം. ഒ​രു ഘ​ട്ട​ത്തി​ൽ മു​ന്പോ​ട്ടു പോ​കാ​നാ​കാ​തെ വ​ന്നു. സു​ഹൃ​ത്തു​ക്ക​ളാ​യ സ​നു എ​സ്. നാ​യ​ർ, ന​സീ​ബ് ബി.​ആ​ർ എ​ന്നി​വ​ർ നി​ർ​മി​ക്കാ​ൻ ത​യാ​റാ​യി. അ​ങ്ങ​നെ "രണ്ടു പെ​ണ്‍​കു​ട്ടി​ക​ൾ' പൂ​ർ​ത്തി​യാ​ക്കി. അ​ന്ന ഫാ​ത്തി​മ​യ്ക്കു ബാ​ല​താ​ര​ത്തി​നു​ള്ള സം​സ്ഥാ​ന​പു​ര​സ്കാ​രം കി​ട്ടി. സി​നി​മ നാ​ട്ടി​ലും വി​ദേ​ശ​ത്തു​മാ​യി 2025 ഫെ​സ്റ്റി​വ​ലു​ക​ളി​ൽ പോ​യി. അ​ന്താ​രാ​ഷ്‌ട്ര അ​വാ​ർ​ഡു​ക​ൾ നേ​ടി.

2015 ൽ ​ര​ണ്ടു പെ​ണ്‍​കു​ട്ടി​ക​ൾ തി​യ​റ്റ​റു​ക​ളി​ലെ​ത്തി. ആ​ദ്യ​ത്തെ സി​നി​മ​യ്ക്കു ലാ​ഭ​മൊ​ന്നും കി​ട്ടി​യി​ല്ലെ​ങ്കി​ലും മു​ട​ക്കി​യ പൈ​സ തി​രി​ച്ചു​കി​ട്ടി. ആ ​പൈ​സ എ​ടു​ത്ത് അ​ടു​ത്ത സി​നി​മ​യി​ൽ മു​ത​ൽ​മു​ട​ക്കാ​ൻ നി​ർ​മാ​താ​ക്ക​ൾ തീ​രു​മാ​നി​ച്ചു. അ​ങ്ങ​നെ ഉ​ണ്ടാ​ക്കി​യ സി​നി​മ​യാ​ണു കു​ഞ്ഞു​ദൈ​വം. അ​തി​ലൂ​ടെ മാ​സ്റ്റ​ർ ​ആ​ദി​ഷ് പ്ര​വീ​ൺ ബാ​ല​താ​ര​ത്തി​നു​ള്ള ദേ​ശീ​യ​പു​ര​സ്കാ​രം നേ​ടി.



പ​ഠി​പ്പി​ക്കു​ന്ന സി​നി​മ​യെ​ടു​ക്കാ​നി​ല്ല

എ​ന്നെ കൂ​ടു​ത​ൽ ഇ​ഷ്ട​പ്പെ​ടു​ത്തു​ന്ന സി​നി​മ​ക​ളാ​ണു ചെ​യ്യു​ന്ന​ത്. "രണ്ടു പെ​ണ്‍​കു​ട്ടി​ക​ൾ' ചെ​യ്യു​ന്ന​തി​നു​മു​ന്പ് അ​ഞ്ചോ പ​ത്തോ ക​ഥ​ക​ൾ ചെ​യ്യേ​ണ്ടെ​ന്നു തീ​രു​മാ​നി​ച്ചി​ട്ടു​ണ്ട്. സി​നി​മ​യി​ലൂ​ടെ സ​ന്ദേ​ശം ന​ല്ക​ണം എ​ന്നു വി​ചാ​രി​ക്കു​ന്നി​ല്ല. പ​ക്ഷേ, സി​നി​മ സാ​മൂ​ഹി​ക പ്ര​ശ്ന​ങ്ങ​ളി​ൽ ഇ​ട​പെ​ട​ണം. ഇ​ങ്ങ​നെ ചെ​യ്യ​ണം എ​ന്നു പ​ഠി​പ്പി​ക്കു​ന്ന സി​നി​മ​യെ​ടു​ക്കാ​ൻ താ​ത്പ​ര്യ​മി​ല്ല.

ആ​ദ്യം ചെ​യ്ത ര​ണ്ടു സി​നി​മ​ക​ളും വ​ലി​യ താ​ര​ങ്ങ​ളി​ല്ലാ​ത്ത ചെ​റി​യ സി​നി​മ​ക​ളാ​ണ്. ആ​ളു​ക​ളെ കൂ​ടു​ത​ൽ ഇ​ഷ്ട​പ്പെ​ടു​ത്തു​ന്ന സി​നി​മ ചെ​യ്യു​ന്ന​തും പോ​പ്പു​ല​റാ​കു​ന്ന ന​ല്ല സി​നി​മ​യു​ടെ ഭാ​ഗ​മാ​കു​ന്ന​തും ഇ​ഷ്ട​മാ​ണ്.

ടി.​ജി.​ബൈ​ജു​നാ​ഥ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.