ഫുജൈറ: യുഎഇ ദേശീയ ദിനത്തിനോട് അനുബന്ധിച്ച് കെെരളി കൾച്ചറൽ അസോസിയേഷൻ ഫുജൈറ യൂണിറ്റ് സംഘടിപ്പിക്കുന്ന കേരളോത്സവത്തിന്‍റെ വിജയകരമായ നടത്തിപ്പിനായി സ്വാഗത സംഘം രൂപികരിച്ചു.
അബ്ദുൾ ഹഖ് ചെയർമാനും അഷ്‌റഫ് പിലാക്കൽ വൈസ് ചെയർമാനും ഹരിഹരൻ ജനറൽ കൺവീനറും വിൽ‌സൺ പട്ടാഴി ജോയിന്‍റ് കൺവീനറുമായ 101 അംഗ സ്വാഗത സംഘമാണ് രൂപീകരിച്ചത്. വിവിധ സബ് കമ്മിറ്റി കൺവീനർമാരെയും യോഗം തെരഞ്ഞെടുത്തു.
യൂണിറ്റ് പ്രസിഡന്‍റ് പ്രദീപ് കുമാറിന്‍റെ അധ്യക്ഷതയിൽ ഫുജൈറ കൈരളി ഓഫിസിൽ ചേർന്ന സ്വാഗത സംഘ രൂപീകരണ യോഗം കൈരളി സെൻട്രൽ കമ്മിറ്റി സെക്രട്ടറി വി.പി. സുജിത്ത് ഉദ്ഘാടനം ചെയ്തു.
ലോക കേരള സഭാംഗം ലെനിൻ ജി. കുഴിവേലി, സെൻട്രൽ കമ്മറ്റി പ്രസിഡന്‍റ് വിത്സൺ പട്ടാഴി, യൂണിറ്റ് ജോയിന്‍റ് സെക്രട്ടറി ടിറ്റോ തോമസ്, വി.എസ്.സുഭാഷ്, രാജശേഖരൻ വല്ലത്ത്, ശ്രീവിദ്യ ടീച്ചർ, രഞ്ജിത്ത് നിലമേൽ, സതീശൻ പൊട്ടത്ത്, ജുനൈസ്, സുധീഷ്, മിനു തോമസ്, ഷൗഫീദ് എന്നിവർ സംസാരിച്ചു.
കൈരളി ഫുജൈറ യൂണിറ്റ് സെക്രട്ടറി വിഷ്ണു അജയ് സ്വാഗതവും നമിത പ്രമോദ് നന്ദിയും പറഞ്ഞു