Play Audio

വ​ന്യ​മൃ​ഗ​ങ്ങ​ൾ​ക്കൊ​പ്പം വ​നം​വ​കു​പ്പി​നെ​യും നി​ല​യ്ക്കു നി​ർ​ത്ത​ണം
Friday, May 16, 2025 12:00 AM IST
സ​മാ​ന്ത​ര ഏ​കാ​ധി​പ​ത്യ ഭ​ര​ണ​സം​വി​ധാ​നം​ പോ​ലെ പ്ര​വ​ർ​ത്തി​ക്കു​ന്ന വ​നം​വ​കു​പ്പി​നു​മേ​ൽ
എ​പ്പോ​ഴും ബ്ബ​ബ്ബ​ബ്ബ പ​റ​യു​ന്ന മ​ന്ത്രി​ക്കോ മ​ന്ത്രി​സ​ഭ​യ്ക്കു​ത​ന്നെ​യോ യാ​തൊ​രു നി​യ​ന്ത്ര​ണ​വു​മി​ല്ലെ​ന്നു വ​രു​ന്ന​ത് ജ​നാ​ധി​പ​ത്യ​ സം​വി​ധാ​ന​ത്തി​ന് യോ​ജി​ച്ച​താ​ണോ എ​ന്ന​താ​ണു കാ​ത​ലാ​യ ചോ​ദ്യം. ഒ​പ്പം, ഇ​നി​യെ​ത്ര കാ​ലം ആ​വ​ർ​ത്ത​ന​ക്ക​ഷാ​യ​ത്തി​ന്‍റെ ക​യ്പ് കു​ടി​ച്ചി​റ​ക്കി വ​ന​മേ​ഖ​ല​യി​ലെ ജ​ന​ങ്ങ​ൾ ജീ​വി​ക്ക​ണ​മെ​ന്ന​തും.

ന​ഷ്‌​ട​പ​രി​ഹാ​ര​ത്തി​ലെ അ​നീ​തി​യെ​ക്കു​റി​ച്ചെ​ഴു​തി​യി​ട്ടു മ​ഷി​യു​ണ​ങ്ങി​യി​ല്ല. അ​തി​നു​മു​ന്പി​താ ഒ​രാ​ൾ​കൂ​ടി ക​ടു​വ​യ്ക്കു ഭ​ക്ഷ​ണ​മാ​യി​രി​ക്കു​ന്നു. മ​ല​പ്പു​റം ജി​ല്ല​യി​ലെ കാ​ളി​കാ​വ് പ​ഞ്ചാ​യ​ത്തി​ലെ അ​ട​യ്ക്കാ​ക്കു​ണ്ടി​ലാ​ണ് ദാ​രു​ണ​സം​ഭ​വം.

അ​ട​യ്ക്കാ​ക്കു​ണ്ട് പാ​റ​ശേ​രി​മ​ല​യി​ൽ ടാ​പ്പിം​ഗ് ജോ​ലി​യി​ലാ​യി​രു​ന്ന ക​ല്ലാ​മൂ​ല സ്വ​ദേ​ശി ക​ള​പ്പ​റ​ന്പ​ൻ അ​ബ്ദു​ൾ ഗ​ഫൂ​റി(44)​നെ​യാ​ണ് ക​ടു​വ കൊ​ന്നു തി​ന്ന​ത്. വ​നാ​തി​ർ​ത്തി​യി​ൽ​നി​ന്നു ര​ണ്ടു കി​ലോ​മീ​റ്റ​ർ അ​ക​ലെ​യാ​യി​രു​ന്നു സം​ഭ​വം. ഗ​താ​ഗ​ത സൗ​ക​ര്യം കു​റ​വാ​യ​തി​നാ​ൽ വ​ന​പാ​ല​ക​രും നാ​ട്ടു​കാ​രും പോ​ലീ​സു​മെ​ത്താ​ൻ വൈ​കി.

വ​നം​വ​കു​പ്പി​നും ഉ​ദ്യോ​ഗ​സ്ഥ​വൃ​ന്ദ​ത്തി​നു​മെ​തി​രേ കാ​ളി​കാ​വി​ൽ ശ​ക്ത​മാ​യ പ്ര​തി​ഷേ​ധ​മു​ണ്ടാ​യി. സ്ഥ​ല​ത്തെ​ത്തി​യ നി​ല​ന്പൂ​ർ സൗ​ത്ത് ഡി​എ​ഫ്ഒ ധ​നി​ക് ലാ​ലി​നെ നാ​ട്ടു​കാ​ർ ത​ട​ഞ്ഞു. ഗ​ഫൂ​റി​ന്‍റെ മൃ​ത​ദേ​ഹം കൊ​ണ്ടു​പോ​കു​ന്ന​തി​നു​മു​ന്പ് ക​ടു​വ​യു​ടെ കാ​ര്യ​ത്തി​ലും ഇ​നി​യൊ​രാ​ക്ര​മ​ണം ത​ട​യു​ന്ന കാ​ര്യ​ത്തി​ലും ഉ​റ​പ്പു വേ​ണ​മെ​ന്ന് നാ​ട്ടു​കാ​ർ ശ​ഠി​ച്ചു.

ന​ര​ഭോ​ജി​ക്ക​ടു​വ​യെ വെ​ടി​വ​ച്ചു​കൊ​ല്ലാ​ൻ ഉ​ത്ത​ര​വു പു​റ​പ്പെ​ടു​വി​ക്ക​ണ​മെ​ന്നും അ​വ​ർ ആ​വ​ശ്യ​പ്പെ​ട്ടു. മ​യ​ക്കു​വെ​ടി വ​ച്ച് പി​ടി​ക്കാ​മെ​ന്ന വ​നം​വ​കു​പ്പു​ദ്യോ​ഗ​സ്ഥ​രു​ടെ പ​തി​വു വാ​ച​ക​മൊ​ന്നും അ​വ​രെ തൃ​പ്തി​പ്പെ​ടു​ത്തി​യി​ല്ല. ഈ ​പ്ര​ദേ​ശ​ത്ത് മാ​സ​ങ്ങ​ളാ​യി വ​ള​ർ​ത്തു​മൃ​ഗ​ങ്ങ​ളെ വ​ന്യ​ജീ​വി കൊ​ല്ലു​ന്ന​തു പ​തി​വാ​യി​രു​ന്നു. നി​ര​ന്ത​രം പ​രാ​തി ന​ല്കി​യി​ട്ടും ന​ട​പ​ടി​യു​ണ്ടാ​യി​ല്ലെ​ന്ന് നാ​ട്ടു​കാ​രും എം​എ​ൽ​എ​യും ആ​രോ​പി​ച്ചു.

ഗ​ഫൂ​ർ എ​ന്ന ചെ​റു​പ്പ​ക്കാ​ര​ന്‍റെ ഓ​ർ​മ​ക​ൾ​ക്കു മു​ന്നി​ൽ കൈ ​കൂ​പ്പി​ക്കൊ​ണ്ട് ഇ​നി​യെ​ന്താ​ണു പ​റ​യേ​ണ്ട​ത്? പു​തു​താ​യൊ​ന്നു​മി​ല്ല. എ​ല്ലാം പ​ഴ​യ​തു​ത​ന്നെ. നൂ​റ്റൊ​ന്നാ​വ​ർ​ത്തി​ച്ചാ​ൽ ക്ഷീ​ര​ബ​ല​യ്ക്കു ഗു​ണ​ഫ​ലം കൂ​ടും. എ​ന്നാ​ൽ, എ​ത്ര വി​മ​ർ​ശി​ച്ചാ​ലും അ​പേ​ക്ഷി​ച്ചാ​ലും നൊ​ന്തു നി​ല​വി​ളി​ച്ചാ​ലും നാ​ണ​വും മാ​ന​വും ഉ​ളു​പ്പു​മി​ല്ലാ​ത്ത വ​നം​വ​കു​പ്പി​ലെ ഉ​ദ്യോ​ഗ​സ്ഥ​വൃ​ന്ദം അ​ന​ങ്ങി​ല്ല. ച​ക്കി​ക്കൊ​ത്ത ച​ങ്ക​ര​നെ​ന്ന​പോ​ലെ ഒ​രു മ​ന്ത്രി​യും!

ഇ​നി പ​തി​വു​പോ​ലെ ന​ഷ്‌​ട​പ​രി​ഹാ​രം, ആ​ശ്രി​ത​ർ​ക്ക് ജോ​ലി, ഉ​ദ്യോ​ഗ​സ്ഥ-​മ​ന്ത്രി പും​ഗ​വ​രു​ടെ ഉ​റ​പ്പ്, കൂ​ട്, കെ​ണി... മ​റ്റൊ​ന്നും ചെ​യ്യാ​നി​ല്ലാ​തെ നി​സ​ഹാ​യ​രാ​യി പ്ര​തി​ഷേ​ധി​ക്കു​ന്ന ജ​ന​ങ്ങ​ൾ ഇ​തൊ​ക്കെ കേ​ട്ട് വീ​ണ്ടും കീ​ഴ​ട​ങ്ങും. അ​ടു​ത്ത ഇ​ര​യു​ടെ ചോ​ര വീ​ഴും​വ​രെ എ​ല്ലാം പ​ഴ​യ​പ​ടി.

ഇ​നി കൊ​ല്ല​പ്പെ​ടു​ന്ന​വ​രു​ടെ മൃ​ത​ദേ​ഹ​ങ്ങ​ളു​മാ​യി നി​യ​മ​സ​ഭ​ക​ളി​ലേ​ക്കും പാ​ർ​ല​മെ​ന്‍റി​ലേ​ക്കു​മാ​ണ് വി​ലാ​പ​യാ​ത്ര ന​ട​ത്തേ​ണ്ട​തെ​ന്ന് ഒ​രു മു​ഖ​പ്ര​സം​ഗ​ത്തി​ൽ ദീ​പി​ക പ​റ​ഞ്ഞ​ത് മൂ​ന്നു​മാ​സം മു​ന്പാ​ണ്. മൂ​ന്നു മ​നു​ഷ്യ​ജീ​വി​ക​ളെ കാ​ട്ടാ​ന ച​വി​ട്ടി​ക്കൊ​ന്ന രോ​ഷ​വും സ​ങ്ക​ട​വു​മാ​ണ് അ​ന്ന​ങ്ങ​നെ പ​റ​യി​ച്ച​ത്. ഇ​നി​യു​മ​തു പ​റ​യേ​ണ്ടി​വ​ര​ല്ലേ എ​ന്ന യാ​ച​ന​യു​മി​താ വി​ഫ​ല​മാ​യി​രി​ക്കു​ന്നു.

1972ലെ ​വ​നം-​വ​ന്യ​ജീ​വി സം​ര​ക്ഷ​ണ​നി​യ​മ​ത്തെ​ക്കു​റി​ച്ച് പ​റ​യേ​ണ്ട​തെ​ല്ലാം പ​റ​ഞ്ഞു​ക​ഴി​ഞ്ഞു. ഈ ​പ്രാ​കൃ​ത​നി​യ​മം പ​രി​ഷ്ക​രി​ക്ക​ണ​മെ​ന്ന് ജ​ന​പ്ര​തി​നി​ധി​ക​ള​ട​ക്കം മു​റ​വി​ളി കൂ​ട്ടി. കേ​ൾ​ക്കേ​ണ്ട​വ​ർ കേ​ട്ടി​ല്ല. ന്യാ​യീ​ക​ര​ണ​ങ്ങ​ളു​ടെ ഉ​ണ്ട​യി​ല്ലാ​വെ​ടി​ക​ൾ മാ​ത്രം തി​രി​ച്ചു​കി​ട്ടി. മ​നു​ഷ്യ​നു ഭീ​ഷ​ണി​യാ​കു​ന്ന മൃ​ഗ​ങ്ങ​ളെ കൊ​ല്ലാ​ൻ ഈ ​നി​യ​മ​ത്തി​ൽ വ​കു​പ്പു​ണ്ടെ​ന്നാ​ണു പ​തി​വു​ഭാ​ഷ്യം. ഇ​തു ന​ട​പ്പാ​ക്കാ​ൻ ഒ​രു​ദ്യോ​ഗ​സ്ഥ​നും ഇ​റ​ങ്ങി​പ്പു​റ​പ്പെ​ടി​ല്ല.

അ​ത്ര സ​ങ്കീ​ർ​ണ​വും പ​രി​ഹാ​സ്യ​വു​മാ​ണ് ന​ട​പ​ടി​ക്ര​മ​ങ്ങ​ൾ. ചെ​റി​യൊ​രു സം​ശ​യ​മു​ണ്ടാ​യാ​ൽ കോ​ട​തി​യി​ൽ​നി​ന്നി​റ​ങ്ങാ​ൻ നേ​ര​മു​ണ്ടാ​കി​ല്ല. ദു​ര​ന്ത​മു​ണ്ടാ​കു​ന്പോ​ൾ പ്ര​സ്താ​വ​ന ന​ട​ത്തു​ക​യും ന​ഷ്‌​ട​പ​രി​ഹാ​രം ന​ൽ​കു​ക​യും ത​ന്നെ എ​ളു​പ്പം.

നി​യ​മം മാ​റ്റേ​ണ്ട​ത് അ​നി​വാ​ര്യ​മാ​ണ്. എ​ന്നാ​ൽ, അ​തി​ല്ലാ​തെ​ത​ന്നെ ചെ​യ്യാ​ൻ അ​നേ​കം കാ​ര്യ​ങ്ങ​ളു​ണ്ട്. അ​തൊ​ക്കെ ചെ​യ്താ​ൽ​ത​ന്നെ കു​റെ ജീ​വ​ൻ ര​ക്ഷി​ക്കാ​നാ​കും. എ​ന്നാ​ൽ ധാ​ർ​ഷ്‌​ട്യ​വും അ​ഹ​ന്ത​യും ത​ല​യ്ക്കു പി​ടി​ച്ച ഉ​ദ്യോ​ഗ​സ്ഥ​മേ​ധാ​വി​ക​ൾ ജ​ന​ങ്ങ​ളെ ശ​ത്രു​ക്ക​ളെ​യെ​ന്നോ​ണ​മാ​ണ് നേ​രി​ടു​ന്ന​ത്.

നാ​ടു ഭ​രി​ക്കു​ന്നു​വെ​ന്ന് അ​വ​കാ​ശ​പ്പെ​ടു​ന്ന രാ​ഷ്‌​ട്രീ​യ നേ​തൃ​ത്വ​ത്തെ​പ്പോ​ലും അ​വ​ർ ത​രി​ന്പും വ​ക​വ​യ്ക്കു​ന്നി​ല്ല. ആ​രും പ​റ​യു​ന്ന​തു കേ​ൾ​ക്കാ​ത്ത വ​ന​പാ​ല​ക​രോ​ട്, കാ​ട്ടു​പ​ന്നി​യെ വെ​ടി​വ​യ്ക്കു​ന്ന​വ​ർ​ക്കു പി​ന്നാ​ലെ പോ​കേ​ണ്ടെ​ന്ന് മു​ഖ്യ​മ​ന്ത്രി​ത​ന്നെ പ​റ​യേ​ണ്ടി​വ​രു​ന്ന അ​വ​സ്ഥ. ഈ​യ​വ​സ്ഥ മാ​റ്റാ​നു​ള്ള ഇ​ച്ഛാ​ശ​ക്തി ഭ​രി​ക്കു​ന്ന​വ​ർ​ക്ക് കി​ട്ടാ​ൻ ഇ​നി​യെ​ന്താ​ണ് ചെ​യ്യേ​ണ്ട​ത്?

ഇ​ക്കാ​ര്യ​ങ്ങ​ളോ​ടു ചേ​ർ​ത്തു​വ​യ്ക്കേ​ണ്ട കാ​ര്യ​മാ​ണ് ക​ഴി​ഞ്ഞ ദി​വ​സം പ​ത്ത​നം​തി​ട്ട ജി​ല്ല​യി​ലെ കോ​ന്നി​യി​ൽ ന​ട​ന്ന​ത്. ഒ​രു വ്യ​ക്തി​യു​ടെ ഭൂ​മി​യി​ൽ കാ​ട്ടാ​ന ഷോ​ക്കേ​റ്റു ചെ​രി​ഞ്ഞു. ഉ​ട​മ​യ്ക്കെ​തി​രേ വ​നം​വ​കു​പ്പ് സ്വാ​ഭാ​വി​ക​മാ​യും കേ​സെ​ടു​ത്തു. വീ​റും കാ​ര്യ​ക്ഷ​മ​ത​യും കൂ​ടി​യ അ​വ​ർ മ​റ്റൊ​ന്നു​കൂ​ടി ചെ​യ്തു.

ആ ​സ്ഥ​ലം വൃ​ത്തി​യാ​ക്കാ​ൻ കൊ​ണ്ടു​വ​ന്ന എ​സ്ക​വേ​റ്റ​റി​ന്‍റെ ഡ്രൈ​വ​റെ ക​സ്റ്റ​ഡി​യി​ലെ​ടു​ത്തു. വി​വ​ര​മ​റി​ഞ്ഞ് ഫോ​റ​സ്റ്റ് സ്റ്റേ​ഷ​നി​ലെ​ത്തി​യ കെ.​യു. ജ​നീ​ഷ്കു​മാ​ർ എം​എ​ൽ​എ ഇ​ദ്ദേ​ഹ​ത്തെ മോ​ചി​പ്പി​ച്ചു. എം​എ​ൽ​എ ചെ​യ്ത​തി​ന്‍റെ തെ​റ്റും ശ​രി​യു​മ​ല്ല ഇ​വി​ടെ വി​ല​യി​രു​ത്തു​ന്ന​ത്.

അ​ങ്ങ​നെ​യൊ​രു സം​ഭ​വം ഉ​ണ്ടാ​കാ​നി​ട​യാ​ക്കി​യ വ​നം​വ​കു​പ്പി​ന്‍റെ ബു​ദ്ധി​ശൂ​ന്യ​വും അ​ഹ​ങ്കാ​ര​ജ​ടി​ല​വു​മാ​യ ന​ട​പ​ടി​യെ​യാ​ണ് വി​മ​ർ​ശി​ക്കു​ന്ന​ത്. ആ ​പ്ര​ദേ​ശ​ത്ത് ആ​ന​ശ​ല്യം മൂ​ലം ജ​നം പൊ​റു​തി​മു​ട്ടു​ന്നു. അ​പ്പോ​ഴാ​ണ് ആ​ന ചെ​രി​ഞ്ഞ​തു​മാ​യി യാ​തൊ​രു ബ​ന്ധ​വു​മി​ല്ലാ​ത്ത​യാ​ളെ ക​സ്റ്റ​ഡി​യി​ലെ​ടു​ത്തു വ​കു​പ്പി​ന്‍റെ പൊ​റാ​ട്ടു​നാ​ട​കം.

സ​മാ​ന്ത​ര ഏ​കാ​ധി​പ​ത്യ ഭ​ര​ണ​സം​വി​ധാ​നം​പോ​ലെ പ്ര​വ​ർ​ത്തി​ക്കു​ന്ന വ​നം​വ​കു​പ്പി​നു​മേ​ൽ എ​പ്പോ​ഴും ബ്ബ​ബ്ബ​ബ്ബ പ​റ​യു​ന്ന മ​ന്ത്രി​ക്കോ മ​ന്ത്രി​സ​ഭ​യ്ക്കു​ത​ന്നെ​യോ യാ​തൊ​രു നി​യ​ന്ത്ര​ണ​വു​മി​ല്ലെ​ന്നു വ​രു​ന്ന​ത് ജ​നാ​ധി​പ​ത്യ സം​വി​ധാ​ന​ത്തി​ന് യോ​ജി​ച്ച​താ​ണോ എ​ന്ന​താ​ണു കാ​ത​ലാ​യ ചോ​ദ്യം. ഒ​പ്പം, ഇ​നി​യെ​ത്ര കാ​ലം ആ​വ​ർ​ത്ത​ന​ക്ക​ഷാ​യ​ത്തി​ന്‍റെ ക​യ്പ് കു​ടി​ച്ചി​റ​ക്കി വ​ന​മേ​ഖ​ല​യി​ലെ ജ​ന​ങ്ങ​ൾ ജീ​വി​ക്ക​ണ​മെ​ന്ന​തും.
Copyright @ 2018 , Rashtra Deepika Ltd.