Play Audio

കെ​ടു​കാ​ര്യ​സ്ഥ​ത​യു​ടെ മ​ണ്ണി​ടി​ഞ്ഞ് ദേ​ശീ​യ​പാ​ത
Thursday, May 22, 2025 12:00 AM IST
ദേ​​​ശീ​​​യ​​​പാ​​​ത പ​​​ര​​​ക്കെ ത​​​ക​​​രു​​​ക​​​യാ​​​ണ്. മ​​​​ല​​​​ക​​​​ളി​​​​ൽ മ​​​​ണ്ണി​​​​ടി​​​​യു​​​​ന്ന​​​​തു ത​​​​ട​​​​യാ​​​​നാ​​​വി​​​ല്ലെ​​​ങ്കി​​​ലും കോ​​​​ടി​​​​ക​​​​ൾ മു​​​​ട​​​​ക്കി​​​യ റോ​​​​ഡു​​​​ക​​​​ളി​​ൽ മ​​​​ണ്ണി​​​​ടി​​​​യു​​​​ന്ന​​​​തും വി​​​ള്ള​​​ലു​​​ണ്ടാ​​​കു​​​ന്ന​​​തും ത​​​​ട​​​​യാ​​​​നാ​​​​കും.
കെ​​​​ടു​​​​കാ​​​​ര്യ​​​​സ്ഥ​​​​ത ഇ​​​​ല്ലാ​​​​താ​​​​ക്കി​​​​യാ​​​​ൽ മ​​​​തി.

ഒ​ന്പ​തു മാ​സം മു​ന്പാ​ണ് ക​ർ​ണാ​ട​ക​ത്തി​ലെ ഷി​രൂ​രി​ൽ ദേ​ശീ​യ​പാ​ത​യി​ലേ​ക്കു മ​ണ്ണി​ടി​ഞ്ഞ് മ​ല​യാ​ളി​യാ​യ ലോ​റി ഡ്രൈ​വ​ർ അ​ർ​ജു​ൻ ഉ​ൾ​പ്പെ​ടെ എ​ട്ടു​പേ​ർ മ​രി​ച്ച​ത്. റോ​ഡ് നി​ർ​മാ​ണ​ത്തി​ന്‍റെ അ​പാ​ക​ത​യാ​യി​രു​ന്നു കാ​ര​ണ​ങ്ങ​ളി​ൽ മു​ഖ‍്യം. മൂ​ന്നു മാ​സ​ത്തോ​ളം ദ​ക്ഷി​ണേ​ന്ത്യ​യി​ലെ ഏ​റ്റ​വും വ​ലി​യ ര​ക്ഷാ​പ്ര​വ​ർ​ത്ത​ന​മാ​ണ് അ​ന്നു ന​ട​ത്തി​യ​ത്.

പ​ക്ഷേ, ഒ​ന്നും പ​ഠി​ച്ചി​ല്ല. ആ ​ദേ​ശീ​യ​പാ​ത 66ന്‍റെ ഭാ​ഗ​മാ​യ കേ​ര​ള​ത്തി​ലെ റോ​ഡു​ക​ളാ​ണ് തു​ട​ർ​ച്ച​യാ​യി ഇ​ടി​ഞ്ഞു​വീ​ണു​കൊ​ണ്ടി​രി​ക്കു​ന്ന​ത്. വാ​ഹ​ന​ങ്ങ​ളും ആ​ളു​ക​ളും ആ​പ​ത്തി​ൽ​നി​ന്നു ര​ക്ഷ​പ്പെ​ട്ട​ത് ത​ല​നാ​രി​ഴ​യ്ക്കാ​ണ്. കു​ന്നി​ടി​ച്ചും ച​തു​പ്പു​നി​ല​ങ്ങ​ളി​ലൂ​ടെ​യു​മു​ള്ള റോ​ഡി​ന്‍റെ സു​ര​ക്ഷ​യെ​ക്കു​റി​ച്ച് ജ​ന​പ്ര​തി​നി​ധി​ക​ളും ജ​ന​ങ്ങ​ളും മു​ന്ന​റി​യി​പ്പു ന​ൽ​കി​യെ​ങ്കി​ലും ഗൗ​നി​ച്ചി​ല്ല.

ദേ​ശീ​യ​പാ​ത അ​ഥോ​റി​റ്റി​യും എ​ൻ​ജി​നി​യ​ർ​മാ​രു​മൊ​ക്കെ ഇ​ത്ര​യേ ഉ​ള്ളോ? എ​ന്തി​ന്‍റെ സൂ​ച​ന​യാ​ണി​ത്? വ​ർ​ഷ​ത്തി​ൽ ആ​റു മാ​സ​മെ​ങ്കി​ലും മ​ഴ പെ​യ്യു​ന്ന കേ​ര​ള​ത്തി​ൽ സം​ഭ​വി​ക്കാ​നി​രി​ക്കു​ന്ന ദു​ര​ന്ത​ങ്ങ​ളു​ടെ മു​ന്ന​റി​യി​പ്പോ? ക​ഴി​ഞ്ഞ ദി​വ​സ​ങ്ങ​ളി​ൽ ദേ​ശീ​യ​പാ​ത 66ൽ ​പ​ല​യി​ട​ത്തും റോ​ഡ് ത​ക​ർ​ന്നു. മ​ല​പ്പു​റം ജി​ല്ല​യി​ലെ ത​ല​പ്പാ​റ​യി​ൽ ആ​റു​വ​രി ദേ​ശീ​യ​പാ​ത​യി​ൽ വി​ള്ള​ലു​ണ്ടാ​യ​ത് ചൊ​വ്വാ​ഴ്ച​യാ​ണ്.

അ​തി​നു​മു​ന്പ് പാ​ത ത​ക​ർ​ന്ന കൂ​രി​യാ​ടി​ന് ഏ​താ​നും കി​ലോ​മീ​റ്റ​ർ അ​ക​ലെ​യാ​ണി​ത്. മ​ല​പ്പു​റം ജി​ല്ല​യി​ലെ എ​ട​രി​ക്കോ​ട് മ​മ്മാ​ലി​പ​ടി​യി​ലും ചെ​റു​ശാ​ല​യി​ലും ഇ​ന്ന​ലെ വി​ള്ള​ൽ ക​ണ്ടെ​ത്തി. തൃ​ശൂ​രി​ലെ ചാ​വ​ക്കാ​ടും ദേ​ശീ​യ​പാ​ത 66ൽ ​വി​ള്ള​ലു​ണ്ടാ​യി. ഇ​തി​നി​ടെ ക​ണ്ണൂ​ർ ത​ളി​പ്പ​റ​മ്പ് കു​പ്പ​ത്ത് ദേ​ശീ​യ​പാ​ത​യി​ൽ മ​ണ്ണി​ടി​ഞ്ഞ് വീ​ടു​ക​ളി​ലേ​ക്ക് എ​ത്തു​ന്നു​വെ​ന്ന് ആ​രോ​പി​ച്ച് നാ​ട്ടു​കാ​ർ ദേ​ശീ​യ​പാ​ത ഉ​പ​രോ​ധി​ച്ചു.

അ​വി​ടെ ഇ​ന്ന​ലെ വീ​ണ്ടും മ​ണ്ണി​ടി​ഞ്ഞു. കാ​ഞ്ഞ​ങ്ങാ​ട് ചെ​ങ്ക​ള-​നീ​ലേ​ശ്വ​രം റീ​ച്ചി​ലെ ക​ല്യാ​ൺ റോ​ഡി​ലും സ​ർ​വീ​സ് റോ​ഡ് ഇ​ടി​ഞ്ഞു​വീ​ണു. ക​ല്ലും മ​ണ്ണും ടാ​റിം​ഗും ഒ​ലി​ച്ചു​പോ​യ​തോ​ടെ മീ​റ്റ​റു​ക​ളോ​ളം ആ​ഴ​ത്തി​ല്‍ കു​ഴി രൂ​പ​പ്പെ​ട്ടു. ത​ക​ര്‍​ന്ന ഭാ​ഗ​ത്തു​കൂ​ടി മ​ഴ​വെ​ള്ളം കു​ത്തി​യൊ​ഴു​കു​ന്ന​തു ശ്ര​ദ്ധ​യി​ല്‍​പ്പെ​ട്ട യാ​ത്ര​ക്കാ​ര​ൻ മ​റ്റു വാ​ഹ​ന​ങ്ങ​ൾ ത​ട​ഞ്ഞു​നി​ര്‍​ത്തി​യ​തി​നാ​ല്‍ ദു​ര​ന്തം ഒ​ഴി​വാ​യി. എ​പ്പോ​ഴും ഇ​തു സം​ഭ​വി​ക്ക​ണ​മെ​ന്നി​ല്ല.

ഇ​തു​കൂ​ടാ​തെ ക്രൈ​സ്റ്റ് സി​എം​ഐ പ​ബ്ലി​ക് സ്‌​കൂ​ളി​ന്‍റെ കി​ഴ​ക്കു​ഭാ​ഗ​ത്താ​യി വി​ള്ള​ല്‍ ഉ​ണ്ടാ​യി​ട്ടു​ണ്ട്. മ​ല​പ്പു​റം വേ​ങ്ങ​ര ദേ​ശീ​യ​പാ​ത​യി​ൽ മ​ണ്ണി​ടി​ഞ്ഞ​തു തി​ങ്ക​ളാ​ഴ്ച​യാ​ണ്. ഇ​തെ​ന്തൊ​രു റോ​ഡു​പ​ണി​യാ​ണ്! കാ​ല​വ​ർ​ഷം തു​ട​ങ്ങി​യി​ട്ടു​പോ​ലു​മി​ല്ലെ​ന്നോ​ർ​ക്ക​ണം. ഏ​റെ കൊ​ട്ടി​ഘോ​ഷി​ച്ച ദേ​ശീ​യ​പാ​ത​യി​ലെ തു​ട​ർ​ച്ച​യാ​യ ത​ക​ർ​ച്ച​യ്ക്ക് ആ​രും ഉ​ത്ത​ര​വാ​ദി​ത്വം ഏ​റ്റെ​ടു​ക്കു​ന്നി​ല്ല.

കൂ​രി​യാ​ട്ടെ വ​യ​ലി​ലൂ​ടെ ക​ട​ന്നു​പോ​കു​ന്ന റോ​ഡി​ന്‍റെ നി​ർ​മാ​ണ​ത്തെ​ക്കു​റി​ച്ചു​ള്ള ആ​ശ​ങ്ക നേ​ര​ത്തേ​ത​ന്നെ ദേ​ശീ​യ​പാ​താ അ​ഥോ​റി​റ്റി​യെ അ​റി​യി​ച്ചി​രു​ന്ന​താ​ണെ​ന്നും എ​ന്നാ​ൽ മു​ഖ​വി​ല​യ്ക്കെ​ടു​ത്തി​ല്ലെ​ന്നും ജ​ന​പ്ര​തി​നി​ധി​ക​ൾ പ​റ​ഞ്ഞു. റോ​ഡി​ന്‍റെ ഭാ​ര​മു​ണ്ടാ​ക്കി​യ സ​മ്മ​ർ​ദ​ത്തി​ൽ വ​യ​ലി​ലെ മ​ണ്ണ് തെ​ന്നി​മാ​റി​യ​തി​നാ​ലാ​ണ് അ​പ​ക​ടം ഉ​ണ്ടാ​യ​തെ​ന്നാ​ണു പ്രാ​ഥ​മി​ക നി​ഗ​മ​ന​മെ​ന്ന് ജി​ല്ലാ ഭ​ര​ണ​കൂ​ടം പ​റ​ഞ്ഞി​ട്ടു​ണ്ട്.

മ​ഴ​യെ​ത്തു​ട​ർ​ന്ന് വ​യ​ലി​ൽ വി​ള്ള​ലു​ണ്ടാ​യി മ​ണ്ണ് നീ​ങ്ങി​പ്പോ​യ​താ​ണ് അ​പ​ക​ട​ത്തി​നു കാ​ര​ണ​മെ​ന്നാ​ണ് ദേ​ശീ​യ​പാ​താ പ്രോ​ജ​ക്‌​ട് ഡ​യ​റ​ക്‌​ട​ർ അ​ൻ​ഷു​ൽ ശ​ർ​മ​യു​ടെ വി​ശ​ദീ​ക​ര​ണം. അ​ദ്ദേ​ഹം​ത​ന്നെ തു​ട​ർ​ന്നു പ​റ​ഞ്ഞ​താ​ണ് വി​ചി​ത്രം. വി​ദ​ഗ്ധ പ​രി​ശോ​ധ​ന ന​ട​ത്തി​യി​രു​ന്നെ​ന്നും വ​യ​ലി​ലെ അ​ശാ​സ്ത്രീ​യ നി​ർ​മാ​ണ​മാ​ണ് ത​ക​ർ​ച്ച​യ്ക്കു വ​ഴി​യൊ​രു​ക്കി​യ​തെ​ന്ന ആ​രോ​പ​ണം ശ​രി​യ​ല്ലെ​ന്നു​മാ​ണ് അ​ദ്ദേ​ഹം പ​റ​യു​ന്ന​ത്.

വ​യ​ലി​ൽ മ​ണ്ണി​ട്ടു​യ​ർ​ത്തി​യും കു​ന്നു​ക​ൾ അ​ശാ​സ്ത്രീ​യ​മാ​യി ഇ​ടി​ച്ചു​നി​ര​ത്തി​യു​മാ​ണ് നി​ർ​മാ​ണ​മെ​ന്നും കേ​ര​ള​ത്തി​ൽ മ​ഴ പെ​യ്യു​മെ​ന്നും ഓ​രോ പ്ര​ദേ​ശ​ത്തെ​യും മ​ണ്ണു പ​രി​ശോ​ധി​ക്ക​ണ​മെ​ന്നും അ​റി​യാ​ത്ത അ​ഥോ​റി​റ്റി​യു​ടേ​ത് എ​ന്തു വി​ദ​ഗ്ധ പ​രി​ശോ​ധ​ന​യാ​ണ്? നാ​ട്ടു​കാ​ർ​ക്കു തോ​ന്നി​യ സു​ര​ക്ഷാ ആ​ശ​ങ്ക​പോ​ലും ദേ​ശീ​യ​പാ​താ അ​ഥോ​റി​റ്റി​ക്കി​ല്ലെ​ങ്കി​ൽ അ​ഴി​ച്ചു​പ​ണി​യു​ണ്ടാ​ക​ണം.

ഷി​രൂ​രി​ൽ മ​ണ്ണി​ടി​ഞ്ഞ​തും ദേ​ശീ​യ​പാ​താ അ​ഥോ​റി​റ്റി​യു​ടെ അ​ശാ​സ്ത്രീ​യ റോ​ഡ് നി​ര്‍​മാ​ണം മൂ​ല​മാ​ണെ​ന്ന് ജി​യോ​ള​ജി​ക്ക​ല്‍ സ​ർ​വേ ഓ​ഫ് ഇ​ന്ത്യ അ​ന്നു റി​പ്പോ​ർ​ട്ട് ന​ൽ​കി​യ​താ​ണ്. അ​തേ ദേ​ശീ​യ​പാ​ത​യു​ടെ ഭാ​ഗ​മാ​യ കേ​ര​ള​ത്തി​ലെ റീ​ച്ചു​ക​ളി​ലാ​ണ് ഇ​പ്പോ​ൾ മ​ണ്ണി​ടി​ച്ചി​ലു​ണ്ടാ​യി​രി​ക്കു​ന്ന​ത്. റോ​ഡ് നി​ർ​മാ​ണ​ത്തി​ന്‍റെ ചു​മ​ത​ല​യു​ള്ള മ​ല​പ്പു​റം കോ​ഹി​നൂ​രി​ലെ നി​ർ​മാ​ണ ക​മ്പ​നി കെ​എ​ൻ​ആ​ർ​സി ഓ​ഫീ​സി​ലേ​ക്ക് ഇ​ന്ന​ലെ യൂ​ത്ത് കോ​ൺ​ഗ്ര​സ് മാ​ർ​ച്ച് ന​ട​ത്തി.

മേ​ഘ ക​ൺ​സ്ട്ര​ക്‌​ഷ​ൻ ക​ന്പ​നി​ക്കെ​തി​രേ​യും തു​ട​ക്കം മു​ത​ൽ ആ​രോ​പ​ണ​ങ്ങ​ളു​ണ്ട്. 2022ൽ ​പെ​രി​യ​യി​ൽ അ​ടി​പ്പാ​ത​യു​ടെ മു​ക​ൾ​ഭാ​ഗം പൂ​ർ​ണ​മാ​യും ത​ക​ർ​ന്നെ​ങ്കി​ലും ജീ​വ​ഹാ​നി ഒ​ഴി​വാ​യ​തു ഭാ​ഗ്യ​ത്തി​നാ​ണ്. ദേ​ശീ​യ​പാ​താ ന​വീ​ക​ര​ണ​ത്തി​ന്‍റെ മ​റ​വി​ൽ ചെ​റു​വ​ത്തൂ​ർ വീ​ര​മ​ല​ക്കു​ന്നി​ൽ​നി​ന്ന് മ​ണ്ണി​ടി​ച്ചു ക​ട​ത്തി​യ​തി​ന് മേ​ഘ​യ്ക്ക് മൈ​നിം​ഗ് ആ​ൻ​ഡ് ജി​യോ​ള​ജി വ​കു​പ്പ് 1.75 കോ​ടി രൂ​പ പി​ഴ ചു​മ​ത്തി​യി​രു​ന്നു.

കാ​സ​ർ​ഗോ​ഡ് ചെ​റു​വ​ത്തൂ​ർ മ​ട്ട​ലാ​യി​യി​ൽ അ​ശാ​സ്ത്രീ​യ​മാ​യ മ​ണ്ണെ​ടു​പ്പാ​ണു ന​ട​ത്തി​യ​ത്. അ​വി​ടെ പ​ല​ത​വ​ണ മ​ണ്ണി​ടി​ഞ്ഞു. നാ​ട്ടു​കാ​ർ ഇ​ട​പെ​ട്ടാ​ണ് പ​ല​പ്പോ​ഴും തൊ​ഴി​ലാ​ളി​ക​ളെ ര​ക്ഷി​ച്ച​ത്. ക​ഴി​ഞ്ഞ​യാ​ഴ്ച കോ​ൽ​ക്ക​ത്ത സ്വ​ദേ​ശി മ​ണ്ണി​ന​ടി​യി​ൽ​പ്പെ​ട്ടു മ​രി​ക്കു​ക​യും ചെ​യ്തു. ബേ​വി​ഞ്ച, തെ​ക്കി​ൽ, വീ​ര​മ​ല​ക്കു​ന്ന്, മ​ട്ട​ലാ​യി എ​ന്നീ കു​ന്നു​ക​ളി​ൽ മ​ണ്ണെ​ടു​ത്ത​ത് അ​ശാ​സ്ത്രീ​യ​മാ​യാ​ണെ​ന്ന് സം​സ്ഥാ​ന ദു​ര​ന്ത​നി​വാ​ര​ണ അ​ഥോ​റി​റ്റി നി​യോ​ഗി​ച്ച ജി​യോ​ള​ജി​സ്റ്റ് സം​ഘം ക​ണ്ടെ​ത്തി​യി​രു​ന്നു.

പ​രി​ഹാ​ര​പ്ര​വ​ർ​ത്ത​ന​ങ്ങ​ൾ അ​പ്രാ​യോ​ഗി​ക​മാ​ണെ​ന്നും അ​വ​ർ വി​ല​യി​രു​ത്തി. ആ​രു​മി​ല്ല ചോ​ദി​ക്കാ​ൻ! ദേ​ശീ​യ​പാ​ത​ക​ളു​ടെ വി​ക​സ​ന​വും കൂ​ടു​ത​ൽ റോ​ഡു​ക​ളു​മൊ​ക്കെ സം​സ്ഥാ​ന​ത്തി​ന് ആ​വ​ശ്യ​മാ​ണ്. സം​സ്ഥാ​ന സ​ർ​ക്കാ​ർ അ​തി​നു പ്രാ​ധാ​ന്യം കൊ​ടു​ക്കു​ന്നു​മു​ണ്ട്. ദേ​ശീ​യ​പാ​താ വി​ക​സ​ന​ത്തി​നു ഭൂ​മി ഏ​റ്റെ​ടു​ക്കു​ന്ന​തി​ന്‍റെ 25 ശ​ത​മാ​നം ചെ​ല​വ് സം​സ്ഥാ​നം ഏ​റ്റെ​ടു​ത്തി​രു​ന്നു. സം​സ്ഥാ​ന സ​ർ​ക്കാ​രി​ന്‍റെ നേ​ട്ട​മാ​യി മു​ഖ്യ​മ​ന്ത്രി അ​ത് ഉ​യ​ർ​ത്തി​ക്കാ​ട്ടു​ക​യും ചെ​യ്തു.

അ​തി​ലൊ​രു കു​ഴ​പ്പ​വു​മി​ല്ല. പ​ക്ഷേ, വി​ക​സ​ന​ത്തി​ൽ സു​ര​ക്ഷ ഉ​റ​പ്പാ​ക്കു​ന്നി​ല്ലെ​ങ്കി​ൽ നേ​ട്ടം കോ​ട്ട​മാ​കാ​ൻ അ​ധി​ക​നേ​രം വേ​ണ്ട. കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ളും ദേ​ശീ​യ​പാ​താ അ​ഥോ​റി​റ്റി​യും ക​രാ​റു​കാ​രു​മൊ​ക്കെ ഉ​ത്ത​രം പ​റ​യേ​ണ്ട വി​ഷ​യ​മാ​ണി​ത്. മ​ണ്ണി​ടി​ഞ്ഞെ​ന്നു ക​രു​തി പാ​ത​ക​ൾ ഉ​പേ​ക്ഷി​ക്കാ​നാ​വി​ല്ല. മ​ല​ക​ളി​ൽ മ​ണ്ണി​ടി​യു​ന്ന​തു ത​ട​യാ​ൻ പ​ല​പ്പോ​ഴും ക‍​ഴി​യി​ല്ലെ​ങ്കി​ലും കോ​ടി​ക​ൾ മു​ട​ക്കി നി​ർ​മി​ക്കു​ന്ന റോ​ഡു​ക​ളി​ൽ മ​ണ്ണി​ടി​യു​ന്ന​തും വി​ള്ള​ലു​ണ്ടാ​കു​ന്ന​തും ത​ട​യാ​നാ​കും. പൊ​തു​മു​ത​ൽ മു​ടി​പ്പി​ക്കു​ന്ന കെ​ടു​കാ​ര്യ​സ്ഥ​ത ഇ​ല്ലാ​താ​ക്കി​യാ​ൽ മ​തി.
Copyright @ 2018 , Rashtra Deepika Ltd.