Cinema
പോ​ലീ​സി​ലെ സി​നി​മ​ക്കാ​ര​ൻ; സ്വ​പ്ന​സാ​ഫ​ല്യ​ത്തി​ന്‍റെ നി​റ​വി​ൽ സ​ലീ​ഷ്
Wednesday, September 17, 2025 12:30 PM IST
സീ​മ മോ​ഹ​ന്‍​ലാ​ല്‍
ചെ​റു​പ്പ​കാ​ല​ത്ത് തി​യ​റ്റ​റു​ക​ളി​ല്‍ സി​നി​മാ കാ​ണാ​നാ​യി ഇ​രി​ക്കു​മ്പോ​ള്‍ അ​തി​ലെ ന​ടീ ന​ട​ന്മാ​ര്‍ ആ​രാ​ണെ​ന്നൊ​ന്നും സ​ലീ​ഷ് ശ്ര​ദ്ധി​ക്കി​ല്ലാ​യി​രു​ന്നു. സ്‌​ക്രീ​നി​ല്‍ അ​വ​സാ​നം തെ​ളി​യു​ന്ന സം​വി​ധാ​യ​ക​ന്‍റെ പേ​രി​ല്‍ മാ​ത്ര​മാ​യി​രു​ന്നു ശ്ര​ദ്ധ. ഒ​രി​ക്ക​ല്‍ ത​ന്‍റെ പേ​രും ഇ​തു​പോ​ലെ എ​ഴു​തി​ക്കാ​ണ​ണ​മെ​ന്ന മോ​ഹ​മാ​യി​രു​ന്നു ആ ​ചെ​റു​പ്പ​ക്കാ​ര​ന്‍റേ​ത്.

വ​ര്‍​ഷ​ങ്ങ​ള്‍​ക്കി​പ്പു​റം ആ ​സ്വ​പ്‌​ന സാ​ഫ​ല്യ​ത്തി​ന്‍റെ നി​റ​വി​ലാ​ണ് എ​റ​ണാ​കു​ളം സെ​ന്‍​ട്ര​ല്‍ പോ​ലീ​സ് സ്റ്റേ​ഷ​നി​ലെ സി​വി​ല്‍ പോ​ലീ​സ് ഓ​ഫീ​സ​റാ​യ സ​ലീ​ഷ് ക​രി​ക്ക​ന്‍. സ​ലീ​ഷ് ക​ഥ, തി​ര​ക്ക​ഥ, സം​ഭാ​ഷ​ണം സം​വി​ധാ​നം എ​ന്നി​വ നി​ര്‍​വ​ഹി​ച്ച അ​ത​ല​ന്‍ എ​ന്ന സി​നി​മ ഇ​ന്‍റ​ർ നാ​ഷ​ണ​ല്‍ ഫി​ലിം ഫെ​സ്റ്റി​വ​ല്‍ തൃ​ശൂ​രി​ന്‍റെ (ഐ​എ​ഫ്എ​ഫ്ടി) മ​ല​യാ​ളം ന​വാ​ഗ​ത സം​വി​ധാ​യ​ക​രു​ടെ സി​നി​മ​ക​ളു​ടെ മ​ത്സ​ര​വി​ഭാ​ഗ​ത്തി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ടി​രി​ക്കു​ക​യാ​ണ്. ഫെ​മി​നി​ച്ചി ഫാ​ത്തി​മ ഉ​ള്‍​പ്പെ​ടെ എ​ട്ട് ചി​ത്ര​ങ്ങ​ളാ​ണ് മ​ത്സ​ര​ത്തി​ലു​ള്ള​ത്. ഒ​ക്ടോ​ബ​ര്‍ 24 മു​ത​ല്‍ 31 വ​രെ തൃ​ശൂ​രി​ല്‍ ന​ട​ക്കു​ന്ന ച​ല​ച്ചി​ത്ര​മേ​ള​യി​ല്‍ ഈ ​ചി​ത്രം പ്രേ​ക്ഷ​ക​ര്‍​ക്കു മു​ന്നി​ലെ​ത്തും.

ഇ​തി​വൃ​ത്ത​മാ​യ​ത് ല​യ​ങ്ങ​ളി​ലെ ഇ​രു​ണ്ട ജീ​വി​തം

തോ​ട്ടം തൊ​ഴി​ലാ​ളി​ല​യ​ങ്ങ​ളി​ലെ ഒ​റ്റ​മു​റി വീ​ട്ടി​ലെ ഇ​രു​ണ്ട ജീ​വി​ത​മാ​ണ് അ​ത​ല​നി​ലൂ​ടെ സ​ലീ​ഷ് വെ​ള്ളി​ത്തി​ര​യി​ല്‍ എ​ത്തി​ച്ചി​രി​ക്കു​ന്ന​ത്. പോ​ലീ​സ് ജീ​വി​ത​ത്തി​നി​ട​യി​ല്‍ ക​ണ്ട ജീ​വി​ത യാ​ഥാ​ര്‍​ഥ്യ​ങ്ങ​ളു​ടെ നേ​ര്‍​ക്കാ​ഴ്ച​യും ചി​ത്ര​ത്തി​ലു​ണ്ട്. ചാ​ല​ക്കു​ടി​യി​ല്‍​നി​ന്ന് പ​ണി​ഷ്‌​മെ​ന്‍റ് ട്രാ​ന്‍​സ്ഫ​റി​ല്‍ മ​ല​ക്ക​പ്പാ​റ പോ​ലീ​സ് സ്റ്റേ​ഷ​നി​ലേ​ക്ക് എ​ത്തു​ന്ന പോ​ലീ​സു​കാ​ര​നി​ലൂ​ടെ​യാ​ണ് ചി​ത്രം മു​ന്നോ​ട്ടു പോ​കു​ന്ന​ത്.

സ​ന്ധ്യ​യാ​യാ​ല്‍ ആ​ന​യും പു​ലി​യും ഇ​റ​ങ്ങു​ന്ന പ്ര​ദേ​ശ​ത്തെ പോ​ലീ​സ് സ്റ്റേ​ഷ​നി​ല്‍, പ​ട്രോ​ളിം​ഗോ പ​രാ​തി​യു​മാ​യി എ​ത്തു​ന്ന​വ​രു​ടെ തി​ര​ക്കോ ഇ​ല്ല. സ്വ​ന്ത​മാ​യി ഭ​ക്ഷ​ണം ഉ​ണ്ടാ​ക്കി ക​ഴി​ക്കു​ന്ന പോ​ലീ​സു​കാ​ര്‍, വൈ​കി​ട്ട് ആ​റാ​യാ​ല്‍ വ​ന്യ​മൃ​ഗ ഭീ​തി​യി​ല്‍ പോ​ലീ​സ് സ്റ്റേ​ഷ​നു പു​റ​ത്തേ​ക്ക് ഉ​ദ്യോ​ഗ​സ്ഥ​ര്‍ ഇ​റ​ങ്ങാ​റു​മി​ല്ല... ഈ ​കാ​ഴ്ച​ക​ള്‍ പു​തു​താ​യി എ​ത്തി​യ ഉ​ദ്യോ​ഗ​സ്ഥ​നെ ആ​ശ്ച​ര്യ​പ്പെ​ടു​ത്തി​യെ​ങ്കി​ലും ആ ​ചു​റ്റു​പാ​ടി​ലേ​ക്ക് അ​ദ്ദേ​ഹ​വും താ​മ​സി​യാ​തെ എ​ത്തി​ച്ചേ​രു​ക​യാ​ണ്.

ഒ​രു ദി​വ​സം രാ​ത്രി​യി​ല്‍ പോ​ലീ​സ് സ്റ്റേ​ഷ​ന്‍റെ വാ​തി​ലി​ല്‍ മു​ട്ടി വി​ളി​ച്ച് മ​ക​ന്‍ എ​ന്നെ ത​ല്ലി​യെ​ന്നു പ​റ​ഞ്ഞെ​ത്തു​ന്ന ചാ​മി​യെ​ന്ന ചെ​റു​പ്പ​ക്കാ​ര​ന്‍. മ​ക​നെ നാ​ളെ വ​ന്നു കാ​ണാ​മെ​ന്ന് പോ​ലീ​സ് ഉ​ദ്യോ​ഗ​സ്ഥ​ര്‍ പ​റ​ഞ്ഞെ​ങ്കി​ലും പോ​ലീ​സു​കാ​രെ നി​ര്‍​ബ​ന്ധി​ച്ച് വീ​ട്ടി​ലേ​ക്ക് വി​ളി​ച്ചു​കൊ​ണ്ടു​പോ​യി 12കാ​ര​നാ​യ മ​ക​നാ​ണ് ത​ന്നെ ത​ല്ലി​യ​തെ​ന്ന് പ​റ​യു​ന്നു അ​യാ​ള്‍.

ഒ​റ്റ​മു​റി ല​യ​ത്തി​നു​ള്ളി​ല്‍ ഭാ​ര്യ​യു​മൊ​ത്തു​ള​ള ത​ന്‍റെ സ്വ​കാ​ര്യ​ജീ​വി​ത​ത്തി​ന് മ​ക​ന്‍ ത​ട​സ​മാ​കു​ന്നു​വെ​ന്ന വി​ശ്വാ​സ​ത്തി​ല്‍ 12കാ​ര​നെ കീ​ട​നാ​ശി​നി മ​ണ​പ്പി​ച്ച് അ​ല്‍​പ​നേ​രം മ​യ​ക്കി​ക്കി​ട​ത്താ​ന്‍ ശ്ര​മി​ക്കു​ന്ന ചാ​മി​യും അ​തി​ന് ത​യാ​റാ​കാ​ത്ത ഭാ​ര്യ ത​ങ്ക​യും ല​യ​ങ്ങ​ളി​ലെ ദു​രി​ത ജീ​വി​ത​ത്തി​ന്‍റെ നേ​ര്‍​ക്കാ​ഴ്ച​യാ​ണ്.

ഒ​രു മ​ണി​ക്കൂ​ര്‍ 35 മി​നി​റ്റ് ദൈ​ര്‍​ഘ്യ​മു​ള്ള ചി​ത്ര​ത്തി​ല്‍ ഭ​രി​ക്കു​ന്ന​വ​രും വ​ന്യ​മൃ​ഗ​ങ്ങ​ളും ജീ​വി​ത സാ​ഹ​ച​ര്യ​ങ്ങ​ളും മൂ​ലം ദു​രി​ത​ക്ക​യ​ത്തി​ലാ​ഴ്ന്നു പോ​കു​ന്ന ല​യ​ങ്ങ​ളി​ലെ സാ​ധു മ​നു​ഷ്യ​രു​ടെ ദൈ​ന്യ​ത നി​റ​ഞ്ഞ ജീ​വി​ത​മാ​ണ് എ​ടു​ത്തു​കാ​ണി​ക്കു​ന്ന​ത്. ത​ങ്ക​യാ​യി തെ​ലു​ങ്കു ന​ടി പ്രി​ന്‍​സി ജോ​ര്‍​ജും ചാ​മി​യാ​യി ഗൗ​തം രാ​ജീ​വും ക​ണ്ണ​ന്‍ എ​ന്ന 12 കാ​ര​ന്‍ മ​ക​നാ​യി അ​ന​ന്തു​വും മി​ക​ച്ച അ​ഭി​ന​യ​മാ​ണ് കാ​ഴ്ച​വ​യ്ക്കു​ന്ന​ത്. ഇ​വ​ര്‍​ക്കൊ​പ്പം പോ​ലീ​സ് ഉ​ദ്യോ​ഗ​സ്ഥ​രാ​യ മ​നോ​ജ് കാ​ക്കൂ​റും പി.​ജി. അ​നി​ല്‍​കു​മാ​റും അ​ഭി​നേ​താ​ക്ക​ളാ​യി എ​ത്തു​ന്നു​ണ്ട്.

പ്ര​വ​ര്‍​ത്തി​ച്ച​ത് സം​വി​ധാ​യ​ക​ന്‍ ഷാ​ഫി​ക്കൊ​പ്പം

ക​ഴി​ഞ്ഞ 15 വ​ര്‍​ഷ​മാ​യി പോ​ലീ​സ് സേ​ന​യു​ടെ ഭാ​ഗ​മാ​ണ് എ​റ​ണാ​കു​ളം ക​ങ്ങ​ര​പ്പ​ടി സ്വ​ദേ​ശി​യാ​യ സ​ലീ​ഷ് ക​രി​ക്ക​ന്‍. പോ​ലീ​സ് സേ​ന​യി​ല്‍ എ​ത്തു​ന്ന​തി​നു മു​മ്പും ശേ​ഷ​വും സം​വി​ധാ​യ​ക​ന്‍ ഷാ​ഫി​യു​ടെ അ​സി​സ്റ്റ​ന്‍റാ​യി ഇ​ദ്ദേ​ഹം പ്ര​വ​ര്‍​ത്തി​ച്ചു. ഇ​ടി​യ​ന്‍ ച​ന്തു എ​ന്ന ചി​ത്ര​ത്തി​ന്‍റെ ചീ​ഫ് അ​സോ​സി​യേ​റ്റ് ഡ​യ​റ​ക്ട​റാ​ണ്. ഒ​രു പ​ഴ​യ ബോം​ബ് ക​ഥ, ചി​ല്‍​ഡ്ര​ന്‍​സ് പാ​ര്‍​ക്ക്, മ​ര​ത​കം, വെ​ടി​ക്കെ​ട്ട് എ​ന്നീ ചി​ത്ര​ങ്ങ​ളു​ടെ അ​സോ​സി​യേ​റ്റ് ഡ​യ​റ​ക്ട​റാ​യും പ്ര​വ​ര്‍​ത്തി​ച്ചി​ട്ടു​ണ്ട്. കൊ​ച്ചി സി​റ്റി പോ​ലീ​സി​നു​വേ​ണ്ടി നി​ര​വ​ധി ബോ​ധ​വ​ത്ക​ര​ണ വീ​ഡി​യോ​ക​ളും നി​ര്‍​മി​ച്ചു.

ഓ​ണ​പ്പാ​ട്ടു​ക​ളും ക്രി​സ്മ​സ് ഗാ​ന​ങ്ങ​ളു​മെ​ല്ലാം സ​ലീ​ഷ് പു​റ​ത്തി​റ​ക്കി. കു​റേ പ​ര​സ്യ ചി​ത്ര​ങ്ങ​ളും സം​വി​ധാ​നം ചെ​യ്തു. ഇ​ടി​യ​ന്‍ ച​ന്തു, ഒ​രു പ​ഴ​യ ബോം​ബ് ക​ഥ, ഇ​നി ഉ​ത്ത​രം എ​ന്നീ സി​നി​മ​ക​ളി​ലും സ​ലീ​ഷ് അ​ഭി​ന​യി​ക്കു​ക​യു​ണ്ടാ​യി. ‘പു​തു​മ​യു​ള്ള ക​ഥ​ക​ളു​മാ​യി ഇ​നി​യും കൂ​ടു​ത​ല്‍ ചി​ത്ര​ങ്ങ​ള്‍ പ്രേ​ക്ഷ​ക​ര്‍​ക്കു മു​ന്നി​ലെ​ത്തി​ക്ക​ണം'- വി​ദൂ​ര​മ​ല്ലാ​ത്ത ത​ന്‍റെ സ്വ​പ്നം സ​ലീ​ഷ് പ​ങ്കു​വ​ച്ചു.

കേ​ര​ള പോ​ലീ​സ് ഹൗ​സിം​ഗ് സൊ​സൈ​റ്റി​യി​ല്‍ ഉ​ദ്യോ​ഗ​സ്ഥ​യാ​യ ഭാ​ര്യ വി​സ്മ​യ​യാ​ണ് അ​ത​ല​ന്‍റെ നി​ര്‍​മാ​താ​വ്. മ​ക​ന്‍ യു​കെ​ജി വി​ദ്യാ​ര്‍​ഥി​യാ​യ നി​ന​വ്. ഇ​വ​രു​ടെ​യെ​ല്ലാം പി​ന്തു​ണ​യി​ല്‍ സ​ലീ​ഷ് സി​നി​മാ യാ​ത്ര തു​ട​രു​ക​യാ​ണ്.


Copyright @ 2018 , Rashtra Deepika Ltd.