ചൊ​വ്വാ​ഴ്ച ചാ​ന​ൽ മൈ​ക്ക് ക​ണ്ണി​ൽ ത​ട്ടി​യ സം​ഭ​വ​ത്തി​നു കാ​ര​ണ​ക്കാ​ര​നാ​യ മാ​ധ്യ​മ പ്ര​വ​ർ​ത്ത​ക​നെ ഫോ​ണി​ൽ വി​ളി​ച്ച് ആ​ശ്വ​സി​പ്പി​ച്ച് ന​ട​ൻ മോ​ഹ​ൻ​ലാ​ൽ. വി​ഷ​മി​ക്ക​ണ്ടെ​ന്നും ത​നി​ക്ക് യാ​തൊ​രു പ്ര​യാ​സ​വു​മി​ല്ലെ​ന്നും അ​ദ്ദേ​ഹം മാ​ധ്യ​മ​പ്ര​വ​ർ​ത്ത​ക​നോ​ട് പ​റ​ഞ്ഞു.

ഫോ​ൺ വ​യ്ക്കാ​ൻ നേ​രം ‘ഞാ​ൻ നോ​ക്കി വ​ച്ചി​ട്ടു​ണ്ട് കേ​ട്ടോ’ എ​ന്ന ഡ​യ​ലോ​ഗ് ത​മാ​ശ​യ്ക്ക് ആ​വ​ർ​ത്തി​ക്കു​ക കൂ​ടി ചെ​യ്തു.

""ഹ​ലോ, ഞാ​ൻ ലാ​ലാ​ണ്. ക​ഴി​ഞ്ഞ കാ​ര്യ​മ​ല്ലേ, അ​ത് വി​ട്ടേ​ക്ക്. കു​ഴ​പ്പ​മൊ​ന്നു​മി​ല്ല. ഇ​നി എ​ന്താ​യാ​ലും ഒ​ന്നും ചെ​യ്യാ​ൻ പ​റ്റി​ല്ല​ല്ലോ. ഇ​ത് എ​ന്താ​ണ് സം​ഭ​വം എ​ന്നു​വ​ച്ചാ​ൽ, അ​ഞ്ചു മ​ണി​ക്കോ ആ​റു മ​ണി​ക്കോ ഒ​രു പോ​സ്റ്റ് (വി​സ്മ​യ മോ​ഹ​ൻ​ലാ​ലി​ന്‍റെ ആ​ദ്യ സി​നി​മ) ഇ​ട​ണം എ​ന്ന് പ​റ​യു​ന്നു, ഞാ​ൻ ഇ​ട്ടോ​ളൂ എ​ന്ന് പ​റ​യു​ന്നു.



അ​ത് ക​ഴി​ഞ്ഞു ഞാ​നൊ​രു പ​രി​പാ​ടി​ക്കു ക​യ​റി. അ​തി​നി​ട​യി​ൽ ന്യൂ​സി​ൽ എ​ന്താ​ണ് പ​റ​ഞ്ഞ​തെ​ന്ന് എ​നി​ക്ക​റി​യി​ല്ല. അ​റി​യാ​ത്ത ഒ​രു കാ​ര്യം സം​സാ​രി​ക്കാ​ൻ ക​ഴി​യി​ല്ല​ല്ലോ. അ​താ​ണ് ഞാ​ൻ എ​നി​ക്ക​റി​യി​ല്ല, അ​റി​ഞ്ഞി​ട്ടു പ​റ​യാം എ​ന്ന് പ​റ​ഞ്ഞു​കൊ​ണ്ടി​രു​ന്ന​ത്.

അ​റി​ഞ്ഞു​കൂ​ടാ​ത്ത ഒ​രു കാ​ര്യം സം​സാ​രി​ക്കാ​ൻ ക​ഴി​യി​ല്ല​ല്ലോ. ന്യൂ​സി​ൽ എ​ന്താ​ണ് പ​റ​ഞ്ഞ​തെ​ന്ന് എ​നി​ക്ക​റി​യി​ല്ല. എ​ന്താ​യാ​ലും ഇ​പ്പോ​ൾ ‘പു​രി​ക​ത്ത് കൊ​ള്ളാ​നു​ള്ള​ത് ക​ണ്ണി​ൽ കൊ​ണ്ടു’, കു​ഴ​പ്പ​മൊ​ന്നു​മി​ല്ല. ന്ത് ​ചെ​യ്യാ​ൻ പ​റ്റും, ചി​ല​ർ​ക്ക് പ​റ​യാ​ൻ ഒ​ന്നും കി​ട്ടി​യി​ല്ല അ​പ്പോ​ൾ നി​ങ്ങ​ളെ പി​ടി​ച്ചി​ട്ടു, അ​ത്ര​യേ ഉ​ള്ളൂ. കു​ഴ​പ്പ​മി​ല്ല ടേ​ക്ക് കെ​യ​ർ. ഞാ​ൻ പ​ക്ഷേ നോ​ക്കി വ​ച്ചി​ട്ടു​ണ്ട്, ഇ​ട്സ് ഓ​ക്കേ മോ​നേ, ടേ​ക്ക് കെ​യ​ർ.’’

സാ​മൂ​ഹ മാ​ധ്യ​മ​ങ്ങ​ളി​ൽ ഈ ​സം​ഭ​വ​ത്തി​നു കാ​ര​ണ​ക്കാ​ര​നാ​യ മാ​ധ്യ​മ​പ്ര​വ​ർ​ത്ത​ക​നെ കു​റ്റ​പ്പെ​ടു​ത്തു​ന്ന വി​മ​ർ​ശ​ന​ങ്ങ​ൾ ശ്ര​ദ്ധ​യി​ൽ പെ​ട്ട​പ്പോ​ഴാ​ണ് മോ​ഹ​ൻ​ലാ​ൽ ഈ ​മാ​ധ്യ​മ​പ്ര​വ​ർ​ത്ത​ക​ന്‍റെ ഫോ​ൺ ന​മ്പ​ർ ക​ണ്ടെ​ത്തി അ​യാ​ളെ വി​ളി​ച്ച​ത്.

മോ​ഹ​ൻ​ലാ​ലി​ന്‍റെ സു​ഹൃ​ത്തും ചാ​ർ​ട്ടേ​ഡ് അ​ക്കൗ​ണ്ട​ന്‍റു​മാ​യ സ​നി​ൽ​കു​മാ​റി​ന്‍റെ ഫോ​ണി​ൽ നി​ന്നാ​ണ് മാ​ധ്യ​മ​പ്ര​വ​ർ​ത്ത​ക​നെ ബ​ന്ധ​പ്പെ​ട്ട​ത്.