കാളച്ചേകോൻ എന്ന ചിത്രത്തിനുശേഷം ശ്രീശബരീശ ബാനറിൽ കെ.എസ്. ഹരിഹരൻ സംവിധാനം ചെയ്യുന്ന ദി യൂട്യൂബർ എന്ന സിനിമയുടെ ചിത്രീകരണം തേക്കടിയിൽ ആരംഭിച്ചു. പുതുമുഖം അഭിനവ് നായകനായി അഭിനയിക്കുന്ന ഈ ചിത്രത്തിൽ ഇന്ദ്രൻസ്, ദേവൻ, ശിവജി ഗുരുവായൂർ, നാരായണൻകുട്ടി, ജോസഫ് കോഴിക്കോട്, കുളപ്പുള്ളി ലീല, ഗീതാ വിജയൻ, മിന്നു തുടങ്ങിയ പ്രമുഖരോടൊപ്പം നിരവധി പുതുമുഖങ്ങൾ അണിനിരക്കുന്നു.
ഒരു ഫുൾടൈം ഫാമിലി എന്‍റർടൈൻമെന്‍റ് ചിത്രമാണ് ദി യൂട്യൂബർ. രാജേഷ് കോട്ടപ്പടി തിരക്കഥയും സംഭാഷണമെഴുതുന്നു. ആധുനിക ദൃശ്യമാധ്യമങ്ങളിൽ നിറഞ്ഞുനിൽക്കുന്ന മൽസരത്തിലെ നന്മതിന്മകൾ വരച്ചുകാട്ടുന്ന ചിത്രത്തിന്‍റെ ഛായാഗ്രഹണം ടി.എസ്. ബാബു നിർവഹിക്കുന്നു.
എഡിറ്റർ-ഷിബു പെരുമ്പാവൂർ, മേക്കപ്പ്-ജോസ്, കല-സനൂപ്. സംവിധായകൻ കെ.എസ്. ഹരിഹരൻ എഴുതിയ വരികൾക്ക് ഭവനേഷ് സംഗീതം പകർന്ന ഗാനം ബേബി സാത്വിക ആലപിക്കുന്നു. തേക്കടി, ഭൂതത്താൻകെട്ട്, അയ്യപ്പൻമല എന്നിവിടങ്ങളിലായി ചിത്രീകരണം പൂർത്തിയാകുന്ന ദി യൂട്യൂബർ നവംബറിൽ റിലീസ് ചെയ്യും. പിആർഒ-എ.എസ്. ദിനേശ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.