Cinema
ജെ​യ്സ​ന്‍റെ ദുഃ​ഖ​ങ്ങ​ളും മാ​ത്യു​വി​ന്‍റെ സ്വ​പ്ന​ങ്ങ​ളും!
Wednesday, July 24, 2019 3:52 PM IST
ജാ​തി​ക്കാ​ത്തോ​ട്ട​മെ​ന്ന പാ​ട്ടും അ​തി​ലെ കൊ​തി​പ്പി​ക്കു​ന്ന വി​ഷ്വ​ലു​ക​ളും പകരുന്ന പ്ര​തീ​ക്ഷ വ​ള​രെ വ​ലു​താ​ണ്. അ​തു ‘ത​ണ്ണീ​ർ മ​ത്ത​ൻ ദി​ന​ങ്ങ​ൾ’ എ​ന്ന നൊ​സ്റ്റാ​ൾ​ജി​യയി​ലേ​ക്കു​ള്ള കി​ളി​വാ​തി​ലാ​ണ്. 37 ല​ക്ഷ​ത്തി​ലേ​റെ കാ​ഴ്ച​ക്കാ​രു​മാ​യി ‘ഈ ​ജാ​തി​ക്കാ​ത്തോ​ട്ടം... ’മു​ന്നേ​റു​ന്പോ​ൾ ആ ​ര​ണ്ടു​പേ​ർ.. ഒ​രു​ ജാ​തി നോ​ട്ട​മെ​റി​യു​ന്ന മെ​ലി​ഞ്ഞ പൊ​ടി​മീ​ശ​ക്കാ​ര​ൻ പ്ല​സ് ടു ​പ​യ്യ​ൻ ജെ​യ്സ​ണും അ​വ​ന്‍റെ ഇ​ഷ്ട​മാ​യ കീ​ർ​ത്തി​യും ന​മ്മു​ടെ അ​നു​ഭൂ​തി​യു​ടെ പ​രി​സ​ര​ങ്ങ​ളി​ൽ ര​സം​പ​ക​ർ​ന്നു വി​ല​സു​ന്നു, അറിയാതെ നമ്മൾ പ്ലസ് ടു കാലത്തേക്ക് പറന്നിറങ്ങുന്നു.

ജെ​യ്സ​ണാ​യി വേ​ഷ​മി​ടു​ന്ന​തു ‘കു​ന്പ​ള​ങ്ങി നൈ​റ്റ്സി​’ലെ ഫ്രാ​ങ്കി - മാ​ത്യു തോ​മ​സ്. കീ​ർ​ത്തി​യാ​കു​ന്ന​ത് ‘ഉ​ദാ​ഹ​ര​ണം സു​ജാ​ത’​യി​ലെ ആ​തി​ര കൃ​ഷ്ണ​ൻ - അ​ന​ശ്വ​ര രാ​ജ​ൻ. ഇ​വ​രു​ടെ മ​ല​യാ​ളം മാ​ഷ് അ​ഥ​വാ ജെ​യ്സ​ന്‍റെ ‘തീ​രാ​ദുഃ​ഖം’ ര​വി പ​ദ്മ​നാ​ഭ​നാ​കു​ന്ന​തു വി​നീ​ത് ശ്രീ​നി​വാ​സ​ൻ. സി​നി​മാ​റ്റോ​ഗ്ര​ഫ​ർ ജോ​മോ​ൻ ടി. ​ജോ​ണ്‍, എ​ഡി​റ്റ​ർ ഷ​മീ​ർ മു​ഹ​മ്മ​ദ്, നി​ർ​മാ​താ​വ് ഷെ​ബി​ൻ ബെ​ക്ക​ർ എ​ന്നി​വ​ർ നി​ർ​മി​ച്ച് ഗി​രീ​ഷ് എ.​ഡി സം​വി​ധാ​നം ചെ​യ്ത ‘ത​ണ്ണീ​ർ മ​ത്ത​ൻ ദി​ന​ങ്ങ​ൾ’ ക​ള​ർ​ഫു​ൾ പ്ല​സ് ടു ​ലൈ​ഫി​ന്‍റെ മ​ധു​ര​ക്കാ​ഴ്ച​ക​ളാ​ണ്. ത​ണ്ണീ​ർ മ​ത്ത​ൻ ദി​ന​ങ്ങ​ളി​ലെ ജെ​യ്സ​ണ്‍ റി​യ​ൽ ലൈ​ഫി​ലും പ്ല​സ്ടു​ക്കാ​ര​നാ​ണ്. ജെയ്സണായി വേഷമിട്ട മാ​ത്യു തോ​മ​സി​ന്‍റെ വി​ശേ​ഷ​ങ്ങ​ളി​ലേ​ക്ക്...



സി​നി​മ വ​ലി​യ സ്വ​പ്ന​മാ​യി​രു​ന്നോ....?

ഇ​ഷ്ട​മാ​ണു സി​നി​മ. എ​ന്‍റെ സ്കൂ​ളി​ൽ കു​ന്പ​ള​ങ്ങി​യു​ടെ ഓ​ഡി​ഷ​ൻ വന്നിരു​ന്നു. വെ​റു​തെ പോ​യി നോ​ക്കി​യ​താ​ണ്. പി​ന്നെ​യും ര​ണ്ടു മൂ​ന്ന് ഓ​ഡി​ഷ​ൻ കൂ​ടി ക​ട​ന്നു. അ​ങ്ങ​നെ സെ​ല​ക്‌ടാ​യി. അ​വ​ർ​ക്കൊ​പ്പം ആ​റുമാ​സം ട്രെ​യി​നിം​ഗ് ഉ​ണ്ടാ​യി​രു​ന്നു. അ​ങ്ങ​നെ കു​ന്പ​ള​ങ്ങി​യി​ലെ ഫ്രാ​ങ്കി​യാ​യി.

ന​ല്ല ആ​ർ​ട്ടി​സ്റ്റു​ക​ൾ​ക്കൊ​പ്പം അ​ഭി​ന​യി​ക്കാ​നും അ​വ​രി​ൽ നി​ന്നു കു​റേ കാ​ര്യ​ങ്ങ​ൾ പ​ഠി​ക്കാ​നു​മാ​യി. ന​ല്ലൊ​രു സി​നി​മ​യു​ടെ ഭാ​ഗ​മാ​കാ​ൻ ക​ഴി​ഞ്ഞു. സി​നി​മ എ​ന്തെ​ന്ന് അ​റി​യാ​നാ​യി. അ​ത്ത​രം കു​റേ ന​ല്ല അ​നു​ഭ​വ​ങ്ങ​ളു​ണ്ടാ​യി. മാ​ത്ര​മ​ല്ല, അ​തു കാ​ര​ണം എ​നി​ക്കു ര​ണ്ടാ​മ​ത്തെ സി​നി​മ​യും കി​ട്ടി - ത​ണ്ണീ​ർ​മ​ത്ത​ൻ ദി​ന​ങ്ങ​ൾ. ഇ​തി​ലേ​ക്ക് പ്രൊ​ഡ്യൂ​സ​ർ ഷെ​ബി​ൻ ബെ​ക്ക​റാ​ണ് എ​ന്നെ ആ​ദ്യം വി​ളി​ച്ച​ത്. ഡ​യ​റ​ക്ട​ർ ഗി​രീ​ഷേ​ട്ട​ൻ വ​ഴി​യാ​ണ് സി​നി​മ​യു​ടെ കൂ​ടു​ത​ൽ കാ​ര്യ​ങ്ങ​ൾ അ​റി​ഞ്ഞ​ത്.



ത​ണ്ണീ​ർ​മ​ത്ത​ൻ ദി​ന​ങ്ങ​ൾ പ​റ​യു​ന്ന​ത്....?

ജെ​യ്സ​ണ്‍ എ​ന്ന കു​ട്ടി​യു​ടെ പ്ല​സ് വ​ണ്‍- പ്ല​സ് ടു ​ലൈ​ഫാ​ണ് ഈ ​സി​നി​മ പ​റ​യു​ന്ന​ത്. അ​തി​ൽ അ​വ​നു വ​രു​ന്ന ദുഃ​ഖ​ങ്ങ​ളും അ​തി​ൽ ആ​ദ്യദുഃ​ഖ​മാ​യ ര​വി പ​ദ്മ​നാ​ഭ​ൻ എ​ന്ന സാ​റും പി​ന്നെ അ​വ​ൻ ഇ​ഷ്ട​പ്പെ​ടു​ന്ന കീ​ർ​ത്തി​യും പി​ന്നെ കു​റേ കൂ​ട്ടു​കാ​രും...​അ​തൊ​ക്കെ​യാ​ണു സി​നി​മ​യു​ടെ ക​ഥ​വ​ഴി. എ​ല്ലാ​വ​ർ​ക്കും ഈ ​സി​നി​മ ഇ​ഷ്ട​മാ​വും. കാ​ര​ണം, എ​ല്ലാ​വ​രും സ്കൂ​ൾ ക​ഴി​ഞ്ഞു വ​ന്ന​വ​രാ​ണ​ല്ലോ. സ്കൂ​ൾ ലൈ​ഫി​ൽ സം​ഭ​വി​ച്ച കാ​ര്യ​ങ്ങ​ളു​മാ​യി ഈ ​സി​നി​മ​യി​ലെ കു​റേ സം​ഭ​വ​ങ്ങ​ളെ നമുക്കു റി​ലേ​റ്റ് ചെ​യ്യാ​നാ​വും.



കു​ന്പ​ള​ങ്ങി​യി​ൽ നി​ന്നു ത​ണ്ണീ​ർ​ മ​ത്ത​ൻ ദി​ന​ങ്ങ​ളി​ലേ​ക്ക് എ​ത്തി​യ​പ്പോ​ൾ....?

പ്രീ​പ്രൊ​ഡ​ക്‌ഷ​ൻ സ​മ​യ​ത്തു ത​ന്നെ ഞാ​ൻ കു​ന്പ​ള​ങ്ങി ടീ​മി​നൊ​പ്പം ഉ​ണ്ടാ​യി​രു​ന്നു. ഇ​തി​ലാ​വ​ട്ടെ ഷൂ​ട്ടിം​ഗി​ന്‍റെ സ​മ​യ​ത്താ​ണ് എ​ന്നെ വി​ളി​ച്ച​ത്. പ​ക്ഷേ, ഈ ​സി​നി​മ​യു​ടെ പി​ന്നി​ൽ പ്ര​വ​ർ​ത്തി​ച്ച​വ​രും ഒ​രു വ​ർ​ഷ​ത്തി​ന​ടു​ത്തു സ​മ​യ​മെ​ടു​ത്തു ത​ന്നെ​യാ​ണ് പ്രീ ​പ്രൊ​ഡ​ക്‌ഷ​ൻ പൂ​ർ​ത്തീ​ക​രി​ച്ച​ത്.

കു​ന്പ​ള​ങ്ങി​യി​ലും ഇ​വി​ടെ​യും റി​യ​ലാ​യി​ത്ത​ന്നെ കാ​ര്യ​ങ്ങ​ൾ പ്ര​സ​ന്‍റ് ചെ​യ്യാ​നാ​ണ് എ​ല്ലാ​വ​രും ശ്ര​മി​ച്ചി​ട്ടു​ള്ള​ത്. ഗി​രീ​ഷേ​ട്ട​നും ഡി​നോ​യ് ചേ​ട്ട​നും ചേ​ർ​ന്നാ​ണു സ്ക്രി​പ്റ്റ് ചെ​യ്ത​ത്. അ​ള്ള് രാ​മേ​ന്ദ്ര​ന്‍റെ സ്ക്രി​പ്റ്റ് ചെ​യ്ത​വ​രി​ൽ ഒ​രാ​ളാ​ണു ഗി​രീ​ഷേ​ട്ട​ൻ. ഡി​നോ​യ് പൗ​ലോ​സി​ന്‍റെ ആ​ദ്യ സി​നി​മ​യാ​ണി​ത്.



പ്ല​സ് ടു ​ലൈ​ഫു​മാ​യി ചേ​ർ​ന്നു​നി​ൽ​ക്കു​ന്ന അ​വ​ത​ര​ണം...​അ​ത​ല്ലേ ജാ​തി​ക്കാ​ത്തോ​ട്ട​ത്തെ ഹി​റ്റാ​ക്കി​യ​ത്....?

അ​ങ്ങ​നെ​യാ​ണ് സം​വി​ധാ​യ​ക​ൻ ഗി​രീ​ഷേ​ട്ട​ൻ അ​തു പ്ര​സ​ന്‍റ് ചെ​യ്തി​രി​ക്കു​ന്ന​ത്. റൈ​റ്റ​ർ ഡി​നോ​യ് ചേ​ട്ട​ൻ അ​ങ്ങ​നെ​യാ​ണ് അ​ത് എ​ഴു​തി​യി​രി​ക്കു​ന്ന​തും. കാ​മാ​റാ​മാ​ൻ ജോ​മോ​ൻ ചേ​ട്ട​ൻ അ​തു റി​യ​ലി​സ്റ്റി​ക്കാ​യി കാ​ണി​ക്കാ​നാ​ണു ശ്ര​മി​ച്ചി​രി​ക്കു​ന്ന​ത്. പാ​ട്ടെ​ഴു​തി​യ​തു സു​ഹൈ​ൽ കോ​യ. സൗ​മ്യ രാ​മ​കൃ​ഷ്ണ​നും ദേ​വ​ദ​ത്ത് ബി​ജി​ബാ​ലു​മാ​ണു പാ​ടി​യ​ത്. ജ​സ്റ്റി​ൻ വ​ർ​ഗീ​സാ​ണു മ്യൂ​സി​ക് ചെ​യ്ത​ത്. ‘ഞ​ണ്ടു​ക​ളു​ടെ നാ​ട്ടി​ൽ ഒ​രി​ട​വേ​ള​’യാ​ണ് ജ​സ്റ്റി​ന്‍റെ ആ​ദ്യ ചി​ത്രം. വേ​റെ​യും ര​ണ്ടു മൂ​ന്നു പാ​ട്ടു​ക​ളു​ണ്ട് ഈ പ​ട​ത്തി​ൽ.



ഇം​പ്രോ​വൈ​സേ​ഷ​നു​ള്ള സാ​ധ്യ​ത എ​ത്ര​ത്തോ​ള​മാ​യി​രു​ന്നു...?

അ​തു വേ​ണ്ടി​വ​ന്നി​ല്ല. കാ​ര​ണം, ബെ​സ്റ്റാ​യിട്ടാണു സ്ക്രി​പ്റ്റ് എ​ഴു​തി​യി​രി​ക്കു​ന്ന​ത്. അ​തി​നാ​ൽ ന​മ്മു​ടെ സൈ​ഡി​ൽ നി​ന്ന് ഇം​പ്രോ​വൈ​സേ​ഷ​ന്‍റെ ആ​വ​ശ്യ​മി​ല്ല. ആ​ദ്യമേ സ്ക്രി​പ്റ്റ് വാ​യി​ച്ചി​രു​ന്നു. കു​ന്പ​ള​ങ്ങി ചെ​യ്ത​പ്പോ​ൾ ശ്യാ​മേ​ട്ട​ൻ എ​ന്‍റെ സീ​ൻ മാ​ത്രം പ​റ​ഞ്ഞു​ത​രി​ക​യാ​യി​രു​ന്നു. ചെ​യ്തു​കൊ​ണ്ടി​രു​ന്ന​പ്പോ​ഴാ​ണു ക​ഥ ഡീ​റ്റ​യി​ലാ​യി അ​റി​ഞ്ഞ​ത്. ഈ ​സി​നി​മ​യുടെ ഷൂട്ടിംഗിനു മു​ന്പ് കു​ന്പ​ള​ങ്ങി​യി​ലേ​തു പോ​ലെ വ​ലി​യ പ​രി​ശീ​ല​ന ക്യാ​ന്പൊ​ന്നും ഉ​ണ്ടാ​യി​രു​ന്നി​ല്ല. ഇതിൽ, ഒന്നു ര​ണ്ടു ദി​വ​സ​ത്തെ ചി​ല ചെ​റി​യ കൂ​ടി​ച്ചേ​ര​ലു​ക​ൾ മാ​ത്രം.

സീ​ൻ ചെ​യ്യു​ന്ന​തി​നു മു​ന്പ് റി​ഹേ​ഴ്സ​ൽ ഉണ്ടായിരുന്നു. പി​ന്നീ​ടാ​ണു ടേ​ക്കി​ലേ​ക്കു പോ​യിരുന്ന​ത്. ഡ​യ​റ​ക്ട​റും സ്ക്രി​പ്റ്റ് റൈ​റ്റ​റും സീ​ൻ വി​ശ​ദീ​ക​രി​ച്ചു പ​റ​ഞ്ഞു ത​രു​മാ​യി​രു​ന്നു. കാ​മ​റ ചെ​യ്ത ജോ​മോ​ൻ ചേ​ട്ട​ന്‍റെ​യും വി​നോ​ദേ​ട്ട​ന്‍റെ​യും ഒപ്പം ന​ന്നാ​യി വ​ർ​ക്ക് ചെ​യ്യാ​നാ​യി. എ​ന്തെ​ങ്കി​ലും ഇം​പ്രൂ​വ്മെ​ന്‍റ് ആ​വ​ശ്യ​മെ​ങ്കി​ൽ അ​വ​രും അതു പ​റ​ഞ്ഞു​ത​ന്നി​രു​ന്നു.



കു​ടും​ബ​ത്തി​ലെ സം​ഘ​ർ​ഷ​ങ്ങ​ളി​ലൂ​ടെ ക​ട​ന്നു​പോ​കു​ന്ന ക​ഥാ​പാ​ത്ര​മാ​ണ​ല്ലോ കു​ന്പ​ള​ങ്ങി​യി​ലെ ഫ്രാ​ങ്കി. ഈ ​സി​നി​മ​യി​ലെ ജെ​യ്സ​നെ​ക്കു​റി​ച്ച്...?

ജെ​യ്സ​ന്‍റെ മൂ​ന്നു ദുഃ​ഖ​ങ്ങ​ളി​ലൂ​ടെ​യാ​ണു ക​ഥ പോ​കു​ന്ന​ത്. ടീ​സ​ർ കാ​ഴ്ച​ക​ളി​ലും സംഭാഷണങ്ങളിലും അ​തി​ന്‍റെ സൂ​ച​ന​ക​ളു​ണ്ട​ല്ലോ. ജെ​യ്സ​ന്‍റെ ജീ​വി​ത​ത്തി​ലു​ണ്ടാ​കു​ന്ന മാ​റ്റ​ങ്ങ​ളും അ​വ​ന്‍റെ ജീ​വി​ത​ത്തി​ലേ​ക്കു വ​രു​ന്ന പു​തി​യ ആ​ളു​ക​ളും... അ​ങ്ങ​നെ ജെ​യ്സ​നാ​ണ് ക​ഥ മു​ന്നോ​ട്ടു​കൊ​ണ്ടു​പോ​കു​ന്ന​ത്. കൂ​ടു​ത​ൽ വി​ശേ​ഷ​ങ്ങ​ൾ സി​നി​മ ക​ണ്ടു​ത​ന്നെ അ​റി​യാം.



നാ​യി​ക​യാ​യി അ​ന​ശ്വ​ര രാ​ജ​ൻ...

കീ​ർ​ത്തി എ​ന്ന ക​ഥാ​പാ​ത്ര​ത്തെ​യാ​ണ് അ​ന​ശ്വ​ര അ​വ​ത​രി​പ്പി​ക്കു​ന്ന​ത്. ജെ​യ്സ​ണ് ഇ​ഷ്ട​മു​ള്ള കു​ട്ടി​യാ​ണു കീ​ർ​ത്തി. ആ ​ഇ​ഷ്ടം ജെ​യ്സ​ണ്‍ കീ​ർ​ത്തി​യോ​ട് പ​റ​യു​ന്നു​ണ്ട്. ര​സ​മാ​യി​രു​ന്നു അ​ന​ശ്വ​ര​യു​മാ​യു​ള്ള അ​ഭി​ന​യം. ഞ​ങ്ങ​ൾ പെ​ട്ടെ​ന്നു ഫ്ര​ണ്ട്സാ​യി. ഫ്ര​ണ്ട്ഷി​പ്പ് ഉ​ള്ള​തി​നാ​ൽ ഒ​രു​മി​ച്ചു​ള്ള സീ​നു​ക​ൾ ന​ന്നാ​യി ചെ​യ്യാ​നാ​യി.

പ​തി​നൊ​ന്നാം ക്ലാ​സി​ലാ​ണ് അ​ന​ശ്വ​ര പ​ഠി​ക്കു​ന്ന​ത്. റി​യ​ൽ ലൈ​ഫി​ൽ ഞ​ങ്ങ​ൾ ര​ണ്ടു​പേ​രും പ്ല​സ് വ​ണ്‍ പ്ല​സ് ടു​വി​ലാ​യ​തി​നാ​ൽ അ​ഭി​ന​യി​ക്കു​ന്പോ​ൾ അ​തി​ന്‍റെ​താ​യ ഈ​സി​നെ​സ് ഫീ​ൽ ചെ​യ്തി​രു​ന്നു. സി​നി​മ​യി​ലെ പ​ല സം​ഭ​വ​ങ്ങ​ളും എ​നി​ക്കു സ്കൂ​ളു​മാ​യി റി​ലേ​റ്റ് ചെ​യ്യാ​ൻ പ​റ്റു​ന്ന​വ ആ​യി​രു​ന്നു. അ​ത്ത​രം ഈ​സി​നെ​സ് ഉ​ണ്ടാ​യി​രു​ന്നു. അ​തി​നാ​ൽ ക​ഥാ​പാ​ത്ര​മാ​കാ​ൻ പ്ര​ത്യേ​ക ത​യാ​റെ​ടു​പ്പൊന്നും വേ​ണ്ടി​വ​ന്നി​ല്ല.



ഷൂ​ട്ടിം​ഗ് അ​നു​ഭ​വ​ങ്ങ​ളി​ലൂ​ടെ...

സെ​റ്റി​ൽ എ​ല്ലാ​വ​രു​ടെ​യും സ​പ്പോ​ർ​ട്ടു​ണ്ടാ​യി​രു​ന്നു. സം​വി​ധാ​യ​ക​ൻ ഗി​രീ​ഷേ​ട്ട​ൻ, റൈ​റ്റ​ർ ഡി​നോ​യ് ചേ​ട്ട​ൻ, കാ​മ​റാ​മാ​ൻ​മാ​രാ​യ ജോ​മോ​ൻ ടി. ​ജോ​ണ്‍, വി​നോ​ദ് ഇ​ല്ലം​പ​ള്ളി, എ​ഡി​റ്റ​ർ ഷ​മീ​ർ മു​ഹ​മ്മ​ദ് ഉ​ൾ​പ്പെ​ടെ എ​ല്ലാ​വ​രും കൂ​ടെ നി​ന്നു. എ​ല്ലാ ദി​വ​സ​വും ന​ല്ല ര​സ​മാ​യി​രു​ന്നു. അ​ടി​പൊ​ളി​യാ​യി​രു​ന്നു.

ഗോ​തു​രു​ത്തി​ലെ ഒ​രു സ്കൂ​ളി​ലാ​യി​രു​ന്നു ഷൂ​ട്ടിം​ഗ്. ര​ണ്ടു ഷെ​ഡ്യൂ​ളു​ക​ളി​ലാ​യി മൊ​ത്തം 30 ദി​വ​സം ഷൂ​ട്ട് ഉ​ണ്ടാ​യി​രു​ന്നു. സി​നി​മ​യി​ൽ ടൂ​ർ പോ​ലെ ഒ​രു സീ​ക്വ​ൻ​സു​ണ്ട്. അ​തു മൈ​സൂ​രുവിലാ​ണു ഷൂ​ട്ട് ചെ​യ്ത​ത്. എ​ല്ലാ​വ​രും ഒ​രു​മി​ച്ചാ​ണു മൈ​സൂ​രുവിലേ​ക്കു പോ​യ​ത്. കു​റേ കൂ​ട്ടു​കാ​ർ ഉ​ണ്ടാ​യി​രു​ന്നു. ആ ​സീ​നു​ക​ളും ഏ​റെ ജോ​ളി​യാ​യി ചെ​യ്യാ​നാ​യി.



വി​നീ​ത് ശ്രീ​നി​വാ​സ​നൊ​പ്പം...

ര​വി പ​ദ്മ​നാ​ഭ​ൻ എ​ന്ന മ​ല​യാ​ളം അ​ധ്യാ​പ​ക​ന്‍റെ വേ​ഷ​മാ​ണ് വി​നീ​തേ​ട്ട​ന്. ജെ​യ്സ​ന്‍റെ ഒ​ന്നാ​മ​ത്തെ ദുഃ​ഖ​മാ​ണ് ര​വി പ​ദ്മ​നാ​ഭ​ൻ. സീൻ ചെയ്യുന്നതിനിടെ എ​ന്തെ​ങ്കി​ലും തെ​റ്റു വ​രു​ത്തി​യാ​ൽ വി​നീ​തേ​ട്ട​ൻ അ​തു മ​യ​ത്തി​ൽ ന​ല്ല സ്നേ​ഹ​ത്തോ​ടെ പ​റ​ഞ്ഞു​മ​ന​സി​ലാ​ക്കി​ത്ത​ന്നി​രു​ന്നു. ന​ല്ല ര​സ​മാ​യി​രു​ന്നു വി​നീ​തേ​ട്ട​നൊ​പ്പം അ​ഭി​ന​യി​ക്കാ​ൻ. കു​റേ കാ​ര്യ​ങ്ങ​ൾ എ​നി​ക്കു പ​ഠി​ക്കാ​നാ​യി. ന​ല്ല​തു​പോ​ലെ ചെ​യ്താ​ൽ ന​ന്നാ​യി​ട്ടു​ണ്ടെ​ന്നു ത​ന്നെ വി​നീ​തേ​ട്ട​ൻ പ​റ​യു​മാ​യി​രു​ന്നു. ന​ല്ലൊ​രു ചേ​ട്ട​നെ​പ്പോ​ലെ​യാ​യി​രു​ന്നു വി​നീ​തേ​ട്ട​ൻ. മൈ​സൂ​ർ ട്രി​പ്പി​ലും വി​നീ​തേ​ട്ട​ൻ ഞ​ങ്ങ​ൾ​ക്കൊ​പ്പ​മു​ണ്ടാ​യി​രു​ന്നു.



പ​ഠി​ത്ത​വും അ​ഭി​ന​യ​വും എ​ങ്ങ​നെ ഒ​ന്നി​ച്ചു​പോ​കു​ന്നു....?

പ്ല​സ് വ​ണ്‍ ക​ഴി​ഞ്ഞു​ള്ള അ​വ​ധി സ​മ​യ​ത്താ​യി​രു​ന്നു ഈ ​സി​നി​മ​യു​ടെ ഷൂ​ട്ടിം​ഗ്. ര​ണ്ടു മാ​സം കൊ​ണ്ടു ചി​ത്രീ​ക​രി​ച്ച സി​നി​മ​യാ​ണി​ത്. വെ​ക്കേ​ഷ​നാ​യ​തു​കൊ​ണ്ട് അ​ധി​കം ക്ലാ​സൊ​ന്നും പോ​യി​ല്ല. ഇ​പ്പോ​ൾ സാ​ധാ​ര​ണ പോ​ലെ സ്കൂ​ളി​ൽ പൊ​യ്ക്കൊ​ണ്ടി​രി​ക്കു​ന്നു. എ​റ​ണാ​കു​ളം മ​ര​ടി​ലു​ള്ള ഗ്രി​ഗോ​റി​യ​ൻ പ​ബ്ളി​ക് സ്കൂ​ളി​ലാ​ണു പ​ഠി​ക്കു​ന്ന​ത്. ടീ​ച്ച​ർ​മാ​രും കൂ​ട്ടു​കാ​രു​മൊ​ക്കെ ന​ല്ല സ​പ്പോ​ർ​ട്ടാ​ണ്. എ​ല്ലാ​വ​രും അ​ഭി​പ്രാ​യ​ങ്ങ​ൾ തു​റ​ന്നു പ​റ​യാ​റു​ണ്ട്. ജാ​തി​ക്കാ​ത്തോ​ട്ട​ത്തി​നും ടീ​സ​റി​നു​മൊ​ക്കെ ന​ല്ല അ​ഭി​പ്രാ​യ​മാ​ണു കി​ട്ടി​യ​ത്.

പ്ല​സ് വണി​ൽ പ​ഠി​ക്കു​ന്പോ​ഴാ​ണു കു​ന്പ​ള​ങ്ങി ചെ​യ്ത​ത്. കു​ന്പ​ള​ങ്ങിയുടെ കുറേ ഷൂ​ട്ടിം​ഗ് വെ​ക്കേ​ഷ​നാ​യി​രു​ന്നു. സ്കൂ​ൾ തു​റ​ന്ന​തോ​ടെ ക്ലാ​സ് ക​ഴി​ഞ്ഞ വൈ​കു​ന്നേ​ര​ങ്ങ​ളി​ലും പി​ന്നെ ശ​നി​യും ഞാ​യ​റു​മാ​യി​ട്ടാ​ണ് ആ ​പ​ടം ചെ​യ്ത​ത്.



അ​ടു​ത്ത സി​നി​മ ക​മി​റ്റ് ചെ​യ്തോ...?

ന​ല്ല സി​നി​മ​ക​ൾ വ​രി​ക​യാ​ണെ​ങ്കി​ൽ ചെ​യ്യും. അ​തൊ​ടൊ​പ്പം പ​ഠി​ത്ത​വും കൊ​ണ്ടു​പോ​ക​ണം. ന​ല്ല കാ​ര​ക്ട​ർ അ​ല്ലെ​ങ്കി​ൽ ന​ല്ല സ്ക്രി​പ്റ്റ് വ​ന്നാ​ൽ ചെ​യ്യും. ന​ല്ല കാ​ര​ക്ട​ർ ആ​ണെ​ങ്കി​ൽ സ്ക്രീ​ൻ സ്പേ​സ് എ​ത്ര​ത്തോ​ള​മു​ണ്ട് എ​ന്നൊ​ന്നും നോ​ക്കാ​തെ ക​മി​റ്റ് ചെ​യ്യും.

വീ​ട്ടു​കാ​ര്യ​ങ്ങ​ൾ...

എറണാകുളം തിരുവാങ്കുളത്താണു താമസം. വീ​ട്ടി​ൽ അ​പ്പ, അ​മ്മ, ചേ​ട്ട​ൻ. അ​പ്പ ബി​ജു ജോ​ണ്‍ ടി. ​വി​ദേ​ശ​ത്താ​യി​രു​ന്നു. ഇ​പ്പോ​ൾ നാ​ട്ടി​ലു​ണ്ട്. അ​മ്മ സൂ​സ​ൻ കെ. ​മാ​ത്യു വടവുകോട് രാജർഷി മെമ്മോറിയൽ ഹയർ സെക്കൻഡറി സ്കൂളിൽ ടീ​ച്ച​ർ. ചേ​ട്ട​ൻ ജോ​ണ്‍ തോ​മ​സ് ഡി​ഗ്രി കം​പ്ലീ​റ്റ് ചെ​യ്തു. എ​ല്ലാ​വ​രും ന​ല്ല സ​പ്പോ​ർ​ട്ടാ​ണ്.

ടി.​ജി.​ബൈ​ജു​നാ​ഥ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.