Cinema
മാ​ലി​ക് സാ​ക്ഷി; ഇ​താ വേ​റി​ട്ടൊ​രി​ന്ദ്ര​ൻ​സ്!
Wednesday, July 28, 2021 7:12 PM IST
പ്ര​തി​യു​ടെ മു​റി​വി​ൽ ലാ​ത്തി​കു​ത്തി വേ​ദ​നി​പ്പി​ക്കു​ന്ന ഒ​രു പോ​ലീ​സ് ക​ഥാ​പാ​ത്രം ഇ​ന്ദ്ര​ൻ​സി​ൽ നി​ന്ന് ആ​രെ​ങ്കി​ലും പ്ര​തീ​ക്ഷി​ച്ചി​രു​ന്നോ. ഒ​രു വി​ചാ​ര​ണ​ത്ത​ട​വു​കാ​ര​നെ എ​ങ്ങ​നെ അ​നാ​യാ​സം കൊ​ല്ലാ​മെ​ന്ന് മ​റ്റൊ​രു ത​ട​വു​കാ​ര​നെ ഡെ​മോ സ​ഹി​തം പ​ഠി​പ്പി​ക്കു​ന്ന ഒ​രു പോ​ലീ​സ് ഓ​ഫീ​സ​റെ​യും!

‘ന​മ്മ​ൾ ആ​ഗ്ര​ഹി​ച്ചു​വ​ച്ച​തു​പോ​ലെ കാ​ത്തി​രു​ന്നാ​ണെ​ങ്കി​ലും വൈ​കി​വൈ​കി​യെ​ങ്കി​ലും അ​ത്ത​രം ക​ഥാ​പാ​ത്ര​ങ്ങ​ൾ മാ​റി​മാ​റി ചെ​യ്യാ​നു​ള്ള അ​വ​സ​ര​ങ്ങ​ൾ ഇ​പ്പോ​ൾ കി​ട്ടു​ന്നു​ണ്ട്.’ ആ​രു​ത​ന്നെ പ്ര​തീ​ക്ഷി​ച്ചാ​ലും ഇ​ല്ലെ​ങ്കി​ലും അ​ദ്ദേ​ഹം അ​തു പ്ര​തീ​ക്ഷി​ച്ചി​രു​ന്നു​വെ​ന്ന് അ​റി​യാ​ൻ ഈ ​വാ​ക്കു​ക​ൾ പോ​രേ!



സി​ഐ ജോ​ർ​ജ് സ​ക്ക​റി​യ

വേ​റി​ട്ടൊ​രി​ന്ദ്ര​ൻ​സി​നെ​യാ​ണ് ഈ ​അ​ടു​ത്ത കാ​ല​ത്താ​യി മ​ല​യാ​ള​സി​നി​മ ത​ന്നു​കൊ​ണ്ടി​രി​ക്കു​ന്ന​ത്. ശാ​ന്ത​ഗം​ഭീ​ര​മാ​യി ന​മ്മ​ളെ ഞെ​ട്ടി​ക്കു​ന്ന​തു തു​ട​രു​ക​യാ​ണ് ഇ​ന്ദ്ര​ൻ​സ് വേ​ഷ​ങ്ങ​ൾ. വേ​ട്ട​യ​വ​സാ​നി​ച്ചു​വെ​ന്ന് ഇ​ര​ക​ളെ വി​ശ്വ​സി​പ്പി​ക്കു​ന്ന വേ​ട്ട​ക്കാ​ര​നാ​ണ് യ​ഥാ​ർ​ഥ ബു​ദ്ധി​മാ​നെ​ന്നു ചി​രി​ച്ചു പ​റ​യു​ന്ന അ​ഞ്ചാം പാ​തി​ര​യി​ലെ റി​പ്പ​ർ ര​വി​ക്കും മേ​ലെ​യാ​ണ് മാ​ലി​ക്കി​ലെ മൂ​ന്നു ന​ക്ഷ​ത്ര​മ​ണി​ഞ്ഞ കാ​ക്കി​ക്കാ​ര​ൻ ജോ​ർ​ജ് സ​ക്ക​റി​യ.

അ​പ്പോ​ത്തി​ക്കി​രി​യി​ൽ തു​ട​ങ്ങി​യ​താ​ണു വേ​റി​ട്ട വ​ഴി​യി​ലേ​ക്കു​ള്ള തി​രി​വ.് മ​ഹേ​ഷ് നാ​രാ​യ​ണ​ൻ സി​നി​മ മാ​ലി​ക്കി​ൽ അ​തു ല​ക്ഷ്യം​ക​ണ്ടി​രി​ക്കു​ന്നു. ഇ​ന്ദ്ര​ൻ​സി​നെ മു​ൻ​വി​ധി​ക​ളി​ല്ലാ​തെ ഉ​പ​യോ​ഗി​ക്കാ​ൻ തു​ട​ങ്ങി​യി​രി​ക്കു​ന്നു, കൊ​മേ​ഴ്സ്യ​ൽ സി​നി​മ​യും.



ആ ​ജ​യി​ൽ സീ​നി​ൽ

സി​ഐ ജോ​ർ​ജ് സ​ക്ക​റി​യ​യെ ഇ​ന്ദ്ര​ൻ​സ് കൈ​പ്പി​ടി​യി​ലൊ​തു​ക്കി​യെ​ന്നു പ്രേ​ക്ഷ​ക​ർ. സു​ലൈ​മാ​നെ കൊ​ല്ലാ​ൻ ഫ്രെ​ഡി​യെ പ്രേ​രി​പ്പി​ക്കു​ന്ന ജ​യി​ൽ​ സീ​നി​ൽ മ​ഹേ​ഷി​ന്‍റെ സം​വി​ധാ​ന​ത്തെ​ക്കു​റി​ച്ച് ഇ​ന്ദ്ര​ൻ​സ് പ​റ​യു​ക​യാ​ണ് -

‘ആ ​സ​മ​യ​ത്ത് ഫ്രെ​ഡി​യെ​ക്കൊ​ണ്ട് അ​തു പ​റ​ഞ്ഞു ചെ​യ്യി​ക്ക​ണം. ഏ​റെ വി​പ്ല​വ​ങ്ങ​ളും ഇ​തു​പോ​ലെ​യു​ള്ള സം​ഭ​വ​ങ്ങ​ളും കാ​ണു​ന്ന ഒ​രു മു​തി​ർ​ന്ന പോ​ലീ​സു​കാ​ര​നാ​യ​തു​കൊ​ണ്ട് അ​യാ​ൾ​ക്ക് അ​തി​ന്‍റെ ഒ​രു വ​ശം അ​റി​യാ​മാ​യി​രി​ക്ക​ണം എ​ന്നു ഡ​യ​റ​ക്ട​ർ പ​റ​ഞ്ഞു. അ​തി​ലെ ഓ​രോ ഷോ​ട്ടും ഡ​യ​റ​ക്ട​ർ​ക്കു തൃ​പ്തി​വ​രു​ന്ന​തു​വ​രെ ഒ​രു​പാ​ടു​ത​വ​ണ എ​ന്നെ​ക്കൊ​ണ്ടു ചെ​യ്യി​പ്പി​ച്ചെ​ടു​ത്ത​താ​ണ്.’



ച​രി​ത്ര​മ​ല്ല, സി​നി​മ​യാ​ണ്

ക​ന്യ​ക ടാ​ക്കീ​സി​ന്‍റെ എ​ഡി​റ്റ​ർ - അ​താ​യി​രു​ന്നു മ​ഹേ​ഷ് നാ​രാ​യ​ണ​നെ​ക്കു​റി​ച്ച് ഇ​ന്ദ്ര​ൻ​സി​ന്‍റെ ആ​ദ്യ​ചി​ത്രം. ടേ​ക്ക് ഓ​ഫ് ക​ണ്ട​പ്പോ​ൾ വ​ള​രെ മ​തി​പ്പാ​യി, ആ ​സം​വി​ധാ​യ​ക​നി​ൽ. മ​ഹേ​ഷ് സ്ക്രി​പ്റ്റ് കൈ​മാ​റി ക​ഥ പ​റ​ഞ്ഞ് മാ​ലി​ക്കി​ലേ​ക്കു വി​ളി​ച്ച നി​മി​ഷ​ങ്ങ​ൾ ഇ​ന്ദ്ര​ൻ​സ് പ​ങ്കു​വ​യ്ക്കു​ന്നു -

‘വ​ള​രെ ബൃ​ഹ​ത്താ​യ വി​ഷ​യ​മെ​ന്നു ബോ​ധ്യ​മാ​യി. തി​രു​വ​ന​ന്ത​പു​ര​ത്താ​യ​തു​കൊ​ണ്ടു ച​രി​ത്രം പ​ല​തും പ​റ​ഞ്ഞു​കേ​ട്ടി​ട്ടു​ണ്ട്. അ​തു പ​ശ്ചാ​ത്ത​ല​മാ​ക്കി ആ​രു​ടെ​ത​ന്നെ ചി​ന്ത​യി​ലും ഉ​രു​ത്തി​രി​ഞ്ഞു വ​രാ​വു​ന്ന ഒ​രു ക​ഥ. പ​ക്ഷേ, ച​രി​ത്ര​വു​മാ​യി യാ​തൊ​രു ബ​ന്ധ​വും അ​തി​നി​ല്ല. സി​നി​മ എ​ന്ന നി​ല​യ്ക്കു ത​ന്നെ അ​ദ്ദേ​ഹം ആ ​ക​ഥ പ​റ​ഞ്ഞു.’



വേ​ഷ​മാ​യി മാ​ത്രം

ക​ഥാ​പാ​ത്ര​ത്തി​ന്‍റെ ന​ന്മ​യ​ല്ല നോ​ക്കു​ന്ന​തെ​ന്നും വേ​ഷ​മാ​യി മാ​ത്ര​മേ അ​തി​നെ കാ​ണു​ന്നു​ള്ളു​വെ​ന്നും മാ​ലി​ക്കി​ലെ റോ​ൾ പ​രാ​മ​ർ​ശി​ച്ച് ഇ​ന്ദ്ര​ൻ​സ് പ​റ​യു​ന്നു.

‘ ഓ​രോ ക​ഥാ​പാ​ത്ര​വും അ​തി​ന്‍റെ രീ​തി​യി​ലാ​കു​ന്പോ​ഴാ​ണ് ദു​ഷ്ട​നും ന​ല്ല​വ​നു​മൊ​ക്കെ​യാ​കു​ന്ന​ത്. മ​റ്റേ ക​ഥാ​പാ​ത്രം ന​ന്മ​യു​ള്ള​താ​ക​ണ​മെ​ങ്കി​ൽ എ​തി​രേ നി​ൽ​ക്കു​ന്ന​വ​ൻ അ​ത്ര​യും മൃ​ഗീ​യ​മാ​വു​ക​യും വേ​ണം. ര​ണ്ടി​ന്‍റെ​യും പ്ര​സ​ക്തി പ​ല​പ്പോ​ഴും ഒ​ന്നു ത​ന്നെ​യാ​ണ്. അ​ത് അ​റി​യാ​വു​ന്ന​തു​കൊ​ണ്ടു​ത​ന്നെ എ​നി​ക്ക് ര​ണ്ടും മാ​റി​മാ​റി ചെ​യ്യാ​ൻ കൊ​തി​യാ​ണ്.’



മ​ഹേ​ഷി​ന്‍റെ ക​യ്യൊ​പ്പ്

മേ​ല​ധി​കാ​രി​ക​ൾ ഏ​ല്പി​ച്ച​തു മെ​റി​റ്റു നോ​ക്കാ​തെ ന​ട​പ്പാ​ക്കു​ന്ന​തി​ൽ നേ​രി​യ വി​ട്ടു​വീ​ഴ്ച​യ്ക്കു​പോ​ലും ത​യാ​റാ​കാ​ത്ത ഓ​ഫീ​സ​റാ​ണ് ജോ​ർ​ജ് സ​ക്ക​റി​യ. ഫ്രെ​ഡി​യെ​ക്കാ​ണാ​ൻ വീ​ൽ​ചെ​യ​റി​ലെ​ത്തി​യ സു​ലൈ​മാ​ന്‍റെ അ​മ്മ അ​യാ​ളു​ടെ മ​ന​സു​മാ​റ്റു​മോ എ​ന്ന സ​ന്ദേ​ഹി​ച്ച നി​മി​ഷം ജോ​ർ​ജ് സ​ക്ക​റി​യ തി​ടു​ക്ക​ത്തി​ൽ അ​വ​രെ അ​വി​ടെ നി​ന്നു മാ​റ്റു​ന്ന സീ​നു​ണ്ട് മാ​ലി​ക്കി​ൽ. അ​തി​ൽ സം​വി​ധാ​യ​ക​ന്‍റെ ക​യ്യൊ​പ്പു​ണ്ടെ​ന്ന് ഇ​ന്ദ്ര​ൻ​സ് പ​റ​യു​ന്നു.

‘ആ ​സീ​നൊ​ക്കെ ഒ​രു ദി​വ​സം രാ​വി​ലെ മു​ത​ൽ സ​മ​യ​മെ​ടു​ത്തു ചെ​യ്ത​താ​ണ്. ഞാ​ൻ ചെ​യ്ത​തെ​ല്ലാം...​എ​ന്‍റെ ച​ല​ന​ങ്ങ​ളി​ലെ സ്പീ​ഡ് ഉ​ൾ​പ്പെ​ടെ​യു​ള്ള കാ​ര്യ​ങ്ങ​ൾ ഡ​യ​റ​ക്ട​ർ പ​ല പ്രാ​വ​ശ്യം പ​റ​ഞ്ഞു​ത​ന്ന് എ​ന്നെ തേ​ച്ചു​മി​നു​ക്കി​യെ​ടു​ത്ത​താ​ണ്. ഇ​ത് അ​ദ്ദേ​ഹം ചെ​യ്തെ​ടു​ത്ത​താ​ണ്, ഓ​രോ ഷോ​ട്ടും. ഞാ​ൻ ചെ​യ്യു​ന്ന പ​ട​ങ്ങ​ളി​ലൊ​ക്കെ ക​യ്യൊ​പ്പു​ള്ള ഒ​രു ഡ​യ​റ​ക്ട​റു​ടെ ശി​ക്ഷ​ണ​ത്തി​ലാ​ണു ചെ​ന്നു​പെ​ടു​ന്ന​ത്. അ​തു​കൊ​ണ്ടു ന​ന്നാ​യി ചെ​യ്ത​താ​ണ്.’



പോ​ലീ​സ് വേ​ഷം

പോ​ലീ​സ് വേ​ഷം ചെ​യ്യു​ന്പോ​ൾ ശ​രീ​ര​ച​ല​ന​ങ്ങ​ളി​ലും മ​റ്റും മ​ന​സു​കൊ​ണ്ട് ഒ​രു​പാ​ടു ത​യാ​റെ​ടു​ക്കേ​ണ്ട​തു​ണ്ടെ​ന്ന് ഇ​ന്ദ്ര​ൻ​സ് പ​റ​യു​ന്നു.

‘ഞാ​ൻ ത​ന്നെ ക​ണ്ണാ​ടി​യി​ൽ നോ​ക്കി പാ​ക​പ്പെ​ടു​ന്ന ചി​ല കാ​ര്യ​ങ്ങ​ളു​ണ്ട്. ക​ഥാ​പാ​ത്ര​ത്തി​നൊ​ത്ത് എ​ന്‍റെ ശ​രീ​ര​ഭാ​ഷ ചേ​ർ​ന്നു വ​രു​മോ എ​ന്ന​തി​ൽ ഒ​രാ​ധി​യു​ണ്ട്. അ​ക്കാ​ര്യ​ത്തി​ൽ ഒ​രു മ​ത്സ​രം എ​ന്‍റെ ഉ​ള്ളി​ൽ​ത്ത​ന്നെ​യു​ണ്ട്. ജീ​വി​ത​ത്തി​ലെ പോ​ലീ​സു​കാ​രി​ൽ പ​ല​രു​ടെ​യും ജോ​ലി​ക്കി​ട​യി​ലെ പ​ല കാ​ര്യ​ങ്ങ​ളും കാ​ണു​ന്പോ​ൾ ഒ​ന്നു നോ​ക്കി മ​ന​സി​ൽ വ​യ്ക്കു​ന്നു. അ​ല്ലാ​തെ, സി​നി​മ​യി​ലു​ള്ള പോ​ലീ​സു​കാ​രെ അ​ങ്ങ​നെ അ​നു​ക​രി​ക്കാ​ൻ ക​രു​തി​വ​ച്ചി​ട്ടി​ല്ല.’



ജ​നം മാ​റി​പ്പോ​യി

മാ​ലി​ക്കി​ലെ സി​ഐ ജോ​ർ​ജി​നോ​ടു വെ​റു​പ്പു തോ​ന്നാ​മെ​ങ്കി​ലും ‘കു​ട​ക്ക​ന്പി’ യി​ൽ നി​ന്ന് ദൃ​ഢ​ചി​ത്ത​നാ​യ പോ​ലീ​സ് വേ​ഷ​ത്തി​ലേ​ക്കു​ള്ള ആ ​ന​ട​ന്‍റെ വ​ള​ർ​ച്ച ഏ​തൊ​രു സി​നി​മാ​പ്രേ​മി​യേ​യും ആ​ന​ന്ദി​പ്പി​ക്കുന്ന​താ​ണ്.

‘ന​മ്മു​ടെ ജ​നം പ​ണ്ട​ത്തെ​പ്പോ​ലെ​യ​ല്ല. അ​വ​ർ ജീ​വി​തം ന​ന്നാ​യി കാ​ണു​ന്നു​ണ്ട്. ന​മ്മ​ളി​ലെ വ്യ​ക്തി​യെ അ​വ​ർ​ക്കു തി​രി​ച്ച​റി​യാം. അ​ക്കാ​ര്യ​ത്തി​ൽ മീ​ഡി​യ ന​ന്നാ​യി സ​ഹാ​യി​ക്കു​ന്നു​ണ്ട്. ആ ​ക​ഥാ​പാ​ത്രം എ​ത്ര​ത്തോ​ളം ന​ന്നാ​യി എ​ന്നു ത​ന്നെ​യാ​ണ് കു​ഞ്ഞു​കു​ട്ടി​ക​ളും ചെ​റു​പ്പ​ക്കാ​രു​മെ​ല്ലാം വി​ല​യി​രു​ത്തു​ന്ന​ത് ’- ഇ​ന്ദ്ര​ൻ​സ് പ​റ​യു​ന്നു.



നാ​ര​ദ​ൻ

മാ​ലി​ക്കി​ലേ​തു​പോ​ലെ ന​ല്ല വേ​ഷ​ങ്ങ​ൾ ഇ​നി​യും കൊ​തി​ക്കു​ക​യാ​ണ് ഇ​ന്ദ്ര​ൻ​സ്. പ​ക്ഷേ, ഹ്യൂ​മ​റി​ൽ നി​ന്നു മാ​റി​നി​ൽ​ക്കു​ന്നു​മി​ല്ല. സ​ന്തോ​ഷ് ശി​വ​ന്‍റെ ജാ​ക്ക് ആ​ൻ​ഡ് ജി​ൽ, മി​ഥു​ൻ മാ​നു​വ​ൽ തോ​മ​സ് സി​നി​മ, ആ​റാ​ട്ട് എ​ന്നി​വ​യി​ൽ ഹ്യൂ​മ​ർ വേ​ഷ​മാ​ണ്.

ഒ​പ്പം, ജോ​ജു ജോ​ർ​ജി​ന്‍റെ മ​ധു​രം, ഫ്രൈ​ഡേ ഫി​ലിം ഹൗ​സി​നു വേ​ണ്ടി റോ​ജി​ൻ തോ​മ​സ് സം​വി​ധാ​നം ചെ​യ്ത ഹോം, ​ആ​ഷി​ക് അ​ബു​വി​ന്‍റെ നാ​ര​ദ​ൻ തു​ട​ങ്ങി ‘കാ​ത്തി​രു​ന്നു വീ​ണു​കി​ട്ടി​യ’ ചി​ല ഇ​ന്ദ്ര​ൻ​സ് സി​നി​മ​ക​ളും വ​രു​ന്നു​ണ്ട്. മീ​ഡി​യ​യും ജീ​വി​ത​വു​മൊ​ക്കെ ക​ല​ർ​ന്ന നാ​ര​ദ​നി​ൽ വ​ലി​യൊ​രു​വേ​ഷ​മാ​ണ് ഇ​ന്ദ്ര​ൻ​സി​ന്. ഇ​ന്ദു വി​എ​സി​ന്‍റെ 19(1)എ​യി​ൽ പോ​ലീ​സ് വേ​ഷം. മേ​പ്പ​ടി​യാ​നും റി​ലീ​സി​നൊ​രു​ങ്ങു​ക​യാ​ണ്.



മ​ത്സ​രം ഞാ​നു​മാ​യി​ത്ത​ന്നെ

കോ​മ​ഡി വേ​ഷ​ങ്ങ​ളും ആ​ത്മാ​ർ​ഥ​മാ​യും പ​ര​മാ​വ​ധി സ്വാ​ഭാ​വി​ക​മാ​യും ചെ​യ്യാ​നാ​ണു ശ്ര​ദ്ധി​ച്ച​തെ​ന്ന് ഇ​ന്ദ്ര​ൻ​സ് പ​റ​യു​ന്നു. ‘ എ​ന്‍റെ ശ​രീ​ര​പ്ര​കൃ​തി വ​ച്ചു നോ​ക്കു​ന്പോ​ൾ ഞാ​ന​തൊ​ക്കെ സീ​രി​യ​സാ​യി​ത്ത​ന്നെ​യാ​ണു ക​ണ്ട​ത്. പി​ന്നെ, കാ​ലം എ​ന്നി​ൽ വ​രു​ത്തി​യ കു​റേ മാ​റ്റ​ങ്ങ​ളു​ണ്ട്.

ചി​ല സ​ഹാ​യ​ങ്ങ​ളു​ണ്ട്. ശ്ര​മി​ക്കാ​തെ ത​ന്നെ എ​ന്‍റെ രൂ​പ​ത്തി​ൽ ചെ​റി​യ മാ​റ്റ​ങ്ങ​ൾ വ​ന്നു; പി​ന്നെ ശ​ബ്ദ​ത്തി​ലും. നി​ര​ന്ത​ര​മാ​യി ഞാ​ൻ എ​ന്നി​ൽ നി​ന്ന് എ​ന്നെ പ​ഠി​ച്ചു​കൊ​ണ്ടി​രി​ക്കു​ക​യാ​ണ്. എ​ന്നെ​ക്കൊ​ണ്ടു​ത​ന്നെ പ​ല​പ്പോ​ഴും എ​നി​ക്കു പൊ​റു​തി​മു​ട്ടി​യി​ട്ടു​ണ്ട്! എ​പ്പോ​ഴും മ​ത്സ​രം ഇ​ന്ന​ലെ​ക​ളി​ലെ ഞാ​നു​മാ​യി​ത്ത​ന്നെ​യാ​ണ്.’



40 ഇ​ന്ദ്ര​ൻ​സ് വ​ർ​ഷ​ങ്ങ​ൾ

‘വാ​യ​ന...​അ​ത​ല്ലാ​തെ എ​ന്‍റെ ക​യ്യി​ൽ ഒ​ന്നു​മി​ല്ല. ചു​റ്റു​വ​ട്ട​ങ്ങ​ളി​ലെ എ​ഴു​ത്തു​കാ​രും അ​വ​രു​ടെ പു​സ്ത​ക​ങ്ങ​ളും അ​വ​രു​ടെ സം​സ്കാ​ര​വു​മൊ​ക്കെ​യാ​ണ് എ​ന്നെ സ​ഹാ​യി​ച്ചി​ട്ടു​ള്ള​ത്. ഇ​ങ്ങ​നെ സം​സാ​രി​ക്കാ​ൻ ക​ഴി​യു​ന്ന​തി​ന്‍റെ ധൈ​ര്യം അ​തു​മാ​ത്ര​മാ​ണ് ’- ഇ​ന്ദ്ര​ൻ​സി​ന്‍റെ വാ​ക്കു​ക​ൾ. ഒ​ന്നു തീ​ർ​ച്ച​യാ​ണ്, അ​ന്നും ഇ​ന്നും, കെ​ട്ടു​ന്ന വേ​ഷം കോ​മ​ഡി​യാ​യാ​ലും സീ​രി​യ​സാ​യാ​ലും അ​ത് മ​റ്റൊ​രാ​ൾ​ക്കും അ​നു​ക​രി​ക്കാ​നാ​കാ​ത്ത​വി​ധം എ​വ​ർ​ഗ്രീ​ൻ ആ​ക്കു​ക​യാ​ണ് ഇ​ന്ദ്ര​ൻ​സി​ലെ പെ​ർ​ഫോ​ർ​മ​ർ.

പ്രേ​ക്ഷ​ക​നും സി​നി​മ​യ്ക്കും അ​തൊ​രു​റ​പ്പാ​ണ്.​ സ്ക്രീ​ൻ ജീ​വി​തം 40 വ​ർ​ഷം പി​ന്നി​ടു​ന്പോ​ൾ അ​തി​നു ബ​ലം കൂ​ട്ടു​ന്ന വേ​ഷ​ങ്ങ​ളി​ലൂ​ടെ​യാ​ണ് ഇ​ന്ദ്ര​ൻ​സി​ന്‍റെ യാ​ത്ര​ക​ൾ. ഏ​തു വേ​ഷ​ത്തി​ലും, അ​ദ്ദേ​ഹം അ​ഭി​ന​യി​ക്കു​ക​യാ​ണെ​ന്നു തോ​ന്നു​ക​യേ ഇ​ല്ല. മ​റി​ച്ച്, ചി​ല നോ​ട്ട​ങ്ങ​ളി​ലും ച​ല​ന​ങ്ങ​ളി​ലും അ​ള​ന്നു​മു​റി​ച്ച സം​ഭാ​ഷ​ണ​ങ്ങ​ളി​ലും അ​തു ജീ​വി​ത​മാ​വു​ക​യാ​ണ്.

ടി.​ജി.​ബൈ​ജു​നാ​ഥ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2021 , Rashtra Deepika Ltd.