Cinema
ആ​ഷി​ക്കി​നു കു​ട്ടി​ക്ക​ളി​യ​ല്ല സി​നി​മ!
Thursday, November 12, 2020 2:04 PM IST
പോ​ലീ​സാ​വ​ണം, തോ​ക്കെ​ടു​ക്ക​ണം, ഫൈ​റ്റ് ചെ​യ്യ​ണം എ​ന്നി​ങ്ങ​നെ അ​ഭി​ന​യ​വു​മാ​യി ചേ​ർ​ന്നു​നി​ൽ​ക്കു​ന്ന​താ​വും സാ​ധാ​ര​ണ കു​ട്ടി​ക​ളു​ടെ സി​നി​മാ​മോ​ഹ​ങ്ങ​ൾ. മ​ണി​ര​ത്നം സി​നി​മ​ക​ളി​ലു​ൾ​പ്പെ​ടെ അ​സോ​സി​യേ​റ്റാ​യി​രു​ന്ന അ​ച്ഛ​ൻ ജി​നു സേ​വ്യ​ർ ഇ​ട​പ്പ​ള്ളി​ക്കും സ്ക്രി​പ്റ്റ് അ​സോ​സി​യേ​റ്റാ​യ അ​മ്മ ര​ജി​ത​യ്ക്കു​മൊ​പ്പം ചെ​ന്നൈ​യി​ലെ സെ​റ്റു​ക​ളി​ൽ സ​മ​യം ചെ​ല​വി​ടാ​നു​ള്ള ഭാ​ഗ്യം കു​ഞ്ഞു​പ്രാ​യ​ത്തി​ൽ ത​ന്നെ ആ​ഷി​ക്കി​നു​ണ്ടാ​യി. എ​ങ്കി​ലും അ​വ​ന്‍റെ താ​ത്പ​ര്യം അ​ഭി​ന​യ​മാ​യി​രു​ന്നി​ല്ല; സി​നി​മ​യ്ക്കു പി​ന്നി​ലെ ടെ​ക്നി​ക്കു​ക​ളി​ലാ​യി​രു​ന്നു.

കു​ട്ടി​ക്ക​ളി​ക​ളി​ൽ മു​ഴു​കേ​ണ്ട കു​ഞ്ഞു​പ്രാ​യ​ത്തി​ൽ കാ​മ​റ​യാ​യി​രു​ന്നു ആ​ഷി​ക്കി​ന്‍റെ ക​ളി​പ്പാ​ട്ടം. സെ​റ്റി​ൽ താ​ര​ങ്ങ​ളാ​യി​രു​ന്നി​ല്ല, ടെ​ക്നീ​ഷ​ൻ​സാ​യി​രു​ന്നു ആ​ഷി​ക്കി​ന്‍റെ ച​ങ്ങാ​തി​മാ​ർ. അ​വ​രി​ൽ നി​ന്നു കാ​മ​റാ ര​ഹ​സ്യ​ങ്ങ​ള​റി​ഞ്ഞു, ആം​ഗി​ളു​ക​ളും ഫ്രെ​യി​മു​ക​ളും വ​ശ​ത്താ​ക്കി.



കാ​മ​റ​യി​ൽ തു​ട​ങ്ങി​യ ഇ​ഷ്‌ടം

അ​ഞ്ചാം പി​റ​ന്നാ​ളി​ന് അ​ച്ഛ​ന്‍റെ സു​ഹൃ​ത്ത് ആ​ഷി​ക്കി​ന് ഒ​രു കാ​മ​റ സ​മ്മാ​നി​ച്ചു. അ​ത​വ​ന്‍റെ സു​ഹൃ​ത്തും സ​ന്ത​ത​സ​ഹ​ചാ​രി​യു​മാ​യി. അ​തി​ൽ അ​വ​നെ​ടു​ത്ത ചി​ത്ര​ങ്ങ​ൾ​ക്ക് ആ ​പ്രാ​യ​ത്തി​ന്‍റെ ഉ​ൾ​ക്കാ​ഴ്ച​യ്ക്ക​പ്പു​റം ആ​ഴ​വും മി​ഴി​വു​മാ​യി​രു​ന്നു. ക്ര​മേ​ണ ആ ​ഇ​ഷ്ടം സം​വി​ധാ​ന​ത്തി​ന്‍റെ ര​സ​ത​ന്ത്ര​ങ്ങ​ളി​ലാ​യി.

അ​ച്ഛ​ന്‍റെ അ​തി​രു​ക​ളി​ല്ലാ​ത്ത സ​പ്പോ​ർ​ട്ടു കൂ​ടി​യാ​യ​പ്പോ​ൾ ഇ​ന്ത്യ​യി​ലെ ഏ​റ്റ​വും പ്രാ​യം കു​റ​ഞ്ഞ സം​വി​ധാ​യ​ക​ൻ എ​ന്ന യു​ആ​ർ​എ​ഫ് റെ​ക്കോ​ർ​ഡ് ‘പീ​ടി​ക’ എ​ന്ന ഹ്ര​സ്വ​ചി​ത്ര​ത്തി​ലൂ​ടെ പ​ത്താം വ​യ​സി​ൽ ആ​ഷി​ക് സ്വ​ന്ത​മാ​ക്കി.

പ​തി​നൊ​ന്നു വ​യ​സി​നു​ള്ളി​ൽ ആ​ഷി​ക് സം​വി​ധാ​നം ചെ​യ്ത​ത് ‘പ​ശി’ എ​ന്ന നി​ശ​ബ്ദ ഹ്ര​സ്വ ചി​ത്രം ഉ​ൾ​പ്പെ​ടെ ഏ​ഴു ഹ്ര​സ്വ​ചി​ത്ര​ങ്ങ​ൾ, ഒ​രു ഡോ​ക്യു​മെ​ന്‍റ​റി, ര​ണ്ടു ഫീ​ച്ച​ർ​ഫി​ലി​മു​ക​ൾ. വ​രാ​പ്പു​ഴ ഇ​സ​ബെ​ല്ല ഡി ​റോ​സി​സ് പ​ബ്ലി​ക് സ്കൂ​ളി​ലെ ആ​റാം ക്ലാ​സു​കാ​ര​ൻ ആ​ഷി​ക് ജി​നു​വി​നു സി​നി​മ കു​ട്ടി​ക്ക​ളി​യ​ല്ല. അ​ച്ഛ​ന്‍റെ ര​ച​ന​യി​ൽ സം​വി​ധാ​നം ചെ​യ്ത കൊ​മേ​ഴ്സ്യ​ൽ സി​നി​മ ‘ഇ​വ’ റി​ലീ​സി​നൊ​രു​ങ്ങു​ന്നു എ​ന്ന​താ​ണ് ആ​ഷി​ക്കി​ന്‍റെ പു​തി​യ വി​ശേ​ഷം.



‘പീ​ടി​ക’​യ്ക്കു പി​ന്നി​ൽ

കു​ട്ടി​ക്കാ​ല​ത്തെ ഒ​ര​നു​ഭ​വ​ത്തെ മു​ൻ​നി​ർ​ത്തി​യാ​ണ് അ​ഞ്ചി​ൽ പ​ഠി​ക്കു​ന്പോ​ൾ ആ​ഷി​ക് ‘പീ​ടി​ക’ ഒ​രു​ക്കി​യ​ത്. ക​ട​യി​ൽ പോ​യ ഒ​ന്പ​തു​കാ​ര​ൻ ആ​ഷി​ക് ബാ​ല​ൻ​സ് വാ​ങ്ങാ​തെ മ​ട​ങ്ങി​യെ​ത്തി​യ​പ്പോ​ൾ അ​മ്മ വ​ഴ​ക്കു​പ​റ​ഞ്ഞു. അ​ച്ഛ​ന്‍റെ മു​ന്നി​ൽ അ​തു പ​രി​ഭ​വ​മാ​യി.

ബി​ല്ല് ചോ​ദി​ച്ചു​വാ​ങ്ങു​ക​യെ​ന്ന​തു ന​മ്മു​ടെ അ​വ​കാ​ശ​മാ​ണെ​ന്നും ഇ​ല്ലെ​ങ്കി​ൽ ആ​ർ​ക്കും ന​മ്മ​ളെ പ​റ്റി​ക്കാ​നാ​വു​മെ​ന്നും പ​റ​ഞ്ഞ് അ​ച്ഛ​ൻ ​അ​വ​നെ ആ​ശ്വ​സി​പ്പി​ച്ചു. ആ ​സം​ഭ​വം ആ​ഷി​ക് ക​ഥ​യാ​യി എ​ഴു​തി.



ജി​നു സേ​വ്യ​റി​ന്‍റെ കു​ടും​ബ​സു​ഹൃ​ത്തും കാ​മ​റ അ​സി​സ്റ്റ​ന്‍റു​മാ​യ ഇ​യാ​ൻ വി​ഷ്ണു ആ ​ക​ഥ​യി​ലെ സാ​ധ്യ​ത​ക​ൾ തി​രി​ച്ച​റി​ഞ്ഞു. അ​ച്ഛ​ൻ അ​തു സ്ക്രി​പ്റ്റാ​ക്കി​യ​പ്പോ​ൾ ഇ​തു ഡ​യ​റ​ക്ട് ചെ​യ്തോ​ട്ടെ എ​ന്ന് ആ​ഷി​ക് ചോ​ദി​ച്ചു. ജി​നു​സേ​വ്യ​റും ര​ജി​ത​യും മ​ക​ന്‍റെ മോ​ഹ​ത്തി​നു ത​ണ​ലാ​യി.

അ​വി​ടെ​യാ​ണ് ആ​ഷി​ക് എ​ന്ന കു​ട്ടി സം​വി​ധാ​യ​ക​ന്‍റെ പി​റ​വി. പ​ത്തു​വ​യ​സു​കാ​ര​ൻ സി​നി​മ പി​ടി​ക്കു​ന്ന​തി​നു സാ​ക്ഷി​യാ​കാ​ൻ യു​ആ​ർ​എ​ഫ് ജൂ​റി സെ​റ്റി​ലെ​ത്തി. അ​ങ്ങ​നെ ആ​ഷി​ക് ഇ​ന്ത്യ​യി​ലെ പ്രാ​യം കു​റ​ഞ്ഞ സം​വി​ധാ​യ​ക​നാ​യി.



ഒ​ന്ന​ര മ​ണി​ക്കൂ​റി​ലെ സി​നി​മ

ആ​ഷി​ക്കി​ന്‍റെ ക​ളി​യും ഹോ​ബി​യും താ​ത്പ​ര്യ​വു​മെ​ല്ലാം സി​നി​മ ത​ന്നെ​യാ​യി. ലോകറിക്കാ​ർ​ഡി​ന് അ​യ​യ്ക്കാ​ൻ ഒ​ന്ന​ര മ​ണി​ക്കൂ​ർ കൊ​ണ്ട് ഒ​രു​ക്കി​യ ‘കൊ​ളം​ബി​യ​ൻ അ​ക്കാ​ദ​മി’ യാ​ണ് ആ​ഷി​ക്കി​ന്‍റെ ആ​ദ്യ ഫീ​ച്ച​ർ ഫി​ലിം. ഒ​ന്ന​ര മ​ണി​ക്കൂ​റു​ള്ള സി​നി​മ.

അ​ജു​വ​ർ​ഗീ​സും ഷാ​ൻ റ​ഹ്മാ​നും ചേ​ർ​ന്നു പാ​ടി​യ ഒ​രു പാ​ട്ടു​ണ്ട് അ​തി​ൽ. മോ​ഹ​ൻ​ലാ​ലാ​ണ് ആ ​പാ​ട്ട് റി​ലീ​സ് ചെ​യ്ത​ത്. ആ ​സി​നി​മ റി​ലീ​സ് ചെ​യ്യാ​നു​ള്ള ഒ​രു​ക്ക​ങ്ങ​ൾ​ക്കി​ടെ​യാ​ണ് ലോ​ക്ക്ഡൗ​ണാ​യ​ത്.



പു​തു​മു​ഖ​ങ്ങ​ളു​ടെ ‘ഇ​വ’

ഇ​വി​ൾ, വാ​റ്റ്, ആ​ക്സി​ഡ​ന്‍റ് - അ​താ​ണ് ഇ​വ. ല​ഹ​രി ആ​പ​ത്താ​ണെ​ന്നു പ​റ​യു​ന്ന സി​നി​മ. ലാ​ത്തി​യു​ടെ പി​ൻ​ബ​ല​ത്തി​ൽ മാ​ത്രം വാ​റ്റു​കേ​ന്ദ്ര​ങ്ങ​ളി​ലേ​ക്കും മ​യ​ക്കു​മ​രു​ന്നു​കേ​ന്ദ്ര​ങ്ങ​ളി​ലേ​ക്കും റെ​യ്ഡി​നാ​യി ക​ട​ന്നു​ചെ​ല്ലു​ന്ന എ​ക്സൈ​സു​കാ​ർ അ​നു​ഭ​വി​ക്കു​ന്ന ദു​ര​നു​ഭ​വങ്ങ​ളാ​ണു പ്ര​മേ​യം.

പാ​ട്ടും സ്റ്റ​ണ്ടും കോ​മ​ഡി​യും കോ​ർ​ത്തി​ണ​ക്കി കാ​ടി​ന്‍റെ മ​നോ​ഹ​ര ഫ്രെ​യി​മു​ക​ളി​ൽ ക​ഥ പ​റ​യു​ന്ന ത്രി​ല്ലിം​ഗ് എ​ന്‍റ​ർ​ടെ​യ്ന​ർ.



പ്രേം​നാ​ഥ്, മ​നീ​ഷ്, ഹു​സൈ​ൻ കോ​യ എ​ന്നീ പു​തു​മു​ഖ​ങ്ങ​ളാ​ണു നാ​യ​ക​ന്മാ​ർ. ക​ഥ​യും സ്ക്രി​പ്റ്റും ജി​നു സേ​വ്യ​ർ ഇ​ട​പ്പ​ള്ളി. ജി​നു ത​ന്നെ ‘ഇ​വ’​യി​ലെ വി​ല്ല​നും. ന​ട​ന്മാ​രാ​യ ന​ന്ദു പൊ​തു​വാ​ൾ, രാ​മു എ​ന്നി​വ​രും പ്ര​ധാ​ന വേ​ഷ​ങ്ങ​ളി​ൽ. കു​ള​മാ​വി​ലും എ​റ​ണാ​കു​ള​ത്തു​മാ​യി​രു​ന്നു ഷൂ​ട്ടിം​ഗ്.

ചി​ത്ര​ത്തി​ന്‍റെ പോ​സ്റ്റ് പ്രൊ​ഡക്‌ഷ​ൻ തു​ട​രു​ക​യാ​ണ്. ജാ​സി ഗി​ഫ്റ്റ് പാ​ടി​യ പാ​ട്ട് റി​ലീ​സാ​യി​ട്ടു​ണ്ട്. ‘ഇ​വ’ ത​മി​ഴി​ൽ റീ​മേ​ക്ക് ചെ​യ്യാ​നും ആ​ലോ​ച​ന​ക​ളു​ണ്ട്.

ആ​ഷി​ക്കി​ന്‍റെ പ്ര​തി​ഭ​യ്ക്കു​ള്ള അം​ഗീ​കാ​രം എ​ന്ന നി​ല​യിലാ​ണ് ജി​നു​വി​ന്‍റെ സു​ഹൃ​ത്ത് എൻ സു​നി​ഷ ‘ഇ​വ’​യു​ടെ നി​ർ​മാ​ണം ഏ​റ്റെ​ടു​ത്ത​ത്.



ആ​ക്‌ഷ​ൻ പ​റ​ഞ്ഞ് ആ​ഷി​ക്

‘ഇ​വ’​യി​ൽ ആ​ദ്യാ​വ​സാ​നം താ​ൻ അ​ഭി​നേ​താവു ​കൂ​ടി ആ​യ​തി​നാ​ൽ സെ​റ്റി​ൽ ത​ന്‍റെ സ​പ്പോ​ർ​ട്ടി​ല്ലാ​തെ​യാ​ണ് ആ​ഷി​ക് സം​വി​ധാ​നം ചെ​യ്ത​തെ​ന്ന് അ​ച്ഛ​ൻ ജി​നു സേ​വ്യ​ർ. എ​ഴു​ത്തി​ന്‍റെ ഘ​ട്ട​ത്തി​ൽ സ്ക്രി​പ്റ്റ് മു​ത​ൽ സ്റ്റോ​റി ഡി​വൈ​ഡിം​ഗ് വ​രെ അ​പ്പ പ​ഠി​പ്പി​ച്ച​താ​യി ആ​ഷി​ക്ക് പ​റ​യു​ന്നു. സ്റ്റോ​റി ബോ​ർ​ഡ് ഉ​ൾ​പ്പെ​ടെ ചെ​യ്തു​ത​ന്നു. പു​തു​മു​ഖ​ങ്ങ​ളെ ട്രെ​യി​ൻ ചെ​യ്യാ​ൻ പ​ഠി​പ്പി​ച്ചു.

കാ​മ​റാ​മാ​ൻ ആ​ന​ന്ദു​മാ​യി സീ​ൻ കാ​ര്യ​ങ്ങ​ൾ സം​സാ​രി​ച്ച​തി​നു ശേ​ഷ​മാ​ണ് ഷോ​ട്ടി​ലേ​ക്കു പോ​യി​രു​ന്ന​ത്. ക്രൂ, ​അ​സി​സ്റ്റ​ന്‍റ് ഡ​യ​റ​ക്ടേ​ഴ്സ്, സു​ഹൃ​ത്തു​ക്ക​ൾ..​എ​ല്ലാ​വ​രും അ​വ​ന്‍റെ സ്വ​പ്ന​ങ്ങ​ൾ​ക്കൊ​പ്പം കൂ​ടി. ആ​ഷി​ക്കി​ന്‍റെ നി​ർദേ​ശ​ങ്ങ​ൾ​ക്ക് ക്രൂ​വി​ൽ നി​ന്നു കൃ​ത്യ​മാ​യ ഫീ​ഡ്ബാ​ക്ക് ല​ഭി​ച്ചി​രു​ന്നു. ആ​ഷി​ക്കി​ന്‍റെ ‘ആ​ക്‌ഷ​ൻ’ മു​ഴ​ക്ക​ങ്ങ​ൾ പി​ള്ളേ​രു​ക​ളി​യ​ല്ലെ​ന്ന് അ​വ​ർ​ക്ക​റി​യാം.



അ​ന്നു ക​ഥ പ​റ​ഞ്ഞ കു​ട്ടി

ഷൂ​ട്ടിം​ഗ് ക​ഴി​ഞ്ഞു റൂ​മി​ലെ​ത്തി​യാ​ൽ ക​ളി​ചി​രി​ക​ളു​മാ​യി കൂ​ടു​ന്ന ഒ​രു സാ​ധാ​ര​ണ കു​ട്ടി. സെ​റ്റി​ലെ​ത്തി​യാ​ൽ ന​ല്ല ക​മാ​ൻ​ഡിം​ഗ് പ​വ​റോ​ടെ ആ​ക്ഷ​ൻ പ​റ​യു​ന്ന ഡ​യ​റ​ക്ട​ർ - കു​ട്ടി ഡ​യ​റ​ക്ട​റെ​ക്കു​റി​ച്ച് സെ​റ്റി​ലു​ള്ള​വ​ർ പ​റ​യു​ന്ന​ത് ഇ​ങ്ങ​നെ.

വാ​തോ​രാ​തെ സം​സാ​രി​ക്കു​ന്ന​തി​നേ​ക്കാ​ൾ മ​ക​നു ടെ​ക്നി​ക്ക​ൽ കാ​ര്യ​ങ്ങ​ളി​ലാ​ണു താ​ത്പ​ര്യ​മെ​ന്ന് അ​മ്മ ര​ജി​ത. കാ​മ​റാ​മാ​ൻ ആ​ക​ണ​മെ​ന്നു പ​റ​യു​ന്ന കു​ഞ്ഞ് ആ​ഷി​ക്കി​ന്‍റെ ചി​ത്രം ഇ​പ്പോ​ഴും ര​ജി​ത​യു​ടെ മ​ന​സി​ലു​ണ്ട്.



ചെ​റു​പ്രാ​യ​ത്തി​ൽ ത​ന്നെ ആ​ഷി​ക് സി​നി​മ​ക​ൾ ആ​സ്വ​ദി​ച്ചു കാ​ണു​മാ​യി​രു​ന്നു. ഷൂ​ട്ടിം​ഗ് ക​ണ്ടി​ട്ടു​ള്ള​തി​നാ​ൽ അ​തെ​ങ്ങ​നെ​യാ​ണു രൂ​പ​പ്പെ​ടു​ന്ന​തെ​ന്ന് അ​വ​ന് അ​റി​യാ​മാ​യി​രു​ന്നു. ക്ലാ​സി​ൽ കു​ഞ്ഞു​ക​ഥ​ക​ളെ​ഴു​തി വാ​യി​ക്കു​മാ​യി​രു​ന്നു. സി​നി​മ​യോ​ട് താ​ത്പ​ര്യ​മു​ണ്ടെ​ന്നു തോ​ന്നി​യ​പ്പോ​ഴാ​ണ് കൂ​ടെ നി​ൽ​ക്കാ​ൻ തീ​രു​മാ​നി​ച്ച​ത് - അ​മ്മ ര​ജി​ത പ​റ​യു​ന്നു.

പ​തി​ന​ഞ്ചു വ​യ​സി​ൽ...

സ്വ​ന്ത​മാ​യി സ്ക്രി​പ്റ്റെ​ഴു​തി കാ​മ​റ വ​ർ​ക്കും സം​വി​ധാ​ന​വും ഉ​ൾ​പ്പെ​ടെ ഒ​രു പ​ടം ചെ​യ്യ​ണ​മെ​ന്നാ​ണ് ആ​ഷി​ക്കി​ന്‍റെ പു​തി​യ മോ​ഹം. സ്കൂ​ളി​ലെ ഓ​ഫ് ലൈ​ൻ പ​ഠ​നം ഒ​രു​വ​ഴി​ക്കു ന​ട​ക്കു​ന്നു.



വീ​ട്ടി​ൽ അ​ച്ഛ​നെ​ക്കാ​ണാ​നെ​ത്തു​ന്ന ടെ​ക്നീ​ഷ​ൻ​സി​നോ​ടു സി​നി​മ​യ്ക്കു പി​ന്നി​ലെ സാ​ങ്കേ​തി​ക​കാ​ര്യ​ങ്ങ​ൾ ചോ​ദി​ച്ച​റി​ഞ്ഞു പ​ഠി​ക്കാ​നും ആ​ഷി​ക്കി​നു താ​ത്പ​ര്യ​മാ​ണ്.

‘പൂ​നെ​യി​ൽ നി​ന്നു ഡ​യ​റ​ക്‌ഷ​ൻ പ​ഠി​ച്ചി​റ​ങ്ങി​യാ​ലും ആ​ദ്യം ചെ​യ്യു​ന്ന​തു പ്രാ​ക്ടി​ക്ക​ൽ എ​ക്സ്പീ​രി​യ​ൻ​സി​നു വേ​ണ്ടി ഏ​തെ​ങ്കി​ലും ഒ​രു ഡ​യ​റ​ക്ട​റു​ടെ കീ​ഴി​ൽ ജോ​ലി ചെ​യ്യു​ക എ​ന്നതു ​ത​ന്നെ​യാ​വും. ഞാ​ൻ ഡ​യ​റ​ക്ട​ർ ആ​യ​തി​നാൽ ​എ​ന്‍റെ നി​ർ​ദേ​ശ​ങ്ങ​ളി​ൽ അ​വ​ൻ സി​നി​മ പ​ഠി​ക്കു​ക​യാ​ണ്.



ഈ ​സി​നി​മ​ക​ളി​ലൂ​ടെ പ്രാ​ക്ടി​ക്ക​ൽ എ​ക്സ്പീ​രി​യ​ൻ​സ് എ​ന്ന ലെ​വ​ലി​ലേ​ക്കാ​ണ് അ​വ​നെ കൊ​ണ്ടു​പോ​കു​ന്ന​ത്.’ പ​തി​ന​ഞ്ചു വ​യ​സ് ആ​കു​ന്പോ​ഴേ​ക്കും ആ​ഷി​ക്കി​നെ​ക്കൊ​ണ്ട് ഒ​രു സൂ​പ്പ​ർ​സ്റ്റാ​ർ പ​ടം ചെ​യ്യി​പ്പി​ക്ക​ണ​മെ​ന്നാ​ണ് ആ​ഗ്ര​ഹ​മെ​ന്നും അ​ച്ഛ​ൻ ജി​നു​സേ​വ്യ​ർ മ​ന​സു​തു​റ​ന്നു.

ടി.​ജി.​ബൈ​ജു​നാ​ഥ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2021 , Rashtra Deepika Ltd.