Cinema
നായകനായതു ഭാഗ്യം; നല്ല കാരക്ടർ വേഷങ്ങൾ ഇനിയും ചെയ്യും: ധീരജ് ഡെന്നി
Thursday, October 22, 2020 7:54 PM IST
തി​യ​റ്റ​റു​ക​ൾ തു​റ​ക്കു​ന്ന​തും കാ​ത്ത് ര​ണ്ടു ത്രി​ല്ല​റു​ക​ൾ - ക​ർ​ണ​ൻ നെ​പ്പോ​ളി​യ​ൻ ഭ​ഗ​ത് സിം​ഗ്, മൈ​ക്കി​ൾ​സ് കോ​ഫി ഹൗ​സ്. ര​ണ്ടി​ലും ഒരാൾ തന്നെ നായകൻ! എ​ൻ​ജി​നി​യ​റിം​ഗ് ജോ​ലി ക​ള​ഞ്ഞു​വ​ന്ന് സി​നി​മ​യോ​ട് ഇ​ഷ്ടം​കൂ​ടി​യ ഒരു ആ​ലു​വാ​ക്കാ​ര​ൻ.

വൈ, ​ഹി​മാ​ല​യ​ത്തി​ലെ ക​ശ്മ​ല​ൻ, വാ​രി​ക്കു​ഴി​യി​ലെ കൊ​ല​പാ​ത​കം, ക​ൽ​ക്കി, എ​ട​ക്കാ​ട് ബെ​റ്റാ​ലി​യ​ൻ എ​ന്നീ സി​നി​മ​ക​ളി​ലൂ​ടെ ചു​വ​ടു​റ​പ്പി​ച്ച ധീ​ര​ജ് ഡെ​ന്നി; നി​വി​ന്‍റെ​യും ടോ​വി​നോ​യു​ടെ​യും ക​സി​ൻ. പു​തി​യ സി​നി​മ​ക​ളെ​ക്കു​റി​ച്ച്, അഭിനയത്തിലെ ഇഷ്ടങ്ങളെക്കുറിച്ച് സം​സാ​രി​ക്കു​ക​യാ​ണ് യുവനടൻ ധീ​ര​ജ് ഡെ​ന്നി.



‘വൈ​’യി​ൽ തു​ടങ്ങി

ചെറുപ്പം തൊട്ടേ സ്കൂളിലും ആലുവാ പള്ളിയിലുമൊക്കെയായി നാടകങ്ങളിൽ അഭിനയിച്ചിരുന്നു. പ്ലസ്ടുവിൽ സ്റ്റേറ്റ് ലെവൽ ഡ്രാമയിൽ പോയിട്ടുണ്ട്. പിന്നീട് അവസരങ്ങൾ വന്നിട്ടില്ല. ബിടെക് ഇൻസ്ട്രുമെന്‍റേഷനു ശേഷം ബംഗളൂരുവിൽ ജോലിയായി. ആ സമയത്ത് എങ്ങനെ തുടങ്ങും എന്ന ഒരു ഷോർട്ട് ഫിലിമിൽ അഭിനയിച്ചു. കോട്ടയം പ്രദീപിന്‍റെ മകൻ വിഷ്ണു പ്രദീപാണ് അതു സംവിധാനം ചെയ്തത്.

നിനക്ക് അഭിനയിക്കാൻ ടാലന്‍റുണ്ട്, അതിൽ നോക്കിക്കൂടേ എന്ന് അതു കണ്ടു പലരും ചോദിച്ചു. ആളുകൾ വെറുതേ പറയുന്നതാവാം എന്നു കരുതി ബംഗളൂരുവിലെ ജോലി തുടർന്നു. പക്ഷേ, അ പ്പോഴും ചെയ്യുന്ന പരിപാടി കറക്ടല്ല എന്നൊരു തോന്നലുണ്ടായിരുന്നു. ജോലി മാറി നോക്കി. പക്ഷേ, മടുപ്പു മാറിയില്ല.

2015 ൽ ജോലി വിട്ട് നാട്ടിൽ വന്നതിനു പിന്നാലെ ‘ഞാൻ സിനിമാമോഹി’ എന്ന ഷോർട്ട് ഫിലിമിൽ അഭിനയിച്ചു. ‘അനുഗൃഹീതൻ ആന്‍റണി’ ചെയ്ത പ്രിൻസ് ജോയിയാണ് അതു സംവിധാനം ചെയ്തത്. ഇനി എന്തായാലും സിനിമ ചെയ്തു നോക്കാം എന്നു തീരുമാനിച്ചു. അന്നു ശ്രമിച്ചില്ലല്ലോ എന്നു പിന്നീടു നൊന്പരത്തിനിടനല്കരുതെന്നു കരുതി.

അങ്ങനെയിരിക്കുന്പോ ഴാണ് സുനിൽ ഇബ്രാഹിം സാറി ന്‍റെ ‘വൈ’ എന്ന സിനിമയുടെ ഓഡിഷൻ വന്നത്. സെൽഫി വീഡിയോ അയച്ചു. അവർ സെലക്ട് ചെയ്തു. വളരെ കൃത്യമായ ഒരു ഓഡീഷനായിന്നു. അതു പാസായി. ഒരാഴ്ചത്തെ ക്യാന്പിനു ശേഷം ഒരു കാരക്ടർ തന്നു. അതാ യിരുന്നു തുടക്കം.



‘ക​ന്നി​വെ​യി​ൽ ക​ണ്ണു​ക​ളി​ൽ...’

‘വൈ’​ക്കു ശേ​ഷം അ​ഭിരാം സു​രേ​ഷ് ഉ​ണ്ണി​ത്താ​ന്‍റെ ഹി​മാ​ല​യ​ത്തി​ലെ ക​ശ്മ​ല​ൻ എ​ന്ന സ​റ്റ​യ​റി​ൽ. പി​ന്നീ​ടു വാ​രി​ക്കു​ഴി​യി​ലെ കൊ​ല​പാ​ത​ക​ത്തി​ൽ ലി​ജോ എ​ന്ന കാ​ര​ക്ട​ർ.

അ​തി​ൽ ഞാ​നും അ​മീ​ര വ​ർ​മ​യു​മു​ള്ള ശ്രേ​യാ ഘോ​ഷാ​ൽ പാ​ടി​യ ‘ക​ന്നി​വെ​യി​ൽ ക​ണ്ണു​ക​ളി​ൽ...’ എ​ന്ന പാ​ട്ടു​സീ​ൻ ശ്ര​ദ്ധി​ക്ക​പ്പെ​ട്ടു. തു​ട​ർ​ന്നു ക​ൽ​ക്കി​യി​ൽ കോ​ണ്‍​സ്റ്റ​ബി​ൾ ഗോ​വി​ന്ദ്. പി​ന്നീ​ട് എ​ട​ക്കാ​ട് ബെ​റ്റാ​ലി​യ​ൻ.



ക​ർ​ണ​ൻ നെ​പ്പോ​ളി​യ​ൻ ഭ​ഗ​ത്‌സിം​ഗ്!

എ​ട​യ്ക്കാ​ട് ബ​റ്റാ​ലി​യ​നി​ൽ അ​ഭി​ന​യി​ക്കു​ന്പോ​ഴാ​ണ് ശ​ര​ത്തേ​ട്ട​നും(ശ​ര​ത് ജി. ​മോ​ഹ​ൻ) എ​ഡി​റ്റ​ർ റെ​ക്സി​നും ക​ർ​ണ​ൻ നെ​പ്പോ​ളി​യ​ൻ ഭ​ഗ​ത് സിം​ഗി​ന്‍റെ ക​ഥ പ​റ​ഞ്ഞ​ത്. ന​ല്ല ര​സ​മു​ള്ള സ്ക്രി​പ്റ്റാ​യി തോ​ന്നി. കു​റ​ച്ചു കാ​ര​ക്ട​ർ വേ​ഷ​ങ്ങ​ൾ​ക്കു ശേ​ഷ​മാ​ണ് സാ​ധാ​ര​ണ നാ​യ​ക​വേ​ഷ​ത്തി​ലേ​ക്ക് എ​ത്താ​റു​ള്ള​ത്.

ഇ​പ്പോ​ൾ നാ​യ​ക​വേ​ഷം ചെ​യ്യാ​ൻ അ​ത്ര​യ്ക്കു കോ​ണ്‍​ഫി​ഡ​ന്‍റ​ല്ലെ​ന്നു ഞാ​ൻ അ​വ​രോ​ടു പ​റ​ഞ്ഞു. ന​ല്ല നാ​ട​ൻ കാ​ര​ക്ട​റാ​ണ്. മാ​സാ​യ സം​ഭ​വ​ങ്ങ​ളൊ​ന്നും സ്ക്രി​പ്റ്റി​ൽ ഇ​ല്ല. നി​ന​ക്കു ചെ​യ്യാ​നാ​വും. ഞ​ങ്ങ​ൾ​ക്കു കോ​ണ്‍​ഫി​ഡ​ൻ​സു​ണ്ട് - അ​വ​ർ പ​റ​ഞ്ഞു. ചെ​യ്തു തു​ട​ങ്ങി​യ​പ്പോ​ൾ ഇ​തു ന​മു​ക്കു പ​റ്റി​യ പ​രി​പാ​ടി​യാ​ണെ​ന്നു മ​ന​സി​ലാ​യി.



എസ്ഐ രൂപേഷ്

രൂ​പേ​ഷ് - അ​താ​ണ് ക​ർ​ണ​ൻ നെ​പ്പോ​ളി​യ​ൻ ഭ​ഗ​ത് സിം​ഗി​ൽ എ​ന്‍റെ ക​ഥാ​പാ​ത്രം. ഒ​രു നാ​ട്ടി​ൻ​പു​റ​വും അ​വി​ടെ രൂ​പേ​ഷും മൂ​ന്നു കൂ​ട്ടു​കാ​രും ചെ​യ്തു​കൂ​ട്ടു​ന്ന ചി​ല പ​രി​പാ​ടി​ക​ളു​മൊ​ക്കെ​യാ​ണ് ഫ​സ്റ്റ് ഹാ​ഫി​ൽ. അ​തി​നി​ടെ അ​വി​ടെ ഒ​ര​സ്വാ​ഭാ​വി​ക സം​ഭ​വ​മു​ണ്ടാ​കു​ന്നു. തു​ട​ർ​ന്ന് പ​ടം ത്രി​ല്ലിം​ഗ് മൂ​ഡി​ലേ​ക്കും ഇ​ൻ​വെ​സ്റ്റി​ഗേ​ഷ​നി​ലേ​ക്കും ക​ട​ക്കു​ന്നു.

ഫ​സ്റ്റ് ഹാ​ഫി​ൽ എ​സ്ഐ ടെ​സ്റ്റ് പാ​സാ​യി നി​ൽ​ക്കു​ക​യാ​ണു രൂ​പേ​ഷ്. സെ​ക്ക​ൻ​ഡ് ഹാ​ഫി​ൽ പ​രി​ശീ​ല​ന​മൊ​ക്കെ ക​ഴി​ഞ്ഞ് ആ ​പ​ദ​വി​യി​ലേ​ക്ക് എ​ത്തു​ന്നു. സെ​ക്ക​ൻ​ഡ് ഹാ​ഫി​ന് ഇ​ൻ​വെ​സ്റ്റി​ഗേ​ഷ​ൻ മൂ​ഡാ​ണ്. രൂ​പേ​ഷാ​ണ് അ​ത് ഏ​റ്റെ​ടു​ക്കു​ന്ന​ത്. ഫാ​മി​ലി ത്രി​ല്ല​റാ​ണി​ത്. ക​ഥാ​പാ​ത്ര​മാ​കാ​ൻ ചോ​ക്ലേ​റ്റ് ലു​ക്കി​ൽ നി​ന്നു മാ​റി ക​ട്ടി​മീ​ശ​യൊ​ക്കെ വ​ച്ചു.



തോ​റ്റ​തി​ന്‍റെ പേ​രി​ല​ല്ല

‘സെ​വ​ൻ​ത് ഡേ​’യി​ൽ രാ​ജു​വേ​ട്ട​ൻ പ​റ​ഞ്ഞ ഡ​യ​ലോ​ഗി​ൽ നി​ന്നെ​ടു​ത്ത ടൈ​റ്റി​ൽ ക്യാ​ച്ചി​യാ​യി തോ​ന്നി. ക​ർ​ണ​ൻ, നെ​പ്പോ​ളി​യ​ൻ, ഭ​ഗ​ത് സിം​ഗ്...​ മൂ​ന്നു​പേ​രും തോ​റ്റ​വ​രാ​ണ്. ച​രി​ത്ര​ത്തി​ൽ അ​വ​ർ ഇ​ടം​പി​ടി​ച്ച​ത് പ​ല രീ​തി​യി​ലും വി​ജ​യി​ച്ച​തി​ന്‍റെ പേ​രി​ലാ​ണ്. അ​ല്ലാ​തെ തോ​റ്റ​തി​ന്‍റെ പേ​രി​ല​ല്ല. സി​നി​മ ക​ണ്ടി​റ​ങ്ങു​ന്പോ​ൾ അ​തു ന​മു​ക്കു ബോ​ധ്യ​മാ​കും.

ക​ഥ​യ്ക്ക് അ​നി​വാ​ര്യ​മാ​യ ഒ​രു പ്ര​ണ​യ ട്രാ​ക്കും ഇ​തി​ലു​ണ്ട്. നാ​യി​ക പു​തു​മു​ഖം ആ​ദ്യ പ്ര​സാ​ദ്. ‘ഞ​ണ്ടു​ക​ളു​ടെ നാ​ട്ടി​ൽ ഒ​രി​ട​വേ​ള​’യു​ടെ ഡ​യ​റ​ക്ട​ർ അ​ൽ​ത്താ​ഫ്, ‘ക്വീ​നി​’ൽ അ​ഭി​ന​യി​ച്ച എ​ൽ​ദോ മാ​ത്യൂ​സ്, ‘തീ​വ​ണ്ടി’​യി​ലെ അ​നീ​ഷ് ഗോ​പാ​ൽ എ​ന്നി​വ​രാ​ണ് സു​ഹൃ​ത്തു​ക്ക​ളാ​യി വേ​ഷ​മി​ട്ട​ത്.



മൈ​ക്കി​ൾ​സ് കോ​ഫി ഹൗ​സ്

ക​ർ​ണ​ന്‍റെ ഷൂ​ട്ടിം​ഗി​നി​ടെ​യാ​ണ് മൈ​ക്കി​ൾ​സ് കോ​ഫി ഹൗ​സി​ന്‍റെ ക​ഥ കേ​ട്ട​ത്. അ​നി​ൽ​ഫി​ലി​പ്പാ​ണു സം​വി​ധാ​യ​ക​ൻ. പ്രൊ​ഡ്യൂ​സ​റും റൈ​റ്റ​റും ഒ​രാ​ളാ​ണ്, ജി​സോ ജോ​സ്. ക​ഥ കേ​ട്ട​പ്പോ​ൾ​ത്ത​ന്നെ ഓ​കെ​യാ​യി. ഇ​തും ഫാ​മി​ലി ത്രി​ല്ല​റാ​ണ്.

വി​ൻ​സ​ന്‍റ് - അതാണ് എ​ന്‍റെ ക​ഥാ​പാ​ത്ര​ത്തി​ന്‍റെ പേ​ര്. സ്റ്റാ​ർ​ട്ട​പ്പ് ക​ന്പ​നി​യി​ലാ​ണു ജോ​ലി. ചെ​യ്യു​ന്ന കാ​ര്യ​ങ്ങ​ളി​ലെ​ല്ലാം വ​ള​രെ പെ​ർ​ഫ​ക്ടാ​ണ്. സീ​നി​യ​ർ മാ​നേ​ജ​ർ ഉ​ണ്ടെ​ങ്കി​ലും പ്രോ​ജ​ക്ട് സം​സാ​രി​ച്ചു റെ​ഡി​യാ​ക്കി കൊ​ണ്ടു​വ​രു​ന്ന​തു വി​ൻ​സ​ന്‍റാ​ണ്. അ​വി​ട​ത്തെ ടെ​ക്നി​ക്ക​ൽ കാ​ര്യ​ങ്ങ​ളു​ടെ അ​വ​സാ​ന വാ​ക്ക്.



ദു​രൂ​ഹ​ത​യു​ടെ കുടുംബം

അ​ച്ഛ​ൻ, അ​മ്മ, അ​നി​യ​ത്തി - അ​താ​ണു വിൻസ​ന്‍റി​ന്‍റെ ലോ​കം. അ​ച്ഛ​നും അ​മ്മ​യു​മാ​യി ര​ഞ്ജി പ​ണി​ക്ക​രും സീ​താ​ല​ക്ഷ്മി​ചേ​ച്ചി​യും. തു​ട​ക്കം മു​ത​ലേ ദു​രൂ​ഹ​ത തോ​ന്നി​ക്കു​ന്ന ഒ​രു ഫാ​മി​ലി​യാ​ണ​ത്. പ​ല കാ​ര്യ​ങ്ങ​ളും അ​വ​ർ മ​റ​ച്ചു​വ​യ്ക്കു​ന്നു. സാ​ധാ​ര​ണ മ​ട്ടി​ലു​ള്ള ഒ​രു കു​ടും​ബ​മെന്നു തോ​ന്നു​ക​യി​ല്ല.

എ​ന്നാ​ൽ, അ​ച്ഛ​ൻ വ​ക്കീ​ലാ​ണ്; അ​മ്മ റി​സോ​ർ​ട്ട് ഉ​ട​മ​സ്ഥ​യും. കു​ടും​ബ​ത്തി​ലെ ചി​ല കോംപ്ലി​ക്കേ​ഷ​നു​ക​ളാ​ണ് വി​ൻ​സ​ന്‍റി​നെ അ​ല​ട്ടു​ന്ന​ത്. ജൂ​ണ്‍, ഇ​ഷ, തൃ​ശൂ​ർ​പൂ​രം, കു​ഞ്ഞെ​ൽ​ദോ എ​ന്നീ പ​ട​ങ്ങ​ളി​ൽ വേ​ഷ​മി​ട്ട മാ​ർ​ഗ​ര​റ്റ് ആ​ന്‍റ​ണി​യാ​ണ് എ​ന്‍റെ നാ​യി​ക​. ക​ഥ​യോ​ടു ചേ​ർ​ന്നു​നി​ൽ​ക്കു​ന്ന പ്ര​ണ​യ​ട്രാ​ക്കാ​ണ് ഇ​തി​ലും.



ടെ​ക്കി​യു​ടെ അ​ന്വേ​ഷ​ണം

ക​ഥ​യു​ടെ ആ​ദ്യ പ​കു​തി​യി​ൽ നാ​യ​ക​നു​മാ​യി ബ​ന്ധ​മു​ള്ള ഒ​രാ​ൾ മ​രി​ക്കു​ന്നു. ആ​ത്മ​ഹ​ത്യ​യെ​ന്നാ​ണ് എ​ല്ലാ​വ​രും ക​രു​തു​ന്ന​ത്. പോ​ലീ​സും അ​ങ്ങ​നെ ത​ന്നെ ഉ​റ​പ്പി​ക്കു​ന്നു. അ​ത് ആ​ത്മ​ഹ​ത്യ​യ​ല്ലെ​ന്നും അ​തി​നു പി​ന്നി​ൽ എ​ന്തോ ക​ഥ​യു​ണ്ടെ​ന്നും വി​ൻ​സെ​ന്‍റി​നു തോ​ന്നു​ക​യാ​ണ്. അ​ങ്ങ​നെ ഒ​രു സ​മാ​ന്ത​ര അ​ന്വേ​ഷ​ണം തു​ട​ങ്ങു​ന്നു.

ടെ​ക്കി​യാ​യ ഒ​രു സാ​ധാ​ര​ണ​ക്കാ​ര​ന്‍റെ അ​ന്വേ​ഷ​ണം. ഒ​പ്പം പോ​ലീ​സ് അ​ന്വേ​ഷ​ണ​വു​മു​ണ്ട്. ‘വൈ​’യി​ലും ‘മ​റ​ഡോ​ണ​’യി​ലും ഇ​പ്പോ​ൾ ‘റോ​യി​’യി​ലും വേ​ഷ​മി​ട്ട ജി​ൻ​സ് ഭാ​സ്ക​റാ​ണ് പോ​ലീ​സ് ഓ​ഫീ​സ​റാകു​ന്ന​ത്.



കോ​ഫി ഹൗ​സും ക​ഥാ​പാ​ത്രം

ക​ർ​ണ​നി​ൽ നാ​ട്ടി​ൻ​പു​റം ഒ​രു ക​ഥാ​പാ​ത്ര​മാ​കു​ന്ന​തു​പോ​ലെ ഇ​തി​ൽ മൈ​ക്കി​ൾ​സ് കോ​ഫി ഹൗ​സ് ഒ​രു ക​ഥാ​പാ​ത്ര​മാ​ണ്. മൈ​ക്കി​ൾ എ​ന്ന​യാ​ളാ​ണ് അ​തു ന​ട​ത്തു​ന്ന​ത്. അ​വി​ടെ​യാ​ണ് എ​ല്ലാ​വ​രും ഹാംഗ് ഔ​ട്ട് ചെ​യ്യു​ന്ന​ത്.

വി​ൻ​സ​ന്‍റ്, എ​ന്‍റെ ഗേ​ൾ ഫ്ര​ണ്ട്, കോ​ള​ജ് പി​ള്ളേ​ർ, അ​ടു​ത്ത ഓ​ൾ​ഡ്ഏ​ജ് ഹോ​മി​ലെ അ​ന്തേ​വാ​സി​ക​ളി​ൽ ചി​ല​ർ. എ​ല്ലാ​വ​രും പ​ര​സ്പ​രം അ​റി​യാ​വു​ന്ന​വ​ർ. അ​തൊ​രു ഹ​ബ് ആ​യ​തു​കൊ​ണ്ടാ​ണ് പ​ട​ത്തി​ന് ആ ​പേ​രി​ട്ട​ത്. മൈ​ക്കി​ളാ​യി വേ​ഷ​മി​ടു​ന്ന​തു ഡോ. ​റോ​ണി ഡേ​വി​ഡ്. അ​ദ്ദേ​ഹ​ത്തി​ന്‍റെ പു​തി​യൊ​രു ലു​ക്ക് ഇ​തി​ൽ കാ​ണാ​നാ​വും.



ലൈവ് കോഫി, സം​ഗീ​തം

മൈ​ക്കി​ൾ​സ് കോ​ഫി ഹൗ​സി​ൽ എ​പ്പോ​ഴും ലൈ​വ് സം​ഗീ​ത​മു​ണ്ടാ​വും. റോ​സ്മേ​രി ലി​ല്ലു ഡി​സൈ​ൻ ചെ​യ്ത ടൈറ്റിലിലെ ഗി​റ്റാ​ർ അ​തു പ​റ​യു​ന്നു​ണ്ട്. സ​ന്ദ​ർ​ശ​ക​രൊ​ക്കെ​യും ആ ​സം​ഗീ​തം കേ​ട്ടി​രി​ക്കു​ന്ന വ​ള​രെ പീ​സ്ഫു​ളാ​യ ഒ​രു കോ​ഫി​ഹൗ​സ്.

റോ​ണി റാ​ഫേ​ലാ​ണു സം​ഗീ​ത​സം​വി​ധാ​യ​ക​ൻ. എം.​ജി.​ശ്രീ​കു​മാ​ർ, വി​ധു​പ്ര​താ​പ് ഉ​ൾ​പ്പെ​ടെ​യു​ള്ള​വ​രാ​ണു ഗാ​യ​ക​ർ. അ​ങ്ക​മാ​ലി​യി​ലെ ഒ​രു ബി​ൽ​ഡിം​ഗി​ൽ കോ​ഫി​ഹൗ​സി​ന്‍റെ സെ​റ്റി​ടു​ക​യാ​യി​രു​ന്നു.



അ​താ​ണു തി​യ​റ്റ​റി​ന്‍റെ ഗു​ണം

പ​ല​പ്പോ​ഴും ന​മ്മ​ൾ കി​ടി​ല​ൻ എ​ന്നു ക​രു​തി പ​റ​യു​ന്ന പ​ല ത​മാ​ശ​ക​ളും തി​യ​റ്റ​റി​ൽ ആ​ളു​ക​ളെ ചി​രി​പ്പി​ക്കു​ന്നു​ണ്ടാ​വി​ല്ല. ന​മ്മ​ൾ ഒ​ന്നും ഉ​ദ്ദേ​ശി​ക്കാ​തെ പ​റ​യു​ന്ന ചി​ല സം​ഗ​തി​ക​ളാ​വും ആ​ളു​ക​ളെ ചി​രി​പ്പി​ക്കു​ക. ഒ​ടി​ടി​യി​ൽ ആ​ളു​ക​ൾ ക​ണ്ടി​ട്ട് എ​ന്തു​ത​ന്നെ പ​റ​ഞ്ഞാ​ലും ആ ​അ​നു​ഭ​വം ന​മു​ക്കു കി​ട്ടി​ല്ല.

ക​ൽ​ക്കി​യി​ൽ ഞാ​ൻ ഗ്യാ​സ്കു​റ്റി പൊ​ക്കു​ന്ന സീ​നി​നു തി​യ​റ്റ​റി​ൽ വ​ലി​യ റെ​സ്പോ​ണ്‍​സാ​യി​രു​ന്നു. അ​ത്ര​യ്ക്കൊ​ന്നും പ്ര​തീ​ക്ഷി​ച്ചി​രു​ന്നി​ല്ല. ക​ൽ​ക്കി​യി​ൽ ഗ്യാ​സ് കു​റ്റി പൊ​ട്ടി​ച്ച​യാ​ള​ല്ലേ എ​ന്നു പ​ല​രും ഇ​പ്പോ​ഴും ചോ​ദി​ക്കാ​റു​ണ്ട്. പ​ടം ഇ​റ​ങ്ങി ഒ​രു വ​ർ​ഷ​മാ​യി. എ​ന്നി​ട്ടും ആ​ളു​ക​ൾ അ​ത് ഓ​ർ​ത്തു​പ​റ​യു​ന്ന​തു തി​യ​റ്റ​ർ റി​ലീ​സി​ന്‍റെ ഗു​ണ​മാ​ണ്. എ​ത്ര വ​ലി​യ റി​വ്യൂ​വി​നും അ​പ്പു​റ​മാ​ണ​ത്. ഷോ​ർ​ട്ട് ഫി​ലിം​സിനും ആ​ൽ​ബ​ങ്ങ​ൾക്കും ശേ​ഷം ക​ൽ​ക്കി​യി​ലാ​ണ് ആ​ളു​ക​ൾ എ​ന്നെ തി​രി​ച്ച​റി​ഞ്ഞ​ത്.



ര​സ​മാ​ണ് കാ​ര​ക്ട​ർ റോ​ളു​ക​ൾ

നാ​യ​ക​നാ​കു​ന്ന​തി​നു മു​ന്പും ശേ​ഷ​വും - ആ ​വ്യ​ത്യാ​സം ഇ​തു​വ​രെ ഫീ​ൽ ചെ​യ്തി​ട്ടി​ല്ല. കാ​ര​ണം, ര​ണ്ടു പ​ട​വും ഇ​റ​ങ്ങി​യി​ട്ടി​ല്ല. ഇ​പ്പോ​ഴും ന​ല്ല കാ​ര​ക്ടേ​ഴ്സ് വ​ന്നാ​ൽ ചെ​യ്യാ​ൻ പാ​ക​ത്തി​നു നി​ൽ​ക്കു​ക​യാ​ണു ഞാ​ൻ. റി​ലീ​സി​നു ശേ​ഷ​വും അ​തി​ൽ മാ​റ്റ​മൊ​ന്നു​മു​ണ്ടാ​വി​ല്ല. ഭാ​ഗ്യം കൊ​ണ്ടും ദൈ​വാ​നു​ഗ്ര​ഹം കൊ​ണ്ടും ര​ണ്ടു പ​ട​ങ്ങ​ളി​ൽ നാ​യ​ക​വേ​ഷം വ​ന്ന​തു​കൊ​ണ്ടു ചെ​യ്തു.

ഇ​പ്പോ​ഴും കാ​ര​ക്ട​ർ റോ​ൾ ചെ​യ്യാ​നാ​ണു കൂ​ടു​ത​ൽ താ​ത്പ​ര്യം. കാ​ര​ക്ട​ർ റോ​ളു​ക​ൾ ചെ​യ്യാ​ൻ ന​ല്ല ര​സ​മാ​ണ്. ക​ൽ​ക്കി​യി​ലെ വേ​ഷ​മൊ​ക്കെ നി​റ​ഞ്ഞ സം​തൃ​പ്തി​യാ​ണു ത​ന്ന​ത്. നാ​യ​ക​വേ​ഷം വേ​റൊ​രു ലോ​ക​മാ​ണ്. പ​ട​ത്തി​ന്‍റെ എ​ല്ലാ​മാ​യി ന​മ്മ​ൾ നി​ൽ​ക്ക​ണം. കാ​ര​ക്ട​ർ റോ​ൾ ആ​കു​ന്പോ​ൾ അ​തു മാ​ത്രം ചെ​യ്ത് ന​മു​ക്കു ഹാ​പ്പി​യാ​യി മ​ട​ങ്ങാം.



നി​ല​വാ​രം കൂ​ടി

ക​ഴി​ഞ്ഞ ആ​റു മാ​സ​മാ​യി സി​നി​മ​ക​ളി​ല്ലാ​ത്ത​തി​നാ​ൽ ജ​ന​ങ്ങ​ൾ ഇ​ന്‍റ​ർ​നാ​ഷ​ണ​ൽ പ​ട​ങ്ങ​ളും ഏ​റെ കോം​പ്ലി​ക്കേ​റ്റ​ഡാ​യ വെ​ബ് സീ​രീ​സും ക​ണ്ടു​തു​ട​ങ്ങി. ആ​ളു​ക​ളു​ടെ മൊ​ത്തം സ്റ്റാ​ൻ​ഡേ​ർ​ഡ് ഉ​യ​ർ​ന്നു. 2019 അ​വ​സാ​ന​ത്തി​ലെ മ​ല​യാ​ളി​യെ അ​ല്ല 2020 തീ​രു​ന്പോ​ൾ കാ​ണാ​നാ​വു​ക. അ​വ​രെ തൃ​പ്തി​പ്പെ​ടു​ത്തു​ന്ന സി​നി​മ​ക​ൾ ചെ​യ്യ​ണ​മെ​ന്നാ​ണ് ആ​ഗ്ര​ഹം.

ആ​ക്‌ഷ​ൻ ഹീ​റോ ബി​ജു​വി​ൽ സു​രാ​ജേ​ട്ട​ൻ വ​ന്നു പെ​ർ​ഫോം ചെ​യ്തു പോ​യ​ത് സ്ക്രീ​ൻ ടൈം ​നോ​ക്കി​യാ​ൽ നാ​ല​ര മി​നി​റ്റു മാ​ത്രം. പ​ക്ഷേ, സി​നി​മ ക​ണ്ടി​റ​ങ്ങു​ന്ന എ​ല്ലാ​വ​രു​ടെ​യും നെ​ഞ്ചി​ൽ ഒ​രു ക​ല്ലു​വ​ച്ചി​ട്ടാ​ണ് അ​ദ്ദേ​ഹം പോ​യ​ത്. അ​ങ്ങ​ന​ത്തെ ന​ല്ല കാ​ര​ക്ടേ​ഴ്സ് കി​ട്ടി​യാ​ൽ ക​ണ്ണും​പൂ​ട്ടി ചെ​യ്യും.



വീ​ട്ടു​കാ​ര്യ​ങ്ങ​ൾ

അ​ച്ഛ​ൻ ഡെ​ന്നി ബു​ന​വെ​ഞ്ച​ർ. ബാ​ങ്കി​ൽ നി​ന്നു റി​ട്ട​യേ​ർ​ഡാ​യി. അ​മ്മ ഡെയ്സി ഡെന്നി. കോ​ള​ജ് ല​ക്ച​റ​ർ ആ​യി​രു​ന്നു. ഇ​പ്പോ​ൾ ഹോം ​മേ​ക്ക​ർ. ചേ​ട്ട​ൻ ദീപക് ഡെന്നി. ബാ​ങ്കി​ലാ​ണു ജോ​ലി. ചേട്ടത്തി ഷെറിൻ ദീപക്. കുടുംബം ഫുൾ സപ്പോർട്ടീവാണ്.

ടി.​ജി.​ബൈ​ജു​നാ​ഥ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.