Cinema
ഹ​മീ​ദി​ന്‍റെ യാത്രകൾ; ഐഷുമ്മയുടെയും!
Thursday, December 20, 2018 6:50 PM IST
എ​ന്‍റെ ഉ​മ്മാ​ന്‍റെ പേ​ര്... ടൈ​റ്റി​ൽ പോ​ലെ ത​ന്നെ ഹൃ​ദ​യ​ത്തി​ൽ സ്പ​ർ​ശി​ക്കു​ന്ന ഒ​രു ക​ഥ​ പറയുകയാ​ണ് ന​വാ​ഗ​ത​സം​വി​ധാ​യ​ക​ൻ ജോ​സ് സെ​ബാ​സ്റ്റ്യ​ൻ. ഉ​ർ​വ​ശി - ടോ​വി​നോ കോം​ബി​നേ​ഷ​നാ​ണ് അ​മ്മ - മ​ക​ൻ ആ​ത്മ​ബ​ന്ധ​ത്തി​ന്‍റെ ആ​ഴ​ങ്ങ​ളി​ൽ നി​ന്നു സംസാരിക്കുന്ന ഈ ​ചി​ത്ര​ത്തി​ന്‍റെ മു​ഖ്യ ഹൈ​ലൈ​റ്റ്.

“ക​ഥ​യ്ക്കൊ​പ്പം മ​ന​സി​ലേ​ക്കു ക​ട​ന്നു​വ​ന്ന മു​ഖ​മാ​ണ് ഉ​ർ​വ​ശി​യു​ടേ​ത്. എ​ന്ന് നി​ന്‍റെ മൊ​യ്തീ​ൻ ക​ണ്ട​ശേ​ഷ​മാ​ണ് ടോ​വി​നോ​യി​ലേ​ക്ക് എ​ത്തി​യ​ത്. ഫീ​ൽ​ഗു​ഡ് ഫാ​മി​ലി എ​ന്‍റ​ർ​ടെ​യ്ന​റാ​ണ് ഈ ​സി​നി​മ. ആ​ദ്യാ​വ​സാ​നം ന​ർ​മ​ത്തി​ലൂ​ടെ ക​ഥ പ​റ​ഞ്ഞു​പോ​വു​ക​യും എ​ന്നാ​ൽ ചി​ല ഘ​ട്ട​ങ്ങ​ളി​ൽ ഹൃ​ദ​യ​ത്തെ സ്പ​ർ​ശി​ക്കു​ന്ന പ​ല​ത​ര​ത്തി​ലു​ള്ള വൈ​കാ​രി​ക സ​ന്ദ​ർ​ഭ​ങ്ങ​ൾ ഉ​ൾ​ച്ചേ​ർ​ന്ന​തു​മാ​യ സി​നി​മ​യാ​ണി​ത്...” ആ​ന്‍റോ ജോ​സ​ഫും സി. ​ആ​ർ.​സ​ലീ​മും ചേ​ർ​ന്നു നി​ർ​മി​ച്ച ‘എ​ന്‍റെ ഉ​മ്മാ​ന്‍റെ പേ​ര് ’ എ​ന്ന സി​നി​മ​യു​ടെ വി​ശേ​ഷ​ങ്ങ​ൾ പ​ങ്കു​വ​യ്ക്കു​ക​യാ​ണ് സം​വി​ധാ​യ​ക​ൻ ജോ​സ് സെ​ബാ​സ്റ്റ്യ​ൻ....



ഈ ​സി​നി​മ​യി​ലേ​ക്ക് എ​ത്തി​യ​ത്...?

സി​ഡ്നി ഇ​ന്‍റ​ർ​നാ​ഷ​ണ​ൽ ഫി​ലിം സ്കൂ​ളി​ലെ പ​ഠ​ന​ത്തി​നു​ശേ​ഷം മ​റാ​ത്തി​യി​ലും ഹി​ന്ദി​യി​ലും പിന്നീടു ലി​ജോ ജോ​സ് പെ​ല്ലി​ശേ​രി​ക്കൊ​പ്പ​വും അ​സോ​സി​യേ​റ്റാ​യി വ​ർ​ക്ക് ചെ​യ്തി​രു​ന്നു. ഫി​ലിം സ്കൂ​ൾ ക​ഴി​ഞ്ഞ സ​മ​യ​ത്തു ത​ന്നെ എ​ന്‍റെ ഉ​മ്മാ​ന്‍റെ പേ​ര് എ​ന്ന ക​ഥ​യു​ടെ ആ​ദ്യ​രൂ​പ​മു​ണ്ടാ​യി​രു​ന്നു. പി​ന്നീ​ട് അ​തെ​ഴു​തി വ​ന്ന​പ്പോ​ൾ ഐഷുമ്മയായി ഉ​ർ​വ​ശി​ചേ​ച്ചി മ​ന​സി​ലേ​ക്കു വ​ന്നു. എ​ന്ന് നി​ന്‍റെ മൊ​യ്തീ​ൻ ക​ണ്ട​ശേ​ഷ​മാ​ണ് ടോ​വി​നോ ഈ ​സി​നി​മ​യി​ലെ ഹ​മീ​ദ് എ​ന്ന കാ​ര​ക്ട​ർ ചെ​യ്താ​ൽ ന​ന്നാ​വും എ​ന്നു തോ​ന്നി​യ​ത്. അ​ങ്ങ​നെ​യാ​ണ് ടോ​വി​നോ​യി​ലേ​ക്ക് എ​ത്തി​യ​ത്. ഞാ​നും ശ​ര​ത് ആ​ർ. നാ​ഥും ചേ​ർ​ന്നാ​ണ് തി​ര​ക്ക​ഥ​യൊ​രു​ക്കി​യ​ത്.



ഈ ​സി​നി​മ പ​റ​യു​ന്ന​ത്..?

അ​മ്മ​യെ തേ​ടി​പ്പോ​കു​ന്ന ഒ​രു മ​ക​ന്‍റെ ക​ഥ​യാ​ണി​ത്. ടോ​വി​നോ അ​വ​ത​രി​പ്പി​ക്കു​ന്ന ഹ​മീ​ദ് എ​ന്ന ക​ഥാ​പാ​ത്രം അ​മ്മ​യെ തേ​ടി പോ​കു​ന്ന​തും ആ ​യാ​ത്ര​യി​ലു​ണ്ടാ​കു​ന്ന ര​സ​ക​ര​മാ​യ മു​ഹൂ​ർ​ത്ത​ങ്ങ​ളു​മാ​ണ് ഈ ​സി​നി​മ. ടീ​സ​റി​ൽ കാ​ണി​ച്ചി​രി​ക്കു​ന്ന​തു​പോ​ലെ ഹ്യൂ​മ​റി​ന്‍റെ ടോ​ണി​ലൂ​ടെയാണ് ഈ ​സി​നി​മ​യി​ലു​ട​നീ​ളം കാ​ര്യ​ങ്ങ​ൾ പ​റ​ഞ്ഞു​പോ​യി​രി​ക്കു​ന്ന​ത്. അ​മ്മ - മ​ക​ൻ ആ​ത്മ​ബ​ന്ധ​ത്തി​ന്‍റെ ആ​ഴ​ത്തെ​ക്കു​റി​ച്ചു​ള്ള ഒ​രു കാ​ര്യ​മാ​ണ് അ​ടി​സ്ഥാ​ന​പ​ര​മാ​യി ഈ ​സി​നി​മ പങ്കുവയ്ക്കുന്നത്.



ഈ ​സി​നി​മ​യു​ടെ പു​തു​മ​ക​ൾ...?

ഈ ​സി​നി​മ​യു​ടെ അ​ന്യാ​ദൃ​ശ​മാ​യ ആ​ക​ർ​ഷ​ണം എ​ന്നു പ​റ​യാ​വു​ന്ന​ത് ടോ​വി​നോ​യും ഉ​ർ​വ​ശി​ചേ​ച്ചി​യും ത​മ്മി​ലു​ള്ള കോം​ബി​നേ​ഷ​നാ​ണ്. വ​ള​രെ ര​സ​ക​ര​മാ​യ, ഫ്ര​ഷ് ആ​യ കോം​ബി​നേ​ഷ​നാ​ണ​ത്. ഈ ​സി​നി​മ​യ്ക്ക് ഒ​രു ഏ​ജ് ബ്രാ​ക്ക​റ്റോ ഒ​രു പ്ര​ത്യേ​ക ഓ​ഡി​യ​ൻ​സ് കാ​റ്റ​ഗ​റി​യോ ഒ​ന്നു​മി​ല്ല. ഏ​തു പ്രാ​യ​ത്തി​ലു​ള്ള​വ​ർ​ക്കും ഏ​തു ത​രം സി​നി​മ ഇ​ഷ്ട​പ്പെ​ടു​ന്ന​വ​ർ​ക്കും കാ​ണാ​നാ​കു​ന്ന സി​നി​മ​യാ​ണ്. ആ​ർ​ക്കും ആസ്വദിക്കാനാകുന്ന ലൈ​റ്റ് ഹാ​ർ​ട്ട​ഡ് ആ​യ ഒ​രു ക​ഥ​യാ​ണു പ​റ​യു​ന്ന​ത്.

മനുഷ്യബന്ധങ്ങളെക്കു​റി​ച്ചു​ള്ള ഫീ​ൽ​ഗു​ഡ് ലൈ​റ്റ് ഹേ​ർ​ട്ട​ഡ് സി​നി​മക​ൾ മു​ന്പും മ​ല​യാ​ളി​ക​ൾ സ്വീ​ക​രി​ച്ചി​ട്ടു​ണ്ട്.



ടോ​വി​നോ​യെ കാ​സ്റ്റ് ചെ​യ്യു​ന്പോ​ൾ...?

ടോവിനോ എ​ന്ന് നി​ന്‍റെ മൊ​യ്തീ​ൻ എ​ന്ന സി​നി​മ ചെ​യ്തു നി​ൽ​ക്കു​ന്ന സ​മ​യ​ത്താ​ണ് ഞാൻ ഈ ​ക​ഥ പ​റ​ഞ്ഞ​ത്. ഫു​ൾ സ്ക്രി​പ്റ്റു​മാ​യാ​ണ് ഞാ​ൻ ക​ഥ പ​റ​യാ​ൻ പോ​യ​ത്. അ​ദ്ദേ​ഹം ഒ​റ്റ​യ്ക്കു നാ​യ​ക​നാ​യി ഒ​രു സി​നി​മ വ​രു​ന്ന​തി​നു വ​ള​രെ മു​ന്പ്. ഹ​മീ​ദ് എ​ന്ന കാ​ര​ക്ട​റി​ന് വ​ള​രെ ന​ന്നാ​യി ഇ​ണ​ങ്ങു​ന്ന മുഖവും പ്ര​കൃ​ത​വു​മെ​ല്ലാം എ​നി​ക്കു ടോ​വി​നോ​യി​ൽ തോ​ന്നി. ത​ല​ശേ​രി​ക്കാ​ര​നാ​ണു ഹ​മീ​ദ്.

നന്മയു​ള്ള ഒ​രു മ​നു​ഷ്യ​ൻ. ചെ​റി​യ ആ​ഗ്ര​ഹ​ങ്ങ​ളും സ്വ​പ്ന​ങ്ങ​ളും കൊ​ണ്ടു​ന​ട​ക്കു​ന്ന ഒ​രാ​ൾ. ടോ​വി​നോ പെ​ർ​ഫ​ക്ട് കാ​സ്റ്റ് ആ​ണെ​ന്നു തോ​ന്നി​യ​തു​കൊ​ണ്ടാ​ണ് ക​ഥ പ​റ​ഞ്ഞ​ത്. അന്നു തൊട്ട് ഇന്നോളം ഈ ​പ്രോ​ജ​ക്ടി​ന്‍റെ കൂ​ടെ സ​ഞ്ച​രി​ച്ചു സ​പ്പോ​ർ​ട്ട് ചെ​യ്യു​കയാണ് ടോ​വി​നോ.



ഉ​ർ​വ​ശി​യിലേക്ക് എത്തിയത് ..?

ഐ​ഷ എ​ന്ന ക​ഥാ​പാ​ത്ര​ത്തെ​ക്കു​റി​ച്ച് ആ​ലോ​ചി​ച്ച​പ്പോ​ൾ​ത്ത​ന്നെ എ​ന്‍റെ മ​ന​സി​ലേ​ക്ക് ആ​ദ്യം വ​ന്ന മു​ഖം ഉ​ർ​വ​ശി​ചേ​ച്ചി​യു​ടേ​താ​ണ്. ആ ​ക​ഥാ​പാ​ത്ര​ത്തി​ന് ഏ​റ്റ​വും അ​നു​യോ​ജ്യ​മാ​യ ആ​ൾ ത​ന്നെ​യാ​ണ് ഉ​ർ​വ​ശി. സി​നി​മ ക​ണ്ടു​ക​ഴി​യു​ന്പോ​ൾ അ​തു മ​ന​സി​ലാ​വും. ഈ ​ക​ഥാ​പാ​ത്ര​ത്തി​നു മ​റ്റൊ​രാ​ളെ എ​നി​ക്കു ചി​ന്തി​ക്കാ​ൻ പോ​ലു​മാ​വി​ല്ല. പ​ല​ത​ര​ത്തി​ൽ പ​ല റേ​ഞ്ചു​ക​ളി​ലു​ള്ള ക​ഥാ​പാ​ത്ര​ങ്ങ​ൾ ചെ​യ്തി​ട്ടുണ്ട് ഉ​ർ​വ​ശി​ചേ​ച്ചി. ചേ​ച്ചി​യു​ടെ ക​രി​യ​റി​ലെ വ​ള​രെ വ്യ​ത്യ​സ്ത​മാ​യ ഒ​രു വേ​ഷ​മാ​ണി​ത്.

ഉ​ർ​വ​ശി, ടോ​വി​നോ എ​ന്നി​വ​ർ​ക്കൊ​പ്പ​മു​ള്ള അ​നു​ഭ​വ​ങ്ങ​ൾ...?

2015 അ​വ​സാ​ന​മാ​ണ് ഉ​ർ​വ​ശി​ചേ​ച്ചി​യോ​ടും ടോ​വി​നോ​യോ​ടും ക​ഥ പ​റ​ഞ്ഞ​ത്. ഈ ​വ​ർ​ഷ​മാ​ണ് സി​നി​മ തു​ട​ങ്ങി​യ​ത്. ഇ​തി​നി​ട​യി​ൽ ര​ണ്ടു വ​ർ​ഷ​ത്തോ​ളം ടൈം ​ഗ്യാ​പ്പ് ഉ​ണ്ടാ​യി​രു​ന്നു. അതി​നി​ടെ സ്ക്രി​പ്റ്റി​ൽ വ​രു​ത്തി​യ അ​പ്ഡേ​ഷ​നു​ക​ളെ​ക്കു​റി​ച്ച് ഇ​രു​വ​രു​മാ​യും സം​സാ​രി​ക്കാ​റു​ണ്ടാ​യി​രു​ന്നു. നേരിൽ കാണാറുമുണ്ടായിരുന്നു. ഈ ​സി​നി​മ സം​വി​ധാ​നം ചെ​യ്യാ​ൻ തു​ട​ങ്ങു​ന്ന​തി​നു​മു​ന്പ് ഇരുവരുമായും വ​ള​രെ ന​ല്ല സൗ​ഹൃ​ദ​വും ബ​ന്ധ​വും രൂ​പ​പ്പെ​ടു​ത്താ​നാ​യി. ഇ​രു​വ​രും വ​ള​രെ ഫ്ര​ണ്ട്‌ലിയാ​ണ്. അ​ഭി​പ്രാ​യ​ങ്ങ​ൾ തു​റ​ന്ന് അ​വ​ത​രി​പ്പി​ക്കു​ന്ന​വ​രാ​ണ്.



ഒത്തുചേർന്നുള്ള പ്രവർത്തനത്തിലൂടെ സിനിമയ്ക്കു പല സംഭാവനകളും ചെ​യ്യാ​ൻ ക​ഴി​വു​ള്ള, ഏറെ അ​നു​ഭ​വ​സ​ന്പ​ത്തു​ള്ള അ​ഭി​നേ​ത്രി​യാ​ണ് ഉ​ർ​വ​ശി ചേ​ച്ചി. ടോ​വി​നോ വ​ള​രെ ബ്രി​ല്യ​ന്‍റാ​യ ഒ​രാ​ക്ട​റാ​ണ്. എ​ല്ലാ​വ​രും ഒ​ന്നി​ച്ചു​ചേ​ർ​ന്ന് എ​ൻ​ജോ​യ് ചെ​യ്തു ചെ​യ്ത സി​നി​മ​യാ​ണി​ത്. ആ​ദ്യ​മാ​യി സി​നി​മ സംവിധാനം ചെ​യ്യു​ന്ന ഒരാളി​ന്‍റെ ടെ​ൻ​ഷ​നും മ​റ്റും അ​റി​ഞ്ഞു​ള്ള പെ​രു​മാ​റ്റ​മാ​ണ് ഏ​റെ അ​നു​ഭ​വ​സ​ന്പ​ത്തു​ള്ള ഉ​ർ​വ​ശി​ചേ​ച്ചി​യി​ൽ നി​ന്നും ടോ​വി​നോ​യി​ൽ നി​ന്നു​മൊ​ക്കെ​യു​ണ്ടാ​യ​ത്. ഈ സി​നി​മ വ​ള​രെ ഈ​സി​യാ​യി ചെ​യ്യു​ന്ന​തി​ന് അ​നു​കൂ​ല​മാ​യ ഒ​ര​ന്ത​രീ​ക്ഷം ഇ​വ​രെ​ല്ലാ​വ​രും ചേ​ർ​ന്ന് രൂ​പ​പ്പെ​ടു​ത്തി​യി​രു​ന്നു.

ടോ​വി​നോ​യു​ടെ പെ​യ​റാ​യി സാ​യ് പ്രി​യ..?

പു​തു​മു​ഖ​ത്തെ​യാ​ണ് ആ ​റോ​ളി​ലേ​ക്കു പ​രി​ഗ​ണി​ച്ച​ത്. ത​മി​ഴ്നാ​ട് സ്വ​ദേ​ശി സാ​യ് പ്രി​യ​യാ​ണ് ടോ​വി​നോ​യു​ടെ പെ​യ​റാ​യി വേ​ഷ​മി​ടു​ന്ന​ത്. ഹ​മീ​ദ് ഇ​ഷ്ട​പ്പെ​ടു​ക​യും വി​വാ​ഹം ക​ഴി​ക്ക​ണ​മെ​ന്ന് ആ​ഗ്ര​ഹി​ക്കു​ക​യും ചെ​യ്യു​ന്ന പെ​ണ്‍​കു​ട്ടി​യു​ടെ വേ​ഷ​മാ​ണ് സാ​യ് പ്രി​യ ചെ​യ്യു​ന്ന​ത്. സൈ​ന​ബ എ​ന്നാ​ണു ക​ഥാ​പാ​ത്ര​ത്തി​ന്‍റെ പേ​ര്.



മ​റ്റ് വേ​ഷ​ങ്ങ​ളി​ൽ....?

മാ​മു​ക്കോ​യ, ഹ​രീ​ഷ് ക​ണാ​ര​ൻ, ശാ​ന്തി​കൃ​ഷ്ണ, സി​ദ്ധി​ഖ്, ദി​ലീ​ഷ് പോ​ത്ത​ൻ തു​ട​ങ്ങി​യ​വ​രും പ്ര​ധാ​ന വേ​ഷ​ങ്ങ​ളി​ലെ​ത്തു​ന്നു. ഹം​സ​ക്കോ​യ എ​ന്ന ക​ഥാ​പാ​ത്ര​ത്തെ മാ​മു​ക്കോ​യ​യും പ്ര​ഫ​ഷ​ണ​ൽ ഡാ​ൻ​സ​ർ ബീ​രാ​നെ ഹ​രീ​ഷ് ക​ണാ​ര​നും അ​വ​ത​രി​പ്പി​ക്കു​ന്നു.

ഈ ​ക​ഥ​യ്ക്കു പി​ന്നി​ലെ പ്ര​ചോ​ദ​നം...?

മ​നു​ഷ്യ​ർ ത​മ്മി​ലു​ള്ള പ​ല​ത​രം ബ​ന്ധ​ങ്ങ​ളെ​ക്കു​റി​ച്ചു​ള്ള കാ​ര്യ​ങ്ങ​ളിലേക്ക് ഇറങ്ങിച്ചെന്ന് അ​തേ​പ്പ​റ്റി സി​നി​മ​ക​ൾ ചെ​യ്യു​ന്ന​തു വ​ള​രെ ഇ​ഷ്ട​മാ​ണ്. എ​ന്‍റെ മ​ന​സി​ൽ അ​ങ്ങ​നെ​യൊ​രു താ​ത്പ​ര്യം ഉ​ള്ള​തു​കൊ​ണ്ടാ​യി​രി​ക്കാം ഇ​ങ്ങ​നെ​യൊ​രു ക​ഥ ഉ​രു​ത്തി​രി​ഞ്ഞു വ​ന്ന​ത്. ഈ ​ക​ഥ എ​ന്‍റെ മ​ന​സി​ലേ​ക്കു ക​ട​ന്നു​വ​ന്ന​പ്പോ​ൾ അതിന്‍റെ സ്പേ​സും പ​ശ്ചാ​ത്ത​ല​വു​മെ​ല്ലാം അ​തി​നൊ​പ്പം വ​ള​രെ ജൈ​വി​ക​മാ​യി വി​ക​സി​ച്ചു വ​രി​ക​യാ​ണു​ണ്ടാ​യ​ത്. ത​ല​ശേ​രി​യാ​ണ് ഈ ​ക​ഥ​യു​ടെ പ്ര​ധാ​ന ബാ​ക്ക്ഡ്രോ​പ്പ്.



സ്പാ​നി​ഷ് ഛായാ​ഗ്രാ​ഹ​ക​ൻ ജോ​ർ​ഡി പ്ലാ​നെ​ൽ ക്ലോ​സെ ഈ ​സി​നി​മ​യി​ലെ​ത്തി​യ​ത്....?

ഞാ​ൻ ഓ​സ്ട്രേ​ലി​യ​യി​ലെ ഫി​ലിം​സ്കൂ​ളി​ൽ പ​ഠി​ക്കു​ന്പോ​ൾ സി​നി​മാ​റ്റോ​ഗ്ര​ഫി​യി​ൽ എ​ന്‍റെ സീ​നി​യ​റ​യാ​രു​ന്നു അ​ദ്ദേ​ഹം. അ​തി​നു​ശേ​ഷം ഏ​ഴു വ​ർ​ഷ​മാ​യി മെ​ക്സി​ക്കോ​യി​ൽ സി​നി​മാ​റ്റോ​ഗ്ര​ഫ​റാ​യി വ​ർ​ക്ക് ചെ​യ്യു​ക​യാ​യി​രു​ന്നു. ആ​ദ്യ​മാ​യി പ​ടം ചെ​യ്യു​ന്പോ​ൾ ഒ​രു​മി​ച്ചു വ​ർ​ക്ക് ചെ​യ്യു​ക എ​ന്ന​ത് അ​ന്നു​മു​ത​ൽ ക​ണ്ട സ്വ​പ്ന​മാ​യി​രു​ന്നു. ഈ ​സി​നി​മ​യി​ലൂ​ടെ ആ ​സ്വ​പ്നം സാ​ക്ഷാ​ത്ക​രി​ക്കാ​ൻ സാ​ധി​ച്ചു എ​ന്ന​ത് വ​ലി​യ ഭാ​ഗ്യ​മെ​ന്നു ക​രു​തു​ന്നു. അ​ങ്ങ​നെ​യാ​ണ് ബാ​ർ​സി​ലോ​ണ സ്വ​ദേ​ശി​യാ​യ ജോ​ർ​ഡി ഈ ​സി​നി​മ​യി​ലേ​ക്കു വ​രു​ന്ന​ത്.

ഇ​ന്ത്യ​യി​ലെ വ​ർ​ക്കിം​ഗ് നി​മി​ഷ​ങ്ങ​ൾ വ​ള​രെ ഏ​ൻ​ജോ​യ് ചെ​യ്യാ​നാ​യി എ​ന്നാ​ണ് അ​ദ്ദേ​ഹം പ​റ​ഞ്ഞ​ത്. അ​ദ്ദേ​ഹ​ത്തെ സം​ബ​ന്ധി​ച്ചി​ട​ത്തോ​ളം വ​ള​രെ പു​തു​മ​യു​ള്ള ഒ​ര​നു​ഭ​വം. ഓ​രോ കാ​ര്യ​വും അ​ദ്ദേ​ഹ​ത്തി​നു വ​ള​രെ എ​ഗ്സൈ​റ്റിം​ഗ് ആ​യി തോ​ന്നി. ഉ​ർ​വ​ശി​യെ​പ്പോ​ലെ ഒ​രു ന​ടി​യു​മൊ​ത്ത് വ​ർ​ക്ക് ചെ​യ്യു​ക എ​ന്ന​തു വ​ള​രെ ആ​വേ​ശ​ജ​ന​ക​മാ​യി​രു​ന്നു എന്ന് ജോ​ർ​ഡി പ​റ​ഞ്ഞി​രു​ന്നു. അ​ദ്ദേ​ഹം ആ​ദ്യ​മാ​യി ഇ​ന്ത്യ​യി​ലേ​ക്കു വ​ന്ന​തു ത​ന്നെ ഈ ​സി​നി​മ​യു​ടെ ഷൂ​ട്ടിം​ഗി​നു വേ​ണ്ടി​യാ​ണ്.



ഈ ​സി​നി​മ​യു​ടെ പി​ന്ന​ണി​യി​ൽ...?

കോ​ഹി​ന്നൂ​ർ എ​ന്ന സി​നി​മ​യു​ടെ എ​ഡി​റ്റ​ർ അ​ർ​ജു ബെ​ന്നാ​ണ് ഈ ​സി​നി​മ​യു​ടെ എ​ഡി​റ്റിം​ഗ് നി​ർ​വ​ഹി​ച്ച​ത്. മും​ബൈ പോ​ലീ​സ് ഉ​ൾ​പ്പെ​ടെ പ​ല സി​നി​മ​ക​ളു​ടെ​യും ട്രെ​യി​ല​റു​ക​ളു​ടെ ചി​ത്ര​സം​യോ​ജ​ക​നാ​ണ് അ​ർ​ജു.​ കോ​സ്റ്റ്യൂ​സ് സ​മീ​റ സ​നീ​ഷ്. മ്യൂ​സി​ക് ഗോ​പി സു​ന്ദ​ർ. ഹ​രി​നാ​രാ​യ​ണ​ൻ എ​ഴു​തി​യ നീ​ർ​ക​ണി​ക​യി​ൽ എ​ന്ന പാ​ട്ടും അ​ദ്ദേ​ഹ​മാ​ണ് ആ​ല​പി​ച്ച​ത്. ച​മ​യം അ​മ​ൽ. പ്രൊ​ഡ​ക്്ഷ​ൻ ഡി​സൈ​ൻ സ​ന്തോ​ഷ് രാ​മ​ൻ. സൗ​ണ്ട് ഡി​സൈ​ൻ വി​ഷ്ണു ഗോ​വി​ന്ദ്, ശ്രീ​ശ​ങ്ക​ർ. സ്റ്റി​ൽ​സ് ശ്രീ​നാ​ഥ് എം. ​ഉ​ണ്ണി​കൃ​ഷ്ണ​ൻ. ഡി​സൈ​ൻ കോ​ളി​ൻ​സ് ലി​യോ​ഫി​ൽ.



സി​നി​മ - പ്ര​ചോ​ദ​ന​വും വെ​ല്ലു​വി​ളി​യും...?

സി​നി​മ​യോ​ടു​ള്ള അ​തി​യാ​യ ഇ​ഷ്ടം കാ​ര​ണം ഞാ​ൻ സി​നി​മ പ​ഠി​ക്കു​ക​യും സി​നി​മ ചെ​യ്യ​ണ​മെ​ന്നു സ്വ​പ്നം കാ​ണു​ക​യും ചെ​യ്ത​തി​ൽ നി​ന്നാ​ണ് ഈ ​സി​നി​മ. അ​തു​ത​ന്നെ​യാ​ണ് ആ​ദ്യ പ്ര​ചോ​ദ​നം. സി​നി​മ ചെ​യ്യു​ന്പോ​ൾ എ​ഴു​ത്ത് ഉ​ൾ​പ്പ​ടെ അ​തി​ലേ​ക്ക് വ​ർ​ക്ക് ചെ​യ്തു വ​രേ​ണ്ട ഓ​രോരോ വ​ഴി​ക​ൾ....​അ​തി​നെ വെ​ല്ലു​വി​ളി എ​ന്ന നി​ല​യി​ൽ കാ​ണു​ന്നി​ല്ല.

ടി.​ജി.​ബൈ​ജു​നാ​ഥ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.