ജനുവരി 20ന് ആരംഭിക്കുന്ന രണ്ടാംവർഷ ബിഎസ്‌സിഎംആർടി ഡിഗ്രി റെഗുലർ/സപ്ലിമെന്‍ററി (2013, 2016 സ്കീമുകൾ) പരീക്ഷയ്ക്ക് ജനുവരി നാലുവരെ ഓൺലൈനായി രജിസ്റ്റർ ചെയ്യാം. ഫൈനോടുകൂടി ജനുവരി ആറു വരെയും സൂപ്പർ ഫൈനോടുകൂടി ജനുവരി എട്ടു വരെയും ഓൺലൈൻ രജിസ്ട്രേഷൻ നടത്താം.
ജനുവരി 25ന് ആരംഭിക്കുന്ന എംഡഎസ്‌ പാർട്ട് 1 സപ്ലിമെന്‍ററി (2018 സ്കീം), എംഡിഎസ്‌ പാർട്ട് 2 സപ്ലിമെന്‍ററി (2016, 2010 സ്കീമുകൾ) പരീക്ഷകൾക്ക് 2021 ജനുവരി ഒന്നുമുതൽ എട്ടുവരെ ഓൺലൈനായി രജിസ്റ്റർ ചെയ്യാം. ഫൈനോടുകൂടി ജനുവരി 13 വരെയും സൂപ്പർ ഫൈനോടുകൂടി ജനുവരി 15 വരെയും ഓൺലൈൻ രജിസ്ട്രേഷൻ നടത്താം.
ഫെബ്രുവരി ഒന്നിന് ആരംഭിക്കുന്ന രണ്ടാം വർഷ ബിഫാം ഡിഗ്രി സപ്ലിമെന്‍ററി (2012 & 2010 സ്കീം) (2011 വർഷ പ്രവേശകർക്കു രണ്ടാം വർഷ ബിഫാം പരീക്ഷയ്ക്കുള്ള അവസാന അവസരം) പരീക്ഷയ്ക്ക് ജനുവരി 12 വരെ ഓൺലൈനായി രജിസ്റ്റർ ചെയ്യാം. ഫൈനോടുകൂടി ജനുവരി 14 വരെയും സൂപ്പർ ഫൈനോടുകൂടി ജനുവരി 15 വരെയും ഓൺലൈൻ രജിസ്ട്രേഷൻ നടത്താം.
പരീക്ഷാ തിയതി
28നു തുടങ്ങുന്ന പ്രിലിമിനറി എംഡി/എംഎസ്‌ ആയുർവേദ ഡിഗ്രി റെഗുലർ/സപ്ലിമെന്‍ററി പ്രാക്ടിക്കൽ പരീക്ഷാ ടൈംടേബിൾ പ്രസിദ്ധീകരിച്ചു.
29നു തുടങ്ങുന്ന മൂന്നാംവർഷ ബിസിവിടി ഡിഗ്രി റെഗുലർ/സപ്ലിമെന്‍ററി പ്രാക്ടിക്കൽ പരീക്ഷാ ടൈംടേബിൾ പ്രസിദ്ധീകരിച്ചു.
കേരള ആരോഗ്യശാസ്ത്ര സർവകലാശാല: കോളജുകൾ ഒന്നു മുതൽ തുറക്കും
തൃശൂർ: കേരള ആരോഗ്യശാസ്ത്ര സർവകലാശാലയ്ക്കു കീഴിലുള്ള മെഡിക്കൽ, ആയുർവേദ, ഹോമിയോ, ഡെന്‍റൽ നഴ്സിംഗ്, ഫാർമസി, പാരാമെഡിക്കൽ കോളജുകളിൽ ജനുവരി ഒന്നു മുതൽ ക്ലാസുകൾ ആരംഭിക്കാനുള്ള ക്രമീകരണങ്ങൾ നടത്തിയതായി വൈസ് ചാൻസലർ പ്രഫ. ഡോ. മോഹനൻ കുന്നുമ്മൽ പറഞ്ഞു.
അവസാന വർഷ കോഴ്സുകളിലെ ക്ലാസുകളാണ് ജനുവരി ഒന്നുമുതൽ ആരംഭിക്കുന്നത്. ഇതിനുള്ള കരുതൽ നടപടികളെടുക്കാൻ വൈസ് ചാൻസലർ ഡോ. മോഹനൻ കുന്നുമ്മൽ സർവകലാശാലയിൽ അഫിലിയേറ്റ് ചെയ്തിട്ടുള്ള 315 കോളജുകളിലേയും പ്രിൻസിപ്പൽമാരുമായി ഓൺലൈൻ വഴി കൂടിക്കാഴ്ച നടത്തി. നടന്നുവരുന്ന ഓൺലൈൻ തിയറി ക്ലാസുകളും തുടരും.