എംഎസ്സി നഴ്സിംഗ് ഡിഗ്രി റെഗുലർ/സപ്ലിമെന്ററി പരീക്ഷാഫലം
കേരള ആരോഗ്യ ശാസ്ത്ര സർവകലാശാല സെപ്റ്റംബറിൽ നടത്തിയ രണ്ടാംവർഷ എംഎസ്സി നഴ്സിംഗ് ഡിഗ്രി റെഗുലർ/സപ്ലിമെന്ററി പരീക്ഷാഫലം പ്രസിദ്ധീകരിച്ചു. റീടോട്ടലിംഗ്, ഉത്തരക്കടലാസുകളുടേയും സ്കോർഷീറ്റിന്റേയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ നിശ്ചിത ഫീസടച്ച് കോളജ് പ്രിൻസിപ്പൽമാർ മുഖേന ഓൺലൈൻ ആയി ഈമാസം പതിനാലിനകം അപേക്ഷിക്കേണ്ടതാണ്.
മാർക്ക് ലിസ്റ്റ് വിതരണം
ജൂലൈയിൽ നടത്തിയ ഫൈനൽ ബിഡിഎസ് പാർട്ട് 2 റെഗുലർ/സപ്ലിമെന്ററി പരീക്ഷയുടെ മാർക്ക് ലിസ്റ്റുകൾ അതാതു ഡെന്റൽ കോളജുകളിലേക്കു വിതരണത്തിനായി അയച്ചിട്ടുണ്ട്. വിദ്യാർത്ഥികൾ ബന്ധപ്പെട്ട കോളജുകളിൽനിന്ന് അവ കൈപ്പറ്റേണ്ടതാണ്.
പരീക്ഷാ തിയതി
ഈമാസം 28 മുതലാരംഭിക്കുന്ന ഒന്നാം വർഷ എംഎസ്സി എംഎൽടി മൈക്രോബയോളജി ഡിഗ്രി റെഗുലർ/സപ്ലിമെന്ററി തിയറി പരീക്ഷ, ഒന്നാം വർഷ എംഎസ്സി എംഎൽടി പാത്തോളജി ഡിഗ്രി റെഗുലർ/സപ്ലിമെന്ററി തിയറി പരീക്ഷ എന്നിവയുടെ ടൈംടേബിളുകൾ പ്രസിദ്ധീകരിച്ചു.