ചാനലുകൾക്ക് എന്തുമാകാം. പക്ഷേ എല്ലാവർക്കും അതു പറ്റില്ലല്ലോ. അന്തസ് പാലിക്കണ്ടേ.റേറ്റിംഗ് വർധിപ്പിക്കാനാവുംവിധം അന്തിച്ചർച്ചയ്ക്കുള്ള വിഷയങ്ങൾ കണ്ടുപിടിക്കുകയും സത്യത്തെ വളച്ചൊടിക്കുകയും, മനുഷ്യത്വത്തിന്‍റെ മഹാനദിയിൽ വിഷം കലക്കുകയും ചെയ്യുമ്പോൾ നിങ്ങൾ നശിപ്പിക്കുന്നത് എന്തോ അതാണ് മാധ്യമധർമം. മലയാളി ഈ ദുരന്തത്തെക്കുറിച്ചുള്ള മൗനം വെടിയേണ്ട കാലമായി. അല്ലെങ്കിൽ ഈ അശ്ലീല തിരക്കഥയിൽ നന്മമരങ്ങൾ കടപുഴകി വീഴും. നൂറ്റാണ്ടുകളായി നവോത്ഥാന ദീപങ്ങളായി നിന്ന വിളക്കുമരങ്ങൾ കണ്ണടയ്ക്കും. ചെറിയ പ്രതികരണങ്ങളെങ്കിലും ഉണ്ടാകട്ടെ. അത് ഒരു മതവിഭാഗത്തെയോ സമുദായത്തെയോ രക്ഷിക്കാനല്ല. സാമൂഹിക പ്രതിബദ്ധതയാണ്.
സീറോ മലബാര്‍ കണ്‍വന്‍ഷന്‍ രജിസ്‌ട്രേഷന്‍ ക്ലോസ് ചെയ്തു; ഇനി വിത്ത്ഔട്ട് അക്കോമഡേഷന്‍
അമേരിക്കയിലെ ഹൂസ്റ്റണില്‍ ഓഗസ്റ്റ് ഒന്നു മുതല്‍ നാലുവരെ നടക്കുന്ന സീറോ മലബാര്‍ ദേശീയ കണ്‍വന്‍ഷനില്‍ നാലായിരത്തില്‍പ്പരം വിശ്വാസികള്‍ രജിസ്റ്റര്‍ ചെയ്ത സാഹചര്യത്തില്‍ റഗുലര്‍ രജിസ്‌ട്രേഷന്‍ ക്ലോസ് ചെയ്തതായി രജിസ്‌ട്രേഷന്‍ ചെയര്‍മാന്‍ സുനില്‍ കുര്യന്‍ പറഞ്ഞു. കണ്‍വന്‍ഷനു വേദിയൊരുക്കുന്ന ഹില്‍ട്ടണ്‍ അമേരിക്കാസും അതിനോട് ചേര്‍ന്നുള്ള മാരിയോട്ടിലെയും ആയിരത്തില്‍പ്പരം മുറികള്‍ നേരത്തെ തന്നെ നിറഞ്ഞതിനാലാണിത്.

വിശ്വാസികളുടെ സൗകര്യാര്‍ഥം താമസ സൗകര്യമില്ലാതെയുള്ള രജിസ്‌ടേഷന്‍ ഇനിയും തുടരും. ഇനി നാനൂറ് ഡോളര്‍ നിരക്കാണ് ഒരാള്‍ക്ക് നാല് ദിവസത്തേക്കുള്ള രജിസ്‌ട്രേഷന്‍ ഫീ.

നാല് ദിവസങ്ങളിലായി പതിനഞ്ചു സ്റ്റേജുകളിലായി പരിപാടികള്‍ സമാന്തരമായി നടക്കുമെന്ന് ഇവന്‍റ് കോ-ഓര്‍ഡിനേറ്റര്‍ അനീഷ് സൈമണ്‍. മുപ്പത്തിയഞ്ചോളം പ്രഭാഷകർ എത്തുന്നുണ്ട്. മ്യൂസിക് കണ്‍സേര്‍ട്ട് ഉള്‍പ്പെടെ നിരവധി സ്റ്റേജ് പ്രോഗ്രാമുകള്‍ വേറെ. പ്രീകെ , മിഡ് സ്‌കൂള്‍, യൂത്ത്, മുതിര്‍ന്നവര്‍ തുടങ്ങി വിവിധ കാറ്റഗറികളിലും മിക്‌സഡ് കാറ്റഗറികളിലുമാണ് പരിപാടികളുടെ ക്രമീകരങ്ങള്‍ എന്ന് സെക്രട്ടറി പോള്‍ ജോസഫ് പറഞ്ഞു. കണ്‍വന്‍ഷന് ഇനി വെറും രണ്ടാഴ്ച മാത്രം. പ്രാര്‍ഥനാമന്ത്രങ്ങളുമായി കണ്‍വന്‍ഷനായി വിശ്വാസികള്‍ തയാറെടുത്തു കഴിഞ്ഞു.

റിപ്പോര്‍ട്ട്: മാര്‍ട്ടിന്‍ വിലങ്ങോലില്‍

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.