ആദായനികുതി റിട്ടേണുകൾ ജനുവരി 10 നു മുന്പ് ഫയൽ ചെയ്യണം : Deepika.com Tax Special

Home |

Editorial |

Latest News |

Local News |

ആദായനികുതി റിട്ടേണുകൾ ജനുവരി 10 നു മുന്പ് ഫയൽ ചെയ്യണം

നിർബന്ധിത ഓഡിറ്റ് ആവശ്യമുള്ള പങ്ക് വ്യാപാരസ്ഥാപനങ്ങളും അവയുടെ പങ്കാളികളും കന്പനികളും ആദായനികുതിനിയമത്തിലെ 92 ഇ വകുപ്പനുസരിച്ച് റിപ്പോർട്ട് സമർപ്പിക്കേണ്ടവരും ഒഴികെയുള്ള എല്ലാ നികുതിദായകരും 2019-20 സാന്പത്തികവർഷത്തിലെ ആദായനികുതി റിട്ടേണുകൾ പിഴ കൂടാതെ ഫയൽ ചെയ്യുന്നതിനുള്ള സമയം 2021 ജനുവരി 10വരെ ആദായനികുതി ഡിപ്പാർട്ട്മെന്‍റ് ദീർഘിപ്പിച്ച് നൽകിയിട്ടുണ്ട്. തീയതി ദീർഘിപ്പിച്ചു നൽകുന്നതിനുമുന്പ് 2020 ഡിസംബർ 31വരെ ആയിരുന്നു സമയം. എന്നാൽ, ടാക്സ് ഓഡിറ്റും ട്രാൻസ്ഫർ പ്രൈസ് ഓഡിറ്റും ആവശ്യമുള്ള നികുതിദായകർ പ്രസ്തുത ഓഡിറ്റ് റിപ്പോർട്ട് 2021 ജനുവരി 15 ന് മുന്പ് ഫയൽ ചെയ്യണം.

അവരുടെ ആദായ നികുതി റിട്ടേണുകൾ ഫയൽ ചെയ്യുന്നതിന് 2021 ഫെബ്രുവരി 15വരെ സമയം ഉണ്ട്. 2019-20 ലെ ചരക്ക് സേവനനികുതിയുടെ വാർഷിക റിട്ടേണുകളും ഓഡിറ്റ് റിപ്പോർട്ടും ഫയൽ ചെയ്യുന്നതിന് 2021 ഫെബ്രുവരി 28വരെ സമയം അനുവദിച്ചിരിക്കുന്നു. മുകളിൽ സൂചിപ്പിച്ച നികുതിദായകർ നിഷ്കർഷിച്ചിരിക്കുന്ന തീയതികൾക്കുള്ളിൽ ആദായനികുതി റിട്ടേണുകൾ ഫയൽ ചെയ്തില്ലെങ്കിൽ പിന്നീട് ആദായനികുതിനിയമം 234 എഫ് അനുസരിച്ചുള്ള പിഴ അടയ്ക്കേണ്ടിവരും.

പൊതുജനങ്ങളുടെ വരുമാനത്തിന്‍റെ വിവരങ്ങൾ അറിയുന്നതിന് സർക്കാരിന് പല മാർഗങ്ങളുണ്ട്. അതിനാൽ വരുമാനം മറച്ചുവച്ച് റിട്ടേണുകൾ ഫയൽ ചെയ്യുന്നത് അപകടമാണ്.നല്ല ശതമാനം നികുതിദായകരും നികുതി നിർണയത്തിൽ തെറ്റായ ചില വിശ്വാസങ്ങൾ പിന്തുടരുന്നതായി കാണാം.

അത്തരത്തിലുള്ള ചില തെറ്റായ അനുമാനങ്ങൾ ചുവടെ ചേർക്കുന്നു. 1) ബാങ്കിൽനിന്നു ലഭിക്കുന്ന പലിശയ്ക്കു ടിഡിഎസ് പിടിക്കുന്നതിനാൽ അതു റിട്ടേണിൽ ചേർക്കേണ്ടതില്ല. 2) ടിഡിഎസിൽ നിന്ന് ഒഴിവുള്ള ബാങ്ക്പലിശ റിട്ടേണിൽ ചേർക്കേണ്ട. 3) സ്ഥിര നിക്ഷേപങ്ങൾ പല ബാങ്കുകളിലായി നിക്ഷേപിച്ചാൽ ലഭിക്കുന്ന പലിശയുടെ വിവരം ഗവണ്‍മെന്‍റിന് ലഭിക്കുകയില്ല. 4) ടാക്സ് സേവിംഗ്സ് ബോണ്ടുകളിൽ നിന്ന് ലഭിക്കുന്ന പലിശയ്ക്ക് നികുതി ഒഴിവുണ്ട്. ഇവയെല്ലാം തെറ്റിദ്ധാരണകൾ മാത്രമാണ്.

ബാങ്ക് പലിശയും സ്രോതസിൽ നികുതിയും

ബാങ്കിലെ സ്ഥിരനിക്ഷേപത്തിന് ലഭിക്കുന്ന പലിശയിന്മേൽ 40,000 രൂപ വരെയുള്ള പലിശതുകയ്ക്ക് സ്രോതസിൽ നികുതി ആവശ്യമില്ല. മുതിർന്ന പൗരന്മാർ ആണ് നിക്ഷേപകർ എങ്കിൽ 50,000 രൂപ വരെയുള്ള പലിശയ്ക്ക് ടിഡിഎസ് പിടിക്കേണ്ടതില്ല. അതിനു മുകളിൽ ലഭിക്കുന്ന പലിശയ്ക്ക് 10 ശതമാനമോ 7.5 ശതമാനമോ ആണ് സ്രോതസിലെ നികുതിനിരക്ക്.
14-05-2020 മുതൽ 31-03-2021വരെ ലഭിക്കുന്ന പലിശയ്ക്ക് യഥാർഥ നിരക്കിന്‍റെ 75 ശതമാനംമാത്രം പിടിച്ചാൽ മതി. അതിനാൽ യഥാർഥനിരക്കായ 10 ശതമാനത്തിനുപകരം 7.5 ശതമാനം ടിഡിഎസ് പിടിച്ചാൽ മതി. എന്നാൽ അഞ്ചു ലക്ഷം രൂപയിൽ താഴെ വരുമാനം ഉള്ളവർക്ക് മാത്രമാണ് അഞ്ച് ശതമാനം നികുതി നിരക്ക്. അഞ്ചു ലക്ഷത്തിന് മുകളിൽ 10 ലക്ഷം രൂപ വരെ വരുമാനം ഉള്ളവർക്ക് 20ശതമാനം നിരക്കിൽ ആണ് നികുതി. 10 ലക്ഷത്തിന് മുകളിലുള്ളവർക്ക് 30 ശതമാനവും. കൂടാതെ നാലു ശതമാനം നിരക്കിൽ സെസും അടയ്ക്കേണ്ടതുണ്ട്. ഇങ്ങനെ വരുന്ന സാഹചര്യത്തിൽ ടിഡിഎസ് നിരക്കിനേക്കാൾ കൂടിയ നിരക്കിൽ നികുതി അടയ്ക്കേണ്ടി വരുന്പോൾ വരുമാനം കണക്കുകൂട്ടി മുൻകൂർ നികുതി അടച്ചില്ലെങ്കിൽ പിന്നീട് റിട്ടേണുകൾ ഫയൽ ചെയ്യുന്പോൾ പലിശയും കൂട്ടി അടയ്ക്കേണ്ടതായി വരും. മുതിർന്ന പൗരന്മാർക്ക് ബിസിനസിൽനിന്നോ പ്രഫഷനിൽനിന്നോ വരുമാനം ഇല്ലെങ്കിൽ മുൻകൂർ നികുതി അടയ്ക്കേണ്ടതില്ല.

ഫോം 15 ജി / 15 എച്ച് എന്നിവയുടെ ഉപയോഗം

പലിശയിൽനിന്ന് സ്രോതസിൽ നികുതി പിടിക്കാതിരിക്കാൻ ഈ ഫോമുകൾ ഉപയോഗിക്കാം. എല്ലാ ബാങ്കുകളും ധനകാര്യസ്ഥാപനങ്ങളും നിക്ഷേപകർക്ക് ഈ ഫോമുകൾ നൽകാറുണ്ട്. നിക്ഷേപകൻ ഈ ഫോം ഒപ്പിട്ട് ബാങ്കുകളിലോ ധനകാര്യസ്ഥാപനങ്ങളിലോ സമർപ്പിച്ചു കഴിഞ്ഞാൽ നിക്ഷേപകന്‍റെ പലിശയിന്മേൽ സ്രോതസിൽ നികുതി പിടിക്കുന്നതിനുള്ള സ്ഥാപനത്തിന്‍റെ ബാധ്യത അവസാനിക്കുന്നു. നിലവിൽ 40,000 രൂപയിൽ കൂടുതൽ നിക്ഷേപകനു പലിശ ആയി കിട്ടുന്നുണ്ടെങ്കിൽ (മുതിർന്ന പൗരന്മാർക്ക് 50,000 രൂപ) അതിൽനിന്നു 10ശതമാനം അല്ലെങ്കിൽ 7.5 ശതമാനം നിരക്കിൽ നികുതി ആയി പിടിക്കണമെന്നു നിയമത്തിൽ വ്യവസ്ഥ ചെയ്യുന്നു. എന്നാൽ, പാൻ ഇല്ലെങ്കിൽ നികുതി നിരക്ക് 20 ശതമാനം ആണ്. നിക്ഷേപകനു പലിശയുൾപ്പെടെ ലഭിക്കുന്ന വരുമാനം നികുതിക്ക് വിധേയമായ വരുമാനത്തിന്‍റെ പരിധിയിൽ താഴെ ആണ് വരുന്നതെങ്കിൽ ഫോം 15 ജി ഒപ്പിട്ട് നൽകാവുന്നതാണ്. 60 വയസിൽ താഴെയുള്ള, ഇന്ത്യയിൽ റെസിഡന്‍റായിട്ടുള്ളവർക്കാണ് ഈ ആനുകൂല്യം ലഭിക്കുന്നത്. ട്രസ്റ്റിനും അവിഭക്ത ഹിന്ദുകുടുംബങ്ങൾക്കും ഈ ഫോം ഉപയോഗിക്കാൻ സാധിക്കും.

60 വയസിന് മുകളിലുള്ളവർ സ്രോതസിൽനിന്ന് നികുതി പിടിക്കാതിരിക്കുന്നതിന് ഫോം 15 എച്ച് ആണ് നൽകേണ്ടത്. ഫോം 15 ജിയും 15 എച്ചും ഒപ്പിട്ടു നൽകുന്പോൾ തന്നാണ്ടിൽ പ്രസ്തുത വ്യക്തികൾക്കു നികുതിക്ക് വിധേയമായ വരുമാനം ഇല്ല എന്ന സത്യവാങ്മൂലം ആണ് നൽകുന്നത്. നികുതിക്ക് വിധേയമായ വരുമാനം ഉള്ളവർ തെറ്റായി ഡിക്ലറേഷൻ നൽകിയാൽ അത് ആദായ നികുതി വകുപ്പിന്‍റെ ശിക്ഷാ നടപടികൾക്ക് കാരണമായേക്കാം എന്ന് ഓർമിപ്പിക്കുന്നു.

പലിശയ്ക്ക് ലഭിക്കുന്ന നികുതിയിളവ്

സാധാരണ നികുതിദായകർക്കു സേവിംഗ്സ് ബാങ്ക് ഡെപ്പോസിറ്റിൽനിന്നു ലഭിക്കുന്ന 10,000 രൂപവരെയുള്ള പലിശയ്ക്ക് നികുതിയിളവുണ്ട്. മുതിർന്ന പൗരന്മാർ ആണെങ്കിൽ സ്ഥിരനിക്ഷേപങ്ങളിൽനിന്നും സേവിംഗ്സ് അക്കൗണ്ടുകളിൽ നിന്നും ലഭിക്കുന്ന പലിശ ഉൾപ്പെടെ 50,000 രൂപ വരെയുള്ള കിഴിവ് ലഭിക്കുന്നതാണ്. മുതിർന്ന പൗരന്മാർ അല്ലാത്തവർക്ക് സ്ഥിരനിക്ഷേപങ്ങളുടെ പലിശയ്ക്ക് നികുതിയിളവില്ല.

ഒന്നിൽ കൂടുതൽ ബാങ്കുകളിൽ അക്കൗണ്ടുകൾ സൂക്ഷിക്കുന്നുണ്ടെങ്കിൽ ഇൻകം ടാക്സ് റിട്ടേണ്‍ ഫയൽ ചെയ്യുന്പോൾ അവ എല്ലാം സൂചിപ്പിക്കണം. ഒരു ബാങ്ക് അക്കൗണ്ട് മാത്രം കാണിച്ചാൽ മതി എന്നൊരു തെറ്റിദ്ധാരണ പല നികുതിദായകർക്കും ഉണ്ട്.

വിദേശത്ത് ബാങ്ക് അക്കൗണ്ടുകൾ ഉള്ളവർ

വിദേശബാങ്കുകളിൽ പണം സൂക്ഷിച്ചിട്ടുള്ളവരും വിദേശത്ത് സ്വത്തുക്കൾ ഉള്ളവരും പ്രസ്തുത വിവരങ്ങൾ ആദായനികുതി റിട്ടേണിൽ സൂചിപ്പിക്കേണ്ടതാണ്. അക്കൗണ്ട് തുടങ്ങിയ തീയതിയും അതിൽനിന്നും ലഭിക്കുന്ന പലിശയും മറ്റു സ്വത്തുക്കളിൽ നിന്നുള്ള വരുമാനവും റിട്ടേണുകളിൽ വെളിപ്പെടുത്തേണ്ടതാണ്.

സബ്‌ലെറ്റിംഗിൽനിന്നു ലഭിക്കുന്ന വരുമാനം ഹൗസ് പ്രോപ്പർട്ടിയിൽനിന്നുള്ള വാടക ആകില്ല

കെട്ടിടം വാടകയ്ക്ക് കൊടുക്കുന്പോൾ ഉടമസ്ഥനു ലഭിക്കുന്ന വാടക ഹൗസ്പ്രോപ്പർട്ടിയിൽനിന്നുള്ള വരുമാനം ആയിട്ടാണ് ആദായനികുതിനിയമത്തിൽ കണക്കാക്കുന്നത്. എന്ന

ക്യാഷ് ഇടപാടുകൾക്ക് ആദായനികുതി നിയമത്തിൽ നിയന്ത്രണങ്ങൾ
കറൻസി വിതരണം കുറയ്ക്കുന്നതിനും സാന്പത്തിക രംഗത്ത് ഡിജിറ്റൈസേഷൻ പ്രോത്സാഹിപ്പിക്കുന്നതിനും അതുവഴി കള്ളപ്പണത്തിന്‍റെ ഇടപാടുക

മുതിർന്ന പൗരന്മാർക്ക് ആദായനികുതിനിയമത്തിൽ ആനുകൂല്യങ്ങൾ

മുതിർന്ന പൗരന്മാർക്ക് ഇന്ത്യയിൽ ആദായനികുതിനിയമത്തിൽ ആനുകൂല്യങ്ങളുണ്ട്. റെയിൽവേയിലും മറ്റും മുതിർന്ന പൗരന്മാർക്ക് ടിക്കറ്റ് നിരക്കിൽ ഇന്ത്യയിൽ റിബേറ്റ് അ

ആദായനികുതി വകുപ്പിൽനിന്നു പെരുപ്പിച്ച നോട്ടീ
ഉയർന്ന മൂല്യമുള്ളതും നികുതി റിട്ടേണിൽ കാണിക്കാത്തതും എന്ന പേരിൽ ചില നികുതിദായകർക്ക് ഇ-കാ

എല്ലാ മത/ധർമ സ്ഥാപനങ്ങളും റീ രജിസ്റ്റർ ചെയ്യ
നിലവിൽ ആദായനികുതി നിയമം അനുസരിച്ച് രജിസ്ട്രേഷൻ ലഭിച്ചിട്ടുള്ള എല്ലാ മത/ധർമസ്ഥാപ

ബിലേറ്റഡ് റിട്ടേണുകൾ 31 വരെ ഫയൽ ചെയ്യാം
നിർബന്ധിത ഓഡിറ്റ് ആവശ്യമുള്ള നികുതിദായകരും പങ്ക് വ്യാപാരസ്ഥാപനങ്ങളാണ് അവയെങ്കിൽ അവയുടെ പങ്കുകാരും കന്പനികളും ആദായനി

2 കോടി രൂപയുടെ ടേണോവറുള്ള വ്യാപാരികൾക്ക് 8% / 6% വരുമാനം വെളിപ്പെ
ആദായനികുതി നിയമം 44 എ.ഡി. വകുപ്പനുസരിച്ച് ചുരുക്കം ചില ബിസിനസ്‌സും ചില നികുതിദായകരും ഒഴികെയുള്ള എല്ലാ വ്യാപാരികൾക്കും അവ

റെസിഡന്‍റ്സ് വെൽഫെയർ അസോസിയേഷനുകൾക്ക് ജിഎസ്ടി ബാധകമോ?
റെസിഡന്‍റ്സ് വെൽഫെയർ അസോസിയേഷന്‍റെ വാർഷിക വരവ് 20 ലക്ഷം രൂപയിൽ താഴെയാണെങ്കിൽ പ്രസ്തുത സ്ഥാപനത്തിന് ജിഎസ്ടി രജിസ്ട്രേഷന്‍റെ ആ

മുൻകൂർ നികുതിയുടെ അവസാനഗഡു മാർച്ച് 15നു മുന്പ്
ആദായനികുതി നിയമം അനുസരിച്ച് എല്ലാ നികുതിദായകരും നാലു തവണകളായി മുൻകൂർ നികുതി അട

ജിഎസ്ടി കുറഞ്ഞുപോയാൽ റിട്ടേണ്‍ ഫയൽ ചെയ്യാൻ സഹായിച്ച പ്രഫഷണലിന്‍റെ സ്വത്തുക്ക
ജിഎസ്ടി കുറഞ്ഞുപോയാൽ റിട്ടേണ്‍ ഫയൽ ചെയ്യാൻ സഹായിച്ച പ്രഷഷണലിനെ കുടുക്കുമോ? ചില ഉത്തരേന്ത്യൻ പത്രങ്ങളിൽ വൻ വാർത്താ പ്രാധാന്

പ്രൊവിഡന്‍റ് ഫണ്ടിൽ കൂടുതൽ നിക്ഷേപിച്ചാൽ പലിശയ്ക്ക് നികുതി
ഉയർന്ന വരുമാനക്കാരായ നികുതിദായകർ എളുപ്പത്തിൽ നികുതിയിൽനിന്ന് ഒഴിവുനേടിയിരുന്ന ഒരു നിക്ഷേപാവസരം ആയിരുന്നു പ്രൊവിഡ

കേന്ദ്രബജറ്റ് 2021 : ആദായനികുതിനിയമത്തിൽ വന്ന മാറ്റങ്ങൾ
കോവിഡിന്‍റെ പശ്ചാത്തലത്തിൽ ആദായനികുതിയിൽ ഇളവുകൾ പ്രതീക്ഷിച്ചിരുന്ന സാധാരണക്കാരായ നികുതിദായകർക്കു കാര്യമായി ഒന്നും കേന

ഫോം 26 എഎസ് ആദായനികുതി റിട്ടേണ്‍ ഫയലിംഗിലെ പ്രധാന ഡോക്യുമെന്‍റ്

നികുതിദായകന്‍റെ പേരിൽ അദ്ദേഹത്തിന്‍റെ പാനിനെ അടിസ്ഥാനമാക്കി അടക്കുന്ന നികുതിയുടെ വാർഷികസ്റ്റേറ്റ്മെന്‍റാണ് ഫോം 26 എ.എസ്. ഇത് ആദായനികുതിയുടെ വെബ്സൈറ്റിൽ നി

ആദായനികുതി നിയമത്തിൽ രണ്ടുതരം നിരക്കുകൾ
2020ലെ ബജറ്റ് അനുസരിച്ച് ആദായനികുതി നിയമത്തിൽ പുതുതായി 115 ബിഎസി എന്നൊരു വകുപ്പു കൂട്ടിച്ചേർത്ത്, വ്യക്തികൾക്കും ഹിന്ദു കൂട്ടു

വിദ്യാഭ്യാസ സ്ഥാപനത്തിലേക്കുള്ള കുട്ടികളുടെ ട്യൂഷൻ ഫീസിന് നികുതിയിളവ്

വിദ്യാഭ്യാസത്തെ പ്രോത്സാഹിപ്പിക്കുന്നതിനായി കുട്ടികൾക്ക് വിദ്യാഭ്യാസസ്ഥാപനത്തിലേക്ക് നൽകുന്ന ട്യൂഷൻ ഫീസിന് ഗവണ്‍മെന്‍റ് നികുതിയിളവ് നൽകുന്നുണ്ട്. ജോലിക