കോവിഡിന്‍റെ ഇരുളിൽ നുറുങ്ങുവെട്ടങ്ങൾ
ലോകവിചാരം / സെ​ർ​ജി ആ​ന്‍റ​ണി

കോ​വി​ഡ് ഭീ​തി​യി​ൽ ആ​ശ​ങ്ക​ക​ൾ​ക്കൊ​പ്പം അ​ഭ്യൂ​ഹ​ങ്ങ​ളും വാ​യു​വേ​ഗ​ത്തി​ലാ​ണു പ​ര​ക്കു​ന്ന​ത്. ഇ​തി​നെ​യെ​ല്ലാം മ​റി​ക​ട​ക്കാ​ൻ എ​ല്ലാ​വ​രും ജാ​ഗ്ര​ത​യോ​ടെ മു​ന്നേ​റു​ന്പോ​ൾ ഈ ​പ്ര​തി​സ​ന്ധി​യെ​യും നാം ​അ​തി​ജീ​വി​ക്കു​മെ​ന്ന പ്ര​ത്യാ​ശ​യു​ടെ പ്ര​കാ​ശ​മാ​ണു ലോ​ക​ത്തെ ന​യി​ക്കു​ന്ന​ത്. കോ​വി​ഡ്-19​നു മ​രു​ന്നു ക​ണ്ടെ​ത്താ​നു​ള്ള ശ്ര​മം ഊ​ർ​ജി​ത​മാ​യി​ട്ടു​ണ്ട്. അ​മേ​രി​ക്ക​യും ചൈ​ന​യും മ​രു​ന്നു പ​രീ​ക്ഷ​ണം ന​ട​ത്തി​ക്ക​ഴി​ഞ്ഞു. യു​എ​സി​ലെ നാ​ഷ​ണ​ൽ ഇ​ൻ​സ്റ്റി​റ്റ്യൂ​ട്ട് ഓ​ഫ് അ​ല​ർ​ജി ആ​ൻ​ഡ് ഇ​ൻ​ഫ​ക്‌​ഷ്യ​സ് ഡി​സീ​സ് ആ​ണ് പു​തി​യ മ​രു​ന്നി​ന്‍റെ ക്ലി​നി​ക്ക​ൽ ടെ​സ്റ്റ് ന​ട​ത്തി​യ​ത്. ചൈ​ന​യി​ലെ അ​ക്കാ​ദ​മി ഓ​ഫ് മി​ലി​റ്റ​റി സ​യ​ൻ​സാ​ണ് മ​രു​ന്നു ഗ​വേ​ഷ​ണ​ത്തി​നു നേ​തൃ​ത്വം ന​ൽ​കു​ന്ന​ത്. അ​മേ​രി​ക്ക​യും യൂ​റോ​പ്പും കോ​വി​ഡി​ന്‍റെ പി​ടി​യി​ൽ അ​മ​രു​ന്പോ​ൾ അതിനു തു​ട​ക്ക​മി​ട്ട ചൈ​ന വൈ​റ​സി​ൽ​നി​ന്നു മു​ക്ത​മാ​യി​ത്തു​ട​ങ്ങി. കൊ​റോ​ണ വൈ​റ​സ് ആ​ളി​പ്പ​ട​ർ​ന്ന​പ്പോ​ഴൊ​ന്നും പു​റ​ത്തു​കാ​ണാ​തി​രു​ന്ന ചൈ​നീ​സ് പ്ര​സി​ഡ​ന്‍റ ഷി ​ചിൻ​പിം​ഗ് പ്ര​ഭ​വ കേ​ന്ദ്ര​മാ​യി​രു​ന്ന വു​ഹാ​നി​ൽ ഈ​യി​ടെ സ​ന്ദ​ർ​ശ​ന​ത്തി​നെ​ത്തി.

ലോ​ക​നേ​താ​ക്ക​ളി​ൽ ചി​ല​രൊ​ക്കെ വൈ​റ​സ് ബാ​ധി​ത​രാ​യി. മ​റ്റു ചി​ല​ർ നി​രീ​ക്ഷ​ണ​ത്തി​ലു​മാ​ണ്. ചൈ​ന രോ​ഗ​ബാ​ധ​യി​ൽ​നി​ന്നു മു​ക്ത​മാ​യി​ത്തു​ട​ങ്ങു​ന്പോ​ൾ ഇ​റ്റ​ലി​യാ​ണ് മ​ര​ണ​സം​ഖ്യ​യി​ലും വൈ​റ​സ് വ്യാ​പ​ന​ത്തി​ലും ര​ണ്ടാ​മ​തു നി​ൽ​ക്കു​ന്ന​ത്. ഇ​റാ​നാ​ണു മ​ര​ണ​സം​ഖ്യ​യി​ൽ മൂ​ന്നാ​മ​ത്. ഫ്രാ​ൻ​സും സ്പെ​യി​നും ഏ​താ​ണ്ട് സ​ന്പൂ​ർ​ണ നി​യ​ന്ത്ര​ണ നി​ർ​ദേ​ശ​ങ്ങ​ളാ​ണു ജ​ന​ങ്ങ​ൾ​ക്കു ന​ൽ​കി​യി​രി​ക്കു​ന്ന​ത്.

കോ​വി​ഡ് -19 കേ​സു​ക​ൾ സ്ഥി​രീ​ക​രി​ച്ച രാ​ജ്യ​ങ്ങ​ളി​ൽ​നി​ന്നു​ള്ള യാ​ത്ര​ക്കാ​രെ​ല്ലാം വി​മാ​ന​ത്താ​വ​ള​ങ്ങ​ളി​ൽ ക​ർ​ശ​ന പ​രി​ശോ​ധ​ന​ക​ൾ​ക്കു വി​ധേ​യ​രാ​കു​ന്നു. ആ​ഗോ​ള ഓ​ഹ​രി വി​പ​ണി​യി​ലു​ണ്ടാ​യ ത​ക​ർ​ച്ച ഒ​ട്ടു​മി​ക്ക രാ​ജ്യ​ങ്ങ​ളു​ടെ​യും സ​ന്പ​ദ് വ്യ​വ​സ്ഥ​യെ ഗു​രു​ത​ര​മാ​യി ബാ​ധി​ച്ചി​ട്ടു​ണ്ട്. കോ​വി​ഡ്-19 ഉ​ള​വാ​ക്കി​യ സാ​ന്പ​ത്തി​ക പ്ര​തി​സ​ന്ധി നേ​രി​ടാ​ൻ 85,000 കോ​ടി ഡോ​ള​റി​ന്‍റെ അ​ടി​യ​ന്ത​ര പാ​ക്കേ​ജി​ന് അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് കോ​ൺ​ഗ്ര​സി​ന്‍റെ അ​നു​മ​തി തേ​ടി​യി​രി​ക്കു​ക​യാ​ണ്.

വു​ഹാ​ൻ തി​രി​ച്ചു​വ​രു​ന്നു

കൊ​റോ​ണ വൈ​റ​സ് ആ​ദ്യ​മാ​യി ക​ണ്ടെ​ത്തി​യ ചൈ​ന​യി​ലെ ഹു​ബൈ പ്ര​വി​ശ്യ​യി​ലെ വു​ഹാ​നി​ൽ ജ​ന​ജീ​വി​തം സാ​ധാ​ര​ണ നി​ല​യി​ലേ​ക്കു മ​ട​ങ്ങു​ക​യാ​ണ്. ക​ഴി​ഞ്ഞ ഡി​സം​ബ​റി​ലാ​ണ് ഇ​വ​ടെ വൈ​റ​സ് ബാ​ധ ആ​ദ്യ​മാ​യി ക​ണ്ടെ​ത്തി​യ​ത്. വു​ഹാ​ൻ അ​ട​ങ്ങു​ന്ന ഹു​ബൈ പ്ര​വി​ശ്യ വൈ​റ​സ് കാ​ല​ത്ത് നി​രോ​ധി​ത മേ​ഖ​ല​യാ​യി പ്ര​ഖ്യാ​പി​ക്ക​പ്പെ​ട്ടി​രു​ന്നു. അവി​ടേക്കു പോ​കാ​നോ അ​വി​ടെ​നി​ന്നു പു​റ​ത്തു ക​ട​ക്കാ​നോ സാ​ധി​ക്കു​മാ​യി​രു​ന്നി​ല്ല.​എ​ന്നാ​ൽ ക​ഴി​ഞ്ഞ ദി​വ​സം നി​യ​ന്ത്ര​ണ​ങ്ങ​ൾ നീ​ക്കി​ത്തു​ട​ങ്ങി.

വ്യ​വ​സാ​യ മേ​ഖ​ല​യാ​യ വു​ഹാ​നി​ൽ നി​ര​വ​ധി ഫാ​ക്‌​ട​റി​ക​ൾ പ്ര​വ​ർ​ത്തി​ക്കു​ന്നു​ണ്ട്. ഇ​വ​യെ​ല്ലാം അ​ട​ഞ്ഞു​കി​ട​ക്കു​ക​യാ​യി​രു​ന്നു. തൊ​ഴി​ലാ​ളി​ക​ൾ മ​ട​ങ്ങി​യെ​ത്താ​ൻ തു​ട​ങ്ങി​യ​തോ​ടെ ഫാ​ക്‌​ട​റി​ക​ളി​ൽ ചി​ല​തു പ്ര​വ​ർ​ത്ത​നം തു​ട​ങ്ങി.

കൊ​റോ​ണാ വൈ​റ​സ് ബാ​ധി​ച്ച് ഏ​റ്റ​വും കൂ​ടു​ത​ൽ ആ​ളു​ക​ൾ മ​ര​ണ​മ​ട​ഞ്ഞ രാ​ജ്യം ചൈ​ന​യാ​ണ്. 3226 പേ​ർ മ​രി​ച്ചു​വെ​ന്നാ​ണ് ഔ​ദ്യോ​ഗി​ക ക​ണ​ക്ക്. എ​ന്നാ​ൽ യ​ഥാ​ർ​ഥ മ​ര​ണ​സം​ഖ്യ ഇ​തി​ലും കൂ​ടു​ത​ലാ​വു​മെ​ന്നാ​ണ് പ​റ​യ​പ്പെ​ടു​ന്ന​ത്.

വൈ​റ​സ് പോ​ര്

അ​മേ​രി​ക്ക​യും ചൈ​ന​യും ത​മ്മി​ൽ വ്യാ​പാ​ര​രം​ഗ​ത്തു​ള്ള പോ​ര് കൊ​റോ​ണ വൈ​റ​സി​ന്‍റെ കാ​ര്യ​ത്തി​ലും തു​ട​രു​ന്നു. വൈ​റ​സ് ബാ​ധ പ​ര​ന്ന​തി​നെ​ക്കു​റി​ച്ച് ഇ​രു രാ​ജ്യ​ങ്ങ​ളും ആ​രോ​പ​ണ പ്ര​ത്യാ​രോ​പ​ണ​ങ്ങ​ൾ പ​ണ്ടേ തു​ട​ങ്ങി​യി​രു​ന്നു.

ജൈ​വാ​യു​ധ പ​രീ​ക്ഷ​ണ​ങ്ങ​ളാ​ണ് ഇ​ത്ത​രം മാ​ര​ക വൈ​റ​സു​ക​ൾ​ക്കു പി​ന്നി​ലു​ള്ള​തെ​ന്ന ആ​രോ​പ​ണം ഉ​യ​ർ​ന്നി​രു​ന്നു​വെ​ങ്കി​ലും അ​തേ​ക്കു​റി​ച്ച് ആ​ധി​കാ​രി​ക​മാ​യ വെ​ളി​പ്പെ​ടു​ത്ത​ലൊ​ന്നു​മു​ണ്ടാ​യി​ല്ല. അ​തേ​സ​മ​യം വൈ​റ​സി​ന്‍റെ പേ​രി​ൽ ചൈ​ന​യെ പ​ഴി​ക്കാ​ൻ കി​ട്ടി​യ അ​വ​സ​രം അ​മേ​രി​ക്ക​ൻ പ്ര​സി​ഡ​ന്‍റ് പാ​ഴാ​ക്കി​യി​ല്ല. ക​ഴി​ഞ്ഞ തി​ങ്ക​ളാ​ഴ്ച ട്രം​പ് ന​ട​ത്തി​യൊ​രു ട്വീ​റ്റി​ൽ ചൈ​നീ​സ് വൈ​റ​സ് എ​ന്ന പ്ര​യോ​ഗം ഉ​ണ്ടാ​യി​രു​ന്നു. അ​ത് ചൈ​ന​യെ ചൊ​ടി​പ്പി​ച്ചു. അ​ടു​ത്ത ദി​വ​സം ട്രം​പ് ഈ ​പ്ര​യോ​ഗം ആ​വ​ർ​ത്തി​ക്കു​കയും ചെ​യ്തു.

അ​മേ​രി​ക്ക​യി​ലെ ചി​ല സം​സ്ഥാ​ന​ങ്ങ​ളി​ൽ “ചൈ​നീ​സ് വൈ​റ​സ്’’ രു​ക്ഷ​മാ​യി​ട്ടു​ണ്ടെ​ന്നും മ​റ്റു ചി​ല​യി​ട​ങ്ങ​ളി​ൽ കോ​വി​ഡ് വ്യാ​പ​നം തീ​ർ​ത്തും ഇ​ല്ലെ​ന്നു​മാ​യി​രു​ന്നു ട്രം​പി​ന്‍റെ ട്വീ​റ്റ്.

ഇ​ത്ത​രം പ്ര​യോ​ഗ​ങ്ങ​ൾ മാ​ന്യ​ത​യി​ല്ലാ​ത്ത​താ​ണെ​ന്നും ചൈ​ന​യ്ക്കെ​തി​രേ​യു​ള്ള ഇ​ത്ത​രം അ​ടി​സ്ഥാ​ന​ര​ഹി​ത​മാ​യ ആ​രോ​പ​ണ​ങ്ങ​ൾ അ​ടി​യ​ന്ത​ര​മാ​യി അ​വ​സാ​നി​പ്പി​ക്ക​ണ​​മെ​ന്നും ചൈ​നീ​സ് വി​ദേ​ശ​കാ​ര്യ വ​ക്താ​വ് ആ​വ​ശ്യ​പ്പെ​ട്ടി​ട്ടു​ണ്ട്. ഉ​ത്ത​ര​വാ​ദി​ത്വ​മി​ല്ലാ​ത്ത​വ​രും ക​ഴി​വു​കെ​ട്ട​വ​രു​മാ​യ രാ​ഷ്‌​ട്രീ​യ​ക്കാ​രാ​ണ് ഇ​ത്ത​രം വം​ശീ​യ പ്ര​യോ​ഗ​ങ്ങ​ൾ ന​ട​ത്തു​ന്ന​തെ​ന്ന് ചൈ​ന​യു​ടെ ഔ​ദ്യോ​ഗി​ക വാ​ർ​ത്താ ഏ​ജ​ൻ​സി​യാ​യ സി​ൻ​ഹു​വ അ​ഭി​പ്രാ​യ​പ്പെ​ട്ടു.

ത​ട​വു​കാ​ർ സ​ന്തോ​ഷ​ത്തി​ൽ

കോ​വി​ഡ്-19 പ​ട​രു​ന്പോ​ൾ ഇ​റാ​നി​ലെ​യും ഇ​റ്റ​ലി​യി​ലെ​യും ത​ട​വു​കാ​ർ സ​ന്തോ​ഷ​ത്തി​ലാ​ണ്. രാ​ഷ്‌​ട്രീ​യ​ത്ത​ട​വു​കാ​രു​ൾ​പ്പെ​ടെ പ​തി​നാ​യി​ര​ക്ക​ണ​ക്കി​നാ​ളു​ക​ളെ​യാ​ണ് ഇ​റാ​ൻ ജ​യി​ൽ മോ​ചി​ത​രാ​ക്കി​യ​ത്. ഇ​റ്റ​ലി​യി​ലാ​ക​ട്ടെ ത​ങ്ങ​ൾ​ക്ക് ഏ​ർ​പ്പെ​ടു​ത്തി​യ ക​ർ​ശ​ന നി​യ​ന്ത്ര​ണ​ങ്ങ​ളു​ടെ പേ​രി​ൽ ത​ടു​വ​കാ​ർ പ്ര​ക്ഷോ​ഭ​ത്തി​ലാ​ണ്. ചി​ല​യി​ട​ങ്ങ​ളി​ൽ ജ​യി​ൽ​ചാ​ട്ട ശ്ര​മ​ങ്ങ​ളും ന​ട​ന്നു.

ഇ​റ്റ​ലി​യു​ടെ വ​ട​ക്ക​ൻ പ്ര​ദേ​ശ​ങ്ങ​ളി​ലാ​ണ് ത​ട​വു​കാ​ർ കൂ​ടു​ത​ലും പ്ര​ശ്ന​ങ്ങ​ളു​ണ്ടാ​ക്കു​ന്ന​ത്. ഇ​വി​ടെ​യാ​ണു കൂ​ടു​ത​ൽ നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി​യി​രി​ക്കു​ന്ന​തും. മ​ദ്യോ​പ​യോ​ഗ​ത്തി​നു ക​ടു​ത്ത നി​യ​ന്ത്ര​ണ​മു​ള്ള ഇ​റാ​നി​ൽ മ​ദ്യ​പാ​നം കൊ​റോ​ണ വൈ​റ​സി​നെ ചെ​റു​ക്കു​മെ​ന്ന വ്യാ​ജ പ്ര​ചാ​ര​ണം നി​ര​വ​ധി പേ​രു​ടെ ജീ​വ​ൻ അ​പ​ഹ​രി​ക്കാ​നി​ട​യാ​ക്കി.


അ​ഭ​യാ​ർ​ഥി ഇ​നി അ​ധി​കാ​രി

അ​ഡ്‌​നാ​ൻ അ​ൽ സു​ർ​ഫി ഇ​റാ​ക്കി​ന്‍റ പ്ര​ധാ​ന​മ​ന്ത്രി പ​ദ​ത്തി​ലേ​ക്ക്. സ​ദ്ദാം ഭ​ര​ണ​കാ​ല​ത്ത് അ​മേ​രി​ക്ക​യി​ൽ അ​ഭ​യാ​ർ​ഥി​യാ​യി ക​ഴി​ഞ്ഞ​യാ​ളാ​ണ് സു​ർ​ഫി. ഇ​റാ​ക്കി​ലെ രാ​ഷ്‌​ട്രീ​യ അ​നി​ശ്ചി​ത​ത്വ​ത്തി​ൽ ഒ​ത്തു​തീ​ർ​പ്പു സ്ഥാ​നാ​ർ​ഥി​യെ​ന്ന നി​ല​യി​ലാ​ണ് സു​ർ​ഫി​യെ പ്ര​ധാ​ന​മ​ന്ത്രി സ്ഥാ​ന​ത്തേ​ക്കു പ​രി​ഗ​ണി​ച്ച​ത്. ഒ​രു മാ​സ​ത്തി​നു​ള്ളി​ൽ മ​ന്ത്രി​സ​ഭ രൂ​പ​വ​ത്ക​രി​ക്കാ​നു​ള്ള ദൗ​ത്യ​മാ​ണു സു​ർ​ഫി​യി​ൽ നി​ഷി​പ്ത​മാ​യി​ട്ടു​ള്ള​ത്. ഇ​പ്പോ​ഴ​ത്തെ സാ​ഹ​ച​ര്യ​ത്തി​ൽ ഇ​തു വ​ള​രെ ക​ഠി​ന​മാ​യൊ​രു ദൗ​ത്യം ത​ന്നെ.

പ്ര​വി​ശ്യാ ഗ​വ​ർ​ണ​റാ​യി ഇ​രു​ന്നി​ട്ടു​ണ്ടെ​ങ്കി​ലും ഇ​റാ​ക്കി രാ​ഷ്‌​ട്രീ​യ​ത്തി​ൽ അ​ത്ര അ​റി​യ​പ്പെ​ടു​ന്ന ആ​ളൊ​ന്നു​മ​ല്ല സു​ർ​ഫി. സ​ദ്ദാം ഹു​സൈ​ന്‍റെ പ​ത​ന​ത്തി​നു​ശേ​ഷം ‍ഇ​റാ​ക്ക് അ​മേ​രി​ക്ക​ൻ അ​ധി​നി​വേ​ശ​ത്തി​ലാ​യി​രു​ന്ന കാ​ല​ത്താ​ണ് ഷി​യാ ഭൂ​രി​പ​ക്ഷ​മു​ള്ള ന​ജാ​ഫ് പ്ര​വി​ശ്യ​യി​ലെ ഗ​വ​ർ​ണ​റാ​യി സു​ർ​ഫി അ​ധി​കാ​ര​ത്തി​ലി​രു​ന്ന​ത്.

ക​ഴി​ഞ്ഞ ന​വം​ബ​റി​ൽ ഇ​റാ​ക്കി​ൽ അ​ര​ങ്ങേ​റി​യ ആ​ഭ്യ​ന്ത​ര ക​ല​ഹ​ത്തി​ൽ നൂ​റു​ക​ണ​ക്കി​നാ​ളു​ക​ൾ കൊ​ല്ല​പ്പെ​ട്ടി​രു​ന്നു. ഇ​തേത്തു​ട​ർ​ന്നാ​ണ് അ​ദ​ൽ അ​ബ്‌​ദു​ൾ മ​ഹ​ദി​ക്ക് പ്ര​ധാ​ന​മ​ന്ത്രി സ്ഥാ​നം രാ​ജി​വ​യ്ക്കേ​ണ്ടി​വ​ന്ന​ത്. പി​ന്നീ​ടു​ണ്ടാ​യ രാ​ഷ്‌​ട്രീ​യ അ​നി​ശ്ചി​ത​ത്വ​ത്തി​നൊ​ടു​വി​ലാ​ണ് ബ​ർ​ഹാം സാ​ലി​ഹ് സു​ർ​ഫി​യെ പു​തി​യ മ​ന്ത്രി​സ​ഭ രൂ​പ​വ​ത്ക​രി​ക്കാ​ൻ പ്ര​സി​ഡ​ന്‍റ് ചു​മ​ത​ല​പ്പെ​ടു​ത്തി​യ​ത്. ഫെ​ബ്രു​വ​രി ആ​ദ്യം മൊ​ഹ​മ്മ​ദ് അ​ദ​ൽ മ​ഹ​ദി​യെ പ്ര​ധാ​ന​മ​ന്ത്രി​യാ​യി പ്ര​സി​ഡ​ന്‍റ് സാ​ലി​ഹ് നാ​മ​നി​ർ​ദേ​ശം ചെ​യ്തി​രു​ന്നെ​ങ്കി​ലും അ​ദ്ദേ​ഹം പി​ന്മാ​റു​ക​യാ​യി​രു​ന്നു.

ഇ​റാ​നോ​ടു കൂ​റു പു​ല​ർ​ത്തു​ന്ന വി​ഭാ​ഗം സു​ർ​ഫി​യു​ടെ നാ​മ​നി​ർ​ദ​ശ​ത്തെ അ​നു​കൂ​ലി​ക്കു​ന്നി​ല്ല. ഈ ​സാ​ഹ​ച​ര്യ​ത്തി​ൽ പാ​ർ​ല​മെ​ന്‍റി​ൽ ഭൂ​രി​പ​ക്ഷം നേ​ടു​ക സു​ർ​ഫി​യെ സം​ബ​ന്ധി​ച്ചി​ട​ത്തോ​ളം വ​ലി​യ വെ​ല്ലു​വി​ളി​ത​ന്നെ. അ​ദ്ഭു​തം ന​ട​ന്നാ​ൽ മാ​ത്ര​മേ സു​ർ​ഫി​ക്ക് പ്ര​ധാ​ന​മ​ന്ത്രി​ക്ക​സേ​ര​യി​ൽ ഇ​രി​ക്കാ​നാ​വൂ എ​ന്നു പ​റ​യു​ന്ന​വ​രു​മു​ണ്ട്.

ഇ​തി​നി​ടെ ഇ​റാ​ക്കി​ൽ​നി​ന്നു​ള്ള സേ​നാ പി​ന്മാ​റ്റം യു​എ​സ് നേ​തൃ​ത്വ​ത്തി​ലുള്ള സ​ഖ്യ​സേ​ന ഊ​ർ​ജി​ത​മാ​ക്കി. നൂ​റു ക​ണ​ക്കി​നു പ​ട്ടാ​ള​ക്കാ​രെ മ​റ്റു സ്ഥ​ല​ങ്ങ​ളി​ലേ​ക്കു നി​യോ​ഗി​ച്ചു​ക​ഴി​ഞ്ഞു. ഇ​റാ​ക്കി​ലെ അ​മേ​രി​ക്ക​ൻ സേ​നാ താ​വ​ള​ങ്ങ​ൾ​ക്കു നേ​രേ നി​ര​ന്ത​രം റോ​ക്ക​റ്റ് ആ​ക്ര​മ​ണ​ങ്ങ​ൾ ന​ട​ക്കാ​റു​ണ്ട്. ഇ​റാ​ന്‍റെ പി​ന്തു​ണ​യു​ള്ള ഇ​റാ​ക്കി വി​മ​ത​രാ​ണ് ഈ ​ആ​ക്ര​മ​ണ​ങ്ങ​ൾ​ക്കു പി​ന്നി​ലെ​ന്നാ​ണ് അ​മേ​രി​ക്ക ആ​രോ​പി​ക്കു​ന്ന​ത്. അ​ഫ്ഗാ​നി​സ്ഥാ​നി​ലെ​പ്പോ​ലെ ഇ​നി​യും ഏ​റെ ന​ഷ്‌​ടം സ​ഹി​ക്കാ​ൻ അ​മേ​രി​ക്ക ഇ​റാ​ക്കി​ലും ത​യാ​റ​ല്ല.

ബി​ൽ ഗേ​റ്റ്സ് പ​ടി​യി​റ​ങ്ങു​ന്നു

വി​വ​ര സാ​ങ്കേ​തി​ക​വി​ദ്യ​യി​ൽ പു​തി​യൊ​രു വി​പ്ല​വം സൃ​ഷ്‌​ടി​ച്ച മൈ​ക്രോ​സോ​ഫ്റ്റി​ന്‍റെ ഡ​യ​റ​ക്‌​ട​ർ ബോ​ർ​ഡി​ൽ​നി​ന്നു ബി​ൽ ഗേ​റ്റ്സ് പ​ടി​യി​റ​ങ്ങു​ന്നു. നാ​ല​ര ദ​ശാ​ബ്ദ​മാ​യി മൈ​ക്രോ​സോ​ഫ്റ്റ് എ​ന്നാ​ൽ ബി​ൽ ഗേ​റ്റ്സി​നെ​യാ​ണു ലോ​കം ഓ​ർ​ത്തി​രു​ന്ന​ത്. ഉ​റ്റ സു​ഹൃ​ത്താ​യ വാ​റ​ൻ ബ​ഫ​റ്റി​ന്‍റെ നേ​തൃ​ത്വ​ത്തി​ലു​ള്ള ബെ​ർ​ക്ക്ഷ​യ​ർ ഹാ​ത്താ​വേ​യു​ടെ ബോ​ർ​ഡി​ൽ​നി​ന്നും ബി​ൽ ഗേ​റ്റ്സ് ഒ​ഴി​വാ​കും.

ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ​ക്കാ​യി കൂ​ടു​ത​ൽ സ​മ​യം ചെ​ല​വ​ഴി​ക്കാ​നാ​ണ് ബി​ൽ ഗേ​റ്റ്സ് ഈ ​ഔ​ദ്യോ​ഗി​ക സ്ഥാ​ന​ങ്ങ​ളെ​ല്ലാം ഉ​പേ​ക്ഷി​ക്കു​ന്ന​ത്. ബി​ൽ ഗേ​റ്റ്സും ഭാ​ര്യ മെ​ലി​ൻ​ഡ​യും നേ​ര​ത്തേ മു​ത​ൽ ജീ​വ​കാ​രു​ണ്യ പ്ര​വ​ർ​ത്ത​ന​രം​ഗ​ത്ത് സ​ജീ​വ​മാ​ണ്. ബി​ൽ ആ​ൻ​ഡ് മെ​ലി​ൻ​ഡ ഗേ​റ്റ്സ് ഫൗ​ണ്ടേ​ഷ​ൻ ശ​ത​കോ​ടി​ക​ളു​ടെ ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളാ​ണു ന​ട​ത്തി​പ്പോ​രു​ന്ന​ത്.

ആ​രോ​ഗ്യ, വി​ദ്യാ​ഭ്യാ​സ മേ​ഖ​ല​ക​ളി​ൽ ആ​ഗോ​ള ത​ല​ത്തി​ൽ കൂ​ടു​ത​ൽ ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളി​ലേ​ർ​പ്പെ​ടാ​നാ​ണു ബി​ൽ ഗേ​റ്റ്സി​ന്‍റെ തീ​രു​മാ​നം. കാ​ലാ​വ​സ്ഥാ വ്യ​തി​യാ​ന​വു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ളി​ലും കൂ​ടു​ത​ൽ ശ്ര​ദ്ധ ചെ​ലു​ത്തും.

മൈ​ക്രോ​സോ​ഫ്റ്റി​നെ ഈ ​നി​ല​യി​ലെ​ത്തി​ച്ച​തി​നു പി​ന്നി​ൽ ബി​ൽ ഗേ​റ്റ്സി​ന്‍റെ സാ​ങ്കേ​തി​ക വൈ​ദ​ഗ്ധ്യ​വും ബി​സി​ന​സ് മി​ക​വും ഏ​റെ​യു​ണ്ടാ​യി​രു​ന്നു. ക​ഴി​ഞ്ഞ കു​റെ വ​ർ​ഷ​ങ്ങ​ളാ​യി ക​ന്പ​നി​യി​ൽ​നി​ന്നു ഘ​ട്ടം​ഘ​ട്ട​മാ​യി പി​ൻ​വാ​ങ്ങി​ക്കൊ​ണ്ടി​രി​ക്കു​യാ​യി​രു​ന്നു അ​ദ്ദേ​ഹം. 2008ൽ ത്തന്നെ മൈ​ക്രോ​സോ​ഫ്റ്റി​ന്‍റെ ദൈ​നം​ദി​ന പ്ര​വ​ർ​ത്ത​ന​ങ്ങ​ളി​ൽ​നി​ന്ന് അ​ദ്ദേ​ഹം കു​റേ​ശേ വി​ട്ടു​നി​ന്നു തു​ട​ങ്ങി. അ​തേ​സ​മ​യം 2014 വ​രെ ക​ന്പ​നി​യു​ടെ ചെ​യ​ർ​മാ​ൻ എ​ന്ന നി​ല​യി​ൽ തു​ട​ർ​ന്നു. പു​തി​യ നേ​തൃ​ത്വ​ത്തെ വാ​ർ​ത്തെ​ടു​ക്കു​ക​യും ക​ന്പ​നി​യു​ടെ അ​ടി​ത്ത​റ ശ​ക്ത​മാ​ക്കു​ക​യും ചെ​യ്ത ശേ​ഷ​മാ​യി​രു​ന്നു ഈ ​പി​ൻ​വാ​ങ്ങ​ൽ. ഇ​തൊ​ക്കെ​യാ​ണെ​ങ്കി​ലും മൈ​ക്രോ​സോ​ഫ്റ്റി​ന്‍റെ ഏ​റ്റ​വും വ​ലി​യ വ്യ​ക്തി​ഗ​ത ഓ​ഹ​രി ഉ​ട​മ ബി​ൽ ഗേ​റ്റ്സ് ത​ന്നെ​യാ​യി​രി​ക്കും.

മൈ​ക്രോ​സോ​ഫ്റ്റി​ന്‍റെ 10 കോ​ടി ഓ​ഹ​രി​ക​ളാ​ണ് ഗേ​റ്റ്സി​നു​ള്ള​ത്. മൊ​ത്തം ഓ​ഹ​രി​യു​ടെ 1.3 ശ​ത​മാ​നം വ​രു​മി​ത്. 1600 കോ​ടി ഡോ​ള​റാ​ണി​പ്പോ​ൾ ഇ​തി​ന്‍റെ വി​പ​ണി മൂ​ല്യം. ഇ​ന്ത്യ​ൻ വം​ശ​ജ​നാ​യ സ​ത്യ ന​ഡെല്ല​യാ​ണ് ഇ​പ്പോ​ൾ മൈ​ക്രോ​സോ​ഫ്റ്റി​ന്‍റെ സി​ഇ​ഒ. ന​ഡെല്ലയു​മാ​യി ചേ​ർ​ന്നു തു​ട​ർ​ന്നും പ്ര​വ​ർ​ത്തി​ക്കു​മെ​ന്നും ബി​ൽ ഗേ​റ്റ്സ് വ്യ​ക്ത​മാ​ക്കി​യി​ട്ടു​ണ്ട്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.