Toggle navigation
HOME
NEWS
LATEST NEWS
LOCAL NEWS
KERALA
NATIONAL
INTERNATIONAL
BUSINESS
SPORTS
EDITORIAL
E - PAPER
LEADER PAGE
CHOCOLATE
OBIT
NRI
MOVIES
HEALTH
VIRAL
AGRI
TECH
INSIDE
SPECIAL FEATURE
SPECIAL NEWS
ENGLISH EDITION
TODAY'S STORY
STHREEDHANAM
AUTO SPOT
CATROONS
CAREER DEEPIKA
JEEVITHAVIJAYAM
ALLIED PUBLICATIONS
MATRIMONIAL
YOUTH SPECIAL
SUNDAY DEEPIKA
SAMSKARIKAM
CHOCOLATE
STUDENT REPORTER
SMART STUDENT
E - SHOPPING
DEEPIKA CALENDAR
COURT NOTICE
TRAVEL
QUIZ
BACK ISSUES
ABOUT US
STRINGER LOGIN
ശാസ്ത്ര നൊബേലിൽ പ്രപഞ്ചത്തിന്റെ ജീവനും പ്രപഞ്ചത്തിലെ ജീവനും
Saturday, October 10, 2020 11:26 PM IST
വൈദ്യശാസ്ത്ര, ഭൗതികശാസ്ത്ര, രസതന്ത്ര, നൊബേൽ സമ്മാന ജേതാക്കളിൽ മൂന്നു പേർ വനിതകളാണെന്നത് ഈ വർഷത്തെ നൊബേൽ പ്രഖ്യാപനത്തെ ശ്രദ്ധേയമാക്കുന്നു. ഭൗതിക ശാസ്ത്ര വിഷയത്തിൽ സമ്മാനാർഹരായ മൂന്നു പേരിൽ ഒരാൾ വനിതയാണെങ്കിൽ രസതന്ത്ര ജേതാക്കൾ രണ്ടു പേരും വനിതകളാണ്. നൊബേൽ സമ്മാന ചരിത്രം പരിശോധിക്കുകയാണെങ്കിൽ ഭൗതിക നൊബേലിലെ നാലാമത്തെയും രസതന്ത്രത്തിലെ ആറാമത്തെയും ഏഴാമത്തെയും വനിതാ സാന്നിധ്യമാണ് ഇത്. മേരി ക്യൂറിയെന്നൊരു ധീരവനിത 1903-ലും 1911-ലുമായി യഥാക്രമം ഭൗതികശാസ്ത്രത്തിലും രസതന്ത്രത്തിലും നൊബേൽ സമ്മാനാർഹയായിരുന്നുവെന്നത് ഇന്നും ഒരു അത്ഭുതമായി ശാസ്ത്ര ലോകത്തിനു പ്രചോദനമേകുന്നു.
ഭൗതികശാസ്ത്രത്തിൽ തുടർച്ചയായി രണ്ടു വർഷങ്ങളിൽ ജ്യോതിശാസ്ത്ര വിഷയത്തിൽത്തന്നെ നൊബേൽ സമ്മാനം നൽകപ്പെട്ടുവെന്നതും ഈ വർഷത്തെ പ്രത്യേകതയാണ്. ഭൗതിക ശാസ്ത്ര പുരസ്കാര വിഷയം പ്രപഞ്ചത്തിന്റെ ജീവനുമായി ബന്ധപ്പെട്ടതെങ്കിൽ മറ്റു രണ്ടു വിഷയങ്ങളിലെ അംഗീകാരങ്ങളും പ്രപഞ്ചത്തിലെ ജീവനുമായി ചേർന്നുനിൽക്കുന്നു. പുരസ്കാര വേളയിൽ സൂചിപ്പിക്കപ്പെട്ടതുപോലെ ഒട്ടേറെ മേന്മകൾ നിറഞ്ഞതെങ്കിലും രസതന്ത്ര നൊബേൽ വിഷയം ഏറെ ശ്രദ്ധാപൂർവം മാത്രം കൈകാര്യം ചെയ്യേണ്ട വിഷയമാണ്.
പലർക്കും ഇന്നിപ്പോൾ സുപരിചിതമായ ഹെപ്പറ്റൈറ്റിസ് സി വൈറസിനെ കണ്ടെത്തിയതിനാണ് ഹാർവി ജെ. ആൾട്ടർ, മൈക്കൾ ഹാട്ടൻ, ചാൾസ് എം. റൈസ്, എന്നീ അമേരിക്കൻ ശാസ്ത്രജ്ഞർക്ക് വൈദ്യ ശാസ്ത്ര നൊബേൽ ലഭിച്ചത്. കരളിനെ ബാധിക്കുന്ന ഹെപ്പറ്റൈറ്റിസ് (മഞ്ഞപ്പിത്തം അഥവാ കരൾവീക്കം) വൈറസുകൾ പല വകഭേദങ്ങളുണ്ട്. ഇവയിൽ എ, ഇ വിഭാഗങ്ങൾ ഭക്ഷണം, വെള്ളം, വിസർജ്യവസ്തുക്കൾ തുടങ്ങിയവയിലൂടെയാണ് പകരുന്നതെങ്കിൽ ബി, സി, ഡി വൈറസുകൾ രക്തത്തിലൂടെയും മറ്റു ശരീരദ്രാവകങ്ങൾ വഴിയുമാണ് സംക്രമിക്കപ്പെടുന്നത്. രക്തദാനമാണ് പലപ്പോഴും ബി, സി, ഡി വൈറസുകൾ പകരുന്നതിനു കാരണമായി ഭവിക്കുന്നത്.
ഹെപ്പറ്റൈറ്റിസ് സി കണ്ടുപിടിക്കാതിരുന്നതു മൂലം രക്തത്തിലൂടെ പകർന്ന പല ഹെപ്പറ്റൈറ്റിസ് കേസുകളും പൂർണമായി വിശദീകരിക്കാനോ വേണ്ട രീതിയിൽ ചികിത്സിക്കാനോ സാധിച്ചിരുന്നില്ല. എന്നാൽ, ഹെപ്പറ്റൈറ്റിസ് സിയുടെ കണ്ടെത്തൽ ഇവയ്ക്കെല്ലാം ഒരു പരിഹാരമായി എന്ന് മാത്രമല്ല രക്ത പരിശോധന സി വൈറസിലേക്കു കൂടി വ്യാപിപ്പിക്കുവാൻ കാരണമായി.
ഹെപ്പറ്റൈറ്റിസ് സംബന്ധമായ ഗവേഷണത്തിന് നൊബേൽ സമ്മാനം ലഭിക്കുന്നതാദ്യമല്ല. 1976-ലെ വൈദ്യ ശാസ്ത്ര നൊബേൽ സമ്മാനം ഹെപ്പറ്റൈറ്റിസ് ബിയുടെ കണ്ടുപിടിത്തത്തിനായിരുന്നു. ഹെപ്പറ്റൈറ്റിസ് എ, ബി, ഡി, ഇ വൈറസുകൾക്കു വാക്സിൻ കണ്ടെത്തിയിട്ടുണ്ടെങ്കിലും സി വൈറസിനെതിരെ ഇനിയും വാക്സിൻ കണ്ടെത്താനായിട്ടില്ലെന്നത് ഇന്നും ഒരു ഭീഷണിയായി അവശേഷിക്കുന്നു.
ജനിതക ഘടനയിൽ മാറ്റങ്ങൾ വരുത്തുന്ന സാങ്കേതിക വിദ്യയായ ജീനോം എഡിറ്റിംഗിനായുള്ള കൃത്യതയേറിയ ഒരു മാർഗം വികസിപ്പിച്ചെടുത്തതിനാണ് ഫ്രഞ്ച് ശാസ്ത്രജ്ഞ ഇമ്മാനുവേൽ ഷാർപെന്റിയർ, അമേരിക്കൻ ശാസ്ത്രജ്ഞ ജന്നിഫർ ഡൗഡ്ന എന്നിവർ രസതന്ത്ര നൊബേലിനർഹരായത്. ക്രിസ്പർ കേസ് 9 ജനറ്റിക് സിസർ എന്ന വിദ്യയാണ് ഇവർ 2012ൽ സംഭാവന ചെയ്തത്.
ജീവജാലങ്ങളുടെ ഡിഎൻഎ ഘടനയിൽ വളരെ കൃത്യതയോടെ മാറ്റങ്ങൾ വരുത്താമെന്നതാണ് ഈ വിദ്യയുടെ മേന്മ. പാരമ്പര്യമായി വന്നു ഭവിക്കുന്ന രോഗങ്ങൾ തുടച്ചുമാറ്റുന്നതിനും പ്രധാനമായും കൃഷി രംഗത്തു മേന്മയേറിയ വിളകൾ സൃഷ്ടിക്കുന്നതിനുമെല്ലാം ഈ സാങ്കേതികവിദ്യ പ്രയോജനംചെയ്യും. അടിസ്ഥാനപരമായി ചിന്തിക്കുമ്പോൾ, ജീവന്റെ നിയമാവലി തന്നെ മാറ്റി എഴുതാമെന്നത് ഒട്ടേറെ സാധ്യതകൾ നമുക്കു മുന്നിൽ തുറന്നിടുമ്പോൾ ഇതുയർത്തുന്ന വെല്ലുവിളികളും ചെറുതല്ല. 2018-ൽ ചൈനയിൽ ക്രിസ്പർ കേസ് വിദ്യയുപയോഗിച്ചു രണ്ടു പെൺ കുഞ്ഞുങ്ങളെ ജീൻ എഡിറ്റിംഗിന് വിധേയമാക്കിയത് ഹി ജിൻകുയി എന്ന ശാസ്ത്രജ്ഞനെ മൂന്നു വർഷത്തെ ജയിൽ ശിക്ഷയിലേക്കു നയിച്ചുവെന്നത് ഈ രംഗത്ത് നീതിശാസ്ത്രത്തിനുള്ള പ്രസക്തി ചൂണ്ടിക്കാട്ടുന്നു.
ഭൗതികശാസ്ത്ര നൊബേൽ വീണ്ടും ജ്യോതിശാസ്ത്ര വിഷയത്തിൽ
പ്രകൃതിയിൽ തന്നെ ഏറ്റവും ശക്തനെന്നു വിശേഷിപ്പിക്കാവുന്ന തമോദ്വാരങ്ങൾ അഥവാ തമോഗർത്തങ്ങളുടെ സാന്നിധ്യം, വിശ്വപ്രസിദ്ധ ഭൗതിക ശാസ്ത്രജ്ഞനായ ആൽബർട്ട് ഐൻസ്റ്റൈന്റെ സാമാന്യ ആപേക്ഷികതാ സിദ്ധാന്തമുപയോഗിച്ചു, സ്ഥാപിച്ചതിനാണ് ബ്രിട്ടീഷ് ശാസ്ത്രജ്ഞനായ റോജർ പെൻറോസ് ഭൗതിക ശാസ്ത്ര നൊബേലിന് അർഹനായത്.
അദ്ദേഹത്തോടൊപ്പം പുരസ്കാരം പങ്കിട്ട ജർമൻ ശാസ്ത്രജ്ഞൻ റെയ്നാർഡ് ഗൺസൽ, അമേരിക്കൻ ശാസ്ത്രജ്ഞ ആൻഡ്രിയ മിയ ഘെസ് എന്നിവർ, നാം ജീവിക്കുന്ന നക്ഷത്ര സമൂഹമായ ആകാശഗംഗയുടെ കേന്ദ്രഭാഗത്തായി നിലകൊള്ളുന്ന സാജിറ്റേറിയസ് എ സ്റ്റാർ എന്ന തമോഗർത്തം കണ്ടെത്തിയത്, പെൻറോസിന്റെ നിഗമനം ശരിവയ്ക്കുന്നതിനു സഹായിച്ചു.
ഏറെ പിണ്ഡമുള്ള നക്ഷത്രങ്ങൾ അവയുടെ പ്രവർത്തനശേഷിയെല്ലാം തീർന്നു പ്രായാധിക്യമായി നിൽക്കുന്ന അവസ്ഥയാണ് തമോദ്വാരങ്ങൾ എന്നറിയപ്പെടുന്നത്. വളരെയധികം ദ്രവ്യം ചെറിയൊരു വ്യാപ്തത്തിൽ ഒതുങ്ങിയിരിക്കുന്നുവെന്നതിനാൽ ഇവയുടെ ഗുരുത്വാകർഷണ ബലം അത്യധികമാണ്. ഇക്കാരണങ്ങളാൽത്തന്നെ പരോക്ഷമായ മാർഗങ്ങളാണ് തമോദ്വാരങ്ങൾ കണ്ടെത്തുന്നതിന് ഉപയോഗിക്കപ്പെടുന്നത്.
സൂര്യനെക്കാൾ ഏകദേശം 40 ലക്ഷം മടങ്ങു പിണ്ഡമുണ്ട് സാജിറ്റേറിയസ് എ സ്റ്റാറിന്. സാമാന്യ ആപേക്ഷികതാ സിദ്ധാന്തമാണ് തമോദ്വാരങ്ങളുടെ നിലനിൽപ്പിന് അടിസ്ഥാനമെങ്കിലും അവ പ്രകൃതിയിൽ നിലനിൽക്കുന്നുണ്ടെന്ന് സ്ഥാപിക്കാൻ ഐൻസ്റ്റൈൻ തയാറായിരുന്നില്ല. തമോദ്വാരങ്ങളുടെ ഉത്ഭവം, നിലനിൽപ്പ് എന്നിവയെക്കുറിച്ചു ഗണിതശാസ്ത്രപരമായ സിദ്ധാന്തങ്ങൾ ആവിഷ്കരിക്കുന്നതിനു പെൻറോസ് 1965-ൽ തുടക്കമിട്ടു.
ഈ വിഷയത്തിൽ അദ്ദേഹത്തിന്റെ സഹയാത്രികനായിരുന്നു 2018-ൽ നമ്മെ വിട്ടകന്ന മഹാത്ഭുതം സ്റ്റീഫൻ ഹോക്കിങ്. ഹോക്കിങ് ജീവിച്ചിരുന്നെങ്കിൽ ഒരു പക്ഷേ അദ്ദേഹവും ഇന്നിപ്പോൾ നൊബേൽ നിരയിൽ തിളങ്ങിയേനെ. ശാസ്ത്രലോകവും ഏറെ കൊതിച്ചിരുന്ന ഒന്നായിരുന്നു ഇത്.
ഡോ. ഐസൺ വി. വഞ്ചിപ്പുരയ്ക്കൽ
(പാലാ സെന്റ് തോമസ് കോളജ് ഭൗതിക ശാസ്ത്ര വിഭാഗം മേധാവിയാണ് ലേഖകൻ)
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
ജനവിധിയിലെ തലവിധി
കേരളം വിധിയെഴുതി. രണ്ടു മാസത്തെ പൊരിവെയിലിലെ പ്രചാരണം പതിവുപോലെ കൊഴുപ്പിക
കൊലക്കേസ് പ്രതികള്ക്കുവേണ്ടി വിദഗ്ധ സമിതി?
രണ്ടു കൂട്ടര് - അതു മനുഷ്യനാകട്ടെ മൃഗമാകട്ടെ രാ
വന്യജീവി ആക്രമണം; സിമ്മർമാനെയും അട്ടിമറിക്കുമോ?
കേരളത്തിൽ വന്യജീവി ആക്രമണങ്ങൾ സർവനിയന്ത്രണങ്ങളും ഭേദിച്ചു മുന്നേറുമ്പോൾ ഇ
നിർണായകമായ പത്ത് സെക്കൻഡ്
"10 സെക്കൻഡ്, നമ്മുടെ ജീവിതത്തിലെ നിർണായകമായ 10 സെക്കൻഡ്. ലോകം നമ്മെ എപ്രകാരം
മാതൃകാ പെരുമാറ്റച്ചട്ട ലംഘനം അതീവ ഗൗരവതരം
തെരഞ്ഞെടുപ്പ് സുതാര്യവും നീതിയുക്തവുമായി
ഗ്രീക്ക് തത്വങ്ങളിലെ ഇന്ത്യന് സ്വാധീനം
‘എല്ലാ വിജ്ഞാനത്തെയും അതിലംഘിക്കുന്നതാണ് തങ്ങളുടെ വിജ്ഞാനം’ എന്ന് വിചാരിച്ചിരു
പോരാട്ടം ഭൂമിയും പ്ലാസ്റ്റിക്കും തമ്മിൽ! ആർക്കാണ് നിങ്ങളുടെ വോട്ട്?
ഗ്രഹവും പ്ലാസ്റ്റിക്കും തമ്മിൽ എന്നുള്ളതാണ് ഈ വർഷത്തെ ലോക ഭൗമ ദിനാചരണ വിഷയം. 1
ഇന്ത്യയുടെ മഹത്വം: പ്രാചീന പാശ്ചാത്യകൃതികളില്
ലോകരാഷ്ട്രങ്ങളുടെ നേതൃനിരയില്ത്തന്നെ ഇന്ത്യക്ക് ഇന്ന് സ്ഥാനമുണ
വർഗീയതയും ജാതിക്കാർഡും!
പതിനെട്ടാമത് ലോക്സഭാ തെരഞ്ഞ
സിവിൽ സർവീസ് എളുപ്പമാണ്
പ്രാഥമിക വിദ്യാഭ്യാസത്തിനു പുറമെ ഉന്നതവിദ്യാഭ്യാസത്തിലും സാങ്കേതിക വിദ്യാഭ്യാ
എല്ലാരും ചൊല്ലണ പാട്ടുകാരന്റെ ജന്മശതാബ്ദി ഇന്ന്
അതുല്യ കവിയും ഗാനരചയിതാവും സംവിധായ
ആ സ്വാതന്ത്ര്യത്തിന്റെ സ്വർഗത്തിലേക്ക്
രവീന്ദ്രനാഥ ടാഗോർ തന്നെ സാഹിത്യത്തിനുള്ള നൊബേൽ സമ്മാനത്തിന് അർഹനാക്കിയ ഗീ
മഹാപൂരമായി വോട്ടുത്സവം
ലോകത്തിലെ ഏറ്റവും വലിയ ജനാധിപത്യ ഉല്സവത്തിന് ഇന്നലെ തുടക്കമായി. തൃശൂര് പൂര
പ്രകടനപത്രികകളും ചില ചോദ്യങ്ങളും
രാഷ്ട്രം ലോക്സഭാ തെരഞ്ഞെടുപ്പിലേക്കു ചുവടു വച്ചിരിക്കുന്നു. ഈ അവസരത്തിൽ കേര
സമരസപ്പെടാത്ത ജെഡിഎസും ബിജെപിയും
2023ലെ വിധാൻസഭാ തെരഞ്ഞെ
ഇന്ത്യൻ വിദ്യാർഥികളുടെ ദുരൂഹമരണം; യുഎസിൽ സംഭവിക്കുന്നത്...
അമേരിക്കയിൽനിന്ന് അടുത്തകാലത്തു തുടർച്ചയായി എത്തുന്ന ചില വാർത്തകൾ അവിടെ പഠ
ജനസംഖ്യ ഉയരുന്നു, പ്രായവും കൂടുന്നു
ഇന്ത്യയിലെ ജനസംഖ്യ 144 കോടിയിൽ എത്തിയെന്ന് ഐക്യരാഷ്
പ്രണയക്കെണികളും ചില യാഥാർഥ്യങ്ങളും
സമീപകാല കേരളത്തിലെ തർക്കവിഷയങ്ങളാണ് പ്രണയക്കെണികളും തീവ്രവാദവും. കേരളത്
വേനൽച്ചൂടിലും സുഖമായി ഉറങ്ങാം!
വേനൽച്ചൂടിൽ രാത്രിയുറക്കമാണ് പലർക്കും പ്രതിസന്ധി. എസി ഇല്ലാതെ രാത്രയിൽ സുഖമാ
അശാന്തിയിൽ ആശങ്ക
ഇനി എന്തു സംഭവിക്കും? ലോകം ഭയപ്പാടോടെ ചോദിക്കുന്നു. ഇസ്രയേലിന്റെ പ്രഹരവും ഇറാ
കുളം കലക്കി മീൻപിടിത്തം!
അങ്ങനെ മറ്റൊരു തെരഞ്ഞെടുപ്പുകാലം. രാഷ്ട്രീയ പാർട്ടികളും അവരുടെ സ്ഥാനാർഥിക
പ്രചാരണച്ചൂടില്ലാതെ മോദിനാട്
അഹമ്മദാബാദിൽനിന്ന് ജയ്സൺ ജോയ്
രാജ്യം വീണ്ടു
വല്ലാത്ത കേരളാ സ്റ്റോറികൾ!
2024ലെ ലോക്സഭാ തെരഞ്ഞെടുപ്പ് പടിവാതിലിൽ എത്തി നിൽക്കുന്പോൾ എന്ത
അംബേദ്കറുടെ ദുഃഖം!
രാഷ്ട്രീയവും സാന്പത്തികവും വിദ്യാഭ്യാസവും അധികാര പ്രാതിനിധ്യവ
വോട്ടവകാശ തിരിച്ചറിവുകൾ
തെരഞ്ഞെടുപ്പു കാലത്ത് വാഗ്ദാനങ്ങളും പ്രതീക്ഷകളും ഒഴുകുകയാണ്. വർഗീയവും ജാതീയ
ഇനിയെങ്കിലും ചെയ്യരുതോ സർക്കാരേ?
2021 മുതൽ പശ്ചിമഘട്ട ജനസംരക്ഷണ സമിതി നേതാക്കളടക്കം മുഖ്യമന്ത്രിയെ സമീപിച്ച്
കസ്തൂരിരംഗൻ വിജ്ഞാപനം; ഇതു കുറ്റകരമായ ഉറക്കം!
കസ്തൂരിരംഗൻ റിപ്പോർട്ട് അനുസരിച്ചുള്ള പശ്ചിമഘട്ട
വന്യജീവികളെ അവർ എന്തു ചെയ്യുന്നു?
ഇൻഷ്വറൻസ് ഇൻസ്റ്റിറ്റ്യൂട്ട് ഫോർ ഹൈവേ സേഫ്റ്റിയുടെ കണക്കനുസരിച്ച്, അമേരിക്കയ
വന്യജീവി: എത്ര നാൾ പൊതിഞ്ഞുവയ്ക്കും?
മനുഷ്യനും വന്യമൃഗങ്ങളും തമ്മിലുള്ള സംഘർഷം ആഗോളതലത്ത
ചരിത്രത്തിനുമേൽ കത്രിക!
നമ്മുടെ ലോകത്തെ പല മുതലാളിത്ത-സാമ്രാജ്യത്വ ഭരണകൂടങ്ങളും തങ്ങളുടെ വർഗതാത്പ
തകഴിയുടെ സ്വന്തം പരീക്കുട്ടി
“ചെമ്മീൻ റിലീസായശേഷം ചില ചടങ്ങുകളിലൊക്കെ വച്ചു കാണു
പത്തു കാർഷിക യോജനകൾ, ഒരു വിലയിരുത്തൽ
പൊതുപത്രമാധ്യമങ്ങളിലൂടെ കേന്ദ്രസർക്കാർ പ്രസിദ്ധപ്പെടുത്തിയ മുഖ്യഭരണനേട്ട
മനുഷ്യമഹത്വത്തിന് ഒരു മാഗ്നാകാർട്ട
സാർവത്രിക മനുഷ്യാവകാശ പ്രഖ്യാപനത്തിന്റെ 75-ാം വാർഷികം പ്രമാണി
ഗാരന്റികളും കർഷകസമരവും
സ്വതന്ത്ര ഇന്ത്യ ഒരു അവികസിത കാർ
അതിർവരമ്പുകളില്ലാത്ത കാരുണ്യസ്പർശം
കേരള രാഷ്ട്രീയത്തിലെ എല്ലാ തലങ്ങളിലും നിർണാ
വംശഹത്യകളിൽനിന്നുള്ള റുവാണ്ടയുടെ ഉയിർത്തെഴുന്നേൽപ്പ്
റുവാണ്ടൻ വംശഹത്യ നടന്നിട്ട് 30 വർഷം പൂർത്തിയാ
വിദ്യാഭ്യാസം: തർക്കങ്ങളല്ല, വേണ്ടത് തിരിച്ചറിവുകൾ
ഒന്നുരണ്ടു ദശകങ്ങൾക്കു മുമ്പു വരെ വിദ്യാഭ്യാസരം
വലിഞ്ഞുകയറി വന്ന പിന്തുണക്കാർ!
അനന്തപുരി /ദ്വിജൻ
2024ലെ ലോക്സഭാ തെരഞ്ഞെടുപ്പ് സാഹചര്യങ്ങൾ
നല്ല ഹൃദയത്തിന് ഒരു വോട്ട്!
ഇന്നു ലോകാരോഗ്യ ദിനം / ഡോ. സെഡ്. സാജൻ അഹമ്മദ്
“ഹൃദയസരസിലെ പ്രണയപുഷ്പ
രാജ്ഭവനെ ലോക്ഭവനാക്കിയ ഗവർണർ
അഭിഭാഷകൻ, രാഷ്ട്രീയ നേതാവ്, ഗവർണർ, ഗ്രന്ഥകാരൻ ഈ നിലകളിലെല്ലാം മലയാളി
കടം തിരിച്ചടയ്ക്കാൻ കഴിയും!
സാന്പത്തിക ബന്ധങ്ങൾ സംബന്ധിച്ചു കേരള സർക്കാരും കേന്ദ്രസർക്കാരും തമ്മിൽ സുപ്രീം
ഇവിടെ എല്ലാവരും ചൂടിലാണ്!
എന്തൊരു ചൂടാണിത്..? ആളിനും ചൂട് ആനയ്ക്കു
നേരത്തേയറിഞ്ഞാൽ തിരിച്ചുപിടിക്കാം!
സ്റ്റേറ്റ് ബാങ്ക് ഓഫ് ഇന്ത്യയില്നിന്ന് കെവൈസി അപ്ഡേഷന് നല്കാന് എന്ന വ്യാജേന
അന്താരാഷ്ട്ര കുടിയേറ്റങ്ങളും ആടുജീവിതങ്ങളും!
കേരളം വലിയൊരു സാമൂഹികമാറ്റത്തിലൂടെ കടന്നുപോകുന്നു. ചെറുപ്പക്കാർ വൻതോതിൽ പാ
ടെലിഗ്രാമിലൂടെ വരുന്നത്
നിക്ഷേപതട്ടിപ്പുകളില് കൂടുതലും സാമൂഹ്യ മാധ്യമമായ ടെലിഗ്രാമിലൂടെയാണെന്നു പോ
മോദി ഗ്യാരന്റികൾ ‘ഇന്ത്യ’യെ ഒന്നിപ്പിക്കുമോ?
കഴിഞ്ഞ കുറച്ച് മാസങ്ങളായി പ്രധാനമന്ത്രി
ആര്.വി. തോമസ് പ്രകാശം പതിഞ്ഞ ചുവടുകൾ
ദേശീയ സ്വാതന്ത്ര്യസമര പോരാട്ടത്തിലെ മുന്നണിപ്പോരാളി, ഇന്ത്യന് ഭരണഘടനാ നിര്
ഒറ്റ ക്ലിക്ക് മതി, അക്കൗണ്ട് ക്ലീനാകും!
കുറഞ്ഞ പലിശയ്ക്കു വായ്പ എന്ന വാഗ്ദാനവുമായി സോഷ്യൽ മീഡിയ, എസ്എംഎസ് എന്നിവയിലൂ
Latest News
സംസ്ഥാനത്ത് വോട്ടിംഗ് സമാധാനപൂർണമെന്ന് മുഖ്യതെരഞ്ഞെടുപ്പ് ഓഫീസർ
സ്വതന്ത്രവും നീതിയുക്തവുമായ തെരഞ്ഞെടുപ്പ് നടന്നില്ലെന്ന് വി.ഡി. സതീശൻ
സംസ്ഥാനത്തെ വിവിധ ജില്ലകളിൽ 16 കള്ളവോട്ട് പരാതികൾ
കേരളം വിധിയെഴുതി; പോളിംഗ് ശതമാനം കുറഞ്ഞു
പോളിംഗ് രാത്രിയിലും; ഉദ്യോഗസ്ഥ അലംഭാവമെന്ന് കോണ്ഗ്രസ്
Latest News
സംസ്ഥാനത്ത് വോട്ടിംഗ് സമാധാനപൂർണമെന്ന് മുഖ്യതെരഞ്ഞെടുപ്പ് ഓഫീസർ
സ്വതന്ത്രവും നീതിയുക്തവുമായ തെരഞ്ഞെടുപ്പ് നടന്നില്ലെന്ന് വി.ഡി. സതീശൻ
സംസ്ഥാനത്തെ വിവിധ ജില്ലകളിൽ 16 കള്ളവോട്ട് പരാതികൾ
കേരളം വിധിയെഴുതി; പോളിംഗ് ശതമാനം കുറഞ്ഞു
പോളിംഗ് രാത്രിയിലും; ഉദ്യോഗസ്ഥ അലംഭാവമെന്ന് കോണ്ഗ്രസ്
Chairman - Dr. Francis Cleetus | MD - Benny Mundanatt | Chief Editor - George Kudilil
Copyright © 2024
, RDL. All rights reserved To access reprinting rights, please contact
[email protected]
Tel: +91 481 2566706,2566707,2566708
Privacy policy
    
Terms and conditions for online payment
Copyright @ 2022 , Rashtra Deepika Ltd.
Top