ആ​ശി​ച്ചുമോ​ഹി​ച്ച് വാ​ങ്ങി​യ കാ​ര്‍ ക​ള്ള​ന്‍​മാ​ര്‍ കൊ​ണ്ടു​പോ​യാ​ല്‍ ന​മ്മ​ള്‍ എ​ന്തു​ചെ​യ്യും. സാ​ധാ​ര​ണ​യാ​യി പോ​ലീ​സി​ല്‍ പ​രാ​തി ന​ല്‍​കും. മാ​ത്ര​മ​ല്ല അ​റി​യാ​വു​ന്ന​വ​രെ ഒ​ക്കെ വി​ളി​ച്ചു​പ​റ​യും. ഇ​തും​പോ​രാ​ഞ്ഞി​ട്ട് ചി​ല​ര്‍ നേ​ര്‍​ച്ച​ക​ളും നേ​രും.

എ​ന്നാ​ല്‍ യു​കെ​യി​ലു​ള്ള ഒ​രാ​ള്‍ ത​ന്‍റെ കാ​ര്‍ മോ​ഷ​ണം പോ​യ​പ്പോ​ള്‍ അ​ല്‍​പം വേ​റി​ട്ട കാ​ര​മാ​ണ് ചെ​യ്ത​ത്. ജ​യ് റോ​ബി​ന്‍​സ​ന്‍ എ​ന്ന 23കാ​ര​നാ​ണ് ഇ​ത്ത​ര​ത്തി​ല്‍ വ്യ​ത്യ​സ്ത രീ​തി പ​രീ​ക്ഷി​ച്ച് സോ​ഷ്യ​ല്‍ മീ​ഡി​യ​യ​ല ഹി​റ്റാ​യ​ത്.

ഇദ്ദേഹത്തിന്‍റെ കാ​റു​ക​ളാ​യി​രു​ന്നു മോ​ഷ​ണം പോ​യ​ത്. രാ​വി​ലെ വീ​ട്ടി​ല്‍ നി​ന്നും മു​റ്റ​ത്തേ​ക്ക് ഇ​റ​ങ്ങി​യ ജ​യ് ശ​രി​ക്കും ഞെ​ട്ടി കാ​ര​ണം ര​ണ്ടു​ കാ​റും ഇ​ല്ല. അ​ദ്ദേ​ഹം ഉ​ട​ന​ടി പോ​ലീ​സി​ല്‍ പ​രാ​തി ന​ല്‍​കി. എ​ന്നാ​ല്‍ അ​തു​കൊ​ണ്ട് അ​ത്ര പ്ര​യോ​ജ​നം ഉ​ണ്ടാ​യി​ല്ല.

ഇ​ദ്ദേ​ഹം സ​മൂ​ഹ മാ​ധ്യ​മ​ങ്ങ​ളി​ല്‍ സ​ജീ​വ​മാ​ണ്. അ​തി​നാ​ല്‍ ത​ന്‍റെ കാ​ര്‍ മോ​ഷ​ണം പോ​യ​കാ​ര്യം ഇ​ദ്ദേ​ഹം സോ​ഷ്യ​ല്‍ മീ​ഡി​യ​യി​ല്‍ പോ​സ്റ്റു​ചെ​യ്തു. ഇ​ദ്ദേ​ഹ​ത്തിന്‍റെ സു​ഹൃ​ത്ത് ജാ​മി എ​ന്നൊ​രാ​ള്‍ ഉ​ട​ന​ടി റോ​ബി​ന്‍​സ​നെ വി​ളി​ച്ചു.

സ്നാ​പ്ചാ​റ്റ് സ്റ്റോ​റി​യി​ല്‍ ഒ​രാ​ള്‍ സീ​റ്റ് വി​ല്‍​ക്കാ​ന്‍ ശ്ര​മി​ക്കു​ന്ന​ത് താ​ന്‍ ക​ണ്ടു​വെ​ന്ന് അ​ദ്ദേ​ഹം പ​റ​ഞ്ഞു. തു​ട​ര്‍​ന്ന് ഇ​വ​ര്‍ ആ ​മോ​ഷ്ടാ​വി​നെ ബ​ന്ധ​പ്പെ​ടാ​ന്‍ ശ്ര​മി​ച്ചു. കു​റ​ച്ച് പ​ണ​വും മോ​ഷ്ടാ​വി​ന് ഓ​ഫ​ര്‍ ചെ​യ്തു.

ഇ​തി​നി​ട​യി​ല്‍ സ്‌​നാ​പ്ചാ​റ്റി​ല്‍ നി​ന്നു​ള്ള കാ​റി​ന്‍റെ ചി​ത്രം ജ​യ് ശ​രി​യാ​യി പ​ഠി​ച്ചു. ചി​ത്ര​ത്തി​ല്‍ ഒ​രു ഹൗ​സിം​ഗ് എ​സ്റ്റേ​റ്റി​ന്‍റെ പേ​ര് അ​ദ്ദേ​ഹം ക​​ണ്ടെ​ത്തി. തു​ട​ര്‍​ന്ന് ഗൂ​ഗി​ള്‍ എ​ര്‍​ത്തു​വ​ഴി വാ​ഹ​നം പാ​ര്‍​ക്കു​ചെ​യ്തി​രു​ന്ന സ്ട്രീ​റ്റ് കൃ​ത്യ​മാ​യി തി​രി​ച്ച​റി​ഞ്ഞു.

വൈ​കാ​തെ വി​വ​രം പോ​ലീ​സി​നെ അ​റി​യി​ച്ചു. ഒ​ടു​വി​ല്‍ ബ​ര്‍​മിം​ഗ്ഹാ​മി​ലെ ജ​യി​ന്‍റെ വീ​ട്ടി​ല്‍ നി​ന്ന് ആ​റ് മൈ​ല്‍ അ​ക​ലെ​യു​ള്ള വെ​സ്റ്റ് ബ്രോം​വി​ച്ചി​ല്‍​നി​ന്നും കാ​ര്‍ ക​ണ്ടെ​ത്തി.

എ​ന്താ​യാ​ലും ഈ ​കാ​ര്‍ ക​ണ്ടെ​ത്തി​യതിനാൽ വലിയ ആ​ത്മ​വി​ശ്വാ​സ​ത്തി​ലാ​ണ് ജ​യ്. കാ​ര​ണം 16,000 പൗ​ണ്ട് വി​ല​മ​തി​ക്കു​ന്ന ഫോ​ക്സ്വാ​ഗ​ണ്‍ കാ​ര്‍ ഇ​തു​വ​രെ ക​ണ്ടെ​ത്താ​ന്‍ ക​ഴി​ഞ്ഞി​ട്ടി​ല്ല. സാ​ങ്കേി​തി​ക​വി​ദ്യ ഒ​രു​ത​വ​ണ​കൂ​ടി തു​ണ​യ്ക്കു​മെ​ന്ന പ്ര​തീ​ക്ഷ അ​ദ്ദേ​ഹ​ത്തി​നു​ണ്ട്...