"ബീ​ഹാ​ര്‍ മി​റ​ക്കി​ള്‍'; മ​രി​ച്ച​യാ​ളു​ടെ തി​രി​ച്ചു​വ​ര​വ്
Friday, February 16, 2024 11:33 AM IST
മ​ര​ണം എ​ന്ന​ത് എ​ല്ലാ​വ​ര്‍​ക്കും അ​റി​യാ​വു​ന്ന ഒ​രു കാ​ര്യ​മാ​ണ​ല്ലൊ.​ അ​ത് ആ​ര്‍​ക്കും എ​പ്പോ​ള്‍ വേ​ണ​മെ​ങ്കി​ലും സം​ഭ​വി​ക്കാം. ചി​ല​ര്‍​ക്ക് അ​പ​ക​ട​ങ്ങ​ള്‍ വ​ഴി മ​ര​ണം സം​ഭ​വി​ക്കു​മ്പോ​ള്‍ ചി​ല​രു​ടെ മ​ര​ണ​കാ​ര​ണം രോ​ഗം ആ​യി​രി​ക്കും.

എ​ത്ര വ​ലി​യ ആ​ശു​പ​ത്രി​യൊ ഡോ​ക്ട​റൊ വി​ചാ​രി​ച്ചാ​ലും ഒ​രു നാ​ള്‍ മ​ര​ണ​മെ​ത്തു​മെ​ന്ന​ത് സ​ത്യ​മാ​ണ്. എ​ന്നാ​ല്‍ ചി​ല​രു​ണ്ട്; മ​ര​ണ​ത്തെ അ​തി​ജീ​വി​ച്ച ചി​ല​ര്‍. അ​ത്ത​രം ആ​ളു​ക​ള്‍ മ​റ്റു​ള്ള​വ​ര്‍​ക്ക് എ​ന്നും വി​സ്മ​യ​മാ​ണ്.

അ​ത്ത​ര​മൊ​രും സം​ഭ​വം അ​ടു​ത്തി​ടെ ഛത്തീ​സ്ഗ​ഡി​ല്‍ സം​ഭ​വി​ക്കു​ക​യു​ണ്ടാ​യി. ബി​ഹാ​റി​ലെ ബെ​ഗു​സാ​രാ​യി​യി​ലെ നീ​മ ച​ന്ദ്പു​ര ഗ്രാ​മ​ത്തി​ലെ രാം​വ​തി ദേ​വി എ​ന്ന സ്ത്രീ​യെ ശ്വാ​സ​ത​ട​സം അ​നു​ഭ​വ​പ്പെ​ട്ട​തി​നെ​ത്തു​ട​ര്‍​ന്ന് ഛത്തീ​സ്ഗ​ഡി​ലെ കോ​ര്‍​വ ജി​ല്ല​യി​ലെ സ്വ​കാ​ര്യ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. ര​ണ്ട് മ​ക്ക​ളാ​യ മു​രാ​രി ഷാ​വോ, ഘ​ന്‍​ശ്യാം ഷാ​വോ എ​ന്നി​വ​ര്‍​ക്കൊ​പ്പ​മാ​ണ് അ​വ​ര്‍ ഛത്തീ​സ്ഗ​ഡി​ലേ​ക്ക് പോ​യ​ത്.

ചി​കി​ത്സ​യ്ക്കി​ടെ അ​വ​ര്‍ മ​രി​ച്ച​താ​യി ഡോ​ക്ട​ര്‍​മാ​ര്‍ അ​റി​യി​ച്ചു. ഇ​തോ​ടെ നാ​ട്ടി​ല്‍ ത​ന്നെ സം​സ്‌​ക​രി​ക്കാ​ന്‍ മ​ക്ക​ള്‍ തീ​രു​മാ​നി​ച്ചു. രാം​വ​തി​യു​ടെ മൃ​ത​ദേ​ഹ​വു​മാ​യി മ​ക്ക​ള്‍ ബി​ഹാ​റി​ലേ​ക്ക് തി​രി​ച്ചു.

ഫെ​ബ്രു​വ​രി 12-ന് ​മൃ​ത​ദേ​ഹം സ്വ​കാ​ര്യ വാ​ഹ​ന​ത്തി​ല്‍ ബെ​ഗു​സാ​രാ​യി​യി​ലേ​ക്ക് കൊ​ണ്ടു​വ​രി​ക​യാ​യി​രു​ന്നു. 18 മ​ണി​ക്കൂ​ര്‍ യാ​ത്ര​യ്ക്ക് ശേ​ഷം ബീ​ഹാ​റി​ലെ ഔ​റം​ഗ​ബാ​ദി​ല്‍ എ​ത്തി​യ​പ്പോ​ള്‍ പെ​ട്ടെ​ന്ന് രാം​വ​തി​ക്ക് ബോ​ധം വ​ന്നു.

അ​വ​ര്‍ വാ​ഹ​ന​ത്തി​ല്‍ എ​ഴു​ന്നേ​റ്റു. ഇ​ത് ക​ണ്ട് കു​ടും​ബ​ക്കാ​ര്‍ ഭ​യ​ന്നു​പോ​യി. അ​വ​ര്‍ വാ​ഹ​നം നി​ര്‍​ത്തി ചാ​ടി​പ്പു​റ​ത്തി​റ​ങ്ങി. പി​ന്നീ​ട് ധൈ​ര്യം വീ​ണ്ടെ​ടു​ത്ത് അ​വ​ര്‍ രാം​വ​തി​ക്ക് അ​ടു​ത്തെ​ത്തി.

പ​രി​ശോ​ധ​ന​യി​ല്‍ രാം​വ​തി മ​രി​ച്ചി​ട്ടി​ല്ലെ​ന്ന് മ​ക്ക​ള്‍ മ​ന​സി​ലാ​ക്കി. അ​വ​ര്‍ അ​മ്മ​യെ ഒ​ട്ടും സ​മ​യം ക​ള​യാ​തെ ബെ​ഗു​സാ​രാ​യി സ​ദ​ര്‍ ആ​ശു​പ​ത്രി​യി​ല്‍ എ​ത്തി​ച്ചു. ഡോ​ക്ട​ര്‍​മാ​ര്‍ രാം​വ​തി​യെ വെന്‍റി​ലേ​റ്റ​റി​ല്‍ പ്ര​വേ​ശി​പ്പി​ച്ചു. നി​ല​വി​ല്‍ അ​വ​ര്‍ സു​ഖം പ്രാ​പി​ച്ചു വ​രി​ക​യാ​ണ്.

എ​ന്നാ​ലും എ​ന്ത് മ​റി​മാ​യ​മാ​ണ് സം​ഭ​വി​ച്ച​തെ​ന്ന ചി​ന്ത​യി​ലാ​ണ് വി​വ​ര​മ​റി​ഞ്ഞ​വ​രൊ​ക്കെ. റോ​ഡു​മാ​ര്‍​ഗം കൊ​ണ്ടു​വ​ന്ന​തി​നാ​ല്‍ വാ​ഹ​ന​ത്തി​ന്‍റെ കു​തി​ച്ചു​ചാ​ട്ടം കാ​ര്‍​ഡി​യോ​പ​ള്‍​മ​ണ​റി റെ​സ​സി​റ്റേ​ഷ​ന്‍ (സി​പി​ആ​ര്‍) ആ​യി പ്ര​വ​ര്‍​ത്തി​ച്ചി​ട്ടു​ണ്ടാ​കാ​മെ​ന്നാ​ണ് ചി​ല ഡോ​ക്ട​ര്‍​മാ​ര്‍ പ​റ​യു​ന്ന​ത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.