പകർച്ചവ്യാധിഭീഷണിയെയും ഒരുമയോടെ നേരിടാം
പേ​മാ​രി​യും പ്ര​ള​യ​വും മെ​ല്ലെ പി​ൻ​വാ​ങ്ങു​ന്പോ​ൾ മ​റ്റു ചി​ല വ​ലി​യ ഭീ​ഷ​ണി​ക​ൾ ന​മ്മു​ടെ മു​ന്നി​ലു​ണ്ട്. അ​തി​ൽ ഏ​റ്റ​വും പ്ര​ധാ​നം പ​ക​ർ​ച്ച​വ്യാ​ധി​ക​ൾ​ക്കു​ള്ള സാ​ധ്യ​ത​യാ​ണ്. പ്ര​ള​യ​ത്തി​ന്‍റെ ബാ​ക്കി​പ​ത്ര​മാ​ണു മ​ലി​ന​മാ​യ പ​രി​സ​രം. ദി​വ​സ​ങ്ങ​ളോ​ളം വെ​ള്ള​ത്തി​ൽ മു​ങ്ങി​ക്കി​ട​ന്ന പ്ര​ദേ​ശ​ങ്ങ​ളി​ൽ ഏ​റെ അ​ഴു​ക്ക് അ​ടി​ഞ്ഞു​കൂ​ടി​യി​രി​ക്കും. പാ​യ​ലും ചെ​ളി​യും കു​മി​ഞ്ഞു​കൂ​ടാ​ത്ത വീ​ടു​ക​ൾ അ​വി​ടെ​യെ​ങ്ങും ഉ​ണ്ടാ​യി​രി​ക്കി​ല്ല. വ​ള​ർ​ത്തു​മൃ​ഗ​ങ്ങ​ളു​ടെ​യും കോ​ഴി​ക​ളു​ടെ​യും മ​റ്റും ജ​ഡ​ങ്ങ​ളാ​വും പ​ല​യി​ട​ത്തും. നെ​ടു​ന്പാ​ശേ​രി എ​യ​ർ​പോ​ർ​ട്ട് റോ​ഡി​ൽ ക​ഴി​ഞ്ഞ ദി​വ​സം ധാ​രാ​ളം ക​ന്നു​കാ​ലി​ക​ളു​ടെ ജ​ഡ​ങ്ങ​ൾ ഒ​ഴു​കി​യെ​ത്തി. ദി​വ​സ​ങ്ങ​ൾ പ​ഴ​ക്ക​മു​ള്ള ഇ​വ അ​ഴു​കി​ത്തു​ട​ങ്ങി​യി​രി​ക്കു​ന്നു. കു​ട്ട​നാ​ട് പോ​ലു​ള്ള പ്ര​ദേ​ശ​ങ്ങ​ളി​ൽ മൃ​ഗ​ങ്ങ​ളു​ടെ ജ​ഡം മ​റ​വു​ചെ​യ്യാ​ൻ ക​ര​ഭൂ​മി ദു​ർ​ല​ഭ​മാ​ണ്. ഏ​താ​യാ​ലും എ​ത്ര​യും വേ​ഗം ഇ​വ വെ​ള്ള​ത്തി​ൽ​നി​ന്നു മാ​റ്റി എ​വി​ടെ​യെ​ങ്കി​ലും മ​റ​വു​ചെ​യ്യു​ക​യോ ക​ത്തി​ച്ചു​ക​ള​യു​ക​യോ ചെ​യ്യ​ണം.

പ്ര​ള​യ​കാ​ല​ത്തു ന​ട​ത്തി​യ ത​ര​ത്തി​ലു​ള്ള കൂ​ട്ടാ​യ പ്ര​യ​ത്ന​ങ്ങ​ൾ തു​ട​രു​കയും അ​നു​ഭ​വ​ങ്ങ​ളി​ൽ​നി​ന്നു പാ​ഠ​മു​ൾ​ക്കൊ​ണ്ടു വീ​ഴ്‌​ച​ക​ൾ ഒ​ഴി​വാ​ക്കു​ക​യും ചെ​യ്താ​ൽ പ​ക​ർ​ച്ച​രോ​ഗ​ഭീ​ഷ​ണി​യെ ന​മു​ക്ക് അ​തി​ജീ​വി​ക്കാ​നാ​വും. പൊ​തു​ജ​നാ​രോ​ഗ്യ​മേ​ഖ​ല​യി​ലെ മു​ന്നൊ​രു​ക്ക​ങ്ങ​ളെ​പ്പ​റ്റി മ​ന്ത്രി കെ.​കെ. ശൈ​ല​ജ ഇ​ന്ന​ലെ മാ​ധ്യ​മ​ങ്ങ​ളോ​ടു വി​ശ​ദീ​ക​രി​ച്ചു. അ​വ വേ​ണ്ട​വി​ധം ന​ട​പ്പാ​ക്കാ​നാ​യാ​ൽ കു​റെ പ്ര​യോ​ജ​ന​മു​ണ്ടാ​കും. പ​ക്ഷേ, സം​സ്ഥാ​ന സ​ർ​ക്കാ​രി​ന്‍റെ സം​വി​ധാ​ന​ങ്ങ​ൾ​ക്കു​ള്ളി​ൽ നി​ന്നു​കൊ​ണ്ടു മാ​ത്രം ന​ട​ത്തു​ന്ന ആ​രോ​ഗ്യ​ര​ക്ഷാ പ്ര​വ​ർ​ത്ത​ന​ങ്ങ​ൾ മ​തി​യാ​വി​ല്ല. ആ​വ​ശ്യ​ങ്ങ​ൾ വ​ള​രെ ഭാ​രി​ച്ച​താ​യ​തി​നാ​ൽ സാ​ധ്യ​മാ​യ എ​ല്ലാ സ​ഹാ​യ​ങ്ങ​ളും സ്വീ​ക​രി​ക്കു​ക​യാ​ണു വേ​ണ്ട​ത്. കൊ​ടും​പ്ര​ള​യ​ത്തെ നേ​രി​ടാ​ൻ ദു​ര​ന്ത​നി​വാ​ര​ണ​സേ​ന​യും സൈ​ന്യ​ത്തി​ന്‍റെ വി​വി​ധ വി​ഭാ​ഗ​ങ്ങ​ളും മ​ത്സ്യ​ത്തൊ​ഴി​ലാ​ളി​ക​ളും നാ​ട്ടു​കാ​രും ന​ല്കി​യ വി​ല​പ്പെ​ട്ട സേ​വ​ന​ങ്ങ​ൾ ഈ​യ​വ​സ​ര​ത്തി​ൽ നാം ​സ്മ​രി​ക്കേ​ണ്ട​തു​ണ്ട്. വ്യോ​മ​സേ​ന​യു​ടെ ഗ​രു​ഡാ ക​മാ​ൻ​ഡോ​സ് പോ​ലെ പ്ര​ത്യേ​ക പ​രി​ശീ​ല​നം സി​ദ്ധി​ച്ച വി​ഭാ​ഗ​ങ്ങ​ൾ ന​ട​ത്തി​യ ര​ക്ഷാ​പ്ര​വ​ർ​ത്ത​ന​ങ്ങ​ൾ സം​സ്ഥാ​ന പോ​ലീ​സി​നോ അ​ഗ്നി​ശ​മ​ന​സേ​ന​യ്ക്കോ ചെ​യ്യാ​നാ​വു​ന്ന കാ​ര്യ​ങ്ങ​ള​ല്ല. അ​ടി​യ​ന്ത​ര സ​ന്ദ​ർ​ഭ​ങ്ങ​ളി​ൽ ആ​രു​ടെ​യും സ​ഹാ​യം സ്വീ​ക​രി​ക്കാ​ൻ നാം ​മ​ടി​ക്ക​രു​ത്. അ​വി​ടെ ദു​ര​ഭി​മാ​നം ക​ട​ന്നു​വ​ര​രു​ത്. മു​ത​ലെ​ടു​പ്പി​നും ആ​രും ശ്ര​മി​ക്കേ​ണ്ട. ആ​രൊ​ക്കെ എ​ന്തൊ​ക്കെ ചെ​യ്യു​ന്നു​ണ്ടെ​ന്നു നാ​ട്ടു​കാ​ർ നേ​രി​ൽ​ക്കാ​ണു​ന്നു​ണ്ട്. ചെ​യ്യാ​ത്ത കാ​ര്യ​ങ്ങ​ൾ ചെ​യ്തു​വെ​ന്നോ ചെ​യ്യാ​ൻ ക​ഴി​വി​ല്ലാ​ത്ത കാ​ര്യ​ങ്ങ​ൾ ചെ​യ്തു​കൊ​ള്ളാ​മെ​ന്നോ പ​റ​യു​ന്ന​തി​ൽ അ​ർ​ഥ​മി​ല്ല.

ജ​ല​ജ​ന്യ രോ​ഗ​ങ്ങ​ൾ​ക്കും പ​ക​ർ​ച്ച​വ്യാ​ധി​ക​ൾ​ക്കും സാ​ധ്യ​ത​യു​ണ്ടെ​ന്ന് ആ​രോ​ഗ്യ​മ​ന്ത്രി​ത​ന്നെ ചൂ​ണ്ടി​ക്കാ​ട്ടി​യി​ട്ടു​ണ്ട്. വെ​ള്ളം വ​ലി​യ തോ​തി​ൽ മ​ലി​ന​മാ​യി​രി​ക്കു​ന്നു. ക്ലോ​റി​നേ​ഷ​ൻ വ്യാ​പ​ക​മാ​യി ന​ട​ത്ത​ണം. ക്ലോ​റി​നേ​റ്റ് ചെ​യ്ത വെ​ള്ളം മാ​ത്ര​മേ ഉ​പ​യോ​ഗി​ക്കാ​വൂ എ​ന്നു ക​ർ​ശ​ന​നി​ർ​ദേ​ശ​മു​ണ്ട്. കു​ടി​വെ​ള്ള​വി​ത​ര​ണം പ​ലേ​ട​ത്തും താ​റു​മാ​റാ​യി​രി​ക്കു​ക​യാ​ണ്. കു​പ്പി​വെ​ള്ള വി​ത​ര​ണം ന​ട​ന്നി​രു​ന്ന​തു​കൊ​ണ്ട് ദു​രി​താ​ശ്വാ​സ കേ​ന്ദ്ര​ങ്ങ​ളി​ൽ കു​ടി​വെ​ള്ള​ത്തി​നു വ​ലി​യ പ്ര​ശ്ന​മു​ണ്ടാ​യി​ല്ല. എ​ന്നാ​ൽ ആ ​കേ​ന്ദ്ര​ങ്ങ​ളി​ൽ​നി​ന്നു മ​ട​ങ്ങു​ന്ന​വ​ർ നേ​രി​ടു​ന്ന പ്ര​ഥ​മ പ്ര​ശ്നം കു​ടി​വെ​ള്ള​ക്ഷാ​മം ത​ന്നെ​യാ​വും. പ്ര​ശ്ന​പ​രി​ഹാ​രം ഉ​ട​നേ ഉ​ണ്ടാ​യി​ല്ലെ​ങ്കി​ൽ പ​ക​ർ​ച്ച​വ്യാ​ധി​ക​ൾ ക​ട​ന്നു​വ​രും. ഒ​രു ദു​രി​താ​ശ്വാ​സ​ക്യാ​ന്പി​ൽ ചി​ക്ക​ൻ​പോ​ക്സ് കാ​ണ​പ്പെ​ട്ടെ​ങ്കി​ലും രോ​ഗി​ക​ളെ ഉ​ട​നേ​ത​ന്നെ മ​റ്റൊ​രു സ്ഥ​ല​ത്തേ​ക്കു മാ​റ്റി. എ​ലി​പ്പ​നി പോ​ലു​ള്ള രോ​ഗ​ങ്ങ​ൾ​ക്കു വെ​ള്ള​മി​റ​ങ്ങു​ന്ന പ്ര​ദേ​ശ​ങ്ങ​ളി​ൽ സാ​ധ്യ​ത ഏ​റെ​യാ​ണ്. വ​യ​റി​ള​ക്കം, ടൈ​ഫോ​യ്‌​ഡ് തു​ട​ങ്ങി​യ​വ​യ്ക്കും സാ​ധ്യ​ത​യു​ണ്ട്. അ​ഴു​ക്കു​വെ​ള്ള​ത്തി​ൽ ഇ​റ​ങ്ങു​ന്ന​വ​ർ​ക്കു വ​ളം​ക​ടി​ക്കും മ​റ്റു ത്വ​ക് രോ​ഗ​ങ്ങ​ൾ​ക്കും സാ​ധ്യ​ത​യു​ണ്ട്. കു​ട്ട​നാ​ട്ടി​ൽ വ​ളം​ക​ടി​ക്കു​ള്ള മ​രു​ന്നു വി​ത​ര​ണം ചെ​യ്തി​രു​ന്നു. അ​തു കു​റെ​നാ​ൾ​കൂ​ടി തു​ട​രേ​ണ്ടി​വ​രും. എ​ലി​പ്പ​നി​ക്കു പ്ര​തി​രോ​ധ​മ​രു​ന്നു ല​ഭ്യ​മാ​ണ്. ശ​രീ​ര​ത്തി​ൽ മു​റി​വു​ള്ള​വ​ർ പ്ര​ത്യേ​ക ശ്ര​ദ്ധ പു​ല​ർ​ത്തേ​ണ്ട​തു​ണ്ട്. വെ​ള്ള​മി​റ​ങ്ങി​യ സ്ഥ​ല​ങ്ങ​ളി​ൽ ഇ​ഴ​ജ​ന്തു​ക്ക​ളു​ടെ ശ​ല്യ​മു​ണ്ടാ​കാ​നി​ട​യു​ണ്ട്. പ​റ​വൂ​ർ മേ​ഖ​ല​യി​ൽ മാ​ത്രം അ​ന്പ​തോ​ളം പേ​ർ പാ​ന്പു​ക​ടി​യേ​റ്റ് ആ​ശു​പ​ത്രി​യി​ലാ​യി. വീ​ടു​ക​ളും മ​റ്റും ശു​ചി​യാ​ക്കു​ന്പോ​ൾ ഇ​ക്കാ​ര്യം പ്ര​ത്യേ​കം ശ്ര​ദ്ധി​ക്ക​ണം.

കേ​ര​ള​ത്തി​ലെ അ​തി​ഗു​രു​ത​ര​മാ​യ പ്ര​ള​യം അ​ന്ത​ർ​ദേ​ശീ​യ ശ്ര​ദ്ധ​യി​ൽ​പെ​ട്ടി​ട്ടു​ണ്ട്. യു​എ​ൻ സെ​ക്ര​ട്ട​റി ജ​ന​റ​ൽ അ​ന്‍റോ​ണി​യോ ഗു​ട്ടെ​റസ് ഉ​ൾ​പ്പെ​ടെ​യു​ള്ള​വ​ർ കേ​ര​ളം നേ​രി​ടു​ന്ന ദു​രി​ത​ത്തി​ൽ ദുഃ​ഖം രേ​ഖ​പ്പെ​ടു​ത്തു​ക​യും സ​ഹാ​യം വാ​ഗ്ദാ​നം ചെ​യ്യു​ക​യു​മു​ണ്ടാ​യി. ദു​രി​ത​ത്തി​ൽ​പ്പെ​ട്ട​വ​രോ​ട് ഐ​ക്യ​ദാ​ർ​ഢ്യം പ്ര​ക​ടി​പ്പി​ച്ച ഫ്രാ​ൻ​സി​സ് മാ​ർ​പാ​പ്പ അ​വ​രെ സ​ഹാ​യി​ക്കാ​ൻ മു​ൻ​നി​ര​യി​ലു​ള്ള സ​ർ​ക്കാ​രി​ന്‍റെ​യും പ്രാ​ദേ​ശി​ക​സ​ഭ​യു​ടെ​യും സ​ന്ന​ദ്ധ​സം​ഘ​ട​ന​ക​ളു​ടെ​യും കൂ​ടെ താ​നു​മു​ണ്ടെ​ന്ന് അ​റി​യി​ച്ചു. കാ​രി​ത്താ​സ് ഇ​ന്ത്യ​യി​ലൂ​ടെ ക​ത്തോ​ലി​ക്കാ സ​ഭ വ​ൻ​തോ​തി​ലു​ള്ള സ​ഹാ​യ​മാ​ണ് ആ​രോ​ഗ്യ​മേ​ഖ​ല​യി​ലു​ൾ​പ്പെ​ടെ കേ​ര​ള​ത്തി​ൽ ഇ​പ്പോ​ൾ ചെ​യ്തു​വ​രു​ന്ന​ത്.

കേ​ര​ള​ത്തി​ലെ പ്ര​ള​യ​ക്കെ​ടു​തി ദേ​ശീ​യ​ദു​ര​ന്ത​മാ​യി പ്ര​ഖ്യാ​പി​ക്ക​ണ​മെ​ന്നാ​യി​രു​ന്നു സം​സ്ഥാ​ന സ​ർ​ക്കാ​രി​ന്‍റെ ആ​വ​ശ്യ​മെ​ങ്കി​ലും അ​തി​നു ചി​ല നി​യ​മ​പ്ര​ശ്ന​ങ്ങ​ളു​ള്ള​തി​നാ​ൽ അ​തീ​വ ഗു​രു​ത​ര ദു​ര​ന്ത​ങ്ങ​ളു​ടെ പ​ട്ടി​ക​യി​ലാ​ണു പെ​ടു​ത്തി​യി​രി​ക്കു​ന്ന​ത്. ഇ​തു​വ​ഴി ദേ​ശീ​യ​വും അ​ന്ത​ർ​ദേ​ശീ​യ​വു​മാ​യ സ​ഹാ​യ​ങ്ങ​ൾ പ്ര​തീ​ക്ഷി​ക്കാം. ഈ ​സാ​ധ്യ​ത നാം ​പ​ര​മാ​വ​ധി ഉ​പ​യോ​ഗ​പ്പെ​ടു​ത്ത​ണം. ഐ​ക്യ​രാ​ഷ്‌​ട്ര​സ​ഭ‍യു​ടെ കീ​ഴി​ലു​ള്ള ലോ​കാ​രോ​ഗ്യ സം​ഘ​ട​ന​യു​ടെ സേ​വ​നം വ​ലി​യൊ​രു പ്ര​തീ​ക്ഷ​യാ​ണ്. ഇ​ന്ത്യ​ൻ മെ​ഡി​ക്ക​ൽ അ​സോ​സി​യേ​ഷ​ൻ സ​ഹാ​യ​വു​മാ​യി രം​ഗ​ത്തു​ണ്ട്. മ​റ്റു സം​സ്ഥാ​ന​ങ്ങ​ളി​ൽ​നി​ന്നു​ള്ള ഡോ​ക്‌​ട​ർ​മാ​രും ആ​രോ​ഗ്യ​പ്ര​വ​ർ​ത്ത​ക​രും സേ​വ​ന​സ​ന്ന​ദ്ധ​ത അ​റി​യി​ച്ചി​ട്ടു​ണ്ട്.
പ്ര​തി​രോ​ധ​മ​രു​ന്നു​ക​ളി​ലൂ​ടെ പ​ക​ർ​ച്ച​വ്യാ​ധി​ക​ൾ ഒ​രു പ​രി​ധി​വ​രെ ത​ട​ഞ്ഞു​നി​ർ​ത്താ​നാ​വും. വെ​ള്ള​ക്കെ​ട്ടി​ലാ​യ​വ​രി​ൽ പ​ല​ർ​ക്കും പ​തി​വാ​യി ഉ​പ​യോ​ഗി​ച്ചു​കൊ​ണ്ടി​രു​ന്ന മ​രു​ന്നു​ക​ൾ ന​ഷ്‌​ട​പ്പെ​ട്ടു. പ്ര​മേ​ഹം, ഹൃ​ദ്രോ​ഗം തു​ട​ങ്ങി​യ​വ​യ്ക്കു സ്ഥി​ര​മാ​യി മ​രു​ന്നു ക​ഴി​ച്ചു​കൊ​ണ്ടി​രു​ന്ന​വ​ർ​ക്ക് അ​തു ല​ഭ്യ​മാ​ക്ക​ണം.​കോ​ഴി​ക്കോ​ട്ട് നാ​ഷ​ണ​ൽ സ​ർ​വീ​സ് സ്കീം ​വി​ദ്യാ​ർ​ഥി​ക​ളെ ഉ​പ​യോ​ഗി​ച്ചു വീ​ടു​ക​ൾ​തോ​റും സ​ർ​വേ ന​ട​ത്തി ഓ​രോ വീ​ട്ടി​ലെ​യും ആ​വ​ശ്യ​ങ്ങ​ളെ​ക്കു​റി​ച്ചു ക​ണ​ക്കു ശേ​ഖ​രി​ക്കു​ന്നു​ണ്ട്. ആ​വ​ശ്യാ​നു​സൃ​തം സാ​ധ​ന​ങ്ങ​ൾ ല​ഭ്യ​മാ​ക്കു​ന്ന​തി​നാ​ണ് ഈ ​സ​ർ​വേ.

കേ​ര​ളം ഇ​ത്ര​യേ​റെ ഒ​രു​മ​യോ​ടെ നീ​ങ്ങി​യ മ​റ്റൊ​ര​വ​സ​ര​മി​ല്ല. മ​നു​ഷ്യ​ന​ന്മ​യു​ടെ പ്ര​ഭ വി​രി​ഞ്ഞ നി​ര​വ​ധി രം​ഗ​ങ്ങ​ളാ​ണു നാം ​ഈ ദി​വ​സ​ങ്ങ​ളി​ൽ ക​ണ്ട​ത്. ഗ​ൾ​ഫ് രാ​ജ്യ​ങ്ങ​ളി​ലെ ഇ​ന്ത്യ​ക്കാ​ർ വ​ലി​യ തോ​തി​ൽ സ​ഹാ​യം ഇ​വി​ടേ​ക്ക് എ​ത്തി​ക്കു​ന്നു​ണ്ട്. എ​ന്നാ​ൽ വി​ദേ​ശ​ത്തു​നി​ന്നു​വ​രു​ന്ന ദു​രി​താ​ശ്വാ​സ സാ​ധ​ന​ങ്ങ​ൾ​ക്കു വ​ൻ​നി​കു​തി അ​ട​യ്ക്കേ​ണ്ട സ്ഥി​തി​യാ​ണ്. ആ​രോ​ഗ്യ​ര​ക്ഷാ പ്ര​വ​ർ​ത്ത​ന​ങ്ങ​ളി​ൽ ലോ​ക​ത്തി​ന്‍റെ ഏ​തു​ഭാ​ഗ​ത്തു​നി​ന്നു​മു​ള്ള സ​ഹാ​യ​വും നാം ​സ്വീ​ക​രി​ക്ക​ണം; ആ​വ​ശ്യ​മു​ള്ള​വ​യ്‌​ക്കു​വേ​ണ്ടി അ​ഭ്യ​ർ​ഥി​ക്ക​ണം. ല​ഭ്യ​മാ​കു​ന്ന​വ വേ​ണ്ട​വി​ധം വി​ത​ര​ണം ചെ​യ്യ​ണം. പ്ര​ള​യ​ക്കെ​ടു​തി​യെ നേ​രി​ട്ട​തി​നേ​ക്കാ​ൾ കാ​ര്യ​ക്ഷ​മ​മാ​യി, ആ​രോ​ഗ്യ​മേ​ഖ​ല​യി​ലു​ണ്ടാ​കാ​വു​ന്ന വെ​ല്ലു​വി​ളി​ക​ളെ നേ​രി​ടാ​ൻ ന​മു​ക്കു മു​ൻ​ക​രു​ത​ലു​ക​ളെ​ടു​ക്കാം.