ചി​ന്ന​ക്ക​നാ​ലി​ൽ ച​ക്ക​ക്കൊ​മ്പ​ൻ, ദേ​വി​കു​ള​ത്ത് പ​ട​യ​പ്പ; പി​ന്നാ​ലെ ഭീ​തി​വി​ത​ച്ച് കാ​ട്ടാ​ന​ക്കൂ​ട്ടം
Wednesday, March 27, 2024 10:15 AM IST
തൊ​ടു​പു​ഴ: ഇ​ടു​ക്കി​യി​ല്‍ വീ​ണ്ടും ഭീ​തി​വി​ത​ച്ച് കാ​ട്ടാ​ന​ക​ൾ. ചി​ന്ന​ക്ക​നാ​ൽ സി​ങ്കു​ക​ണ്ട​ത്ത് ച​ക്ക​ക്കൊ​മ്പ​ൻ ഇ​റ​ങ്ങി​യ​തി​നു പി​ന്നാ​ലെ ദേ​വി​കു​ള​ത്ത് പ​ട​യ​പ്പ​യെ​ന്ന കാ​ട്ടാ​ന​യും ജ​ന​വാ​സ മേ​ഖ​ല​യി​ല്‍ ഇ​റ​ങ്ങി.

ദേ​വി​കു​ളം ഫാ​ക്ട​റി മി​ഡി​ല്‍ ഡി​വി​ഷ​നി​ല്‍ ഇ​റ​ങ്ങി​യ പ​ട​യ​പ്പ ല​യ​ങ്ങ​ളോ​ട് ചേ​ര്‍​ന്നു​ള്ള കൃ​ഷി ന​ശി​പ്പി​ച്ചു. ഇ​തോ​ടെ സ്ഥ​ല​ത്തെ​ത്തി​യ ആ​ര്‍​ആ​ര്‍​ടി സം​ഘം കാ​ട്ടി​ലേ​ക്ക് തു​ര​ത്തി. പ​ട​യ​പ്പ​യെ നി​രീ​ക്ഷി​ക്കാ​ൻ പ്ര​ത്യേ​ക സം​ഘ​വും ആ​ർ​ആ​ർ​ടി സം​ഘ​വു​മു​ണ്ട്. ആ​ന കാ​ട്ടി​ൽ നി​ന്ന്
പു​റ​ത്തേ​ക്ക് വ​രാ​തി​രി​ക്കാ​നു​ള്ള ന​ട​പ​ടി​ക​ളാ​ണ് ന​ട​ത്തു​ന്ന​ത്.

അ​തേ​സ​മ​യം, പ​ട​യ​പ്പ​യ്ക്ക് പു​റ​മേ ദേ​വി​കു​ള​ത്ത് രാ​ത്രി​യി​ല്‍ ആ​റ് ആ​ന​ക​ളു​ടെ കൂ​ട്ട​വും ഇ​റ​ങ്ങി​യി​രു​ന്നു. തൊ​ഴി​ലാ​ളി​ക​ൾ താ​മ​സി​ക്കു​ന്ന ല​യ​ങ്ങ​ൾ​ക്ക് സ​മീ​പ​മാ​ണ് ആ​ന​ക​ൾ ഇ​റ​ങ്ങി​യ​ത്. ഈ ​ആ​ന​ക​ളെ​യും തു​ര​ത്തി കാ​ട്ടി​ലേ​ക്ക് മ​ട​ക്കി അ​യ​ച്ചി​ട്ടു​ണ്ട്.

കൊ​ച്ചി- ധ​നു​ഷ്കോ​ടി ദേ​ശീ​യ​പാ​ത​ക്ക് സ​മീ​പം അ​ടി​മാ​ലി- നേ​ര്യ​മം​ഗ​ലം റോ​ഡി​ൽ ആ​റാം മൈ​ലി​ൽ ആ​ന​യി​റ​ങ്ങി​യ​തി​നെ തു​ട​ര്‍​ന്ന് യാ​ത്ര​ക്കാ​ര്‍​ക്ക് വ​നം​വ​കു​പ്പ് ജാ​ഗ്ര​താ​നി​ര്‍​ദേ​ശം ന​ല്കി​യി​ട്ടു​ണ്ട്.

നേ​ര​ത്തെ, സി​ങ്കു​ക​ണ്ട​ത്ത് പു​ല​ർ​ച്ചെ നാ​ലോ​ടെ ജ​ന​വാ​സ​മേ​ഖ​ല​യി​ലെ​ത്തി​യ ച​ക്ക​ക്കൊ​മ്പ​ൻ പ്ര​ദേ​ശ​ത്ത് ഭീ​തി​വി​ത​ച്ചി​രു​ന്നു. കൂ​നം​മാ​ക്ക​ൽ മ​നോ​ജ് മാ​ത്യു​വി​ന്‍റെ വീ​ടി​ന് മു​ന്നി​ലെ​ത്തി​യ ആ​ന കൊ​മ്പു​പ​യോ​ഗി​ച്ച് ഭി​ത്തി​യി​ല്‍ ശ​ക്തി​യാ​യി കു​ത്തു​ക​യാ​യി​രു​ന്നു. ഇ​തോ​ടെ വീ​ടി​ന്‍റെ ഭി​ത്തി​യി​ല്‍ വി​ള്ള​ല്‍ വീ​ണു. വീ​ടി​ന്‍റെ അ​ക​ത്തെ സീ​ലിം​ഗും ത​ക​ര്‍​ന്നു​വീ​ണു.
ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക





Copyright @ 2022 , Rashtra Deepika Ltd.