കോണ്‍ഗ്രസിന് വീണ്ടും ആദായ നികുതി വകുപ്പിന്‍റെ നോട്ടീസ്; സുപ്രീംകോടതിയെ സമീപിക്കുമെന്ന് നേതൃത്വം : Deepika.com

Main News

കോണ്‍ഗ്രസിന് വീണ്ടും ആദായ നികുതി വകുപ്പിന്‍റെ നോട്ടീസ്; സുപ്രീംകോടതിയെ സമീപിക്കുമെന്ന് നേതൃത്വം

Saturday, March 30, 2024 3:44 PM IST

ന്യൂഡല്‍ഹി: കോണ്‍ഗ്രസിന് വീണ്ടും ആദായ നികുതി വകുപ്പിന്‍റെ നോട്ടീസ്. 2020-2022 സാമ്പത്തിക വര്‍ഷങ്ങളിലെ നികുതിയും പിഴയും പലിശയും അടയ്ക്കണമെന്ന് കാട്ടിയാണ് നോട്ടീസ് അയച്ചത്.

വെള്ളിയാഴ്ച വെകിട്ടോടെയാണ് രണ്ട് നോട്ടീസുകള്‍ കൂടി ലഭിച്ചതെന്ന് എഐസിസി ജനറല്‍ സെക്രട്ടറിയും കോണ്‍ഗ്രസ് വക്താവുമായ ജയറാം രമേശ് അറിയിച്ചു. സംഭവത്തില്‍ സുപ്രീംകോടതിയെ സമീപിക്കുമെന്നും അദ്ദേഹം വ്യക്തമാക്കി.

ആദായ നികുതി വകുപ്പിന്‍റെ എട്ട് നോട്ടീസുകളാണ് കോണ്‍ഗ്രസിന് നേരത്തേ ലഭിച്ചിരുന്നത്. ഇതിന് പുറമേയാണ് രണ്ട് നോട്ടീസ് കൂടി പുതുതായി ലഭിച്ചത്. എന്നാല്‍ നോട്ടീസിലെ തുക എത്രയാണെന്നത് സംബന്ധിച്ച വിശദാംശങ്ങള്‍ കോണ്‍ഗ്രസ് പുറത്തുവിട്ടിട്ടില്ല.

ആദായ നികുതി വകുപ്പിന്‍റെ നടപടി സ്‌റ്റേ ചെയ്യണമെന്ന് ആവശ്യപ്പെട്ട് ഏപ്രില്‍ ഒന്നിന് കോണ്‍ഗ്രസ് കോടതിയെ സമീപിക്കും. അന്വേഷണ ഏജന്‍സികളുടെ നടപടി തെരഞ്ഞെടുപ്പ് ചട്ടങ്ങളുടെ ലംഘനമാണെന്നാണ് കോണ്‍ഗ്രസിന്‍റെ വാദം. ബിജെപിയില്‍നിന്ന് ആദായനികുതി വകുപ്പ് നികുതി പിരിക്കാത്തതും കോണ്‍ഗ്രസ് കോടതിയെ അറിയിക്കും.

വെട്ടം കെടില്ല; ഉടന്‍ ലോഡ് ഷെഡിംഗ് ഇല്ലെന്ന് വൈദ്യുതിമന്ത്രി കെ.കൃഷ്ണന്‍കുട്ടി

തിരുവനന്തപുരം: കടുത്ത വൈദ്യുതി പ്രതിസന്ധിയിലൂടെയാണ് കടന്നുപോകുന്നതെങ്കിലും സംസ്ഥാനത്ത് ഉടന്‍ ലോഡ് ഷെഡിംഗ് ഇല്ലെന്ന

ബുദ്ധിയുള്ള ആരെങ്കിലും ബിജെപിയില്‍ ചേരുമോ? ശോഭയെ പണ്ടേ ഇഷ്ടമല്ല, ഫോണിൽ പോലും സംസാരിച്ചിട്ടില്ലെന്ന് ഇ.പി.ജയരാജൻ

കൊച്ചി: ശോഭാ സുരേന്ദ്രനെ കണ്ടിട്ടില്ലെന്ന് ആവർത്തിച്ച് ഇ.പി.ജയരാജൻ. പ്രകാശ് ജാവദേക്കറുമായി നടത്തിയത് രാഷ്ട്രീയ ചർച്