ഇന്റേണൽ മാർക്ക്: ഓണ്ലൈൻ തീയതി നീട്ടി
കണ്ണൂർ സർവകലാശാലയുടെ കീഴിലുള്ള ആറാം സെമസ്റ്റർ ബിരുദ വിദ്യാർഥികളുടെ (സിബിസിഎസ്എസ് 2014 അഡ്മിഷൻ) ഇന്റേണൽ അസസ്മെന്റ് മാർക്കുകൾ ഓണ്ലൈനായി സമർപ്പിക്കാനുള്ള തീയതി ഏപ്രിൽ ഏഴുവരെ നീട്ടി. സാക്ഷ്യപ്പെടുത്തിയ പ്രിന്റൗട്ട് 19നകം സർവകലാശാലയിൽ എത്തിക്കണം.
അവസാനവർഷ ഡിഗ്രി (വിദൂര വിദ്യാഭ്യാസം) ഹാൾടിക്കറ്റ്
കണ്ണൂർ സർവകലാശാലയുടെ ഏപ്രിൽ ആറിന് ആരംഭിക്കുന്ന വിദൂരവിദ്യാഭ്യാസ വിഭാഗം വിദ്യാർഥികളുടെ അവസാനവർഷ (മാർച്ച് 2017) പരീക്ഷയുടെ (2011 പ്രവേശനം മുതൽ) ഹാൾടിക്കറ്റ് സർവകലാശാല വെബ്സൈറ്റിൽ ലഭിക്കും. ഹാൾടിക്കറ്റിൽ രേഖപ്പെടുത്തിയിരിക്കുന്ന കേന്ദ്രങ്ങളിൽ പരീക്ഷയ്ക്കു ഹാജരാകണം. ഹാൾടിക്കറ്റ് ലഭിക്കാത്തവർ സർവകലാശാല പരീക്ഷാവിഭാഗത്തിൽ അന്വേഷിക്കണം. ഫോണ്: 0497 271547578.
നാലാം സെമസ്റ്റർ എംഎസ് സി പരീക്ഷകൾ
ഏപ്രിൽ 24ന് ആരംഭിക്കുന്ന നാലാം സെമസ്റ്റർ എംഎസ് സി കംപ്യൂട്ടർ സയൻസ്/ ഇലക്ട്രോണിക്സ്/മൈക്രോബയോളജി/ബയോടെക്നോളജി പരീക്ഷകൾക്കുള്ള ഫീസ് നിരക്ക് ഇപ്രകാരമാണ്. ആപ്ലിക്കേഷൻ ഫീസ് 40 രൂപ, വൈവ 160, മാർക്ക് ലിസ്റ്റ് 60, സിവി ക്യാന്പ് ഫീ 150, കംപ്യൂട്ടർ സയൻസ്/ഇലക്ട്രോണിക്സ്തിയറി (റഗുലർ 130, സപ്ലിമെന്ററി 180), പ്രാക്ടിക്കൽ (റഗുലർ160,സപ്ലിമെന്ററി 180), പ്രോജക്ട്/ഡിസർട്ടേഷൻ (റഗുലർ460), മൈക്രോബയോളജി/ബയോടെക്നോളജിåതിയറി (റഗുലർ 130, സപ്ലിമെന്ററി180), പ്രാക്ടിക്കൽ (റഗുലർ/സപ്ലിമെന്ററി 240), പ്രോജക്ട്/ഡിസർട്ടേഷൻ (റഗുലർ460 രൂപ).
കോൺടാക്ട് ക്ലാസുകൾ
കണ്ണൂർ സർവകലാശാല വിദൂരവിദ്യാഭ്യാസ വിഭാഗത്തിൽ രണ്ടാംവർഷ എംകോം ബിരുദാനന്തര ബിരുദ വിദ്യാർഥികളുടെ കോൺടാക്ട് ക്ലാസുകൾ 3, 4, 5, 6 തീയതികളിൽ കണ്ണൂർ എസ്എൻ കോളജിലും 3,4, 5 തീയതികളിൽ കാഞ്ഞങ്ങാട് എൻഎഎസ് കോളജിലും നടക്കും. വിശദവിവരങ്ങൾക്ക് സർവകലാശാല വെബ്സൈറ്റ് www.kannuruniversity.ac.in സന്ദർശിക്കണം.
കണ്ണൂർ സർവകലാശാല വിദൂരവിദ്യാഭ്യാസ വിഭാഗത്തിൽ 4, 5 തീയതികളിൽ നടത്താൻ തീരുമാനിച്ചിരുന്ന ഒന്നാംവർഷ ബിഎ മലയാളം വിഷയത്തിന്റെ കോൺടാക്ട് ക്ലാസ് ചില സാങ്കേതിക കാരണങ്ങളാൽ മാറ്റിവച്ചതായി വിദൂരവിദ്യാഭ്യാസ വിഭാഗം ഡയറക്ടർ അറിയിച്ചു.