Home   | Editorial   | Leader Page Article   | Local News   | Kerala   | National   | International   | Business   | Sports   | Obituary   | NRI News   | Big Screen   | Health


ബോംബ് പൊട്ടിയില്ലെങ്കിലും ഭൂകമ്പം!
ഒരു വെടിയും പുകയും കുലുക്കവും മാത്രമേയുണ്ടായിരുന്നുള്ളൂ, കണ്ണു തുറന്നപ്പോഴാ മനസിലായത് ഉത്തര കൊറിയക്കാരൻ പയ്യൻ കിം ബോംബ് ഒരെണ്ണം പൊട്ടിച്ചിരിക്കുന്നു. എന്നു മാത്രമല്ല, പൊട്ടിച്ചതു ഹൈഡ്രജൻ ബോംബ് ആണെന്നു പറഞ്ഞു പൊട്ടിച്ചിരിക്കുകയും ചെയ്യുന്നു. ആ പൊട്ടിച്ചിരി കേട്ടു ഫ്രാൻസിലെ ഒളാന്ദ് മുതൽ അമേരിക്കയിലെ ഒബാമ വരെ ഞെട്ടി. എന്നാൽ, ഒബാമ കുലുങ്ങിയിട്ടും കുലുങ്ങാത്ത ചിലരുണ്ടായിരുന്നു, അമേരിക്കയിലോ അന്റാർട്ടിക്കയിലോ അല്ല ഇങ്ങു കേരളത്തിൽ. ഹൈഡ്രജൻ ബോംബ് പൊട്ടിച്ചെന്നു കേട്ടപ്പോൾ കിമ്മിനേക്കാൾ മുന്നേ ചിരിച്ചതു കണ്ണൂരിൽ ചിലരാണ്, ഹൈഡ്രജൻ ബോംബ് പോലും... കണ്ണൂരിലെ സഖാക്കളും സംഘപരിവാരങ്ങളും കാണാത്ത ബോംബുണ്ടോ ഈ ലോകത്ത്!

പെട്രോൾ ബോംബ്, ഐസ്ക്രീം ബോംബ്, ചോറ്റുപാത്രം ബോംബ്, പൈപ്പ് ബോംബ്, റീത്ത് ബോംബ് തുടങ്ങി വൈവിധ്യമാർന്ന എത്രയോ ഇനം ബോംബുകൾ കാലങ്ങളായി നമ്മൾ ഉണ്ടാക്കുകയും പരീക്ഷിക്കുകയും ചെയ്തുകൊണ്ടിരിക്കുന്നു. ഹൈഡ്രജൻ ബോംബ് ഉണ്ടാക്കിയെന്നു വീമ്പു പറയുന്ന കിം അതു പൊട്ടിച്ചതു ഭൂമിക്കടിയിൽ വലിയ ആഴത്തിലുണ്ടാക്കിയ ടണലിൽ ആയിരുന്നത്രേ. അതും കാലമേറെയെടുത്ത് അതീവരഹസ്യമായി നിർമിച്ച ബോംബ്. ബോംബ് പൊട്ടിയപ്പോൾ ഭൂകമ്പം പോലെ ഭൂമി കുലുങ്ങിയത്രേ.

ഇതു കേട്ടു കണ്ണൂർ സഖാക്കളും സംഘികളും എങ്ങനെ ചിരിക്കാതിരിക്കും... മോനേ കിമ്മേ, അടുത്ത വണ്ടിക്കു കയറി നേരേ കണ്ണൂരിലോട്ടു വാ, ഒരിടത്തും ഒളിച്ചിരിക്കേണ്ടാ, പട്ടാപ്പകൽ റബർതോട്ടത്തിലും തെങ്ങിൻതോപ്പിലും കപ്പക്കാലായിലുമൊക്കെ ബോംബ് ഉണ്ടാക്കുന്നത് എങ്ങനെയെന്നു ഞങ്ങൾ കാണിച്ചുതരാം. പിന്നെ ബോംബ് പരീക്ഷിക്കാൻ എന്തിനാണ് ഭൂമി കുത്തിക്കുഴിച്ചു കുളമാക്കുന്നത്? ഇവിടെ വീട്ടുമുറ്റത്തോ ജംഗ്ഷനിലോ ബസ് സ്റ്റാൻഡിലോ എവിടെ വേണമെങ്കിലും കൊണ്ടുപോയി പരീക്ഷണം നടത്താമല്ലോ. ഓരോ സീസണിലും പുതിയ പുതിയ ഐറ്റം ഇറക്കുന്നതും പഠിപ്പിക്കാം. ഇങ്ങനെ ബോംബുകൊണ്ടു ക്രിക്കറ്റ് കളിക്കുന്നവരെയാണോ ബോംബ് പൊട്ടിച്ച കഥ പറഞ്ഞു വിരട്ടുന്നത്!

ഇനി ഭൂകമ്പത്തിന്റെ കാര്യം, കിം ഹൈഡ്രജൻ ബോംബ് കോടികൾ മുടക്കി പൊട്ടിച്ചപ്പോഴല്ലേ വലിയ ഭൂകമ്പം ഉണ്ടായത്. ഇവിടെ കേരളത്തിൽ കൈയിലൊരു ബോംബ് ഉണ്ടെന്ന ഒറ്റ പറച്ചിൽകൊണ്ടു ഭൂകമ്പം ഉണ്ടാക്കാൻ കഴിയുന്ന എത്രയോ പേരുണ്ട്. വെറുമൊരു ലെറ്റർ ബോംബ് തന്റെ കൈയിലുണ്ടെന്നു സരിതാമാഡം പറഞ്ഞപ്പോൾ ഈ നാട്ടിൽ എന്തൊരു ഭൂകമ്പമായിരുന്നു. മന്ത്രിസഭ വരെ കുലുങ്ങി. സോളാർപ്രതി ബിജു രാധാകൃഷ്ണൻ തന്റെ കൈയിലെവിടെയോ ഒരു സിഡിബോംബ് ഉള്ളതായി ചെറിയൊരു ഓർമയുണ്ടെന്നു പറഞ്ഞപ്പോൾ കേരളത്തിൽ മാത്രമല്ല തമിഴ്നാട്ടിലും ഭൂകമ്പമുണ്ടായി. ബിജു രമേശ് എന്നു പറയുന്ന മറ്റൊരു നാടൻ ബോംബുകാരൻ വായ് തുറന്നാൽ അപ്പഴേ ചാനലുകളിൽ ഭൂകമ്പമാണ്. വെറും ഏറുപടക്കമാണെങ്കിലും ബിജു രമേശ് വകയാണെങ്കിൽ ചാനലുകൾ അതിനെ ഹൈഡ്രജനോ നൈട്രജനോ ആക്കി ഉരുട്ടിക്കൊള്ളും.

‘ഉഗ്രൻ ബോംബുണ്ട്, ഇപ്പോ പൊട്ടിക്കും ഇപ്പോ പൊട്ടിക്കും’ എന്നു പറഞ്ഞു പിള്ളേച്ചൻ ഭൂകമ്പം ഉണ്ടാക്കുമ്പോൾ ഓക്സിജൻ കിട്ടാതെ കുലുങ്ങുന്ന പലരുമുണ്ടല്ലോ. പക്ഷേ, ഈ ഭൂകമ്പം വൈകാതെ ഒരു ഏമ്പക്കത്തിൽ തീരുകയാണു പതിവ്. ഇനി, മേക്ക് ഇൻ പൂഞ്ഞാർ ആണെങ്കിൽ ബോംബ് വേണമെന്നില്ല, ചെറിയൊരു ഏമ്പക്കം മാത്രം മതി. പുള്ളിക്കാരൻ അതിനെ എത്ര വലിയ ഭൂകമ്പം വേണമെങ്കിലും ആക്കിക്കൊള്ളും. ഇപ്പറഞ്ഞതൊക്കെ ബോംബുകൊണ്ടു ഭൂകമ്പമുണ്ടാക്കുന്നവരുടെ കാര്യം. എന്നാൽ, ഏതു ഭൂകമ്പം വന്നാലും കുലുങ്ങാത്ത റിക്ടർ സ്കെയിൽ ഒരെണ്ണം കേരളത്തിൽ മാത്രമേയുള്ളൂ, അതാണു നമ്മുടെ മുഖ്യറിക്ടർ സ്കെയിൽ!

ഒരിടത്ത് ഒരു തത്തയുണ്ടായിരുന്നു!
ഒരിക്കൽ ഒരിടത്ത് ഒരു തത്തയുണ്ടായിരുന്നു. ഏറെക്കാലം അതിന്റെ വാസം ഏതോ കാട്ടുപ്രദേശത്ത് ആയിരുന്നു. നാട്ടുകാർ അതിനെ പുറത്തുകണ്ടിട്ടേയില്ല. അങ്ങനെയിരിക്കെ തത്ത നാട്ട...
ഏവർക്കും ലഡു ദിനാശംസകൾ!
തച്ചങ്കരിയെന്നു കേട്ടാൽ മതി നമ്മുടെ മാധ്യമങ്ങളുടെ മനസിൽ ലഡുപൊട്ടും. കാരണം ഒരു ദിവസത്തെ കാര്യം കുശാലായല്ലോ. കാസറ്റും സിഡിയും ആയിട്ടും ഹെൽമറ്റും പെട്രോളുമായിട്ടുമ...
സായിപ്പും മദാമ്മയും കണ്ട സോമാലിയ!
<യ>ജോൺസൺ പൂവന്തുരുത്ത്

രാവിലെ ഉണർന്ന സായിപ്പ് കോഫി കപ്പുമായി ആലോചനയിൽ മുഴുകിയിരിക്കുന്നതു കണ്ടാണ് സ്വന്തം വൈഫൈ അടുത്തേക്കു ചെന്നത്. എന്താണ് ഇത്ര ആലോച...
ഫ്ളാറ്റിനു മുകളിലെ മരങ്ങൾ!
’ഹോ.. ഇതിൽ കൂടിയ ചൂടു ഞാനെന്റെ വീട്ടിലെ അടുക്കളയിൽ മാത്രമേ കണ്ടിട്ടുള്ളൂ...’’ തച്ചോളി ഒതേനൻ ഉറുമി ചുഴറ്റി വരുന്നതുപോലെ കൈയിലുണ്ടായിരുന്ന തോർത്തു തലയ്ക്കു മുകളിൽ...
ഇങ്ങനെ സഹകരിക്കുമെന്നു കരുതിയില്ല!
വീട്ടിലെ അരിയും സാധനങ്ങളും തീർന്നെന്ന് ഇന്നലെ മുതൽ പറയാൻ തുടങ്ങിയതാ... പക്ഷേ, വീട്ടുകാരന് ഒരു കുലുക്കവുമില്ല. ടൂവീലർ പഞ്ചറായി ഇരിക്കാൻ തുടങ്ങിയിട്ടു മൂന്നു ദിവസ...
ആദ്യം ഡിവോഴ്സ്, പിന്നെ കല്യാണം!
ഈ പ്രേമത്തിനു കണ്ണില്ലെന്ന് അന്നേ ആരോ പറഞ്ഞതാ, അപ്പോൾ ചെറുക്കന്റെയും പെണ്ണിന്റെയും വീട്ടുകാർ പറഞ്ഞു ഈ നാട്ടുകാർക്കു കണ്ണുകടിയാണെന്ന്. കണിച്ചുകുളങ്ങരക്കാരൻ പയ്യന...
പേരില്ലാ യാത്രയുടെ പൊല്ലാപ്പുകൾ!
ഒരു പേരിൽ എന്തിരിക്കുന്നു എന്ന ചോദ്യം ഇതിനകം പലവട്ടം കേട്ടിട്ടുണ്ട്. എന്തെങ്കിലും ഇരുന്നാലും ഇല്ലെങ്കിലും പേരുമൂലം ചിലർക്ക് ഇപ്പോൾ ഇരിക്കപ്പൊറുതി ഇല്ലാതായിരിക്ക...
കാള കിടക്കും സർക്കാരോടും !
കാള കിടക്കും കയറോടുമെന്നതായിരുന്നു ഇതുവരെയുള്ള കടംകഥ. ഉത്തരം മത്തങ്ങയാണെന്നു പറയാൻ ഏതു മത്തങ്ങത്തലയനും രണ്ടാമതൊന്ന് ആലോചിക്കേണ്ടി വന്നിരുന്നില്ല. ഇത്തവണയും കാള ...
ബോംബ് പൊട്ടിയില്ലെങ്കിലും ഭൂകമ്പം!
ഒരു വെടിയും പുകയും കുലുക്കവും മാത്രമേയുണ്ടായിരുന്നുള്ളൂ, കണ്ണു തുറന്നപ്പോഴാ മനസിലായത് ഉത്തര കൊറിയക്കാരൻ പയ്യൻ കിം ബോംബ് ഒരെണ്ണം പൊട്ടിച്ചിരിക്കുന്നു. എന്നു മാത്...
ഫുട്പാത്തിൽ കിടക്കാൻ അവകാശമുള്ളവർ!
ഫുട്പാത്തിലൂടെ തിരക്കിട്ടു നടക്കുകയായിരുന്ന വാസുവേട്ടൻ വഴിയോരത്തെ ഒരു കെട്ടിടം കണ്ടതും ഡിസ്ക് ബ്രേക്ക് ഇട്ടതുപോലെ നിന്നു. എന്നിട്ട് സുഖകരമായതെന്തോ പ്രതീക്ഷിച്ചത...
ചാനൽവണ്ടികൾ ചീറിപ്പായുമ്പോൾ !
പൊടിപറത്തി ആദ്യം കടന്നുപോയത് ഒരു പോലീസ് വണ്ടി ആയിരുന്നു. നിമിഷങ്ങൾ കഴിഞ്ഞപ്പോൾ ഒരു ചാനൽ വണ്ടി, പിന്നാലെ മറ്റൊന്ന്.. പിന്നെയും ചാനൽ വണ്ടികൾ... കുമാരേട്ടന്റെ ചായക...
നൗഷാദിന്റെ മണ്ടത്തരങ്ങൾ!
ടീച്ചർ ഇങ്ങോട്ടു വന്നോട്ടെ, ഇപ്പം കിട്ടിക്കോളും.. ടീച്ചറില്ലാത്തപ്പോൾ ക്ലാസിൽ വർത്തമാനം പറയരുതെന്ന് എത്ര പ്രാവശ്യം പറഞ്ഞിട്ടുള്ളതാ... വർത്തമാനം പറഞ്ഞ സതീശന്റെയു...
പോത്തിന്റെ തല വാങ്ങാൻ മറക്കരുത്!
ഔട്ട് ഓഫ് റേഞ്ച് / ജോൺസൺ പൂവന്തുരുത്ത്

നേരം പുലരുന്നതേയുള്ളൂ, ലക്ഷ്മണേട്ടന്റെ വീട്ടിലെ പെൻഷൻ പറ്റാറായ പൂവൻകോഴി നീട്ടിക്കൂവി. ഏതാനും വർഷങ്ങളായി വീട...
Deepika Daily dpathram
Rashtra Deepika
Cinema
Sthreedhanam
Sunday Deepika
Business Deepika
Karshakan
Kuttikalude Deepika
Childrens Digest
Chocolate
Career Deepika
Youth Special
tech@deepika
4Wheel
Tax News
Video News
Samskarikam
University News
Letters
Rashtra Deepika LTD
Copyright @ 2017 , Rashtra Deepika Ltd.