കേരള ആരോഗ്യശാസ്ത്ര സർവകലാശാല ഏപ്രിലിൽ നടത്തിയ മെഡിക്കൽ പിജി ഡിഗ്രി/ഡിപ്ലോമ റെഗുലർ ആൻഡ് സപ്ലിമെന്ററി പരീക്ഷാഫലം പ്രസിദ്ധീകരിച്ചു. റീടോട്ടലിംഗ്, ഉത്തരക്കടലാസുകളുടേയും സ്കോർഷീറ്റിന്റെയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ നിശ്ചിത ഫീസടച്ച് കോളജ് പ്രിൻസിപ്പൽമാർ മുഖേന ഓൺലൈനായി ജൂലൈ ആറിനകം അപേക്ഷിക്കണം.
ഡെസർട്ടേഷൻ തീയതി
ഒക്ടോബറിൽ നടത്തുന്ന രണ്ടാംവർഷ എംപിടി ഡിഗ്രി റെഗുലർ പരീക്ഷയുടെ ഡെസർട്ടേഷൻ 1575 രൂപ ഫീസോടുകൂടി ഓഗസ്റ്റ് 20ന് വൈകീട്ട് അഞ്ചുവരെ സർവകലാശാലയിൽ സമർപ്പിക്കാം. 5250 രൂപ ഫൈനോടുകൂടി ഓഗസ്റ്റ് 31ന് വൈകീട്ട് അഞ്ചുവരേയും ഡെസർട്ടേഷൻ സമർപ്പിക്കാം.
പരീക്ഷാ തിയതി
നാളെ നടക്കുന്ന ഒന്നാം സെമസ്റ്റർ ബിഫാം ഡിഗ്രി സപ്ലിമെന്ററി (2017 പ്രവേശനം) പ്രാക്ടിക്കൽ പരീക്ഷാ ടൈംടേബിൾ പ്രസിദ്ധീകരിച്ചു.