2019 ഏപ്രിലിൽ നടത്തിയ ബാച്ചിലർ ഓഫ് ഫിസിക്കൽ എഡ്യൂക്കേഷൻ (ബിപിഎഡ്) രണ്ട്, നാല്, ആറ്, ഏഴ് സെമസ്റ്റർ സപ്ലിമെന്‍ററി പരീക്ഷകളുടേയും എട്ടാം സെമസ്റ്റർ റെഗുലർ ആൻഡ് സപ്ലിമെന്‍ററി പരീക്ഷയുടേയും ഫലം വെബ്സൈറ്റിൽ.
ടൈംടേബിൾ
യൂണിവേഴ്സിറ്റി കോളജ് ഓഫ് എൻജിനിയറിംഗ് കാര്യവട്ടം, ആറാം സെമസ്റ്റർ ബിടെക് ഡിഗ്രി പരീക്ഷയുടെ (2013 സ്കീം 2016 (റെഗുലർ) അഡ്മിഷൻ) ജൂലൈ 2019 ന്‍റെ ടൈംടേബിൾ വെബ്സൈറ്റിൽ.
വിദൂര വിദ്യാഭ്യാസം സന്പർക്ക ക്ലാസുകൾ
കാര്യവട്ടം സെന്‍ററിൽ നടന്നുകൊണ്ടിരിക്കുന്ന രണ്ടാം സെമസ്റ്റർ എംഎ ഹിസ്റ്ററി ക്ലാസുകൾ ആറുമുതൽ എസ്ഡിഇ പാളയം സെന്‍ററിൽ നടത്തും. കാര്യവട്ടം സെന്‍ററിൽ നടന്നുകൊണ്ടിരിക്കുന്ന നാലാം സെമസ്റ്റർ എംഎ ഹിസ്റ്ററി ക്ലാസുകൾക്ക് മാറ്റമില്ല. തിരുവനന്തപുരം സെന്‍ററിലെ രണ്ടാം സെമസ്റ്റർ ബികോം ക്ലാസുകൾ ആറുമുതൽ കാര്യവട്ടത്ത് ആരംഭിക്കും. നാലാം സെമസ്റ്റർ എംഎസ്‌സി കന്പ്യൂട്ടർ സയൻസ് (2017 ബാച്ച്) പ്രോജക്ട് അപ്രൂവൽ ലെറ്റർ നാളെ എസ്ഡിഇ, പാളയം സെന്‍ററിൽ വിതരണം ചെയ്യും.
അപേക്ഷ ക്ഷണിക്കുന്നു
കാര്യവട്ടം സ്പോർട്സ് അഥോറിറ്റി ഓഫ് ഇന്ത്യ, ലക്ഷ്മീഭായി നാഷണൽ കോളജ് ഓഫ് ഫിസിക്കൽ എഡ്യൂക്കേഷൻ, (സായി എൽഎൻസിപിഇ) 201920 അധ്യയന വർഷം ബാച്ചിലർ ഓഫ് ഫിസിക്കൽ എഡ്യൂക്കേഷൻ (ബിപിഎഡ് 2 വർഷം) കോഴ്സിന് എസ്‌സി/എസ്ടി വിഭാഗത്തിന് വേണ്ടി മാറ്റിവയ്ക്കപ്പെട്ട എട്ട് ഒഴിവുകളിലേയ്ക്ക് (പെണ്‍കുട്ടികൾ 5, ആണ്‍കുട്ടികൾ 3) നിശ്ചിത യോഗ്യതയുളള ഉദ്യോഗാർഥികളിൽ നിന്നും പ്രവേശന പരീക്ഷയ്ക്ക് അപേക്ഷ ക്ഷണിക്കുന്നു. താത്പര്യമുളള ഉദ്യോഗാർഥികൾ യോഗ്യത തെളിയിക്കുന്ന സർട്ടിഫിക്കറ്റുകൾ (അസൽ) സഹിതം ഒന്പതിന് രാവിലെ എട്ടിന് കോളജിൽ ഹാജരാകണം. ഈ കോഴ്സിലേയ്ക്ക് 201920 അധ്യയന വർഷം പ്രവേശന പരീക്ഷയ്ക്ക് ഹാജരായവർ അപേക്ഷിക്കാൻ യോഗ്യരല്ല. കൂടുതൽ വിവരങ്ങൾക്ക് www.lncpe.gov.in എന്ന വെബ്സൈറ്റ് സന്ദർശിക്കുക.