ഫീസുകൾ ഓണ്ലൈൻ വഴി സ്വീകരിക്കും
കേരള ആരോഗ്യശാസ്ത്ര സർവകലാശാല ഇന്നുമുതൽ പരീക്ഷാ രജിസ്ട്രേഷൻ ഫീസ്, കണ്ടോണേഷൻ ഫീസ്, റീടോട്ടലിംഗിനുള്ള ഫീസ്, ഉത്തരക്കടലാസുകളുടെ പകർപ്പുകൾക്കും സ്കോർഷീറ്റിനും വേണ്ടിയുള്ള ഫീസ്, ഡെസർട്ടേഷൻ ഫീസ് തുടങ്ങിയവ ഓണ്ലൈനായി മാത്രമേ സ്വീകരിക്കുകയുള്ളൂ. സർവകലാശാലയ്ക്കു കീഴിലുള്ള കോളജുകൾക്ക് ഇന്റർനെറ്റ് ബാങ്കിംഗ് വഴിയോ, ക്രെഡിറ്റ് ആൻഡ് പേയ്മെന്റ് സന്പ്രദായത്തിലോ ഫീസടയ്ക്കാവുന്നതാണ്. ഇനിമുതൽ യാതൊരു കാരണവശാലും ഈ ഫീസുകൾ ഡിമാൻഡ് ഡ്രാഫ്റ്റ് ആയി സ്വീകരിക്കുന്നതല്ലെന്നു പരീക്ഷാ കണ്ട്രോളർ അറിയിച്ചു.
പരീക്ഷാഫലം
2019 ഓഗസ്റ്റിൽ നടത്തിയ ഫസ്റ്റ് പ്രഫഷണൽ എംബിബിഎസ് ഡിഗ്രി റെഗുലർ ആൻഡ് സപ്ലിമെന്ററി പരീക്ഷാഫലം പ്രസിദ്ധീകരിച്ചു. റീടോട്ടലിംഗ്, ഉത്തരക്കടലാസുകളുടേയും, സ്കോർഷീറ്റിന്റേയും പകർപ്പ് എന്നിവയ്ക്കുള്ള അപേക്ഷകൾ നിശ്ചിതഫീസ് സഹിതം അതാത് കോളജ് പ്രിൻസിപ്പൽമാർ മുഖേന ഓണ്ലൈനായി ഈമാസം പതിമൂന്നിനകം ലഭിച്ചിരിക്കണം.
റീടോട്ടലിംഗ് ഫലം
ജൂലൈയിൽ പരീക്ഷ നടത്തി ഫലപ്രഖ്യാപനം നടത്തിയ മൂന്നാം വർഷ ബിഡിഎസ് ഡിഗ്രി റെഗുലർ/സപ്ലിമെന്ററി (2010 & 2016 സ്കീം) പരീക്ഷാ റീടോട്ടലിംഗ് ഫലം പ്രസിദ്ധീകരിച്ചു.
പരീക്ഷാ തീയതി
ഈമാസം നാലു മുതലാരംഭിക്കുന്ന എംഡി ഹോമിയോപ്പതി പാർട്ട് ഒന്ന് സപ്ലിമെന്ററി (2016 സ്കീം) പ്രാക്ടിക്കൽ പരീക്ഷാ ടൈംടേബിൾ, എംഡി ഹോമിയോപ്പതി പാർട്ട് രണ്ട് ഡിഗ്രി റെഗുലർ/സപ്ലിമെന്ററി (2016 & 2012 സ്കീം) പ്രാക്ടിക്കൽ പരീക്ഷാ ടൈംടേബിൾ എന്നിവ പ്രസിദ്ധീകരിച്ചു.