2019 നവംബറിൽ നടത്തുന്ന ബാച്ചിലർ ഓഫ് ഫിസിക്കൽ എഡ്യൂക്കേഷൻ (നാല് വർഷ ഇന്റഗ്രേറ്റഡ് കോഴ്സ് 2011 സ്കീം) മൂന്ന്, അഞ്ച്, ഏഴ് സെമസ്റ്റർ സപ്ലിമെന്ററി, 25 ന് ആരംഭിക്കുന്ന മൂന്നാം സെമസ്റ്റർ ബിഎ ഓണേഴ്സ് ഡിഗ്രി പ്രോഗ്രാം ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ (2015 അഡ്മിഷൻ മുതൽ) എന്നീ പരീക്ഷകളുടെ ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
ഓണ്ലൈൻ രജിസ്ട്രേഷൻ
ഡിസംബർ നാലിന് ആരംഭിക്കുന്ന മൂന്നാം സെമസ്റ്റർ എംബിഎ (2014 & 2018 സ്കീം ഫുൾടൈം (യുഐഎം ഉൾപ്പെടെ/ട്രാവൽ ആൻഡ് ടൂറിസം/റെഗുലർ ഈവനിംഗ്) പരീക്ഷയുടെ ഓണ്ലൈൻ രജിസ്ട്രേഷൻ ആരംഭിച്ചു. വിശദവിവരങ്ങൾ വെബ്സൈറ്റിൽ.
ഇന്റേണൽ മാർക്ക് പ്രസിദ്ധീകരിച്ചു
വിദൂര വിദ്യാഭ്യാസ വിഭാഗം (2017 18 ബാച്ച്) മൂന്നാം സെമസ്റ്റർ (ബികോം കന്പ്യൂട്ടർ ആപ്ലിക്കേഷൻ) ഒഴികെയുള്ള ഇന്റേണൽ മാർക്ക് എസ്ഡിഇ സ്റ്റുഡന്റ് പോർട്ടലിൽ പ്രസിദ്ധീകരിച്ചിട്ടുണ്ട്. പരാതികൾക്ക് അഞ്ച് ദിവസത്തിനകം അതാത് കോ ഓർഡിനേറ്ററുമായി ബന്ധപ്പെടുക.
മൂല്യനിർണയ ക്യാന്പ്
2019 ജൂണിൽ നടത്തിയ രണ്ടാം സെമസ്റ്റർ സിബിസിഎസ്എസ് ബിഎ/ബിഎസ്സി/ബികോം കരിയർ റിലേറ്റഡ് പരീക്ഷകളുടെ ഉത്തരക്കടലാസുകളുടെ മൂല്യനിർണയം ആരംഭിക്കുന്നതിനാൽ സർവകലാശാലയിൽ അഫിലിയേറ്റ് ചെയ്തിരിക്കുന്ന എല്ലാ കോളജ്/യുഐടി കേന്ദ്രങ്ങളിലെയും റെഗുലർ ക്ലാസുകൾ നവംബർ ഏഴ്, എട്ട് തീയതികളിൽ റദ്ദ് ചെയ്തു. പ്രസ്തുത തീയതികളിൽ നടത്താനിരുന്ന, 2019 ജൂലൈയിൽ നടന്ന നാലാം സെമസ്റ്റർ ബിഎസ്സി (സിബിസിഎസ്എസ്) ഫിസിക്സ്, സ്റ്റാറ്റിസ്റ്റിക്സ് പ്രാക്ടിക്കൽ പരീക്ഷകൾ യഥാക്രമം നവംബർ 11, 12 തീയതികളിൽ നടത്തും. റെഗുലർ ക്ലാസുകൾ റദ്ദ് ചെയ്ത ദിവസങ്ങളിലെ സർവകലാശാല പരീക്ഷകൾക്ക് മാറ്റമുണ്ടായിരിക്കുന്നതല്ല. മൂല്യനിർണയ ചുമതലയുള്ള എല്ലാ അധ്യാപകരും അറിയിപ്പ് ലഭിച്ച പ്രകാരമുള്ള ക്യാന്പുകളിൽ നിർബന്ധമായും ഹാജരാകണം.
പരീക്ഷാഫീസ്
എംഎ/എംകോം/എംഎസ്സി (ആന്വൽ സ്കീം) (പ്രീവിയസ് & ഫൈനൽ) സപ്ലിമെന്ററി (വിദൂര വിദ്യാഭ്യാസം) പരീക്ഷകളുടെ വിജ്ഞാപനം പ്രസിദ്ധീകരിച്ചു. പിഴ കൂടാതെ 12 വരെയും 150 രൂപ പിഴയോടെ 16 വരെയും 400 രൂപ പിഴയോടെ 23 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
യുജിസി നെറ്റ്/ജെആർഎഫ് പരിശീലനം
സർവകലാശാല എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോ യുജിസി നെറ്റ്/ജെആർഎഫ് പരീക്ഷകളുടെ ജനറൽ പേപ്പറിന് 2019 നവംബർ 11 മുതൽ പരിശീലനം നൽകും. ആദ്യം രജിസ്റ്റർ ചെയ്യുന്ന 40 പേർക്കാണ് പരിശീലനം നൽകുന്നത്. താല്പര്യമുള്ള ഉദ്യോഗാർത്ഥികൾ തിരുവനന്തപുരം പിഎംജി ജംഗ്ഷനിലുള്ള സ്റ്റുഡൻസ് സെന്ററിൽ പ്രവർത്തിക്കുന്ന എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോ ഓഫീസിലെത്തി നേരിട്ട് രജിസ്റ്റർ ചെയ്യണം. വിശദവിവരങ്ങൾക്ക്: 0471 2304577