പിജി പ്രവേശനം: എസ്‌സി, എസ്ടി സ്പെഷൽ അലോട്ട്മെന്റിന് ഓപ്ഷൻ നൽകാം
ബിരുദാനന്തര ബിരുദ പ്രവേശനത്തിന് എസ്‌സി, എസ്ടി വിഭാഗങ്ങൾക്കായി നടത്തുന്ന സ്പെഷൽ അലോട്ട്മെന്റിന് 27 വരെ ഓപ്ഷൻ നൽകാം. നിലവിൽ അപേക്ഷ നൽകാത്തവർക്കും മുൻ അലോട്ട്മെന്റിൽ പ്രവേശനം ലഭിച്ചവർക്കും അലോട്ട്മെന്റിൽ പങ്കെടുക്കാം. ഓണ്‍ലൈൻ അപേക്ഷയിൽ തെറ്റുവരുത്തിയതുമൂലം അലോട്ട്മെന്റിന് പരിഗണിക്കപ്പെടാത്തവർക്കും അലോട്ട്മെന്റിലൂടെ ലഭിച്ച പ്രവേശനം റദ്ദാക്കിയവർക്കും പ്രത്യേകമായി ഫീസടയ്ക്കാതെ പുതുതായി ഓപ്ഷൻ നൽകാം. വിവിധ കോളജുകളിലെ ഒഴിവുള്ള പ്രോഗ്രാമുകളുടെ വിവരങ്ങൾ വെബ്സൈറ്റിൽ പ്രസിദ്ധീകരിച്ചിട്ടുണ്ട്. സ്പെഷൽ അലോട്ട്മെന്റ് പട്ടിക 29ന് പ്രസിദ്ധീകരിക്കും. ഒന്നാം സെമസ്റ്റർ പിജി ക്ലാസുകൾ ഡിസംബർ 28ന് ആരംഭിക്കും. വിവരങ്ങൾ വെബ്സൈറ്റിൽ.
നവീന ഇന്‍റഗ്രേറ്റഡ് പിജി: 28 വരെ അപേക്ഷിക്കാം
എംജി സർവകലാശാലയ്ക്ക് കീഴിലുള്ള സർക്കാർ, എയ്ഡഡ് കോളജുകളിൽ അനുവദിച്ച നവീന ഇന്‍റഗ്രേറ്റഡ് ബിരുദാനന്തര ബിരുദ പ്രോഗ്രാമുകളിലേക്ക് 28വരെ ഓണ്‍ലൈനായി അപേക്ഷിക്കാം. 29ന് റാങ്ക് പട്ടിക പ്രസിദ്ധീകരിക്കും. ജനുവരി ആറിനകം പ്രവേശനം പൂർത്തീകരിക്കും. വിശദവിവരങ്ങൾ ക്യാപ് വെബ്സൈറ്റിൽ.
പരീക്ഷാഫലം
2020 ജൂലൈയിൽ നടന്ന നാലാം സെമസ്റ്റർ എംടെക് റെഗുലർ പരീക്ഷയുടെ ഫലം പ്രസിദ്ധീകരിച്ചു.
2019 ഒക്ടോബറിൽ നടന്ന നാലാം സെമസ്റ്റർ എംടെക് സ്പെഷൽ മേഴ്സി ചാൻസ് പരീക്ഷയുടെ ഫലം പ്രസിദ്ധീകരിച്ചു.
2020 ഡിസംബറിൽ സ്കൂൾ ഓഫ് കംപ്യൂട്ടർ സയൻസസിൽ നടന്ന രണ്ടാം സെമസ്റ്റർ എംഫിൽ കംപ്യൂട്ടർ സയൻസ് (2018 അഡ്മിഷൻ സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
സിൻഡിക്കറ്റ് യോഗം
30ന് നടത്താൻ നിശ്ചയിച്ചിരുന്ന എംജി സർവകലാശാല സിൻഡിക്കറ്റിന്‍റെ യോഗം 31ന് രാവിലെ 10.30ന് നടക്കും.