സിഎസിഇഇ - വിവിധ കോഴ്സുകൾക്ക് അപേക്ഷ ക്ഷണിക്കുന്നു
ആറ്റിങ്ങൽ ഗവണ്‍മെന്‍റ് കോളജിൽ കേരളസർവകലാശാലയുടെ തുടർവിദ്യാഭ്യാസവകുപ്പിന്‍റെ യൂണിറ്റ് നടത്തുന്ന തൊഴിലധിഷ്ഠിത കോഴ്സായ സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് കോഴ്സിന് അപേക്ഷ ക്ഷണിച്ചു. കോഴ്സിന് ചേരാൻ ആഗ്രഹിക്കുന്നവർ ആറ്റിങ്ങൽ ഗവണ്‍മെന്‍റ് കോളജിലെ സിഎ സിഇഇ ഓഫീസുമായി ബന്ധപ്പെടുക. കോഴ്സ് കാലാവധി: ആറുമാസം.
യോഗ്യത: പ്ലസ്ടു. അപേക്ഷകൾ ആറ്റിങ്ങൽ ഗവണ്‍മെന്‍റ് കോളജിലെ സിഎസിഇഇ യൂണിറ്റിന്‍റെ ഓഫീസിൽ നിന്നും ശനി, ഞായർ ദിവസങ്ങളിൽ ലഭിക്കും. അപേക്ഷാഫീസ്: 110 രൂപ. അപേക്ഷ സ്വീകരിക്കുന്ന അവസാന തീയതി 16. വിശദവിവരങ്ങൾക്ക്: കോഴ്സ് കോഓർഡിനേറ്ററുമായി ബന്ധപ്പെടുക 8129418236, 9495476495
തുടർവിദ്യാഭ്യാസവ്യാപനകേന്ദ്രം സംഘടിപ്പിക്കുന്ന സർട്ടിഫിക്കറ്റ് ഇൻ ടിവി ന്യൂസ് റീഡിംഗ് ആൻഡ് കോംപയറിംഗ്, യോഗ്യത: പ്ലസ്ടു, പ്രീഡിഗ്രി, കാലാവധി: മൂന്നു മാസം, കോഴ്സ്ഫീസ്: 10,000/, പി.ജി. സർട്ടിഫിക്കറ്റ് ഇൻ ക്രിമിനോളജി ആൻഡ് ക്രിമിനൽ ജസ്റ്റിസ് അഡ്മിനിസ്ട്രേഷൻ, യോഗ്യത: കേരളസർവകലാശാല അംഗീകൃത ബിരുദം, കാലാവധി: മൂന്നു മാസം, കോഴ്സ്ഫീസ്: 9,000/.
കോഴ്സുകൾക്ക് ഉയർന്ന പ്രായപരിധി ഇല്ല. അപേക്ഷാഫീസ് 100 രൂപ. അപേക്ഷാഫോമിന് എസ്ബിഐയുടെ കേരളസർവകലാശാല ഓഫീസ് കാന്പസിലുള്ള ബ്രാഞ്ചിൽ അക്കൗണ്ട് നന്പർ 57002299878 ൽ 100 രൂപ അടച്ച രസീത് അല്ലെങ്കിൽ ഡയറക്ടർ, സിഎസിഇഇയുടെ പേരിൽ തിരുവനന്തപുരത്ത് മാറാവുന്ന എസ്ബിഐയുടെ ഡിഡി നൽകുകയോ വേണം. തപാലിൽ വേണ്ടവർ ഡിമാന്‍റ് ഡ്രാഫ്മിനൊപ്പം അഞ്ച് രൂപയുടെ തപാൽസ്റ്റാന്പ് പതിച്ച് സ്വന്തം മേൽവിലാസം എഴുതിയ കവർ സഹിതം ഡയറക്ടർ, സിഎസിഇഇ, കേരളസർവകലാശാല, വികാസ്ഭവൻ പി.ഒ., തിരുവനന്തപുരം എന്ന വിലാസത്തിൽ അപേക്ഷിക്കണം. അപേക്ഷകൾ ലഭിക്കേണ്ട അവസാന തീയതി 30. വിശദവിവരങ്ങൾക്ക്: 0471 2302523.
പിജി ഡിപ്ലോമ ഇൻ ജിയോഇൻഫോർമേഷൻ സയൻസ് ആൻഡ് ടെക്നോളജി അപേക്ഷ ക്ഷണിക്കുന്നു
സെന്‍റർ ഫോർ ജിയോസ്പേഷ്യൽ ഇൻഫോർമേഷൻ സയൻസ് ആൻഡ് ടെക്നോളജിയിൽ പി.ജി. ഡിപ്ലോമ ഇൻ ജിയോഇൻഫോർമേഷൻ സയൻസ് ആൻഡ് ടെക്നോളജി കോഴ്സിലേക്ക് (2021 22) അഡ്മിഷന് അപേക്ഷ ക്ഷണിക്കുന്നു. യോഗ്യത: ജിയോളജി, ജ്യോഗ്രഫി, എൻവിയോണ്മെന്റൽ സയൻസ്, കന്പ്യൂട്ടർസയൻസ്, ഫിസിക്സ് ഇവയിലേതിലെങ്കിലും പി.ജി. അപേക്ഷ സമർപ്പിക്കേണ്ട അവസാന തീയതി 25. ഫോണ്: 0471 2308214. വിശദവിവരങ്ങൾ വെബ്സൈറ്റിൽ.
പിഎച്ച്ഡി നൽകി
ആർ.ആർ.രാജീവ് , ടി.ആർ.മുത്തുമോൻ , കെ.എസ്.കവിത , ആർ.മഞ്ജുഷ , എ. ശ്രീജ (കൊമേഴ്സ്), സി. സുരേഷ് കുമാർ (മാനേജ്മെന്‍റ് സ്റ്റഡീസ് ), സി.എസ്.സന്ദീപ് (ഇലക്ട്രോണിക്സ് ആൻഡ് കമ്മ്യൂണിക്കേഷൻ എൻജിനിയറിംഗ്), നസിയ റഷീദ്, ലിജ എൽ. രാജു, എഫ്. ജെൻസി റോഷൻ (സുവോളജി), കെ.ആനന്ദ് ജയകൃഷ്ണൻ, പി.എസ്. ചിന്തു (ഇക്കണോമിക്സ്), എസ്. ശ്യാം ശങ്കർ (ഫ്യൂച്ചേഴ്സ് സ്റ്റഡീസ്) എന്നിവർക്ക് പിഎച്ച്ഡി നൽകാൻ ഇന്നലെ ചേർന്ന സിൻഡിക്കേറ്റ് യോഗം തീരുമാനിച്ചു.