പത്താമത് സെനറ്റ് യോഗം മേയ് ഏഴിന്
ആരോഗ്യശാസ്ത്ര സർവകലാശാലയുടെ പത്താമതു സെനറ്റ് യോഗം മേയ് ഏഴിനു രാവിലെ 10.30നു സർവകലാശാലാ സെനറ്റ് ഹാളിൽ നടത്തും. സെനറ്റ് യോഗം സംബന്ധിച്ച അറിയിപ്പ് എല്ലാ സെനറ്റ് അംഗങ്ങൾക്കും അയച്ചിട്ടുണ്ട്.
രണ്ടാം വർഷ ബിഎസ്സി നഴ്സിംഗ് ഡിഗ്രി സപ്ലിമെന്‍ററി പരീക്ഷാഫലം
ഫെബ്രുവരിയിൽ നടത്തിയ രണ്ടാംവർഷ ബിഎസ്സി നഴ്സിംഗ് ഡിഗ്രി സപ്ലിമെന്‍ററി പരീക്ഷാഫലം പ്രസിദ്ധീകരിച്ചു. റീടോട്ടലിംഗ്, ഉത്തരക്കടലാസുകളുടേയും സ്കോർഷീറ്റിന്‍റേയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ ബന്ധപ്പെട്ട കോളജ് പ്രിൻസിപ്പൽമാർ മുഖേന ഓൺലൈനായി ഇരുപതിനകം അപേക്ഷിക്കേണ്ടതാണ്.
മൂന്നാംവർഷ ബിഎസ്സി എംഎൽടി ഡിഗ്രി സപ്ലിമെന്‍ററി പരീക്ഷാഫലം
ജനുവരിയിൽ നടത്തിയ മൂന്നാംവർഷ ബിഎസ്സി എംഎൽടി ഡിഗ്രി സപ്ലിമെന്‍ററി പരീക്ഷാഫലം പ്രസിദ്ധീകരിച്ചു. റീടോട്ടലിംഗ്, ഉത്തരക്കടലാസുകളുടേയും സ്കോർഷീറ്റിന്‍റേയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ ബന്ധപ്പെട്ട കോളജ് പ്രിൻസിപ്പൽമാർ മുഖേന ഓൺലൈനായി പത്തൊന്പതിനകം അപേക്ഷിക്കേണ്ടതാണ്.
ഒന്നാംവർഷ എംഎസ്‌‌സി നഴ്സിംഗ് ഡിഗ്രി സപ്ലിമെന്‍ററി തിയറി പരീക്ഷാ തീയതി
മേയ് ഒന്പതുമുതൽ 16 വരെ നടക്കുന്ന ഒന്നാംവർഷ എംഎസ്‌‌സി നഴ്സിംഗ് ഡിഗ്രി സപ്ലിമെന്‍ററി (2016 ആൻഡ് 2010 സ്കീം) തിയറി പരീക്ഷാ ടൈംടേബിൾ പ്രസിദ്ധീകരിച്ചു.
രണ്ടാംവർഷ ബിഎസ്സി നഴ്സിംഗ് ഡിഗ്രി റെഗുലർ/സപ്ലിമെന്‍ററി പരീക്ഷാ രജിസ്ട്രേഷൻ
മേയ് 17ന് ആരംഭിക്കുന്ന രണ്ടാം വർഷ ബിഎസ്സി നഴ്സിംഗ് ഡിഗ്രി റെഗുലർ/സപ്ലിമെന്‍ററി (2016 സ്കീം ആൻഡ് അർഹതയുള്ള 2010 സ്കീമുകാർക്കും) പരീക്ഷയ്ക്ക് 25 വരെ ഓൺലൈനായി രജിസ്റ്റർ ചെയ്യാം. പേപ്പറൊന്നിനു 110 രൂപ ഫൈനോടുകൂടി 27 വരേയും 335 രൂപ സൂപ്പർഫൈനോടുകൂടി 28 വരേയും രജിസ്ട്രേഷൻ നടത്താം.
ഒന്നാംവർഷ മാസ്റ്റർ ഓഫ് ഒപ്റ്റോമെട്രി ഡിഗ്രി റെഗുലർ പരീക്ഷാ റീടോട്ടലിംഗ് ഫലം
ജനുവരിയിൽ പരീക്ഷ നടത്തി ഫലപ്രഖ്യാപനം നടത്തിയ ഒന്നാംവർഷ മാസ്റ്റർ ഓഫ് ഒപ്റ്റോമെട്രി ഡിഗ്രി റെഗുലർ പരീക്ഷാ റീടോട്ടലിംഗ് ഫലം പ്രസിദ്ധീകരിച്ചു.