സിയുഎസ്എസ്പി സര്ട്ടിഫിക്കറ്റ്: ഇ-മെയില്, മൊബൈല് നമ്പറുകള് മാറ്റുന്നതിന് അപേക്ഷിക്കാം
കാലിക്കട്ട് സര്വകലാശാലാ വിദൂരവിദ്യാഭ്യാസ വിഭാഗത്തില് 2019 പ്രവേശനം സിബിസിഎസ്എസ്യുജി വിദ്യാര്ഥികൾ കോഴ്സ് പൂര്ത്തീകരിക്കുന്നതിനായി കാലിക്കട്ട് സര്വകലാശാലാ സോഷ്യല് സര്വീസ് പ്രോഗ്രാം സര്ട്ടിഫിക്കറ്റ് സ്റ്റുഡന്റ്സ് പോര്ട്ടലില് അപ്ലോഡ് ചെയ്യണം. രജിസ്റ്റര് നമ്പര് ഉപയോഗിച്ച് സൈന്അപ്പ് ചെയ്താണ് സര്ട്ടിഫിക്കറ്റ് അപ്ലോഡ് ചെയ്യേണ്ടത്. അഡ്മിഷന് സമയത്ത് നല്കിയ ഇമെയില്, മൊബൈല് നമ്പറുകളിലേക്ക് അയക്കുന്ന ഒടിപി സൈന്അപ് ചെയ്യാന് ആവശ്യമാണ്. പ്രസ്തുത മൊബൈല് നമ്പറും ഇമെയിലും ഇപ്പോള് നിലവിലില്ലെങ്കില് മാറ്റുന്നതിനായി മെയ് 15 വരെ ഓണ്ലൈനായി അപേക്ഷിക്കാം. ഇമെയില് വിലാസവും അപേക്ഷയോടൊപ്പം വേണ്ട അനുബന്ധരേഖകളുടെ വിവരങ്ങളും മറ്റു വിശദാംശങ്ങളും വെബ്സൈറ്റില്.
പരീക്ഷ
നാലാം വര്ഷ ബിഎസ്സി. മെഡിക്കല് ബയോകെമിസ്ട്രി, മെഡിക്കല് മൈക്രോബയോളജി, മെഡിക്കല് ലബോറട്ടറി ടെക്നോളജി നവംബര് 2021 സപ്ലിമെന്ററി പരീക്ഷകളും നവംബര് 2020 കോവിഡ് സ്പെഷ്യല് പരീക്ഷയും ഏപ്രില് 2021 ഒറ്റത്തവണ റഗുലര് സപ്ലിമെന്ററി പരീക്ഷയും മെയ് 11ന് തുടങ്ങും.
മൂന്നാം സെമസ്റ്റര് ബിപിഎഡ് നവംബര് 2021 റഗുലര്, സപ്ലിമെന്ററി പരീക്ഷകള് മെയ് ഒന്പതിനും ഒന്നാം സെമസ്റ്റര് മെയ് 11നും തുടങ്ങും.
ഒന്നാം സെമസ്റ്റര് എല്എല്എം ജൂണ് 2021 റഗുലര് പരീക്ഷയും നവംബര് 2021 സപ്ലിമെന്ററി പരീക്ഷയും മെയ് 11ന് തുടങ്ങും.
അഫിലിയേറ്റഡ് കോളജുകളിലെ മൂന്നാം സെമസ്റ്റര് സിബിസിഎസ്എസ്യുജി. റഗുലര്, സപ്ലിമെന്ററി, ഇംപ്രൂവ്മെന്റ് പരീക്ഷകള് മെയ് നാലിന് തുടങ്ങും. വിശദമായ ടൈംടേബിള് വെബ്സൈറ്റില്.
പ്രാക്ടിക്കല് പരീക്ഷ
രണ്ടാം സെമസ്റ്റര് എംഎസ്സി. റേഡിയേഷന് ഫിസിക്സ് ജൂലൈ 2021 പരീക്ഷയുടെ വൈവയും പ്രാക്ടിക്കലും 29, 30 തീയതികളില് സര്വകലാശാലാ ഫിസിക്സ് പഠനവിഭാഗത്തില് നടക്കും.
പുനര്മൂല്യനിര്ണയം അപേക്ഷ നീട്ടി
നാലാം സെമസ്റ്റര് ബിഎസ്സി, ബിസിഎ ഏപ്രില് 2021 റഗുലര്, സപ്ലിമെന്ററി, ഇംപ്രൂവ്മെന്റ് പരീക്ഷകളുടെ പുനര്മൂല്യനിര്ണയത്തിന് അപേക്ഷിക്കേണ്ട അവസാന തീയതി 30 വരെ നീട്ടി.
പരീക്ഷാഫലം
പത്താം സെമസ്റ്റര് ബിആര്ക്ക് ഡിസംബര് 2021 സപ്ലിമെന്ററി പരീക്ഷയുടെ ഫലം പ്രസിദ്ധീകരിച്ചു.
ഓഡിറ്റ് കോഴ്സ് പരീക്ഷയ്ക്ക് ഓണ്ലൈന് മോഡല് പരീക്ഷ
കാലിക്കട്ട് സര്വകലാശാലാ വിദൂരവിദ്യാഭ്യാസ വിഭാഗം 2019 പ്രവേശനം ബിരുദ വിദ്യാര്ഥികള്ക്ക് ഒന്നാം സെമസ്റ്റര് ഓഡിറ്റ് കോഴ്സ് ഓണ്ലൈന് പരീക്ഷക്ക് മുന്നോടിയായി ഏപ്രില് 27ന് ഓണ്ലൈന് മോഡല് പരീക്ഷ നടത്തുന്നു. ബികോം, ബിഎ. സോഷ്യോളജി വിദ്യാര്ഥികള്ക്ക് 11 മണിക്കും മറ്റുള്ളവര്ക്ക് രണ്ടിനുമാണ് പരീക്ഷ. പരീക്ഷയുടെ ഓണ്ലൈന് ലിങ്കും നടപടിക്രമങ്ങള് വിശദമാക്കുന്ന വീഡിയോയും 26ന് എസ്ഡിഇ വെബ്സൈറ്റില് പ്രസിദ്ധീകരിക്കും. യഥാര്ഥ പരീക്ഷയുടെ സമയക്രമം പിന്നീട് ലഭ്യമാക്കും.
പരീക്ഷ മാറ്റി
കാലിക്കട്ട് സര്വകലാശാല ഏപ്രില് 25ന് നടത്താനിരുന്ന അഞ്ച്, ആറ് സെമസ്റ്റര് ബിഎ. മള്ട്ടി മീഡിയ പ്രാക്ടിക്കല് പരീക്ഷകള് മാറ്റി. പുതുക്കിയ തീയ്യതി പിന്നീടറിയിക്കും