ഒന്നാം വർഷ ബിഎസ്സി നഴ്സിംഗ് ഡിഗ്രി സപ്ലിമെന്ററി പരീക്ഷാഫലം
2022 ഫെബ്രുവരിയിൽ നടത്തിയ ഒന്നാം വർഷ ബിഎസ്സി നഴ്സിംഗ് ഡിഗ്രി സപ്ലിമെന്ററി പരീക്ഷാഫലം പ്രസിദ്ധീകരിച്ചു. റീടോട്ടലിംഗ്, ഉത്തരക്കടലാസുകളുടേയും സ്കോർഷീറ്റിന്റേയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ ബന്ധപ്പെട്ട കോളജ് പ്രിൻസിപ്പൽമാർ മുഖേന ഓൺലൈനായി മേയ് ഏഴിനകം അപേക്ഷിക്കേണ്ടതാണ്.
നാലാം വർഷ ബിഎസ്സി നഴ്സിംഗ് ഡിഗ്രി റെഗുലർ/സപ്ലിമെന്ററി പരീക്ഷ മേയ് 2022 അറിയിപ്പ്
2022 ഫെബ്രുവരിയിൽ നടത്തിയ ഒന്നാം വർഷ ബിഎസ്സി നഴ്സിംഗ് ഡിഗ്രി സപ്ലിമെന്ററി പരീക്ഷ വിജയിച്ചതിന്റെ അടിസ്ഥാനത്തിൽ, നാലാം വർഷ ബിഎസ്സി നഴ്സിംഗ് ഡിഗ്രി റെഗുലർ/സപ്ലിമെന്ററി പരീക്ഷ മേയ് 2022 രജിസ്റ്റർ ചെയ്യാൻ അർഹത നേടിയ വിദ്യാർഥികൾക്ക്, പ്രസ്തുത പരീക്ഷയ്ക്ക് ഇന്നു വരെ ബന്ധപ്പെട്ട കോളജുകൾ മുഖേന പിഴ കൂടാതെ രജിസ്ട്രേഷൻ നടത്താവുന്നതാണ്.
ഒന്നാം വർഷ ബാച്ച്ലർ ഓഫ് ഒക്യുപേഷണൽ തെറാപ്പി സപ്ലിമെന്ററി പ്രാക്ടിക്കൽ പരീക്ഷാ തിയതി
മേയ് നാലിന് തുടങ്ങുന്ന ഒന്നാം വർഷ ബാച്ച്ലർ ഓഫ് ഒക്യുപേഷണൽ തെറാപ്പി സപ്ലിമെന്ററി പ്രാക്ടിക്കൽ പരീക്ഷാ ടൈംടേബിൾ പ്രസിദ്ധീകരിച്ചു.
ഒന്നാം വർഷ എംഎസ്സി നഴ്സിംഗ് ഡിഗ്രി സപ്ലിമെന്ററി പ്രാക്ടിക്കൽ പരീക്ഷാ തിയതി
മേയ് 23നു തുടങ്ങുന്ന ഒന്നാം വർഷ എംഎസ്സി നഴ്സിംഗ് ഡിഗ്രി സപ്ലിമെന്ററി പ്രാക്ടിക്കൽ പരീക്ഷാ ടൈംടേബിൾ പ്രസിദ്ധീകരിച്ചു.
രണ്ടാം വർഷ ബിഎസ്സി നഴ്സിംഗ് ഡിഗ്രി സപ്ലിമെന്ററി പരീക്ഷാ റീ ടോട്ടലിംഗ് ഫലം
2022 ഫെബ്രുവരിയിൽ പരീക്ഷ നടത്തി ഫലപ്രഖ്യാപനം നടത്തിയ രണ്ടാം വർഷ ബിഎസ്സി നഴ്സിംഗ് ഡിഗ്രി സപ്ലിമെന്ററി പരീക്ഷാ റീടോട്ടലിംഗ് ഫലം പ്രസിദ്ധീകരിച്ചു.