ഒന്നാം വർഷ ബിരുദ പ്രവേശനം ഒന്നാം ഘട്ട അലോട്ട്മെന്റ് ഫീസ് ഒടുക്കുന്നതിനുള്ള അവസാന തീയതി 11
ഒന്നാം വർഷ ബിരുദ പ്രവേശനത്തിനുള്ള ഒന്നാം ഘട്ട അലോട്ട്മെന്റ് ലഭിച്ച അപേക്ഷകർ അഡ്മിഷൻ വെബ്സൈറ്റിൽ ലോഗിൻ ചെയ്ത് നിശ്ചിത സർവകലാശാല ഫീസ് 11 ന് വൈകുന്നേരം അഞ്ചിനകം ഓണ്ലൈനായി ഒടുക്കി തങ്ങളുടെ അലോട്ട്മെന്റ് ഉറപ്പാക്കേണ്ടതാണ്. ഓണ്ലൈനായി ഫീസ് ഒടുക്കിയ ശേഷം Transaction Success എന്ന രസീതിന്റെ പ്രിന്റൗട്ട് എടുത്ത് സൂക്ഷിക്കണം. മേൽപറഞ്ഞ രീതിയിൽ സർവകലാശാല ഫീസ് ഒടുക്കാത്ത അപേക്ഷകരുടെ അലോട്ട്മെന്റ് റദ്ദാകുന്നതും അവരെ അടുത്ത അലോട്ട്മെന്റുകളിൽ പരിഗണിക്കുന്നതുമല്ല. അലോട്ട്മെന്റ് ലഭിച്ച അപേക്ഷകർ തങ്ങൾക്ക് ലഭിച്ച സീറ്റിൽ തൃപ്തരല്ലെങ്കിൽ പോലും തുടർന്നുള്ള അലോട്ട്മെന്റുകളിൽ പരിഗണിക്കുന്നതിനായി സർവകലാശാല ഫീസ് മേൽപറഞ്ഞ രീതിയിൽ അടയ്ക്കേണ്ടതാണ്.
പരീക്ഷാഫലം
ഡിസംബറിൽ നടത്തിയ രണ്ടാം സെമസ്റ്റർ കരിയർ റിലേറ്റഡ് സിബിസിഎസ് ബിഎംഎസ് ഹോട്ടൽ മാനേജ്മെന്റ്, ബിഎസ്സി ഹോട്ടൽ മാനേജ്മെന്റ് ആന്ഡ് കാറ്ററിംഗ് സയൻസ്, ബിഎ കമ്യൂണിക്കേറ്റീവ് അറബിക് എന്നീ കോഴ്സുകളുടെ പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 22 വരെ ഓണ്ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ഡിസംബറിൽ നടത്തിയ രണ്ടാം സെമസ്റ്റർ ബിഎസ്സി കന്പ്യൂട്ടർ സയൻസ് (റെഗുലർ 2020 അഡ്മിഷൻ, ഇംപ്രൂവ്മെന്റ് 2019 സപ്ലിമെന്ററി, മേഴ്സിചാൻസ് 2018, 2017, 2016 2015 അഡ്മിഷൻ 2014 അഡ്മിഷൻ) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി 22 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
രണ്ടാം സെമസ്റ്റർ സിബിസിഎസ് ബിഎ, ഡിസംബർ 2021 (റെഗുലർ 2020 അഡ്മിഷൻ, ഇംപ്രൂവ്മെന്റ് 2019 അഡ്മിഷൻ, സപ്ലിമെന്ററി 2015, 2016, 2017, 2018 അഡ്മിഷൻ, മേഴ്സിചാൻസ് 2014 അഡ്മിഷൻ) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 19 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ഡിസംബറിൽ നടത്തിയ രണ്ടാം സെമസ്റ്റർ സിബിസിഎസ് ബിഎസ്സി (റെഗുലർ 2020 അഡ്മിഷൻ, ഇംപ്രൂവ്മെന്റ്,സപ്ലിമെന്ററി 2019 അഡ്മിഷൻ, സപ്ലിമെന്ററി 2015 2018 അഡ്മിഷൻ, മേഴ്സിചാൻസ് 2014 അഡ്മിഷൻ), 2022 ഫെബ്രുവരിയിൽ നടത്തിയ ബിഎസ്സി ഫിസിക്സ് വിത്ത് മാത്തമാറ്റിക്സ് ആന്ഡ് മെഷീൻ ലേണിംഗ് (2020 അഡ്മിഷൻ) എന്നീ പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 19 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ഡിസംബറിൽ നടത്തിയ ബികോം ടൂറിസം ആന്ഡ് ട്രാവൽ മാനേജ്മെന്റ് (338) പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനും 22 വരെ ഓണ്ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പ്രാക്ടിക്കൽ
ജൂലൈയിൽ നടത്തിയ ഒന്നാം സെമസ്റ്റർ കരിയർ റിലേറ്റഡ് സിബിസിഎസ് ബിഎംഎസ് ഹോട്ടൽ മാനേജ്മെന്റ് (റെഗുലർ 2021 അഡ്മിഷൻ, ഇംപ്രൂവ്മെന്റ് 2020 അഡ്മിഷൻ, സപ്ലിമെന്ററി 2017 2019 അഡ്മിഷൻ) കോഴ്സിന്റെ പ്രാക്ടിക്കൽ പരീക്ഷകൾ 23 മുതൽ ആരംഭിക്കും. വിശദവിവരങ്ങൾ വെബ്സൈറ്റിൽ.
ഒാഗസ്റ്റ് 11 ന് ശാസ്താംകോട്ട കെഎസ്എംഡിബി കോളജിൽ വച്ച് നടത്താൻ നിശ്ചയിച്ചിരുന്ന മൂന്നാം സെമസ്റ്റർ ബിവോക് സോഫ്റ്റ്വെയർ ഡെവലപ്പ്മെന്റ് കോഴ്സിന്റെ പ്രാക്ടിക്കൽ പരീക്ഷ 26 ലേക്ക് പുനഃക്രമീകരിച്ചിരിക്കുന്നു.
അഞ്ചാം സെമസ്റ്റർ ബിടെക് (ഡിസംബർ 2021) 2008 സ്കീം മെക്കാനിക്കൽ സ്ട്രീം ഇൻഡസ്ട്രിയൽ എൻജിനിയറിംഗ് ബ്രാഞ്ചിന്റെ മെഷീൻ ടൂൾസ് ലാബ് (08507) പ്രാക്ടിക്കൽ പരീക്ഷ ഒാഗസ്റ്റ് 12 ന് തിരുവനന്തപുരം കോളജ് ഓഫ് എൻജിനിയറിംഗിൽ വച്ച് നടത്തും. വിശദവിവരങ്ങൾ വെബ്സൈറ്റിൽ.
പരീക്ഷാഫീസ്
രണ്ടാം സെമസ്റ്റർ സിബിസിഎസ്എസ്,സിആർസിബിസിഎസ്എസ് (ബിഎ,ബിഎസ്സി,ബികോം,ബിപിഎ,ബിസിഎ,ബിബിഎ,ബിഎംഎസ്,ബിഎസ്ഡബ്ല്യൂ,ബി.വോക്.) (റെഗുലർ 2021 അഡ്മിഷൻ, ഇംപ്രൂവ്മെന്റ് സപ്ലിമെന്ററി 2020 അഡ്മിഷൻ, സപ്ലിമെന്ററി 2017, 2018, 2019 അഡ്മിഷൻ, മേഴ്സിചാൻസ് 2015, 2016 അഡ്മിഷൻ) പരീക്ഷകൾക്ക് പിഴകൂടാതെ 22 വരെയും 150 രൂപ പിഴയോടെ25 വരെയും 400 രൂപ പിഴയോടെ 27 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
രണ്ടാം സെമസ്റ്റർ സിബിസിഎസ്എസ് സിആർ സിബിസിഎസ്എസ് (ബിഎ/ബിഎസ്സി/ബികോം/ബിപിഎ/ബിബിഎ/ബിസിഎ/ബിഎംഎസ്/ബിഎസ്ഡബ്ല്യൂ/ബിവോക്) മേഴ്സിചാൻസ് 2014 അഡ്മിഷൻ പരീക്ഷകൾക്ക് പിഴകൂടാതെ 29 വരെയും 150 രൂപ പിഴയോടെ സെപ്റ്റംബർ ഒന്നു വരെയും 400 രൂപ പിഴയോടെ സെപ്റ്റംബർ മൂന്നു വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
എസ്ഡിഇ സ്റ്റഡി മെറ്റീരിയൽസ്
2020 അഡ്മിഷൻ വിദൂരവിദ്യാഭ്യാസം നാലാം സെമസ്റ്റർ പിജി കോഴ്സുകളുടെ സ്റ്റഡി മെറ്റീരിയൽസ് നേരിട്ടുള്ള വിതരണം ആരംഭിച്ചു. വിശദവിവരങ്ങൾക്ക് വെബ്സൈറ്റ് www.ideku.net സന്ദർശിക്കുക.
അപേക്ഷ ക്ഷണിച്ചു
രാജാ രവിവർമ്മ സെന്റർ ഓഫ് എക്സലൻസ് ഫോർ വിഷ്വൽ ആർട്സിലേക്ക് മാസ്റ്റർ ഓഫ് വിഷ്വൽ ആർട്സ് ഇൻ പെയിന്റിംഗ്, മാസ്റ്റർ ഓഫ് വിഷ്വൽ ആർട്സ് ഇൻ ആർട്ട് ഹിസ്റ്ററി എന്നീ കോഴ്സുകളിലേക്ക് അപേക്ഷകൾ ക്ഷണിച്ചു. പ്രവേശനത്തിനായുള്ള തീയതികൾ ചുവടെ ചേർക്കുന്നു പൂരിപ്പിച്ച അപേക്ഷകൾ സമർപ്പിക്കുവാനുള്ള അവസാന തീയതി 25, പ്രവേശന പരീക്ഷ സെപ്റ്റംബർ 12, അഭിമുഖം സെപ്റ്റംബർ 19, ക്ലാസുകൾ ആരംഭിക്കുന്ന തീയതി സെപ്റ്റംബർ 26.
ഡിപ്ലോമ ഇൻ കമ്യുണിക്കേറ്റീവ് അറബിക് സീറ്റ് ഒഴിവ്
അറബി വിഭാഗം നടത്തിവരുന്ന ഡിപ്ലോമ ഇൻ കമ്യൂണിക്കേറ്റീവ് അറബിക് അഞ്ചാം ബാച്ചിലേക്ക് ഏതാനും സീറ്റ് ഒഴിവുണ്ട്. താത്പര്യമുള്ളവർ 20 ന് മുന്പായി നിർദ്ദിഷ്ട അപേക്ഷ ഫോമിൽ അപേക്ഷിക്കുക. ഓണ്ലൈൻ ആയിട്ടാണ് കോഴ്സ് നടക്കുന്നത്. വിശദ വിവരങ്ങൾ www.arabicku.in എന്ന വെബ്സൈറ്റിൽ ലഭിക്കും. ഫോണ്: 0471 2308846, 9562722485