ബിപിഎ വയലിൻ, വീണ പരീക്ഷകളുടെ പ്രാക്ടിക്കൽ പരീക്ഷകൾ
2018 ഓഗസ്റ്റിൽ നടന്ന രണ്ടാം സെമസ്റ്റർ ബിപിഎ വയലിൻ, വീണ പരീക്ഷകളുടെ പ്രാക്ടിക്കൽ പരീക്ഷകൾ യഥാക്രമം ഡിസംബർ 10 മുതൽ 14 വരെയും, ഡിസംബർ 11 മുതൽ 13 വരെയും ശ്രീ സ്വാതിതിരുനാൾ സംഗീത കോളജിൽ നടക്കും. ടൈംടേബിൾ വെബ്സൈറ്റിൽ.
പരീക്ഷാഫീസ്
ഡിസംബർ 20 ന് ആരംഭിക്കുന്ന യൂണിവേഴ്സിറ്റി കോളജ് ഓഫ് എൻജിനിയറിംഗിലെ ഏഴാം സെമസ്റ്റർ (2013 സ്കീംറഗുലർ, 2016 അഡ്മിഷൻ) പരീക്ഷകൾക്ക് ഓണ്ലൈൻ രജിസ്ട്രേഷൻ 29ന് ആരംഭിച്ചു. പിഴ കൂടാതെ ഡിസംബർ 12 വരെയും 50 രൂപ പിഴയോടെ ഡിസംബർ 14 വരെയും 125 രൂപ പിഴയോടെ ഡിസംബർ 17 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2019 ജനുവരി ഒന്പതിന് ആരംഭിക്കുന്ന മൂന്നാം വർഷ ബിഎഎംഎസ് (സപ്ലിമെന്ററി) പരീക്ഷയ്ക്ക് ഡിസംബർ 12 വരെയും 50 രൂപ പിഴയോടെ ഡിസംബർ 14 വരെയും 125 രൂപ പിഴയോടെ ഡിസംബർ 17 വരെയും അപേക്ഷിക്കാം.
ടൈംടേബിൾ
ഡിസംബർ 17ന് ആരംഭിക്കുന്ന അഞ്ചാം സെമസ്റ്റർ എംസിഎ (2015 സ്കീം) റഗുലർ & സപ്ലിമെന്ററി പരീക്ഷയുടെ ടൈംടേബിൾ വെബ്സൈറ്റിൽ.
പരീക്ഷാഫലം
2018 സെപ്റ്റംബറിൽ നടന്ന നാലാം സെമസ്റ്റർ എംകോം (റഗുലർ, സപ്ലിമെന്ററി) പരീക്ഷാഫലം വെബ്സൈറ്റിൽ. സൂക്ഷ്മപരിശോധനയ്ക്ക് ഡിസംബർ 15 വരെ അപേക്ഷിക്കാം.
ജൂണിൽ നടന്ന എട്ടാം സെമസ്റ്റർ ബിഎഫ്എ (എച്ച്ഐ) പരീക്ഷയുടെ ഫലം വെബ്സൈറ്റിൽ. സൂക്ഷ്മപരിശോധനയ്ക്കും പുനർമൂല്യനിർണയത്തിനും ഡിസംബർ 15വരെ അപേക്ഷിക്കാം.
മേയിൽ നടന്ന ആറാം സെമസ്റ്റർ ബിടെക് (2008 സ്കീം) സപ്ലിമെന്ററി പരീക്ഷാഫലം വെബ്സൈറ്റിൽ. സൂക്ഷ്മപരിശോധനയ്ക്കും പുനർമൂല്യനിർണയത്തിനും ഡിസംബർ 19വരെ ഓണ്ലൈനായി മാത്രം അപേക്ഷിക്കുക. കരട് മാർക്ക്ലിസ്റ്റ് വെബ്സൈറ്റിൽ.
സന്പർക്ക ക്ലാസ്
വിദൂരവിദ്യാഭ്യാസ കേന്ദ്രം നടത്തുന്ന ഒന്നാം സെമസ്റ്റർ എംബിഎ സന്പർക്ക ക്ലാസ് ഡിസംബർ രണ്ടിന് (ഞായറാഴ്ച) കൊല്ലം യുഐടിയിൽ നടത്തും.
വിവാഹ പൂർവ കൗണ്സിലിംഗ് കോഴ്സ്
സംസ്ഥാന ന്യൂനപക്ഷ ക്ഷേമ വകുപ്പിന്റെ സാന്പത്തിക സഹായത്തോടെ അറബി വകുപ്പ് 25 വയസ് പൂർത്തിയായ യുവതീ യുവാക്കൾക്ക് സൗജന്യ വിവാഹപൂർവ കൗണ്സിലിംഗ് കോഴ്സ് സംഘടിപ്പിക്കുന്നു. ഡിസംബർ 9, 14, 15, 16 തീയതികളിൽ കാര്യവട്ടം കാന്പസിലാണ് പരിശീലനം സംഘടിപ്പിക്കുന്നത്. സൗജന്യ പരിശീലനത്തിൽ പങ്കെടുക്കുന്നവർക്ക് വകുപ്പിന്റെ സർട്ടിഫിക്കറ്റ് നൽകും. സംസ്ഥാനത്തെ വിദഗ്ധ പരിശീലകർ കോഴ്സിന് നേത്യത്വം നൽകും. രജിസ്ട്രേഷന് 9544576794 എന്ന നന്പറിൽ ബന്ധപ്പെടുക.