മും​ബൈ: മ​ഹാ​രാ​ഷ്ട്ര​യി​ലെ സോ​ലാ​പുര്‍ ജി​ല്ല​യി​ലെ ഉ​ജ്ജാ​നി ഡാ​മി​ല്‍ ബോ​ട്ട് മ​റി​ഞ്ഞ് കാ​ണാ​താ​യ അ​ഞ്ച് പേ​രു​ടെ മൃ​ത​ദേ​ഹം ക​ണ്ടെ​ത്തി. ഒ​രാ​ള്‍​ക്കാ​യി എ​ന്‍​ഡി​ആ​ര്‍​എ​ഫ് സം​ഘം തി​ര​ച്ചി​ല്‍ തു​ട​രു​ന്നു.

ഉ​ജ്ജ​നി അ​ണ​ക്കെ​ട്ടി​ന്‍റെ കാ​യ​ലി​ല്‍ ചൊ​വ്വാ​ഴ്ച വൈ​കു​ന്നേ​ര​മാ​ണ് അ​പ​ക​ട​മു​ണ്ടാ​യ​ത്. കു​ഗാ​വ് ഗ്രാ​മ​ത്തി​ല്‍ നി​ന്നും ക​ലാ​ശി ഗ്രാ​മ​ത്തി​ലേ​ക്ക് യാ​ത്ര​ക്കാ​രു​മാ​യി പോ​വു​ക​യാ​യി​രു​ന്ന ഫെ​റി ബോ​ട്ടാ​ണ് അ​പ​ക​ട​ത്തി​ല്‍​പ്പെ​ട്ട​ത്.

ഒ​രു സ്ത്രീ​യും ര​ണ്ടു കു​ട്ടി​ക​ളും ഉ​ള്‍​പ്പെ​ടെ ഏ​ഴ് യാ​ത്ര​ക്കാ​രാ​ണ് ബോ​ട്ടി​ല്‍ ഉ​ണ്ടാ​യി​രു​ന്ന​ത്. ഗോ​കു​ല്‍ ജാ​ദ​വ്, ഭാ​ര്യ കോ​മ​ള്‍, മ​ക​ള്‍ മ​ഹി(​മൂ​ന്ന്), ഒ​ന്ന​ര വ​യ​സു​ള്ള മ​ക​ന്‍ ശു​ഭം, ഒ​രു പോ​ലീ​സ് ഇ​ന്‍​സ്‌​പെ​ക്ട​ര്‍, രാ​ഹു​ല്‍ ഡോം​ഗ്രെ എ​ന്ന​യാ​ളും അ​ദ്ദേ​ഹ​ത്തി​ന്‍റെ ബ​ന്ധു​വു​മാ​യി​രു​ന്നു യാ​ത്ര​ക്കാ​ര്‍.

ക​ന​ത്ത കാ​റ്റി​ലും മ​ഴ​യി​ലും ഫെ​റി ബോ​ട്ട് മ​റി​യു​ക​യാ​യി​രു​ന്നു. അ​പ​ക​ട​ത്തെ​തു​ട​ര്‍​ന്ന് രാ​ഹു​ല്‍ നീ​ന്തി ര​ക്ഷ​പ്പെ​ട്ടു. ഇ​യാ​ളാ​ണ് അ​പ​ക​ട​വി​വ​രം ആ​ളു​ക​ളെ അ​റി​യി​ച്ച​ത്. അ​ഞ്ച് യൂ​ണി​റ്റ് എ​ന്‍​ഡി​ആ​ര്‍​എ​ഫ് സം​ഘ​വും പോ​ലീ​സും അ​ഗ്‌​നി​ര​ക്ഷാ സേ​ന​യും സം​യു​ക്ത​മാ​യാ​ണ് ര​ക്ഷാ​ദൗ​ത്യം ന​ട​ത്തു​ന്ന​ത്.